الصقر الجريح (الجزء الثالث من سلسه عشق الانتقام )

الفصل الثامن عشر

قبل مبدأ بحب اوي اشكر كل الناس الي بتقرالي بجد مبسوطه اوي اوي ومتبطلوش ابدا ابدا 😂 خصوصا الكومنتات عشان بحبها ❤️
🔥🔥🔥🔥🔥🔥
كان الجميع ينظر إليها بصدمه اما هو كل ما رأى أمامه أنه سيخسرها حتى لو كانت لساعات !!

سليم بغضب :نعم ايه الي انتي بتقولي دا انسي انا مستحيل اسيبك تموتي نفسك هنلاقي اي حد تاني مش مهم ندفع كل الي ورانا والي قدامنا الا كده
اسيل :لا انا انا بنته واكيد مطابقه ليه
دارين :مش شرط يا اسيل عشان بنته احنا نعمل تحاليل لماهي ونشوف اذا فعلا مطابق ليه ولا لأ
ماهي بثقه :لا مطابق وانا متأكدة وبرضه نعمل تحاليل
سليم بغضب وهو يمسكها بقوه :وانا قولت لا يا ماهي ومش بعد العمر دا كله هتكسري كلمتي انا مستحيل أقبل كده
ماهي ببرود :وانا مش باخد رأيك انا بقول الي هيحصل
التفتت الي الطبيب الذي يقف بزهول من هذه العائله
ماهي :هيا بنا انا اريد ان يتم اخذ عينه مني للفحص
الطبيب :حسنا تفضلي
ماهي وقد ذهبت معه وتركت الجميع واخصهم السليم الذي احس بسحب روحه منه ببطئ وضع يديه على الحائط يتنفس بصعوبه احتضنه ادم وايضا عاصم وسيف الذي لاول مره يرى سليم بهذا الضعف أمامهم فهو كان دائم خير الاخ والصديق والاب أيضا دانا المنهاره في صدر يوسف الذي يضمها إليه بحنان وقلق عليها وعلى ماهي وعلى جده فؤاد أيضا اسيل التي كانت جامده مكانها لا تعلم ماذا تفعل هل ستخسر أباها أيضا بعد أمها ملك والتي كانت تبكي مثل يوم وفاه ابيها وامها هل تخسر اليوم ايضا أباها للمره الثانيه ولكن هذه المره كانت ايضا معها اختها
بعد ساعتين من الانتظار المميت خرج الطبيب هو وماهي التي كانت جامده تماما لا تتحدث ولا حتى تبكي ولا اي شئ فقط الجمود
الطبيب والجميع ينظرون إليه بأنتباه :مدام ماهي مطابقه للمواصفات وسيتم فورا الان العمليه ولكن يجب أن تمضي على هذه الورقه لكي تكون هي التي مسؤوله عن نفسها ويكون قرارها
سليم بغضب وهو يمسك الطبيب :ورقة ماذا ستكون هذه ورقة وفاتك
ماهي وهي تهدأ الأوضاع بينهم :سليم ارجوك اهدا حبيبي اهدا
سليم وبعد أن تركه ذهب إليها احتضنها بشده كان صوته يخرج بصعوبه بالغه :ماهي عشان خاطري بلاش نشوف أي حد تاني
ماهي بدموع لاول مره يراها الجميع :سليم تفتكر دا مش حق بابا عليا انت ناسي هو ايه بنسبه ليا لولاه كان زماني لسه في الشارع مفتحه عين ومغمضه عين كان زماني لسه لوحدي مكنش زماني عندي عيله كده ولا كان زماني اتعرفت عليك وحبيتك مسكت يديه بشده انا بحبك اوي يا سليم فوق متتخيل يمكن عمري مكنت البنت الدلوعه الي بعرف اقول كلام حلو وانت استحملتني كتير اوي بس انت اغلى من حياتي كلها انت ودانا وخالد وعز ويوسف كمان انتو ولادي وانت ابني الكبير انا بتنفسك انت الهوا الي بتنفسه انت احسن زوج وصاحب واب انت كنت ضهري وسندي وهتفضل كده طول مانا فيا نفس حتى لو مت مش هبقى زعلانه عشان عارفه انك هتعمل كل حاجه صح ويمكن احسن مني كمان لو جرالي حاجه يا سليم خلي بالك من عيالنا انت كبير العيله دي جمعهم دايما حواليك اوعى تجوز يا سليم عشان مقتلكش واقتلها وهطلعلك في احلامك وكوابيسك ومش هخليك تتهنى ابدا قل لن يصيبنا الا ما كتب الله لنا كل الي مكتوبلي هشوفه ولازم تكون عارف أن الي كان مكتوبلي زمان اينعم اتعذبت كتير اوي بس كله راح لما حبيتك وربنا عوضني بيك انت أعظم عوض ممكن حد يشوفه
احتضنها بقوه شديده كانو الجميع يبكون تركت احضان سليم وذهبت الي قسمت التي كانت تبكي بشده :ايه يا سوسو مالك فؤش حبيب القلب هيرجع وهيرجع احسن من الاول كمان بس والنبي بلاش عند وريحيه دايما طبعا انا اخر واحده اتكلم عن العند بس والله العظيم فؤش احلى حاجه في حياتنا كفايه أنه مجمعنا دايما متخافيش انا عايزه اقولك حاجه من يوم مدخلت بيتك عاملتيني اكتر من اسيل وملك ودارين لا وكمان خليتيني وصيه عليهم في بعض الأحيان كنتي امي وصاحبتي واختي الي بنام في حضنها مكنتيش بتسبيني ثانيه طب انتي عارفه لو كانت امي عايشه عمرها ماكانت هتكون حنينه زيك كده عليا
