#وماخفيا_اعظم
#part3
_____________________
_ كان" زياد" مقعمز وشارد في الاوراق الى قدامه بعد ما استقبل اضيوف باته ،قطع شروده صوت الحارس
الحارس: استاذ زياد
_ شافله" زياد" بنظره بدون مايرد
الحارس: آسف لو ضايقتك بس استاذ جبريل يبيك في دار الضيوف
زياد : تمام شوي ونلحقك
_ طلع الحارس وبينه وبين نفسه غريبه زياد يحكي معاه بطريقه مش حلوه لان معروف متواضع مع الكل ومع ذالك داير لحدود عكس الباقي🔥، وبعد دقايق لم" زياد" اوراقه وطلع "لِجبريل"
_________________
ام اشناف: وين ماشيه
خلود" بضيق": راكبه لميسم كساد
ام اشناف: وقعمزي هدرزي معايا ولا ميسم اهم مني
خلود : لا يا ماما بس عندنا لوحه نبو نرسموها
ام اشناف: ههه هضا حظي امشي امشي من قدام وجي .
_ ركبت" خلود" وسيبت امها تخطب.
ام اشناف: لازم ناخذ عويلي ونمشي في مكان اخره لازم نستقر بعيد عن عائشه وعويلها ونمشي عويلي على جويي🔥
_____________________
_ خش" زياد" وقعمز ويشوفلهم ببرود
جبريل: هضا ولدي زياد وسبق وتعرفتو عليه
خالد: اها ربي يحفظه زعما بتشغله معاك ولالا يعتبر هوا الكبير توا
زياد" بقهر": محمود الكبير ومحد يأخذ مكانه
جبريل" بحشمه":، ههههه لا زياد راجل حساس وشغله طب مش شور التجاره بكل
خالد: هههه نفس رتاج بنتي حتى هيا تقرا في طب برا وحساسه زي زياد
جبريل "بِاستغلال": هههه مرات يصير بينهم نصيب مدام زي بعضهم
زياد" بوقاحه": نستأذنكم عندي شغل
جبريل" بأحراج": هههه هوا هك ايتحشم
رواد(ولد خالد): ههههه اصلا اختي متحبش الى زي زياد🔥 في اختلاف بينهم
_ طلع" زياد 🔥، وخش للفيلا
____________________________
_ميسم.. وقفت على الروشن وقلبي يرقص من الفرحه شفت سيارتهم وتأكدت أن مقعمز معا بابا قعدت انتخيل فيه ونراجي يطلع مرايفه على شوفتهه، بس قطع عليا تخبيط الباب
ميسم: من؟
خلود: من غيري يا الدبه😂
ميسم : خشي بس من امتى الأدب من امتى تخبطي قبل ماتخشي
خلود : هههههه ماهو قريت اكتاب البرستيج قلت انطبقه عليك
ميسم : به سمعينا اسكاتك مش فاضيتلك توا
خلود "بعبط": هوا السكات ينسمعع..؟
ميسم : خلوووود سكري فمك شويا بالله عليك
خلود" بفضول": لمن تشوفي من الروشن
ميسم" بِاحراج":رواد ولد قريبنا
خلود "بصدمه": مزلتي تحبيههههه
ميسم : "ولقد قذف الله حبه في قلبي "
خلود : اعترفيله خشي دوري صفحته على الفيس واعترفيله
ميسم "بِايمان" : منقدرش منبيش علاقه محرمه منبيش نأخذ اذنوب انا حبيته غصب قلبي تمرد بس انا ه نقعد ثابته على مبدى ومش ه ندير حاجه غلط وبأذن الله ه ننجمعو بالحلال
