#وماخفيا_اعظم
#part5
__________________
_نزلت طيارة من ايطاليا لليبيا.
اسماعيل: اوفف ليا وين ماجيت الدنيا تغيرت
ايلول بِاعجاب: حبيت فعلا ياليبيه ياجنهه
منيب" بتذمر": ايطاليا احلى
ايلول "بعصبيه": كل واحد وانتمائه
منيب "بسخريه": صدقتي انك ليبيه افطني ل روحك راه مش معروفه ملتك من...
تهاني: منيبببب اسكت معش تحكي بقلت ذوق
اسماعيل: هيا نمشو نقعدو عند ولد عمي اكيد يراجي من بدري
_ طلعو من قدام المطار "وأيلول" نفسيتها صفر💔
ايلول: خوذو تكسي او اي حاجه توصلنا
اسماعيل: التكسي مايسدش الشنط ونحنا
ميس" بتذمر": افف هيا الشمس ضربتني
تهاني: رن على ولد عمك يدز حد ياخذنا
اسماعيل "وهوا ماسك فونه" : ليا ساعه نطلب فيه ولا رد مره مقفل ومره خارج نطاق التغطيه
تهاني: ايلول كنك ماسكه راسك ووجك منصفر
منيب: حامل شكلها هههههه
ايلول"وهيا ماسكه راسها" : قليل الادب انا اشرف منك و..
_ مكملتش" ايلول" كلامها وداخت ومسكتها ميس في نفس اللحظه كان "زياد" مخطم بِسيارته وشاف الموقف،درس السياره ونزل
تهاني"بدموع": ساعدنا بالله عليك
زياد" بحرفيه": معلش وخري شويا
_زياد... نزلت على البنت ومابحتش في وجهها كان تنفسها ضعيف وقلبها نبضه ضعيف رفعتها وحطيتها في السياره ووجهت كلامي ل هلها.
زياد: لازم نشيلها المستشفي نديرلها تحاليل
اسماعيل: لا مش لازم
تهاني: لا لازم وه نمشي معاك نطمن عليها
اسماعيل: ونحنا شن يصير فينا
تهاني: خوذ عويلك وامشي ل ولد عمك انا ماشي مع بنتي
اسماعيل: تمام
_ ركبت "تهاني" وايلول" مزالت دايخه مسكت راسها وقعدت تبكي وضميرها يأنب فيها،في الوقت هضا كان زياد يراقب فيها من المرايا بصمت!، وصلو للمستشفي ونزل" زياد" وفي يده" ايلول"، اول ما خش زياد وقف كل الى في الممر وحيوه وجابوله السرير وخشو بِ "ايلول " وهوا معاها ،قعمزت تهاني وهيا منعجبه بشخصييه "زياد" وكيف الكل محترمهه 🔥
_______________________
ام اشناف : هاتي رموت التلفزيون
عائشه"ببرود": قاعده انتفرج
ام اشناف: مش مشكلتي
عائشه: لو سمحتي مش لازم نديرو مشاكل في كم تلفزيون ليش جاتك على هضا
ام اشناف: قلتيها بروحك جتني على هضا نبي نتفرج عليه هوا
عائشه "بتكبير عقل":تفضلى انا توا نتفرج جوا
ام اشناف "بوقاحه": قتلك في واحد متقدم لخلود وتي القفطان ههههههههه
عائشه"بصدمه": كيفف خوها مطقش شيء مش من جدك
ام اشناف "ببرود": الحزن 3 أيام بسس
_ طلعت" عائشه" ودمعتها على خدها 🔥
_________________________
_ وقف" اسماعيل ومنيب وميس " قدام فيلا (خالد ال ...)
