انا واختي وقصة فصل العشائري

جزء أخير

❤❤❤❤❤❤❤❤❤

في بيت ابو حياة .....

دخلو بنات لغرفتهن بتعب فكعدت رحاب على جربايتها و كالت رحاب بأترتياح....

....الحمدالله خلصنا من مشاكل ولد عمي....

تفاجئت حياة لمن سمعت وكالت بصدمة ....تشاقين مو ولج بعد ساعتين نروح فصلية أشبيج انتي....

كالت رحاب وهي تباوع لحياة بعزم ...اروحن فصلية وﻻ أتزوج سراج خبل ....

كعدت حياة يمها وكالت ....بصراحة كبل أبدا ماجنت أكره شهاب وحتى بعد مانهى علي هم ما كدرت اكرهه بس لمن خلة سلاح براسي كرهته كره مو طبيعي.....

وكتها قاطعت حياة دكت موبايلها فأخذت موبايلها من على جربايها وشافت أتصال من سما فكالت لرحاب ..

...هاي سما....

رحاب...أي جاوبيها ....

فتحت حياة خط وكالت ....ها سما ...

كالت سما بقلق ...كولولي أشلونجن بصراحة اني كلش قلقانة عليجن .....

كالت حياة....أحنة زينات وهسه جاي نحضر نفسنا حتى نروح كولولي انتي أشلونج دريد سوالج شي...

كالت سما....لا دريد بعد ماحبسني بغرفتي طلع ومارجع ....

كالت حياة...سما ديري بالج على نفسج ....

وكتها ما كدرت سما تتحمل فكامت تبجي فكالت ...

...ليش تحجين هيج 😢...

ذبت حياة حسرة وكالت ....لان سما يمكن بعد نشوف بعض ....

تفاجئت سما وكالت...لا تكولين هيج 💔 انشاءالله نشوف بعض أترجاج تفائلي ...

أبتسمت حياة بحزن وكالت...انشاءالله حبيبتي ...

وكتها دخلت ام حياة لغرفة بناتها وحياة لمن شافت أمها كالت لسما وهي تباوع لوالدتها

...سما أترخص منج لازم أروح ....

كالت سما....مع السلامة ....

قطعت حياة خط وكامت من جربايتها و اما ام حياة أقتربت من بناتها وجان مبين عليها حزن وإكتئاب وحياة لمن شافت تعب أمها وحزنها ودموعها ركضت لحضنها وكامت تبجي بحرقة ووالدتها لمن شافت بنتها بهل حالة حضنتها وبددت تبجي .....
ورحاب لمن شافت حزن أمها وأختها ماتحملت وطلعت برة غرفة وراحت للحوش وكامت تبجي وكتها دخل سراج بيت بعصبية وشاف رحاب واكفة بالحديقة فأقترب منها أنزعجت رحاب لمن شافته فكالت لنفسها...

...أهو هم إيجة ....

وكتها قررت رحاب تروح ولمن رادت تروح وكفها سراج وكال....

...وين...

أنزعجت رحاب و كالت بعصبية....رايحة أجهز نفسي ...