#وماخفيا_أعظم(#الجزء_الثاني)
#part3
بقلم: #منى_المجبري
___________________
لايك قبل القرأة وتعليق بعد القرأة +تفاعلوا للتصفيةة + الجزء الأول للي حاب يراجعة تلقوه كامل في الالبومات💗
___________________
_ طلعت" خلود" بدري كالعادة وكله بيش ماتشوفش "يعقوب" طلعت من بوابة المدرسةة وهب حد يكرها من يدها ووقفها قدامه
خلود" بصدمة" : ي يعقوب
يعقوب" بجدية": آنسة خلود ممكن تسمعي الكلام إلى بنقوله مش ه نأخذ من وقتك إلا دقايق معدودة
خلود "بهدوء وقلبها طبول": تفضل
يعقوب: اول حاجه أنا آسف أني عطيتك رقمي باطريقة ممكن تشوفيها غلط من وجهة نظرك بس أنا ناوي الحلال وربي شاهد مانبي نلعب بيك نبيك رسمي ه نجي نتقدملك من جديد وإن شاءالله ماترديني وأنتِ عارفة أن اوس هوا محور حياتي وه يعيش معانا كان وافقتي وماتخفش ه نجيبله مربيه خاصه ومفش أي ازعاج ه يصيرلك صدقيني وه نعيشك على كفوف الراحة فكري كويس يومين ونتقدملك رسمي واسف على تأخيرك وتوقافتك في الشارع لنا لقاء في مكان احسن بإذن الله
_ ابتسملها" يعقوب" والتفت وخش للمدرسة، وقفت خلود مصدومة وبعد استوعبت كلامه نطت زي الهبله في نص الشارع بفرحي😂 وبعدها مشت ركبت في السيارة إلى تراجي فيها وهيا ادندن
خلود "بهبل وفرحة ": واخيرآ قالها قال احبك قالها 😌
____________________
ايلول" برسمية": معلش الملف الازرق وين
زياد" بجمود": دوريه
ايلول" بقهر": يا استاذ نا مش فاضيةة ورايا عمل اهم من تدويرة ملف
زياد "ببرود" : الملف الازرق هوا بداية الشغل وكله واقف عليه دوريه توا يطلع وكملي شغلك
ايلول "بصبر": لعند امتى بندورة لو سمحت طلعة مش لعب لعب اعيال را
زياد "بضحكة تجنن": مش أنا مدخنش بيك وبحياتك وو خلاص دوري كل حاجه يا طفلةة ومفش مشكلة لو تبي تباتي اهو المفتاح معاك غير دزي حد يجيبلك مخدتك وفراشك وبطنيتك عشان الصقع
_ وغمزلها بطرف عينه وطلع و اول ما طلع حولت الضحكة المرسومة على وجهه وردن حواجبة انعقدن ورد يغلي من كلامها، أما "ايلول" تأففتت بملل وقعدت ادور في الملف لعند الساعة 10
ايلول "بعياط" : لقيته لقيته لللوووولي💃💃 شرشبيل المطار عازقه تحت المكتب عليك شر صبرني يارب
_ طفت الضيء، وطلعت من المكتب وسكرت الشركة وروحت في تكسي.
________________________
ميسم" بعياط": خلود خلودد
خلود "بإنتباه": كنك يالدبهه
ميسم: وين سارحةة
خلود "بهبل": في يعقوبي
ميسم" بضحكة": يعقوبي صار هابا كان يعرفك زين يا عقروبي😂
خلود" بتفنيص": تففففف
_ عزقت" خلود" المخدة على "ميسم" وخشن في نوبة ضحك كالعادة💗
ميسم: على وجك يا يعقوب أنتِ شن صار جديد؟
خلود" بتنهيده": اه شفته اليوم وقالي .....
ميسم" بهدوء": به مدام ناوي الحلال كلميه وشوفي طبعه قبل ما يخطب رسمي وتحصلي وتعلقي
خلود" بحزن": مش على هكي هوا شخص خيال بجد والفرصة مش ديما تجي وبالاصح مش ديما القلب يدق ويحب بس ماما شن بيقنعها؟؟؟
ميسم "بتفكير": عليش تقنعيها وشن خلاك تقولي إنها ه ترفض؟
خلود : عشان اولده!
ميسم" بإبتسامة": حبيبتي متفكرش هكي مدام هوا كويس وأنتِ طيوبه وتحبني الاطفال متاكده ه تكوني ام جميله وهوا مدام يحبك مش ه يضايقك في شيء وامك مفروض متخربش عليك في حاجة ربي كاتبها يعني يتبره من ولده ؟ خليك مُصره عليه وه يوافقوا بإذن الله وكلي امرك لله بس وصلي استخارة
خلود: إن شاءالله يصير خير
ميسم" بتفكير": بكرا بنكلم ايلول وميس وناخذوهن ونمشوا نكسدوا عند سيلين شن رايك؟
خلود" بفرحة": فكرة حلوه بكل الحق
ميسم "بحب" : اي حتى تغيروا جو وبنحاول ننصح البنات
خلود: مزلتي تحبي رواد؟
ميسم "بإبتسامة مليانا امل": مزلت؟ ولازلت 💗 وربي يكتبة ليا متأكدة ربي مش ه يخذلني طول ما إيماني بيه قوية عندي احساس قويه أن ه يكون حلالي
خلود" بخوف على اختها وبتفكير": ربي يجمعكم يارب
ميسم: كنك شديتي فونك؟
خلود" بهبل": نبي ترن على يعقوب نحبه نا مش ه نضيعة من بين ايديا😭
ميسم" بضحكة": نوضي صلي استخارة قبل هيي يا هبلةة
خلود" بأمل": حاضر