الحارس: من تبو
اسماعيل: كلمنا خالد
الحارس: معرفه شخصيه؟
اسماعيل" بفخر": ولد عمي ومتاكد ه يزعل لما يلقاك مزال مصبيني هكي
الحارس: للاسف هكي القوانين
_ طلع الحارس تلفون ودار اتصالات
منيب" بهمس": ووواو للدرجه هذ ولد عمك غني
اسماعيل "بطمع": واكثر مما تتصور لازم تخدم معاهم
منيب: اجباري مش لازم
ميس: اخخخ الفيلا تجننن
_ قطع حديثهم فتحت باب الفيلا وطلعت" خالد"
خالد "بتذكر": وصلتو
اسماعيل: وينك ياراجل من اول ماوصلت نرن
خالد: حقك عليا
_خذو بعضهم بالاحضان وكملو سلام وخشو للفيلا
ميس" بِاعجاب": محلاهااا تهبل بجد ياعمو
خالد: كلك ذوق، تفضلو في دار الضيوف وانتِ يا ميس خشي توا تلقي الخدم توا يدلوك على دارك
ميس: تمام
_خشت ميس وهيا مبتسمه قابلنها الخدامات ووشالنها لدارها،
ميس "بصدمه": اووووففف هذ كلهاا دار ياللهوي
ربيعه(رئيسة الخدم): لو تبي حاجه يا انسة كلمني
ميس" بهيام": تمام امشي توا
_ ميس.... طلعت الخدامه وعزقت روحي على السرير وقاعدت نمشي بنظري على الدار هيا في الأصل جناح كامل حرام اسم دار فيها كانت كبيره بشكل غريب والزواق وردي ومليانه زينه وفراشات والوان بناتيه اممم زي احلامي الورديه، خشيت دوشت وطلعت ورحت في نومهه طويللهه من الراحه الى حسيتها❤
___________________________
_انضمو لقروبي الخاص
منى المجبري(روايات ليبية)
_________________________
_ايلول... فتحت اعيوني بتعب حولت نقعمز بس مقدرتش نزلن دموعي اكثر شعور نكرهه لما نحس بالضعفف بس في صوت رجولي خالط شهقاتي ودموعي.
زياد : اف كنها تبكي وشكلها اجنبيه امها قالت ايطاليا ه نحكي معاها ايطالي وخلاص معنه نكرهه البنات وبدات الى يتبكن
_ سمعت "ايلول " كلامه والتفتت عليه بحده وعيونها يمطرن ادموع
ايلول "بحده وطفوله": على فكره نفهم ليبي اانا
زياد "بصدمه ووقاحه ": به يكون احسن وفرتي عليا ان نذكر الايطاليه ونحكي بيها على العموم الحمدالله على سلامتك
ايلول : تسلم
_ جت" ايلول" تبي تصبي بس وقفها" زياد ".
زياد: ماتنوضيش توا مزال عندك هبوط عطيتك اباري توا شويا وتعدلى
ايلول" بعناد": لا انا كويسه وعلى فكره منحبش نثقل على حد عندي نموت ولا نقعد مع حد يكرهني بدون سبب
زياد : استغفر الله العلى العظيم
_ صبت" ايلول" من السرير ومشت خطوتين وهبب طاحت بس ه المره طاحت بين يدين" زياد"، رد حطها على السرير وهوا ضاغط على اسنونه بعصبيه
زياد "بعصبيه وعيونهه حمر": العناد انسيه طول ما انتِ قاعده معايا في المستشفي انتِ فاهمهه
ايلول "بخوف": ف فاهمهه
_ طلع "زياد" وبركان طالع من راسهه من العصبيه اما "ايلول" اطلقت العنان لدموعها مره ثانيه بعد ما طلع "زياد"
ايلول "بخوف": ياربي شن هضا زي الوحش الاخضر😂
_____________________
منيب" بِاعجاب": دار اضيوف اين دار الضيوف انا لا ارها بل اره مكان كبره زي الحوش ههههههه
اسماعيل: فكنا من الجو الزايد خيرلك
منيب: به به
_ قطع حديثهم خشت "خالد"
خالد: الفيلا منوره بوجودكم
منيب: منوره بناسها
خالد: وين المدام
اسماعيل: عندي البنت تعبت شويا وقاعده هيا معاها في المستشفي
خالد : البنت الى مربينها؟
اسماعيل : اها
منيب" بتسال": عمي وين اولدك
خالد: بعتله رساله توا يجي، به قولى شن تخدم يا منيب
اسماعيل" بِاستغلال": عنده شهاده اداره أعمال ويفهم في ه الجو
خالد: مشاءالله معناها ه نحتجوك معانا في الشغل لو معندكش مانع
منيب" بفرح": لا اي مانع هوا حد يحصل شغل معاكم ويرفض ههههههه
اسماعيل: كيف نظام شغلكك
_ شرح "خالد " ل" اسماعيل و منيب "نظام الشركه
خالد: واليوم عندي عشاء مع جبريل صاحب شركه ال(..) نبو نتشاركو ونتحدو مع بعضنا فاتحته في الموضوع ووافق بس لازم نتفقو وجه بوجه عشان التفاصيل
اسماعيل: مشاءالله قصدك جبريل ال...
