ندى صحيت و اتفاجت..
صحيت و اتفاجت ان شهد مش معاها ف الغرفة راحت ع غرفة سارة و زينب و باقي البنات بردو ملقتهمش و اتفاجت ان مفتاح عربيتها مش موجود....
ف مكان آخر
طماطم : والله العظيم ندى هتموتنا
شهد : انا مالي انتوا قولتوا هاتي المفتاح و جيبته و بعدين هو انا اللي بسوق
زينب : حد قالها تعملني السواقة
سارة : فضهرك ي زوزا متخافيش
زينب : حبيبي ي جامد
مريم : سرعي شوية ي زينب انتي ماشية ع قشر بيض
زينب : تعالي سوقي
طماطم : يعني هو حد فينا بيعرف يسوق
زينب : يبقى تكتموا
و هما ماشين شغلوا اغاني و بدوا يسقفوا و يهيصوا و فجاة .....!
عند ندى...
ندى لبست و نزلت تحت لقت سمر و مروه ...
ندى : شوفتي الكلاب
سمر : مالهم
ندى بعصبية : مشيوا و سابوني لوحدي و كمان خدوا عربيتي
مروه : اووووووه معلش ي ندى خلاص تعالي معانا انا و سمر و عمرو..
ندى بقرف : رايحين فين
مروه : هنلف شوية
سمر : تعالي ي ندى
ندى : ماشي
عمرو جه عليهم
عمرو : صباح الخير
جميعهم : صباح النور
عمرو : حابين تروحوا فين
مروه بدلع : اي مكان حلو ي عموري
عمرو : يبقى يلا
ندى رنت ع زين..
ندى : الو
كلهم وقفوا يستنوها
زين : اي ي ندوي
ندى : انت فين انت كمان
زين : مع كريم و احمد و عبدالله ..طلعوا بيتصرفوا زيي و متقوليش اتصاحب عليهم ..داحنا اتصاحبنا بالصدفة ي شيخة..
ندى : عبدالله حاف كده
زين : بالجبنة
ندى : بارد ..و قفلت ف وشه السكة و راحت ركبت ف العربية جنب سمر ورا علشان مروه قعدت قدام.....
عند البنات...
زينب معليه الأغاني و بترقص معاه و كانت اغنية (ولع قلبي لما شافها ولع )
كان فيه عربية شباب ماشية جنبهم و بتعاكسهم
و زينب عايزة تنزل تزعقلهم و سارة مش عايزاها تنزل و عايزاها تهرب منهم و شهد قاعدة خائفة و طماطم عايزة تعمل زي زينب و تنزل تزعقلهم و مريم كذلك ...
