My boyfriend is a mafia boss (Completed)

ep 29

Unicode

နယ်စပ်ဒေသတစ်နေရာ၌

မာဟုန်ဝေ လက်စားပြန်ချေရန်ကြိုးပမ်းခဲ့သောငြား အထမမြောက်ခဲ့သောကြောင့်ကြိတ်မနိုင်ခဲမနိုင်ဖြစ်နေခဲ့သည်။အင်အားအကြီးဆုံးသူနှင့်ပူးပေါင်းခဲ့ပြီးဝမ်လိုဟန်သေဆုံးခဲ့သော်လည်း ဝမ်ရိပေါဆိုသောသူငယ်၏လက်အောက်တွင် ထပ်၍ရှုံးနိမ့်ရပြန်သည်။ပြန်လာအုံးမှာပါ မင်းကိုအနိုင်ပြန်လာယူအုံးမှာ။ငါဆိုတဲ့ မာဟုန်ဝေ လုံးဝလက်မလျှော့ဘူး။

မာဟုန်ဝေ တစ်ခုတည်းသောအိတ်ကိုဆွဲလိုက်ကာ မိမိတည်းနေသောနေရာမှထွက်လာခဲ့သည်။လမ်းတစ်လျှောက်လူများနည်းနည်းများနေသဖြင့် မာဟုန်ဝေထူးဆန်းသွားသေးသည်။ဤနေရာကို သူစရောက်ကတည်းက သိပ်လူမစည်သည်ကိုး။သူအိတ်ကိုဆွဲလိုက်ရင်း လမ်းချိုးတည်းဝင်လိုက်တော့ လူတစ်ယောက်နှင့်ရုတ်တရက်ဝင်တိုက်မိသည်။

အ..

ဆောရီး

ထိုလူက ပြုတ်ကျသွားသောအိတ်ကိုအမြန်ယူ၍ ထွက်ပြေးသွားလေရာ မာဟုန်ဝေ ထိုလူနောက်ကိုလှည့်ကြည့်ရင်းမကျေမချမ်းရေရွတ်မိသေးသည်။ထို့နောက် နယ်စပ်မှထွက်ချိန်နောက်ကျမည်စိုး၍အိတ်ကိုအမြန်ဆွဲကာ ထွက်လာခဲ့သည်။နေရာသို့ရောက်တော့ ထွက်ခွာချိန်လိုနေသေး၍ ရပ်စောင့်နေစဥ် သူ၏အနောက်ဘက်မှလှုပ်ရှားလိုက်သည့်အသံကြားလိုက်ကာ နားထင်ပေါ်သို့အေးစက်နေသည့်အရာတစ်ခုထိတွေ့လေသည်။

ငြိမ်ငြိမ်နေ မဟုတ်ရင် ပစ်လိုက်မယ်

မင်းဘယ်သူလဲ!ယုကျန်းယာကလွှတ်လိုက်တာလား !

အဟားဟား ငါကရဲတစ်ယောက် ဆက်ပြောရရင် ငါ့ကိုရိပေါလွှတ်လိုက်တာပဲ

ထို့နောက် သူတို့နှစ်ယောက်အနားသို့ ရဲဝတ်စုံနဲ့လူတစ်ယောက်ရောက်လာပြီး လက်ထိတ်ခတ်လိုက်သည်။ရဲတော်တော်များများ ထွက်လာသည်ကိုတွေ့လိုက်ပြီး မာဟုန်ဝေသူမလွတ်နိုင်တော့ကြောင်းသိလိုက်ရသည်။သူ့ကိုလိုက်ဖမ်းနေပေမဲ့လည်း တိကျတဲ့သက်သေမရှိသရွေ့တော့သူတို့ဘာမှလုပ်လို့မရပါဘူး။ထို့သို့တွေးမိစဥ် မာဟုန်ဝေ နှုတ်ခမ်းများကွေးတက်သွားသည်။ရဲတစ်ယောက်က မာဟုန်ဝေ၏အိတ်ကိုယူလိုက်ပြီး ဇစ်ဆွဲကာအထဲက်ုကြည့်လိုက်သည်။