مريم وايمن

P.A.R.T 15

حنين ويهتم بيهاا اما للتو بعد الغلطة الي عملها ما رقدش معاها والا مسها كلمة نحبك قالها كان كيف سمع بلي هيا حبلة بدت دبشها حطت راسها على المخدة وبقات تخمم في حل لين هزها نوم ‏ ايمن حس الدنيا بردت دخل بقا فالصالة متوحشهاا و يحبهاا يحب يعنقها ويقلهاا بارشاا كلام اما مش منجم قلها نحبك وقتها مالفرحة ما تحكمش في روحو كيفاه اعترف بمشاعرو من وقتها معادش عاود قالها ايمن مالنوع الي طبيعتوو صعيبة و ما يعترفش بحاجة بالساهل باقي يخمم ميعرفش منين طلعتلو بحكاية الكيرتاج تواا ‏ في جرت غلطة غلطهاا هواا وناادم هوا اغتصبها رغملي عندو الحق عليها هيا مرتوو باش يتولد بيبي صغرون هوا فرحان بيه خاطر بالنسبة ليه الصغير هذاكا باش يقربهم لبعضهم اكثر و باش يكسر الحيط الي ما بيناتهم هزو النوم وهوا يخمم فالصالة ‏------- صباح جديد قامت سناء فرحانة بدلت ومكيجت حابة تمشي تعمل طلة على فراس فالكلينيك بالنسبة لمريم قامت وهيا مقررة شنوا الحل الي باش يطمنها ويريحلها بالها ايمن زادة ليوم قام زاهي وفرحان صحيح مغشش عليها اما هواا مقرر باش يعترفلها بمشاعرو ليوم تلمو الكل على طاولة الفطور كل واحد فيهم يخمم في حكااية ميعرفوش الاحداث الي جايتهم والي باش تقلبلهم حياتهم فرااس كان فالكلينيك عندوو عملية مستعجلة كان الراجل مريض برشا ويلزموو يعملو العملية فيسع كان متغشش للتوب كيف دخلت سناء سألت السكريتارة ما جاوبتهاش و دخلت تجري للفراس سناء بقات حايرة كيفاه طفيها حلت الباب ودخلت فراس وقتها كان باش يدخل يعمل العملية صبااح الخير فراس اهلا سناء ميسال(قص عليها) سناء لاهي تو معنديش وقت لشي تنجم تروح تو بعد نجي نهزك مالدار خلاها ودخل بقات السكريتارة تخزرلها وتتبسم خرجت تكركر في ساقيها دموعها هابطة حقرها وزيد نبزها مريم ما لقات حتى حل يلزمها تتصرف و طيحوو اما كيفاه وهيا متعرفش لبلاد ومتعرف حتى حد

ينجم يعاونها هبطت فالدروج كانت تخزر للدرجات متاع الدروج هذا هوا الحل الوحيد هزت التاليفون و طلبتها تسمع فيه يصوني قامت م النوم هزت الرقم متعرفوش آلو آلو وص وصال انا مريم هههههه (ضحكت بخبث) اي وماهو لاباس تطلب فيا وصال انا حاجتي بيك في حكاية انا حبلة و نحب نطيح و ما فماا حد يعاونني عيشك امان عاوني ‏ كانت متكية على الفرش قامت ‏" انتي عارفة اش تحكي وا ايمن ما قلك شي ايمن ما فيبالوش امان عاونني وصال فرصة وجاتها باش تنتقم من ايمن وي عزيزتي نعاونك مع 13 نستناك قدام الفيلا اخرج ‏ علقت مريم و قامت لبست دبشها مريم ما كانتش حاسة بولدها فاللحظة هذيكاا كانت حاسة انو كيف تتخلص منو ايمن حنين وباش يسامحها و باش تتحسن العلاقة بيناتهم لبست وهبطت حميدة مريم بنتي وين ماشية ‏ ا ايمن يستنى فيا لوطة باش نخرجو وه شبيه يستنى لوطة علاه ما دخلش موش مستانس ماهو باش نخرجو فيسع ايا طاطا نخليك خرجت تجري ‏ ركبت مع وصال و هزتها لطبيب ‏ وصلو قدام الكلينيك متاع الطبيب مريم فالوقت هذاكا حست الي هيا تعمل في حاجة غالطة الجانب الحنين حست بالامومة حست الي هيا باش تقتل ولدها تراجعت وقالت لوصال الي هيا بطلت وتحب تروح وصال شدت الصحيح اما مريم بدات تبكي وتقلها روح بياا توو وصال جبدتها بالسيف ودخلتها لطبيب مدام شنوا اسمك تقول فيها وتبكي مريم آيمن بن علي هوا سمع الاسم حط الستيلو نحا الينات متاع النظر سامحني ما نجم نعملك شي كان بموافقة راجلك تكلمت مريم وصال هيا روح بياا الطبيب ماهوش باش ينحيلي ولدي شدتها وصال من ايدها وكبست عليها وتكلمت دكتور راجلها صعيب و ماهوش موافق وهيا معندهاش حل اخر امان عاونها الطببب حس الي مريم متحبش تعمل كيرتاج اما البنية الي بجنبها هيا تلز فيها ‏ قام استأذن منهم وخرج ---- ‏ آيمن غاطس فالخدمة كان مغشش الاوراق مفرعسين والدوسيات داخلة بعضهاا ‏ التليفون نوقز الو اهلا بالدكتور وينك اهلا ايمن لباس هاني الحمد الله وينك انت ايمن حاجتي بيك في موضوع تفضل ان شاء الله خير حكاالو الطبيب كل شي من كثر الغش الدوسيات رماها الكل فالارض كان عارفها تخمم في حكاية الكيرتاج اما ما تصورهاش تعملها وشكون الطفلة الي معاها الي تعاون فيها باش طيح ولدها مستحيل تكون سنااء هز مفاتح الكرهبة وخرج

فالوقت هذاكا الطبيب طرد وصال ومريم كانت خارجة من بيرو الطبيب دموعها على خدها دموع الفرح والندم تبكي خاطر كانت باش تخسر ولدها و تقتلو وتبكي مالفرحة خاطر ولدها مزال و الحمد لله الطبيب ما وافقش وصال كانت تمشي بجنبها كلها ترعش مالعصب هذي كانت فرصتهاا باش تتنقم من ايمن ومريم في نفس الوقت خلط قدام بيرو الطبيب وصال شافتو وهياا ركبت فالكرهبة فيسع و خلت مريم مريم الي باش تواجه ايمن وحدها ايمن وقتها كان يخزر كان لمريم ما شافش وصال كانت تخزرلوو كيفاه يمشي بزربة وجايها و لت ترعش بكلها خطفها من شعرهاا ودزها فالكرهبة طريق كامل وهيا تبكي هواا يسوق ويصيح عليهاا الكلام الي يوجع الكل قالهولها معندكش قلب مااكش ام ومستحيل تكون ام