#وماخفيا_أعظم(#الجزء_الثاني)
#part12
بقلم: #منى_المجبري
________________________
#الجزء الأول موجود في الالبومات
_______________________
خلود "بشهقهه": حيي يا أوس ساعة زياد من وين جايبها
اوس: لقيتها في دار
خلود" بضحكة": نجيلي الشيطان الى يفتش في الديار😂💗 بس لازم نعطوها لعمو زياد لان يحبها بكل تمام
اوس: تمام
ايلول" بحب": هاتي توا نرفعها له انا
_ ايلول.. خذيت الساعة وركبت لدروج وفتحت باب الدار ووقفت بصدمة وحسيت بدموعي نزلن على خدودي منظر يصدم ر رتاج و وززياد كل الى صار اني طحت قدام باب الدار خائرة القوي، بعد دقايق نضت نكر في كرعيا كر لين وصلت الكمودينا ولقيت صورة واضح انها رتاج بس كانت مشوهه رديت سكرت باب الدار وكريت رتاج من شعرها ناضت وهيا مصدومه وخذت دبشها وقعدت تلبس فيه وطلعت بدون ماتعبر هزايبي وتسألاتي رديت سكرت الباب وقعمزت جنب زياد إلى راقد في نوم عميق قعدت نبكي ونواعي فيه ونخض فيه بس مفش فايده حسيت أن في حاجة غلط في الموضوع نضت للحمام عبيت كأس في اميه وجيت كبيته عليه ناض وهوا يرجف و بين ان راقد وبين أن واعي
زياد" بنوم" ش شن في
ايلول" بدموع": كيفففف شن في كيف يا وقح
زياد" بكسل وصدمة": كنك وشن صايرلي؟ ديريلي قهوه وتعالي فهميني شن صار بالله عليك
ايلول "بإستغراب": لا انت مش في وعيك رسمي شن دارت بالضبط ه المصيبه اصبر نجيبلك فنجان قهوه ونحكيلك الي شفته وفهمني 😭
_زياد.. طلعت ايلول حولت انوض من سرير ونذكر شن صار بس مفش فايده راسي كانت ثقيله ولساني أثقل وبعد لحظات خشت ايلول والقهوه في يدها سندتني وقعمزت شربت الفنجان وقعدت شويا وبديت نرد لوعيي وحكتلي ايلول الي صار وهيا تبكي وماسكه صورة الشيطانه رتاج ، خذيتها في حضني وقلبي وجعني عليها وبديت نحكيلها.
زياد"بكره": رتاج كنت على علاقة معاها من قبل 3 اسنين فاتن ومكنتش نعرف انها تقربلنا كنت نحسابها من عائلة فقيره وكل شيء تبيه يكون عندها وحبيتها حب مش عادي لين في يوم اختفت دورت ودورت لين عرفت انها سافرت وأنها بتاعت وجيج وتطلع مع شباب ووو ولما روحت عرفت انها بنت عمي خالد اخساره ان رواد خوها وهضا الي صار من بعدها كرهت صنف النساء وخشيت ع الشرب وهكي وسيبته من فترة وكل ماكان قلبي يدقلك نجي نحرق صورتها ومن اول مارتبطنا معش طلعتها ونسيت موضوعها بكل توا أنتٍ رديتيلي الروح وحبيتك حب اكثر حتى من حبي لروحي ومستحيل يخيب ظنك فيا واسف لاني مقتلكش كل شيء من بداية ومتصدقش إلى شفتيه قبل ما نركب داري جتني وتبينا نردوا بس والله هزبتها شكلها لحقتني ودارت خطة جهنميه بيش تخرب بينا بس حبنا اكبر من هكي صح؟
ايلول" بدموع حب وغيره": صح أنت بتاعي و محد ياخذك منيي محددد
زياد : ربي مايحرمني منك رويحتي
ايلول" بطفولة": ولا منك يادنيتي💗
_ ونزلت" ايلول" وروحت لفيلة هل "رواد " وقلبها حقد على "رتاج "آلى ماحكتش حرف ولا ردت على" ايلول" وكل الى في بالها كيف خطتها تفشلل🔥
_____________________
