#وماخفيا_أعظم(#الجزء_الثاني)
#part7
بقلم: #منى_المجبري
________________________
#الجزء الأول موجود في الالبومات
_______________________
_ تسريع الأحداث
_ ساعفها "زياد" وقعد يراجي في الدكتور قدام الغرفة ،شاف "زياد " الدكتور مشاله يجري
زياد" بإرتباك": شن فيها؟
الدكتور: عظم الله اجرك
زياد: مااتت!!
_ شافتله الدكتور بحزن وطلع اما" زياد" استند على الساس واول حد جاء في باله رواد ، دز رسائل للعيلة وعطاهم العلم ورن على رواد
_________________________
ميس "بإستغراب": حبيبي فونك يرن
رواد : فوتيه ياعمري
ميس: لا بالك في موضوع مهم شوف من
رواد "بضحكة": مفش حاجةة تهمني اكثر منك
ميس "بحب": نعرف ياعمري بس شوف من بيش نتريح
رواد "رفع الفون وفتحه": حاضر، زياد؟
ميس: غريبه رد بالك يبي حاجة
رواد: تمام توا نعاودله
زياد: الو
رواد: الو في حد يرن على عرسان يا باشا🙂
زياد "بدموع": سيلين عطتكم عمرها .....طوطط
رواد "بصدمة": كيف إن لله وإن إليه راجعون
ميس" بخوف": م من مات
رواد : وحدي الله سيلين توفت
_ ميس.. نزل الخبر عليا زي الصاعقةة قعدت انط ونبكي ورواد يحضن فيا لين استوعبت الموضوع خذيت عبايتي وطلعت مع رواد للعزاء 💔
_____________________
_تسريع الاحداث
_ فتحت "نهاد "اعيونها على صوت اعياط شافت جنبها ملقتش "ناصر"، ناضت من سريرها وحاطه يدها على قلبها وتكر في كرعيها كر لين طلعت للصالة ولقت العيلة وكلهم يبكوا و"عائشة" تندب ،قعدت تهز براسها وتسأل على" سيلين " وكانت تسمع في رد واحد عظم الله اجرك، تهاوت على الارض وهيا مش مصدقة
نهاد "بصدمة": ب بنتي وينها وينها يا زياد مش أنت خذيتها جيبها ليا جيبها معش نبيها تزوجك جيبلي بنتي
زياد "بحزن": وحدي الله يا عمتي هضا عمرها
نهاد "وبدت تستوعب": ك كيف كيف ماتت من قال ماتت نبي نشوفها نا
ميسم" بدموع": هيا عندها مشاكل قلبية من الولادة وقلبها وقف يا خالتي
نهاد" بقهر" نبي نشوفها جيبوها ليا
زياد : توا عمي ناصر وباتي جايين بيها وقريب يوصلوا
_كمل زياد كلامه من هنا وخش ناصر مهدود الحيل ووراه جبريل ورجاله من العيله شايلين الثابوت إلى يضم جسد "سيلين"💔 حطوا الثابوت وزاد اعياط الصبايا قربت" نهاد " وفتحت على بنتها لما شفتها صدقت أن بنتها الوحيدة ماتت 🔥🔥طبست عليها وهيا تبكي.
نهاد "بدموع وقهر": ياقهرتي فيك ياروحي ياقهرتي فيك مشت اختك ولحقتيها من قعدلي انا من قعدلي نار نار والعةة فيا اليوم شفتك بالابيضين اليوم فرحتلك وبكيت عليك ياقهرتي فيك ياقهرتي فيك ماتهنيتي زي البنات وووووه عليا وووووه من عندي بعدك من عندي وووه عليا وهههه بينزلوك في الظلام بروحك بيحطوك في للقبر ويسيبوك ووووه عليا ووووه بتسقي يا روح امك و محد يدورك وووه عليا وووه عليا ياقهرتي فيك ياريتني نا ولا أنتِ وووه عليا قتلتيني معاك ووووه وووووه
