سيرة الحب

جزء ١٨

🌹🌹الجزء الاخير 🌹🌹

🌺🌺 أما بعد :لن أحب أحدا بعدك،أما قبل :فأنا أساسا لم أعرف الحب إلا بك...!* 🌺🌺

اقترب وليد منهم بهدوء وقف أمام والدته وضعت يدها على وجهه لتتأكد أنه أمامها وليس حلم كل ليلة قبل يدها ورأسها وسط دموع الجميع من هذا اللقاء الأقوى .. ألقى التحية على الجميع نظر ل حنان الصامته رغم اشتياقها له الإ انها غاضبة منه بسبب اختفائه وعدم تواصله معهم اتجه إليها لتنظر للاتجاه الأخر
وليد بعتاب: توقعت انك تتخانقى معايا زى زمان لما كنت أتأخر مش ترفضى تكلمينى
حنان بدموع : إزاى قدرت تختفى كل السنين دى سألنا عنك كتير بس للأسف
وليد بتنهيدة : تعتقدى سهل عليه يعنى أبعد بس وقتها الأفضل كان أمشى
تالا وهى تقترب منهم : عمتو عندى اقتراح عاقبيه زى ماما
حنان بابتسامه : ماما بتعاقبه ليه
تالا : بابا دايما يعمل موبايله صامت مش بتكلمه يوم كامل
حسن بمزاح : بنتك بتهدى الحاله بينكم على حسابى
وليد وهو يضم حنان : أعتقد العقاب ده مناسب لك ' همس لها ' أسف بس كان غصب عنى مكنتش عاوز أعرضكم لخطر بسببنا متعرفيش وحشتينى قد أيه
حنان وهى تنظر له: مش هتبعد عننا تانى والا هنفذ عقاب مراتك بس مش يوم كامل
دخلوا معا بعد أن تعرفوا على بعضهم
عفاف : فين مراتك يا وليد مش هنا ليه
نظر وليد لهم وصعد ليطمئن عليها وجدها تنتظره اقترب منها
وليد بحب : كفاية خوف بقى انسى اللى فات خلينا نفكر فى المستقبل
تمارة بألم : بخاف افرح دايما الفرحه تنتهى بسرعه .. مش عاوزه المستقبل لو إنت مش معايا فيه ' تنهدت بحزن ' ياترى والدتك هتسامحنى انا اللى فرقتها عن ابنها أعتقد هترفض وجودى زى زمان
نزل وليد لأسفل وهى معه متردده من هذا اللقاء وقفت أمامهم البعض مترقب
اقتربت عفاف منها وضمتها بقوه لتبكى تمارة بقوة كأنها كانت تنتظر أن يسمح لها أحد بالبكاء
هتفت حنان بمرح : عاوزه أسلم على مرات أخويا قبل العقاب يا ماما
عفاف : مفيش حد يقدر يعاقبها وأنا موجودة
نظرت ل ماجدة الصامتة ثم جلست أمامها على الأرض
تمارة بحزن : سامحينى اني فرقت بينك وبين وليد حاولت كتير أقنعه يعرفكم مكانه بس كان رافض بسببى أنا محتاجه لحضنك قوي لو عاوزه تعاقبى حد مننا يبقى أنا
نظرت لها كثيرا وجدت عينها ممتلئة بالدموع لينصدم الجميع مما فعلته معها حتى وليد وجدوها تضمها بقوة
ماجدة وهى تبتعد عنها : أنا هسامحك علشان ابنى بيحبك وكمان علشان أحفادى كنت بقول عندى بنت واحدة بس لما دخلتى البيت وعرفت ابنى ليه متمسك بكى قولت عندى بنتين رغم غضبى منكم بسبب غيابكم لكن مش قادرة اعاقبكم .. مضطره اسامحكم علشان ولادكم بس عاوزه وعد بلاش تبعدوا تانى
بعد عدة محاولات من وليد لاقناعهم أن يظلوا معه وافقوا ولكن رفض حسن أن يقيم معهم ليعيش فى شقة وليد القديمة وتبدأ حياة جديدة لهم

عند رائد كان يجلس مع صديقة ليقترب منه والده هتف بغضب
جمال: بتطردنى من البيت قولت انك هترفض تسمع كلامهم ضحكوا عليك
رائد بهدوء: أنا عرفت عنوان بنت عمك هنفذ الخطه لكن توعدنى انك مش هتإذى أمى ولا أخواتى .. أنا مش عارف النهاية هتكون لصالح مين بس بلاش تقرب منهم هرجع لك حقك مقابل تبعد عنهم
جمال : أيه خطتك طيب
رائد بابتسامه : خليها مفاجأة فى خلال شهرين هيكون كل شئ منتهى
غادر جمال وترك رائد يفكر فى أسرته ويفكر هل سيعود مره أخرى أم ستكون النهاية له جائه اتصال ليغادر مسرعا لمكان مهجور ويلتقى بأحدهم
§§§ البطاقة جاهزة وكمان ورقك كله مترتب عاوز ٥٠٠٠٠ جنية
أخرجهم من جيبه بسهولة ليبتسم بألم لما هذا التوتر والقلق الآن .. ما الذى صار له ليشعر بهذا الشعور يفكر فى حديث والدته هل حقا والده يريد أن يحصل على المال بأى طريقة طال الصمت ليجد المكان فارغ والورق أمامه .. عاد للمنزل وجد والدته فى انتظارة يبدو عليها القلق
رائد : أنا مش طفل صغير علشان تخافى عليا بلاش تخدعينى بحبك تانى
سعاد بحزن : اسمع كلامى وابعد عن أبوك هيدمرك بكدبه وأنانيته رائد فكر فى مستقبلك هفتح لك مكتب محاسبه أو شركة والكل هيكون معاك
نظر للفراغ أمامه : كان نفسى أكون زى باقى الأولاد لكن كانوا بيبعدوا عنى لما يعرفوا إن بابا فى السجن وانتى دايما كنتى تهتمى ب زياد و مريم لكن أنا رافضه وجودى ليه
سعاد وهى تتذكر الماضى : زمان أبويا جوزنى أبوك غصب عنى لانى كنت بحب واحد من اللى شغالين عنده رفض علاقتنا وجوزنى أبوك ' ابتسمت بحزن' بعد الجواز اكتشفت إنه بيحب بنت عمه بس جدك رفض كان عاوز واحده من عيلة أبوك كان بيضرينى لما عرفت انى حامل أول مره كنت فرحانه لكن أبوك دمر فرحتى قالى أنا بكرهك انتى و ابنك وبدأ يعذبنى ويمنع عنى الأكل أبويا لما عرف هدده انه هيطلقنى لما اتولدت خوفت أحبك أو أهتم بك يإذيك معايا عارفه انى ظلمتك بس غصب عنى أنت ابنى
رائد : أنا مسافر القاهرة فى مهمه مش عارف هرجع أمتى و بابا مش هيقرب منك
اتجه لغرفته ليستعد للسفر لكى لا يضعف مره أخرى