صِرَاعُ الْأَقْدَارِ

~♠..ch6..♠~

آستيريا... 💚💫

هلااااا بيكم..
في بارت جديد... 💚💫

‏_" إن كنت تملك وقتًا للقلق، فأنت تملك وقتاً للدُعاء."

ڤيان

للحظة حسيت كُلشي طفه بروحيّ ،غمضت عينيّ بقلق للحظات..... ساعات ..دقايق ..ثوانيّ ماعرف شكد صارليّ واني أفتر مثل المخبلة عليه.

فتريت المنطقة عليه وشهكاتيّ مجايّ توكف..
ماجايّ اركز ..وكل ما أتاخر.. كل ما يبتعد أكثر.. أحس راسيّ يوكف... علقيّ وين؟!!

أحجي بداخليّ بحرگة ،النار أكلتنيّ.
فجأة حسيت أحد خله ايده على جتفيّ وناده بأسمي"ڤيان؟!هايّ أنتي".. وكل جسميّ اتجه اله

وهمزين جنت اعرف صاحب هذا الصوت.
باوعت عليه وعيونيّ جمر كمل بقلق"شتسوين هنا وليش تبچين ڤيان أكو شى صاير ؟!" .. من سألنيّ

أنهاريت من القهر لان من صدك جنت ماعرف
شسويّ كتله بقهر وخنكة واحس جسميّ كُله يرجف "مصطفى.. ماكو.. مصطفى ضاع.. دورت عليه

ماكو .. انيّ... انيّ مخليته يم أم صهيب ..
وهي منومتهم وكاعدين ما لاكيّ... أكيد طلع... لو صارله شى.. اذا صارله شى محمد أني أموتّ.... والله

أموت.. والله مصطفى أمانه من أميّ شلون ضيعته.. انيّ ضيعت الامانه ".

~__♠♠♠♠__~

محمد

وره ما خلصت شغل لگاران و شفت ڤيان حسيت براحه نفسية قررت أرجع للبيت ،بس على نص الطريق أهليّ تذكر أميّ وصتنيّ على مسواك وهاي

السوالف .. بس من شفت ڤيان مرة ثانية ماصدكت عيونيّ وره ما سمعت كلامها...

وجعتليّ گلبيّ...
خطية فقدت علمود أخوها الصغير.. جانت تشهك وتحجيّ.

وحيلل مقهورة ،قربتها عليه وحضنتها كل قوتيّ.
ماجنت أتوقع أول حضنه النا تكون هيج ذبلانه بين ضلوعيّ....