ادم :وانا موافق يا مازن كل الي انت قولته دا مقللكش في نظري أو نظر اي حد في الاعدين بالعكس انت كبرت اكتر في نظري وأنك فعلا هتحب بنتي وتحافظ عليها أما موضوع الخلفه دا دي هي الي تحددها مش انا
مازن بخوف :انا خايف اكيد هترفض اكيد نفسها تكون ام
نورسين :بس انا موافقه يا مازن
نظر إليها مازن وكان وجهها شديد الحمره من كثرة البكاء فعلم أنها استمعت الي كل ما قاله اقتربت منه بعد أن نظرت لابيها فهز رأسه بهدوء :ممكن تسبوهم شويه يا جماعه لوحدهم
خرج الجميع من المكان وتركهم بمفردهم نورسين وهي تجلس على ركبتيها أمامه وتمسك يديه وترفع وجهه لها
نورسين :انا موافقه يا مازن موافقه اعيش معاك مش مهم اي حاجه انت ابني وحبيبي وكل حاجه في الدنيا ليا بعد بابا وماما ويامن انا حبيتك من اول يوم شوفتك فيه انا عارفه انك تعبت في حياتك اوي وعارفه أنه مش سهل بس احنا نعديها سوا
مازن بصدمه :يعني بجد موافقه يانور
نور :مازن انا بحبك
مازن وهو يحتضنها :وانا بعشقك ياروح مازن وحياته كلها اوعي تسبيني يا نوري انا من غيرك ولا حاجه
نور وهي تبكي :المهم انك انت الي متسبنيش
مازن وهو ينظر إليها بعشق :عمري وهتعالج واعمل كل حاجه عشان تبقي ام
نور :وانا معاك في كل حاجه وحتى لو مفيش خالص انت هتفضل ابني
ادم من بعيد بصوت مرح :حلقة العشق الممنوع خلصت انا ابوها وبقول كفايه كده اتلمو خلاص
مازن :انا عايز اتجوز في اسرع وقت يا آدم مش هقدر اعيش اكتر من كده من غير نور
ادم :والكليه
مازن :مالها نور كده كده هتبقى معايا في الشركه والكليه هنتابعها عادي زي ما هي عايزه
ادم وهو ينظر إلي نور التي تضع وجهها في الأرض من الخجل فابتسم على ابنته واحتضنها بشده :كبرتي يا نور وهتسبيني
نور وهي تحتضنه :مستحيل يا بابا انت الي في القلب برضه يا ادومي
ادم :بنت عيب امك تيجي تقتلنا انا ادومها هي وبس
اسيل :روح قلبي ادومي
ادم وهو يحتضنها :اسيلي
يامن :بس هي اسيلي انا وبس
ادم :امشي ياض من هنا دا ايه ياربي دا بس حرام والله
شهاب بهدوء :بصو بقا كده يبقى مفيش مشاكل الحمدلله نحدد بقا معاد الخطوبه
ماجد :معلش انا عايز كتب كتاب على طول
اكمل :وانا كمان
مازن :وانا كمان
ليث :على طول كده
اكمل :ايوه لان يعتبر الفتره الي فاتت دي كلها كانت خطوبه كفايه كده واحمد ربنا يا ليث اني مقولتلكش فرح
ليث :دا عند امك طب ايه رايك بقا مفيش جواز انا بنتي هتعد جمبي لحد ما اموت صح يا رحيق
رحيق بخجل :بعد الشر عليك يا ليثي
ليث وهو يضمها :يا روح ليثك بس ليثي دي بتاعت وعدي وبس المهم انتي موافقه على الي بيقولو زفت دا
رحيق :متقولش عليه زفت يا بابا
اكمل :قلبي يا ناس
رحيق :لا متفرحش اوي كده انا بس عشان الناس
اكمل :اصيله يا روحي
ليث :متقولهاش روحي
اكمل :يااااااادي النيله خلصو امي امتى
عاصم :انا بقول كمان اسبوعين كويس عشان نلحق نجهز الدنيا
سليم :موافقين يا شباب
الشباب :تمام موافقين
ليث :موافقين يا بنات
البنات ما عدا تلك التي كانت شارده في حبيبها الذي ينظر إليها بخبث لا تعلم لما يفعل ذالك ولكن الم يقول إنه لن يتزوجها اذا لماذا حقا سأكون زوجته بعد اسبوعين !!