خلود" بِاندهاش": للدرجه هذ متعلقه بالدين
ميسم "بدموع": وأكثر من مما تتخيلي نحاول على قد مانقدر منغلطش بس انا مش ملاك وطحت في حبه بأذن الله ربي ه يجمعنا مش ه يكسر بخاطري لو رواد فيه خير لياا
خلود : ربي يجبر بخاطركك
ميسم" بفرح": اهو طلعععع
_ سرحت "ميسم "وشافتله من بعيد لها سنه ماشفتش ابتسمت لما طلع من البوابه و
ميسم: في حفظ الله ❤
خلود : هههههه يا عاشقه رواد
ميسم" برفعه حاجب": بطلى خيرلك
خلود : به به بس هيا نرسمو
ميسم : شن تبي ترسمي
خلود : نبي نرسم نانسي عجرم
ميسم : بههه هي ابدي
خلود : وانتِ؟
ميسم "بهدوء": رواد
خلود : نعمم رواد كيف ترسميه معندكش صورته
ميسم" بضحكه": متخفيش حافظه ملامحهه ❤🔥
_ بدن البنات يرسمننن وطلعت" ميسم" كل حبها" لِرواد "في الوحهه💫
__________________________
_ خش" زياد" ولقاه امه مقعمز اتفرج على التلفزيون
زياد:السلام عليكم
ام اشناف: وعليكم السلام تعال قعمز هدرز معايا مفش حد كساد
زياد" بِاستغراب": البنات وين؟
ام اشناف: يهدرزن فوق ومسيباتني
زياد "بضحكه": ههههه معليش مواضيع بنات وانتِ اعزيز عاد
ام اشناف : شن اعزيز مفش ولا شيبه في شعري وبيضه وسمحه تقول بنت العشرين مافي شايب غيرك
زياد" بصدمه": شن شايب مزال مازوجت حتى
ام اشناف: شوف وجك كيف مرهق والهالات وصوتك التاعب، ونبي نزوجك انت متبشش لازم تزوج وولدك وانت تمسكو كل شيء
زياد بعصبيه: لا حول ولا قوه الا بالله انا دكتور وبس مش شوري بالهرجه الآخرهه🔥
ام اشناف: باتك وين
زياد: توا روحو قرائبنا توا شوي ويخش
_ قطع حديثهم خشت "عائشه "وهيا مبتسمه
عائشه: السلام عليكم
الكل: وعليكم السلام
زياد : وين كنتي يا امي
عائشه: كان عندي مشوار درته وروحت
زياد : ربي يعطيك الصحه تبي حاجه انا موجود انا ولدك
عائشه بتأثر: ربي يخليك ليا سلم اوليدي، نستأذن منك
_ ركبت" عائشه" وضحكت "ام اشناف" بوقاحهه
ام اشناف: ولدي وامي هههه ونا وين ها
زياد : انتِ تاج راسي بس حتى هيا ربتني
ام اشناف: ان شاءالله تموت دايره روحه طيبه
زياد" بقهر": نتلاقو بعدين سلام
_ ركب" زياد "وهوا راقيله من امهه .
___________________________
_زياد... ركبت لجناحي وخشيت دوشت وطلعت تمددت على السرير وطلعت الصورهه وقعدت نشوفلهاا ،بعدها حطيتها وولعت سبسي(دخان) ورديت شديتها لقيت روحي تلقائيا نشوه فيها بالدخان بسس سمعت صوت سيارة شرطه عزقت الصوره وطلعت 🔥🔥
____________________________
*انضمو لقروبي الخاص اسمه👇
منى المجبري(روايات ليبية).
