#وماخفيا_أعظم(#الجزء_الثاني)
#part10
بقلم: #منى_المجبري
________________________
#الجزء الأول موجود في الالبومات
_______________________
_ثاني يوم، تسريع الأحداث
_ روحت "رتاج" من السفر واستقبالها "خالد " وروح بيها للفيلا والكل علم بموضوع" رواد وربيعة وخالد"
رتاج "بتعب": بنمشي لداري نا تعبانه
خالد : تمام بس توا مش دارك بروحك عندنا ضيوف الفتره هذ
رتاج" برفعة حاجب": ضيوف؟ وشن دخل داري في النص وكيف تنفتح لحد غيري
خالد "بهدوء": جو على غفله ومكنش في ديار امفرشات نوعدك من بكرا ه يكون لها دار وحده ثانية
رتاج : بنت وحده هيا؟
خالد : أها ومتربيه مع ميس مرات خوك
رتاج "في سرها": هي خلينا نشوفوا السنيوره الجديده
رتاج: تمام بنخشلها توا
_ فتحت" رتاج " الباب على" ايلول" بدون مادق ، لقت "ايلول" راقده وجنبها فون وشعرها مفرود جنبها
رتاج" بصدمة": مجملها الفرخه ، هي أنتِ نوضي
ايلول" بإستغراب ودوبا فاتحه عيونها": تفضلي؟؟من أنتٍ
رتاج" بتعالى": أنتٍ إلى من أنا صاحبةة الفيلا يا حلوه
ايلول" بإستوعاب": رتاج بنت عمي خالد؟.
رتاج" بضحكة": ههههه مشهوره بسلامتي
ايلول" بإبتسامة صفراء": نورتي الفيلا
رتاج" بغرور": سلمك وعلى فكره انا منحبش حد يقعد معايا في نفس الدار حتى لو كان جناح زي هكي نحب مكاني ليا بروحي ومن بكرا ه يدرولك دار يا.. اسمك؟🙄
ايلول" بصدمة": ا ايلول
رتاج: مش مهم المهم فهمتي لمي حاجتك بيش بكرا تنقلي بنخش اندوش انا
ايلول "بهدوء": تمام
_ايلول.. خشت للحمام ونا قعدت متنحه في مكاني مش مصدقهه مزال في ناس هكي؟؟ شايفه روحها تقول مافي إلا هيا وتحكي من خشمها للحظه شكيت انها مريضةة نفسيا تاخذ سو رواد وقرتت اني انتجنبها عشان ماندرش مشاكل لروحي وطلعت من الجناح🔥
______________________
_رواد .. فتحت عيوني من النوم ونا وأخذ قرار ننسه إلى فات ونعيش في حضن امي وباتي من جديد ونربي ولدي احسن تربيه ونعيش مراتي احسن عيشه ومش ه نخلى الماضي يأثر على حياتي .
ميس "بحب": صباح الورد
رواد" بإبتسامه": صباح الحب يا حب عمري
ميس" براحة": أنت كويس حبيبي؟
رواد" بإيمان": أنا تمام التمام طول ما انتِ وباتي وامي والبيبي الى جاي في الطريق جنبي
ميس" بحب": ربي مايحرمني منك
رواد : ولا منك يانبض قلبي وهي البسي عشان طالعين لهلي وبعدها بنمشوا لهل زياد بيش نحمدوا على سلامة اخته
ميس: ياروحي عليها الحمدالله الى نجت واليوم قالوا خطوبتها منطولش عند هلك بيش نحظروها
رواد : تمام حبيبتي البسي هي ..💗
ميس: هي دقايق😊
_ لبست" ميس" ووته رواد روحه وسخن سيارته وتوكل على الله وطلعوا🔥🔥
____________________________
انضمو لقروبي الخاص 💎
_منى المجبري(روايات ليبية)✍❤
____________________
_خلود... جاء الدكتور ودارلي خروج وروحت مع زياد وامي إلى ما بطلتش هزايب ومش راضية أن ناخذ يعقوب حولت نفهمها بس سكرت راسها حسيت بفرحتي انكسرت💔..
