على طريق اللّٰه أجتمعنا

الفصل الثاني

وصلت مريم منزلها وكانت الساعة العاشرة والنصف مساءًا.

_الهانم نورت.

*ما لسه بدري يامريم.

مريم: السلام عليكم ورحمه الله وبركاته، حضرتك منور البيت يابابا.

حسام: ما أنا عارف.

*إيه اللي محمود قاله دا يعني إيه الخطوبة أتفسخت.

مريم: يعني مبقاش فيه خطوبة ياماما، بعد أذنك.

قاطعتها والدتها ممسكه بيدها: يعني أحنا مصدقنا إنك اتخطبتي عشان نخلص من همّك، تقومي فسخة الخطوبة، وإيه بقى اللى حصل وهى تضع يدها في خصرها.

مريم بأبتسامة باردة: متشليش همّ أنا بكرا هروح أقعد عند تيتا، المشكلة تافهه بالنسبالك بس هقول محمود مسك أيدي.

مروة: طب الحمدلله إنك بتحسي أننا مش طيقينك، وأتعلمي من أختك شوية بتخرج مع خطيبها كل يوم، وبيمسك أيديها عادي مش كل حاجه حرام، وهما مبسوطين مع بعض الحمدلله وخلاص فاضل شهرين على فرحها مش زيك.

حسام: قوليلها يا مروة دا حتى ابن عمك رفضك من قبل ما يقعد معاكِ، دا أنتي مُعقدة فعلًا امشي من وشي .

مريم بكل جمود مشيت من قدامهم، ودخلت أوضتها أنهارت على الأرض دموعها كانت شلالات نازلة وقلبها بيبكي من كتر الحزن اللى موجود فيه، شعور أنك تكون مكروه من أكتر ناس مفروض يكونوا هما سبب سعادتك، فيكونوا هما سبب شقائك وتعبك، شعور إن قلبك خالي من حب الأم و عطف الأب صعبة، لحظة أنا إزاي بقول كدا أومال ترتيب ربي فين استغفر الله العظيم بدأت يارا تُكفك دموعها وقالت: وَكَفَىٰ بِالَلَّهِ وَكِيلاً *

وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ * فَسَبِّحْ بِحَمْدِ رَبِّكَ وَكُن مِّنَ السَّاجِدِينَ * وَاَعْبُدْ رَبِّكَ حَتَّىٰ يَأْتِيَكَ الْيَقِينّ *

وَنحْنُ أَقْرَبُ إلَيْهِ مِنْ حَبْلِ الْوَرِيدِ *

وَإِذَا سَألَكَ عِبادي عَنِّي فَإنِّي قَرِيبٌ *

وفزعت لكي تتوضأ وتُلاقي ربها وتُفرغ ما بصدرها وبدأت بالصلاة بعد الأنتهاء فتحت القرآن وبدأت في القراءة أسوقفتها آية عظيمة.
*وَإِنَّ تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى* سورة طــه ثامن آية
فتحت التفسير الميسر :وإن تجهر _أيها الرسول _بالقول، فتعلنه أو تخفه، فإنّ اللّه لا يخفى عليه شيء، يعلم السر وما هو أخفى من السر مما تحدِّث به نفسك.
يارا محدثة نفسها: أنا عايزة اعرف أكتر عن الآية دي هشوف كدا التدبر.
فتحت اليوتيوب وعملت بحث عنها لقيت دورة عن تدبر سورة طه م. علاء حامد شغفها كان بيزيد أكتر وأكتر عشان عايزة تعرف الآية أكتر

{وَإِنَّ تَجْهَرْ بِالْقَوْلِ فَإِنَّهُ يَعْلَمُ السِّرَّ وَأَخْفَى}

انظر ربك العظيم الذي ملك كل شيء بيقول لك: رغم استوائي على العرش إلا أني أسمعك
الآيات مرتبطة؛ لأن ﷲ عز وجل يقول لك: على العرش استوى
فممكن واحد كافر يخطر بباله: إن أنا لو ناجيت ربنا، وخفضت صوتي مش هيسمعني
زي ما الكفار قالوا لو تكلمنا بصوت منخفض مش هيسمعنا..