البنات :موافقين
عاصم :جومانا ساكته ليه يا حبيبتي مش موافقه ولا ايه
جومانا :ها الي حضرتك تشوفه يا بابا
دارين وهي تقترب منها :مالك يا حبيبتي فيكي ايه انتي كويسه
جومانا بهدوء :اه يا ماما انا كويسه وفرحانه جدا بس تعبانه اوي وعايزه انام بعد اذنكو
تركتهم وصعدت الي غرفتها أغلقت الباب عليها ارتمت على سريرها وراحت تبكي بمراره كبيره لتخرج ما بداخلها
في الاسفل كان الجميع متعجب من ردة فعل جومانا ولكن ماجد هو الوحيد الذي يعلم ما يدور بداخلها ولكن الصمت الان هو الافضل
شهاب :خلاص يا شباب نبدأ من اول بكره البنات تنزل تجيب الحاجات الي نقصاها اه صحيح يوسف هي دانا فين
يوسف :دانا مع واحده صاحبتها تعبانه شويه راحت تطمن عليها وهتفرح اوي بالي حصل
سليم وهو يقترب من يوسف ويهمس له :إلا قولي صحيح انت ودانا كويسين
يوسف بهمس :جدا
سليم :يعني انتظر حفيد قريب
يوسف :عيب عليك طبعا .
سليم :الف الف مبروك يا جو
ماهي :مبروك يا حبيبي
يوسف :الله يبارك فيكي يارب المهم تكوني دايما راضيه عني
ماهي بهدوء :انا من يوم مدخلت حياتي وبقيت مسؤوله عنك وانا راضيه عنك وبعدين انت ابني قبل مراتك وخالد وعز يعني أنا عندي اربعه مش تلاته
يوسف :ربنا يخليكي ليا يا احلى ام في الدنيا
ماهي وهي تربت على كتفه :ولا منك يا يوسف
شهاب :انا هروح اكلم فؤاد وقسمت عشان هما اكيد منتظرين فرحو اوي اول معرفو وعشان يحضرو نفسهم كمان يجو
مازن :طب نستأذن احنا بقا يلا يا ماجد يلا يا اكمل
شهاب :يابني متعدو وتتعشو معانا
اكمل :معلش يا جدي يوم تاني اكيد وبعدين خلاص هتلاقونا هنا كل يوم
ودعو الجميع الشباب ذهب يوسف لغرفته ليرتاح قليلا ويتصل على دانا التي ردت عليه وقالت إنها قادمه لا ينكر أنه لا يريد لها أن تبتعد عن عينيه ولكن هي أيضا معاها حراسه وستكون بخير يأمل فقط ذالك
دخلت دانا الغرفه بعدها بقليل وجدت يوسف غافل على السرير عاري الصدر ينام بعمق شديد اقتربت منه بهدوء حتى لا يشعر بها وجدته نائم حقا اخذت ثيابها ودخلت للحمام لتنهي حمامها خرجت بعد عدة دقائق وابدلت ثيابها بأخرى لمنامة قصيره تصل لأعلى ركبتيها من الستان الوردي الفاتح جففت شعرها دثرت نفسها في احضان زوجها الذي احس بها من وقت ما دخلت ولكن تركها لتأخذ راحتها ضمها إليه بشده فتح عينيه ليراها ليجدها تنظر إليه نظره عاشقه اقترب منها وهمس بين شفتيها :وحشتيني
دانا بخجل :وانت اكتر
يوسف وهو ينظر إليها نظرة فهمتها دفن وجهه في عنقها يستنشق رائحتها التي تفقده عقله تماما سمع همهماتها
دانا :يوسف انا تعبانه
يوسف وقد أظلمت عيناها برغبه :وانا هريحك
وقد اخذها في عالمه الخاص الوردي لا يوجد فيه سواهم عشقهم وشغفهم فقط
في مكان آخر نزلت هي وهو من الطائره معلنة عن وصلها لايطاليا
هي :جيتلك يا مازن أخيرا جيت
هو وهو يضع يديه على كتفها :ايوه رجعنا واوعدك هناخد كل حاجه منه !!!
أنت تقرأ
الصقر الجريح (الجزء الثالث من سلسه عشق الانتقام )
Actionاحبها منذ نعومه أظافرها بل عشقها كان هو حاميها في كل شئ هو منقذها بل هو بطلها الخاص فهو بارد حد الجليد ولكن معاها يصبح الطفل الوديع هي قويه جدا وذكيه أيضا تحبه منذ أن ولدت عندما يكون بجانبها فأن امان العالم يغافلها هو يحبها ولكن يضع بينهم حواجز تح...
