هنسافر من وراه كانت هذه كلمات دانا لرحيق واسد وخالد وجلال وعز الدين الصغير وجومانا ونورسين
خالد بغضب :انتي عايزه يوسف يقتلنا مستحيل طبعا
اسد :دا انتحار يا دانا
جلال :انا مش معاكو مش مستعد لعلقه تانيه
جومانا :ولا انا
نورسين :على فكره انتو خوافين اوي إذا كان اهلينا عارفين هو ماله اصلا
دانا بهدوء :بقولكو ايه انا زهقت منكو انا هسافر كده كده سواء انتو معايا ولا لأ انتو حرين بقا الي عايز يجي اهلا وسهلا الي مش عايز في داهيه
تركتهم وذهبت
اسد :اختك اتهبلت على الاخر
عز الدين :بصو بصراحه بقا هي برضه عندها حق يعني ماما وبابا وكلهم عارفين حتى جدو ويوسف الي هيعترض
خالد وهو يزفر بضيق من توأمه التي تعاند لمجرد العند فقط
جلال الذي لاحظ سرحان جومانا :انتي يابنتي في ايه مالك مش عادتك يعني تسرحي كده
جومانا بضيق :مفيش حاجه
اسد :لا شكلك مش طبيعي
نورسين :ايوه اصل طنط دارين هزقتها جامد وحرمتها انها تروح المستشفى تاني غير لما تصلح غلطها
خالد :ليييه هببتي ايه عارفك مدب
جومانا وهي تحكي لهم ما حدث مع دكتور ماجد
اسد بغضب :انتي بتستهبلي ماهو عنده حق انا لو مكانه كنت لطشتك قلامين ولا انتي اتعودتي أنه كله بيحترمك غصب عنهم عشان انتي بنت صاحبة المستشفى
خالد :استنى بس يا اسد رد فعل طنط دارين كان ايه يا جومانا
جومانا :وهو تتذكر ما حدث بعد ذلك
فلاااااش باك
دارين وهي تضرب مكتبها بعنف :انتي نسيتي نفسك ولا ايه يا جومانا دي تربيتي ليكي هو دا الي انا عملتهولك انك تحترمي الي حواليكي والي اكبر منك انتي عارفه انتي عملتي ايه ولا جيتي على مين دا احسن دكتور جراح عندي دا قدم استقالته في ساعتها
جومانا :ياماما انا
دارين بغضب :انتي تخرسي خالص واضح اني دلعتك ذياده عن اللزوم مفيش فلوس ولا سفر تاني ولا خروج من البيت اصلا غير للمدرسه ومش هتيجي المستشفى هنا تاني غير لما تصلحي غلطك
جومانا :كل دا والله حرام انا مكنتش اقصد
دارين :تقصدي أو لأ انا في الكارثه الي انا فيها دلوقتي
جومانا :طب اصلح غلطي ازاي
دارين بسخريه :والله دي مشكلتك مش مشكلتي زي معملتي مشكلتك حليها برضه ويلا على البيت عشان عندي شغل
جومانا بحزن وهي تخرج من باب المكتب وهي تشعر بذنب لما حدث
باااااك
خالد :مامتك اتصرفت صح يا جومانا ولازم تصلحي غلطتك
نورسين :ايوه بس هتصلحها ازاي
اسد :تجيب رقم الدكتور دا طبعا وتكلمه وتحاول تعتذرله على الي حصل جايز يرجع
جومانا ببكاء :مستحيل انا معرفش حاجه عنه
عز الدين بذكاء يفوق مستوى عمره :انتي غبيه اوي يا جوجو اكيد ليه ملف عند مامتك في المستشفى وفي تلفونه وعنوانه تروحي تشوفيه
جلال :عز بيتكلم صح
جومانا بأمل :تمام وانا هروح دلوقتي اتصل برسبشن واسألهم
الجميع :تمام يلا دلوقتي
في شركه العابدين كان يوسف يجلس على الكرسي الخاص بمكتبه يتذكر حبيبته فتح درج من الادراج وأخرج صورتها وصار يتأملها بشده كيف كبرت وصارت جميله حد اللعنه هكذا قطع كل هذا طررق سريع على الباب
السكرتيره :سيد يوسف هناك انسه في الخارج تريد مقابلتك
يوسف باستغراب :أجل دعيها تدخل
رحيق :أبيه يوسف
يوسف بابتسامه :اهلا اهلا رحيق هانم عندنا في الشركه وانا اقول المكتب نور ليه
رحيق بخجل :ميرسي يا أبيه انا جيت زي متفقت مع حضرتك ومع انكل سليم
يوسف :انتي خلاص نويتي على موضوع الشركه دا
رحيق :طبعا لو مش هيضايقكو
يوسف :بالعكس دا شرف لينا بس في مشكله صغيره
رحيق :ايه هي
يوسف :مش انا الي هدربك
رحيق :امال مين
يوسف :بصي يا ستي المدير العام لشركة هو الي هيدربك دا صديق عمري متخافيش وكمان عشان تتعودي تتعاملي مع جميع الفئات
رحيق :الي حضرتك تشوفه
يوسف :تمام ثانيه واحده اعدي ثواني
رفع هاتف العمل ليطلب من السكرتيره :اذهبي الي اكمل لكي يأتي الي الان
وبعد دقائق فقط دخل اكمل رفعت عينيها إليه فزهلت منه كم هو وسيم جدا أما هو فتصمر مكانه كم هي رائعه وهادئه جمالها الهادئه
يوسف :اكمل دي رحيق الي قولتلك عليها امبارح
اكمل :اه اه تمام مفيش مشكله
يوسف :رحيق دا اكمل صاحب عمري وليه طبعا شركه منفصله بس هو بس هو برضه بيساعدني هنا في كل حاجه
اكمل :دا واجبي يا يوسف متقولش كده
رحيق :اهلا بحضرتك
اكمل بابتسامه هادئه:لا حضرتك ايه قوليلي اكمل بس حضرتك دي في الشغل غير كده لا تمام وان شاء الله هتنبسطي معانا
يوسف :انا كده اطمنت على رحيق الحمدلله انا هروح عشان عندي اجتماع مهم جدا بعد نص ساعه رحيق لو عوزتي اي حاجه اكمل هنا زيي بظبط تمام وطبعا أنا موجود
رحيق :ميرسي يا أبيه
اكمل بضحك :حتى انتي بتقولي أبيه لا اله الا الله
يوسف بغضب خفيف :اكمللل
اكمل :خلاص خلاص تمام سكت اهو
رحيق :أبيه يوسف في حاجه كده كنت عايزه اقولها ليك بس عشان تاخد بالك عشان انا خايفه عليها
يوسف :قصدك ايه وقصدك مين
رحيق بقلق من رد فعله :اصل دانا يعني
يوسف بقلق :مالها دانا يا رحيق انطقي
رحيق وهي تقول الجمله مره واحده كي لا تخونها الكلمات :اصل هي هتسافر من وراك !!
أنت تقرأ
الصقر الجريح (الجزء الثالث من سلسه عشق الانتقام )
Actionاحبها منذ نعومه أظافرها بل عشقها كان هو حاميها في كل شئ هو منقذها بل هو بطلها الخاص فهو بارد حد الجليد ولكن معاها يصبح الطفل الوديع هي قويه جدا وذكيه أيضا تحبه منذ أن ولدت عندما يكون بجانبها فأن امان العالم يغافلها هو يحبها ولكن يضع بينهم حواجز تح...
