على طريق اللّٰه أجتمعنا

الفصل الخامس

معاذ : في إيه؟

مالك : أتفضل شوف.

معاذ : مش معقول!!

مالك :انا أتصدمت نفس الصدمة هتعمل ايه؟

معاذ :هتعامل معاها في حدود الشغل كأني معرفهاش .

مالك : ماشي.

معاذ : والملف تاني هتصدم فيه.

مالك : لا.

معاذ : طب الحمدلله.

مالك : صحيح محكتش لي على اللي حصل وقام بإغلاق إحدى عينيه.

معاذ : هحكيلك اللى حصل انا................ وأخذ ياقُص له ما حدث.
__________

فاطمة : كُلي ياحبيبتي أنتي مأكلتيش حاجه.

مريم : الحمدلله شبعت يا تاتا.

فاطمة : لا دا انتي رفيعة جداً ، خلصي الطبق دا وخلاص.

مريم : دا كتير أوي مش هقدر.

فاطمة : لا يا حبيبتي يلا خدي دي من إيدي.

مريم : يا تاتا...

فاطمة : متكسفيش إيدي بقى.

مريم : حاضر يا حبيبتي.

فاطمة : خدي دي كمان.

مريم : كدا هاخد على الدلع.

فاطمة : وماله هو أحنا عندنا كام مريم يعني.

مريم : ربنا يباركلي في عمرك.

فاطمة : ويبارك فيكِ يا حبيبتي.

وهكذا ظلو يضحكوا تارة وتأكل من يد جدتها تارة حتى أنتهى الطبق!

مريم : مش قادرة أقوم أكلت كتير أوي.

فاطمة : يلا بقى عشان تغسلي المواعين وتعملي بلُقمتك.

مريم بضحك : أنت تؤمر يا جميل.

فاطمة : بنت بتكسف ثم وضعت يدها على وجهها.

مريم : اي دا انا أول مرة أشوف قمر بيتكسف.

في هذه اللحظة أتت سيرين وأحتضنت فاطمة .

سيرين : محدش يعاكس ماما غيري.

بادلتها فاطمة الحضن وقبلت جبينها ثم نظرت إلي مريم وجدتها زمت شفتيها بعبوس

فاطمة : تعالي انتي كمان في حضني.

أقتربت مريم منها وأحتضنتها.

وبعد ما أنتهوا قامت مريم بحمّل الأطباق وأتجهت إلي المطبخ.

سيرين : بعد أذنك يا ماما.

فاطمة : أتفضلي يا حبيبتي.

سيرين :أنتي هتعملي ايه يا حبيبتي.

مريم : هغسل المواعين يا طنط.

سيرين : لا يا حبيبتي روحي أنتي نامي وارتاحي أنتي جاية من السفر وبلاش طنط ممكن تقوليلي سوسو أو ماما لأن كان نفسي في بنت والحمدلله ربنا رزقني ب معاذ.