وكتها وصلت رغدة لباريس واخذت تكسي وراحت لبيت عسل ولمن وصلت دكت جرس وكتها فتحت حياة باب واستغربت لمن شافتها فكالت ...
....تفضلي ...
كالت رغدة ....هذا بيت بسام يوسف ...
كالت حياة...اي هذا هو بيته...
رغدة...لو سمحتي اريد جنتهم عسل....
كالت حياة...ليش شتصيرين الها ....
رغدة ...اني اختها ....
تفاجئت حياة وكالت بعدها....تفضلي هسه اصحيها الج...
دخلت رغدة للبيت وكتها جانت عسل بالمطبخ تساعد ام بسام بتحضير غدة حينها دخلت حياة للمطبخ وكالت...
....عسل اكو وحدة على الباب تكول انو هي اختج رغدة....
تفاجئت عسل وكالت ....مستحيل ...
تركت عسل بالي جان بأيده وطلعت من مطبخ وتفاجئت لمن شافت رغدة وكتها راحت يمها ركض ولزمتها من ذراعها وكالت...
....اشلون أيجتي لهنا....
كالت رغدة....شردت منهم ...
انصدمت عسل وكالت...ولج اشلون تسوين هيج...
بجت رغدة وكالت....تعبت منهم عسل تعبت....
حضنت عسل رغدة وكالت... اها يا رغدة مشتاقتلج هوايه...
كالت رغدة...واني اكثر....
وكتها ايجت ام بسام وكالت ....عسل ...
تركت عسل رغدة وباوعت ﻹم بسام فكالت ام بسام...
....عسل متعرفينة ....
كالت عسل....خالة هاي اختي رغدة ...
كالت رغدة...مرحبا خالة...
ابتسمت ام بسام وكالت....اهلا وسهلا حبيبتي تفضلي أرتاحي ليش واكفة ....
وكتها كعدو كل وبدت عسل تعرفها عليهم وبعد تعرفت عليهم صعدت رغدة لغرفة عسل وخلت جنطتها على الكاع فكالت رغدة....
....حياتج حلوة وعندج حماية طيبة مو مثل حماتي ...
ابتسمت عسل وكالت...اي صحيح ....
وكتها دخلت رحاب لغرفة عسل وكالت ...خالتي تصيحج ....
تركت عسل رغدة وراحت تشوف خالتها ....بالليل جانو بنات مجتمات بغرفة عسل فكالت رحاب...
....اليوم لازم نحاجي بسام حتى يساعدنا ....
فكالت حياة...ولجن اني خايفة ...
كالت سما...من شنو ...
حياة....من كلشي ...
رحاب....اهدئي انشاءالله كلشي يصير تمام ...
وكتها دخلت عسل ورغدة للغرفة وشافت بنات مجتمعات بغرفتها فكالت رحاب...
...عسل بسام رجع للبيت....
أنت تقرأ
انا واختي وقصة فصل العشائري
Romanceقصة هي قصة اختين يروحن فصلية علمود اخوهم واختين يعانن من نهوة هاي اول رواية الية فصلية ونهوة الكاتبة 😊جو😊
