🦋 Lucid Dreams 🦋 • قصة كاملة•

🦋الفصل الرابع 🦋

•• أراني أهمس بإسمك كالملاك ••

.....كتفكر في هاد الكلمات كأنها بصح هملات الطرف الآخر من العلاقة لكنها كتشوفها محرمة بتاسمات ليه إبتسامة باهتة و كملات في المشي بلا ما تحاول تنطق بحتى كلمة ، قرب ليها و شد في يديها مرة أخرى كأنه كيواسيها اشنو غادي دير المواساة من بعد ما الجرح تحل... نطق بنبرتو المعتادة لي لحد الآن الحاجة الوحيدة لي غادي تفتقدها من بعد لمستو.

• مرتضى : فنظري مرتضى ديال الواقع غادي يبادلك نفس الإحساس.

.....هزات راسها فيها و بتاسمات بطلاقة .

• ذكرى : كتواسنى .

......ربت على شعرها لي مزال ما نشف و تأمل في برائتها لي نوع ما كانت إستثنائية.

• مرتضى : هاد الهضرة كنتي غادي تگوليها لراسك طبعا لا يعني هادي غادي تكون هضرة مرتضى الحقيقي.

....ضحكات على طريقة كيفاش كيهضر و متقبل حقيقة أنه محض وهم و فجأة غادي يمشي .... هزات راسها فيه برقة و عينيها كيتأملو تفاصيل ملامحو ، شعرو لي نازل على جبهته و مبوكلا بفعل الماء ضحكتو البارزة و غمزاتو لي كانو مكملين هاد الجمالية هزات يديها حتى قربات لخدو و حطاتها على دفئها ، كان ظاهر عليها الاعجاب و هو مزال واقف كيتأمل في حركاتها لبسيطة إذ به كيهز إديه و كيحطها على بشرتها شي لي خلا قشعريرة تسري في جسدها كانت لاحظة غريبة نوع ما سمفونية شاعرية خلات كل من قلبها و قلبو ينصاعو لحاجة خيالية ...... نطق بنبرة أترات على نبضات القلب.

• مرتضى : فهاد اللحظة كان ممكن القصة تختم بقبلة.

.....فمها تحل لا إراديا كانت مصدومة و نوع من الحمرة لعبات على وجنتيها الشيئ لي خلا مرتضى يضحك بصوت مسموع و ينطق بطريقة ماكرة...

• مرتضى : لكن غادي تكون من طرف مرتضى الواقعي...

.....عينيها ستغربو من هاد الجرأة إلا أنها تقبلتها هزات رأسها و شدات في يده مرة أخرى و كملو في طريق الغابة ، نطقات محيدة ديك الهالة ديال الحشمة.

• ذكرى: اشمن نوع ديال المفاجأت .

.....بتاسم و قرب ليها أكثر .