خالد: اها هوا بذاته
_ قطع حديثهم خشت" رواد" سلم عليهم وقعمز
منيب: نسخه عمي
خالد "بفرحه": مش بس في الشكل حتى في الشغل وتقريبا خبرته اكثر من خبرتي
رواد : انت الخير والبركهه
خالد: متنسش العشاء اليوم عند جبريل وه يمشو معانا منيب واسماعيل
رواد: لا مش ناسي
اسماعيل: ياريت اسمه يرن في ايطاليا خاطري نقابلهه
رواد: بالنسبه للشغل نضمت كل حاجه خوذ معاك الملفات بيش نعرفو شن ناقص
خالد: كله تمام بس نبو كم شخص معانا ونبو سكرتيره
رواد: بالنسبه للاشخاص ه ندير اعلان اما السكرتيره قعدات معرمات
خالد: لا نبيها سمحه ولبقهه وتفهم في الشغل
اسماعيل "بفرحه": موصفاتك عندي
خالد: كيف
اسماعيل: ايلول بنتي بنفس الموصفات بالضبط
رواد: تمام نشوفها ويصير خير توا نستأذن منكم نبي نريح شويا قبل العزومه
اسماعيل: اذنك معاك
_ طلع "رواد" وكملو هدريز❤
________________________
خلود: ميسو حبي كملتي
ميسم: الخدم تعبو اليوم ونا عونتهم
خلود "بضحكه": اهم حاجه اصابع الباشا درتيهن انتِ
ميسم : اها يالدبه زي ماطلبتي
خلود: بحبكك يابطتي😂😂
ميسم: امشي كملى رسماتك ماتصدعيني
خلود: ماشي ياريقهه
ميسم: ههههههه معش تفرجي على الفلام والمسلسلات المصريه رجاء
خلود : من عينيا ياختشيي 😂
ميسم: يا مهبوله ربي يهديك
خلود : ويهديك ياختشيي
_ مشت" خلود"،وبدت "ميسم" تقلي في أصابع الباشا
ميسم: به الى خشت الدبه كان هضا راه كلتني 😂
(طريقه أصابع الباشا: عباره عن جبنه شرايح البرتقاليه تكون في حراره الغرفه وديري الحشو يا مفروم يا شورما زي ماتحبي تاخذي بالطرف تحشيه وتلفيه بشويا وتغطسيه في صونيه فيها دحيه ونص كاشيك بكنبودر ونص كاشيك طماطم حكيه تقلبيهن وتغطسي فيه وتغطسيهن في الدقيق ومعاه خبزه يابسه بيش يشد ماينفتحش تكرريها مرتين وبعدها تحطيهن في بيت الثلج تبيتيهن ليله وثاني يوم اطلعي تعاودي طريقه التغطيس وتقلى❤وتجنن طعمتها وبسيطه صحتين،منى المجبري)
_______________________
_خش" زياد" وفي يده....
-------------------------------
يتبع....
بقلم:#منى_المجبري
#ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه💫🎀
#متابعه_للايميل_انضمام_الى_قروب منى المجبري(روايات ليبية)
#تفاعل_مهم