احتضنتها قسمت بقوه وصارت تبكي على صغيرتها نعم فمهما كبرت وصارت زوجه وام تبقى صغيرتها
تركتها ماهي وذهبت الي يوسف ودانا :دانا حبيبت ماما واول فرحتي انتي واخوكي عايزاكو تعرفو انكو مش بس ولادي لا انتو نسخه مني وانا صغيره خلي بالك من جوزك ومن اخوكي لو جرالي حاجه انتي الست الي بعدي وخلي بالك من عز الدين واحكيله دايما حدوته قبل مينام
نظرت إلي يوسف الذي كانت ايضا يبكي على والدته :يوسف انت بقا حاجه تانيه خالص انا لسه فاكره اول مره شوفتك فيها اول مره جريت على حضني واستخبيت فيه اول مره تتكلم بعد سنين طويله اول مره تروح المدرسه ويوم نجاحك ويوم تخرجك وكل حاجه عيشتها معاك اول مره خلي بالك من دانا وحطها في عنيك انا عارفه انك بتحبها اكتر من نفسك وعارفه اد ايه هي عنيده بس مفيش اطيب منها وهي كمان بتحبك اوي خلي بالك منها ومن خالد دي وصيتي ليك يا يوسف متقولش حاجه انا عارفه وحاسه بيك وبيكو كلكو ربنا يحميكو دايما لبعض
ذهبت الي ليث الذي كانت ايضا يبكي هو ووعد :ايه يا ابو الليوث مالك انشف كده
ليث :اول مره يا ماهي احس ان ضعيف كده لما كنت بفكر كنت دايما بقول انا حتى لو ضعفت انتي هتقوميني ومش هتسبيني دلوقتي انا بقيت من غير ضهر حاسس انني مكسور ومليش ضهر حاسس كاني عريان في وسط الناس انتي كنتي اختي وصاحبتي وضهري وسندي دايما كنتي معايا خطوه خطوه اروح لمين بعدك انتي الوحيده الي كنتي مرايتي
ماهي وهي تمسك ايد وعد وتضعها على قلب ليث :لا يا ليث غلطان ضهرك الي بجد هي وعد وعدك الي عمرك متكسره انا كنت مجرد بس زي السلاح الي انت مقوي نفسك بيه بس السلاح الحقيقي هي عيلتك حافظ عليها يا ليث اوعى تزعلها عشان معلقكش زي زمان فاكر انت كبرت خلاص وبنتك هتتجوز وانتي يا وعد خلي بالك من اخويا انا مليش غيره
وعد وهي تحتضنها بشده :انا بحبك اوي اوي يا ماهي ربنا يقومك بسلامه يارب
ماهي وهي تذهب لاسيل وادم :اسيل المجنونه بتاعتنا الي كانت دايما تهرب من الحراسه بتاعت ابوها والي بنتها طالعه اجن منها انا بحبك اوعي تفتكري اني بعمل كده عشانك لا يا ماما انا بعمل كده عشان فؤش فؤش دا حبيبي وابويا وصديقي قبل اي حاجه ولا اقولك
اقتربت منها وهي تمسح دموعها وشهقاتها التي تعلو :عشانك برضه وعشان مشوفش الدموع من العنين الحلوه دي عشان يقوم ويحضر فرح نور ومازن
ذهبت الي ملك أيضا وسيف التي كانت تبكي في أحضانه :بلاش يا ماهي والنبي احنا ملناش غيرك
ماهي :ملوكه حبيبتي دا انا الي بقول عليكي قويه وبتعرفي تاخدي حقك اينعم بتيجي عند سيف وتقلبي بطه بلدي بس مش مهم خلي بالك من نفسك وبعدين تفتكري الحوت مش هترجع لا ياختي هرجع أن شاء الله واعده على قلبكو كمان امال مين هيحل مصايبكو ها
ذهبت الي دارين :دارين انتي طبعا هتبقي معايا في العمليات اوعي تتضعفي أو تعيطي انا بقولك اهو والا نرفض انك تدخلي معايا اتفقنا وابقي خلي بتك تخف على الواد ماجد شويه ها بلاش ام المناخير المرفوعة دي والنبي بدال مخلي ماجد يكسرهالها بس بقا كفايه متعيطيش عشان خاطري
ذهبت الي شهاب الذي كان قدميه مثل الهلام لا يقدر على والوقف كان يجلس ويضع وجهه بين كفيه وقفت أمامه ترفع وجهه إليها قبلت رأسه بهدوء :ايه يا شيبو مالك بس انا زي الحصان اهو وهطلع حصان برضه بس ناقص كليه واحده بس انا بس عايزه اقولك انك بجد احسن صاحب عمر لفؤش متتخيلش هو بيحبك ازاي وانا كمان بحبك اوي اوي خلي بالك من سليم لو جرالي حاجه اسنده وخليك معاه متسبهوش لوحده ابدا
ماهي وهي تنظر للجميع بحزن وبداخلها خائفه جدا فطبيب أخبرها أن وضعها صعب ومن الممكن أن تموت بعدها منعت دموعها من النزول وابتسمت في وجهه الجميع الذين كانو يبكون بمراره عليها :مخلاص بقا يا جماعه ادعولي المهم فؤش يقوم بسلامه يارب ادعولي كتير
نظرت إلي الطبيب الذي كان حزين لأجلها وأشارت لدارين بتحرك لغرفة التعقيم
ماهي :انا كده جاهزه !!