___________________________
خلود بخوف: شن الهرجهه هذ
ميسم: اللهم اجعله خير
خلود: هيا ننزلو نشوفو شن في
ميسم: انزلى قبلي نلبس عبايتي ونلحقك
خلود : هي مطوليش
_ نزلت" خلود" ، ولبست" ميسم "عبايتها ، وطلعت وراها
____________________
الشرطي: معلش يا استاذ جبريل لازم تمشي معانا المدام
ام اشناف" بدموع": مش دايره شيء انا
جبريل "بعصبيه": تي من فتح الموضوع هضا العيل مات منتحر مفش قتل لا شيء
_ قطع عليهم صوت "عائشه"وهيا نازله من على الدروج
عائشه: انا بلغت عليهاا
جبريل" بعصبيه": احسابككك بعدييين
الشرطي: تفضلى شويه تحقيقات وتطلعي
جبريل : امشي معاهم ه نلحقك بالسياره ومتخفش انا معاك ، زياد خليك انت مرات حد يجي يعزي
زياد" بِتعب": تمام
_ طلعت سيارة الشرطه وفيها" ام اشناف" ووراها "جبريل"، بينما قعمز "زياد" على الكنبه بتعب
زياد: ليش درتي هكي يا امي
عائشه" بدموع": مستحيل محمود ينتحر في حاجه غلط لازم تحقيقات
زياد : بس انتِ بلغتي على امي
ميسم : المفروض الكل يحققو معاهم راه محمود مش متريح في حلقه مفقوده
زياد : لو امي الى قاتلته مش ه تروح اليوم🔥
ميسم : ربي يستر وخلاص ان شاءالله يطلع اظنونه ظن وبس (ان بعد الظن اثم)
________________________
_ وصل" جبريل " ودرس السياره ونزل بس وقف مكانه لما شاف" ام اشناف" طالعه🔥
جبريل: كيف طلعتي؟
ام اشناف: درت التحقيق وطلعت بريئه طلعوني
جبريل: بِ ه السرعة
ام اشناف" بعصبيه": شن تبيني ننحبس
جبريل : لالا حبيبتي اهدى كنك
ام اشناف: الى اسمها عائشه خليها تأسف وتبوس كراعي ويدي انا انا ام اشناف نمشي للمراكز هذِ اخرتها
جبريل : الى تبيها تصير هدى اعصابك بس وتعالى ترد نركبو السياره
_ ركبو السيارة وطلعو للفيلا🔥
___________________________
خلود "بخوف": رن على ماما شوفها شن صار فيها
زياد: توا شوي وتجي الصبر
ميسم: لو طلعت بريئه شن يصير فيها ماما؟؟
_ قطع حديثهم خشت" ام اشناف وجبريل"
عائشه "بصدمه":وططلللعتي
ام اشناف: يا يا....
زياد" بعصبيه ": امييي اسلوبكك
جبريل" بعصبيه": عائشه انزلى بوسي كراعها ويدهاتوا وتأسفيلهاا
عائشه "بدموع" : انا مراتك قبلها راه ليش دير هكي ليش
جبريل: قتلك انزلى بوسي كراهها ويدها وتأسفي بسرعهه
ام اشناف" بِاستغلال": خلاص مش لازم بسس تطلع من الفيلا هيا وبنتهاا
جبريل: اختاري يا عائشه
ميسم "بدموع": حسبي الله ونعم الوكيلل
_ ناض "زياد" من الكنبهه وشياطين للعالم يتنططن قدامهه
زياد : لو هيا وميسم طلعن انا ه نطلع معاهن ومعش تشوفي وجي وكذالك لو طبست او تأسفت ه تخسريني للابد يا امي
جبريل "بعصبيه": اسكت انت غلطت هيا وتستاهلل
زياد" بجديه" :هيا مغلطتش هيا زي اي ام قلبها محروق على ولدها لو تحبي يا امي نخليك تجربيها
_ خافت" ام اشناف"من كلام" زياد" وهيا عارفه ان ولدها الى يقولها يديرها ومحد يغلبه في العناد 🔥.
ام اشناف: خلاص انا سمحتها وتوا نبي نركب لِداري تشحورت اليوم
جبريل: عارفك بنت اصول هيا كل واحد يمشي لِ تركينته🔥🔥.
_ طلع كل واحد لِ داره وطلع "زياد "لِ جناحهه
...
يتبع....
بقلم:#منى_المجبري
#ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه💫🎀
#متابعه_للايميل_انضمام_الى_قروب منى المجبري(روايات ليبية)+دعوه للأصدقاء وتاقات
#تفاعل_مهم
