#وماخفيا_أعظم(#الجزء_الثاني)
#part13ماقبل الاخير
بقلم: #منى_المجبري
________________________
#الجزء الأول موجود في الالبومات
_______________________
_ تجمدت ايلول من الصدمة وكل الى في الدار وطغى الهدوء على الدار شوش على الهدوء صوت جهاز القلب إلى قعد خط مستقيم وعبر أن تهاني ماتت!🔥🔥🔥🔥
ايلول" بدموع وصدمة وتهز في تهاني": نوضي ماما قولى تبصري نوضي ماما بالله عليك نوضي
_ زياد... كان الخبر صدمة للكل وصدمنا موت عمتي تهاني، خشت ميس وقعدت تبكي وتخبط وحضنت ايلول ووقعدن يتباكن شفت للدار كان الكل في حاله صدمة وانهيار بس بس! إسماعيل وين؟؟ توا كان هنا 🔥
زياد : رواد دير بالك على ايلول وتم في اوراق الدفن انت ومنيب نا شويا وجاي
رواد : تمام ونا بنحطهن في الحوش ونرد على منيب
منيب "بدموع": تمام
_ طلع "زياد "ودار كم مكالمة للشرطة بيش يدوروا اسماعيل 🔥 وهوا حالف الى مرت بيه ايلول ه يرده ل اسماعيل كله🔥🔥🔥
________________
ميسم" بدموع": ماما ماما
عائشة" بخوف" : كنك تبكي شن في
ام اشناف: خلود وزياد فيهم حاجه؟
ميسم : لالا بخير بس عمتي تهاني عطتكم عمرها
ام اشناف" بشهقه": كيفف ماتت
عائشة: إن لله وإن إليه راجعون عمرها💔
ميسم : رن عليا زياد قال شويا ويجي ياخذنا وتن ارواحكن
ام اشناف : تمام
_زياد... طلعت وقعدت نبرم بالسيارة ندور فيه انا وسيارات شرطة واخيرا لقيته في المطار مسكته ونزلت فيه ضرب كان كل همي الى مرت بيه ايلول وكيف كان يعامل فيها النذل ضربته لين قعد ادموات وفكوه من يدي الشرطة وخذوه🔥 طلعت من المطار ونا حاس براحه نسيبا اول خطوه درتها ومزال الخطوه الثانيه الاهم، كلمت ميسم وحكيتلها ومشتلهم خذيتهم وطلعت بيهم لفيلة خالد إلى فيها العزاء نزلوا وقلت لميسم تكلملي ايلول وبعد لحظات طلعت ايلول او بالاصح بقايا ايلول وجعني قلبي على وضعها ومتحملتش نشوفها هكي خذيتها في حضني طول وكأن ناخذ فيها من ه العالم المر ونقويها لاني ه نكون ديما مصدر قوتها 🔥💗
زياد "بحب وحزن": عظم الله اجرك حبيبتي
ايلول" بدموع وهيا توري فيه السلاسل": زياد أنا تعبانه مش مصدقة معقوله شوف السلاسل بتاع سيلين وبتاعي ومعقوله ماما أدير هكي معقوله تخطفني وجديات هلي عمي ناصر واعميمه نهاد؟ واختي اختي سيلين الى ماشبعتش منها عليش هكي شن ذنبي انا شن ذنبي طول ه السنين شايله لقب لقيطة ليشش تعبت تعبت حرموني من كل شيء 😭💔
زياد" بتأثر": وسعي بالك ياعمري كله اختبارت من الله وربي ه يعوضك ويعوضني بكل خير صدقيني مزال الحلو جاي في الطريق وهيا امسحي دموعك وادعيلها بالرحمة وان ربي يغفرلها مهما كان في يوم من الايام سهرت عليك وكانت في مكان امك صح
ايلول" بإقتناع": صح ربي يرحمها ويصبرني و شكرا يا احلى حاجه في حياتي ربي يخليك ليا يا مصدر قوتي
زياد" بحب": شكرا نننن😕🤣 مش بينا يالنببض نحنا واحد وهيا خشي البسي اي حاجه حتى عبايه على السريع هك في مشوار بنمشيله ونبيك معايا
ايلول" بفضول": وين بنمشوا
زياد: بطلى اسئلة وهيا قدامي
ايلول: ثواني ونجيك
