ف أحد المناطق بالقاهرة تحديدا منطقة ( دار السلام ) تجلس بطلتنا و تسمع اغاني للفنان (عامر منيب) الله يرحمه.
زينب تغني مع الأغنية و تعيط : عامل اي ف حياتك ي حبيبي طمني عليك
دخلت عليها ندى صديقتها و بنت عمها
ندى : ي بنتي ارحمي نفسك كل يوم تشغلي ليه اغنية و تقعدي تعيطي
زينب : ندى بس بالله عليكي سيبيني اعيط مع نفسي
ندى : ي بنتي خلاص ده ميت بقاله كتير جدا
زينب : بس بحبه و عمري ما هنساه ابدا
دخلت طماطم عليهم : اللي يسمعك يقول أنكم عشرة و كلتوا مع بعض عيش و ملح ي بنتي ده مجرد ممثل و مغني لا عمرك شوفته ع الحقيقة بتشوفيه ف التلفزيون بس
زينب : بس بحبه بردو
طماطم : انا مرارتي اتفقعت
ندى : خلاص ي طماطم سيبيها براحتها بقى هى بتحبه و الصراحة هو فنان جميل
زينب بتغني : انا صورتك دايما قدامي و مفرقتنيش و يوماتي معايا ف أحلامي و مبتسبنيش
طماطم : ما هو اكيد صورته قدامك انتي الأوضة بتاعتك عبارة عن تركيبات صورك انتي و هو مع بعض
زينب : ملكيش دعوة
ندى : اللي يشوفك دلوقتي ميشفكيش الصبح ي زينب انتي بليل قبل ما تنامي بتحبي ف عامر منيب و الصبح بتحبي ف حسن شاكوش انتي اي ي شيخة
زينب : لا حسن شاكوش ده عادي إنما عامر منيب ده حبيبي
طماطم : انا مروحة يلا ي ندى و سبيها مع عامر منيب
ندى : 😂😂 يلا يختي .. سلام ي زوزا
زينب : سلام ي كلاااااب
طماطم : انا كده اتأكد أنك زوزا حبيبتي بالشتيمة دي 😂😂
زينب : امشي ي بت اطلعي برا و سيبيني ف حالي ... غوووري
ندى : متجعريش ماشين
طماطم : اه و اعملي حسابك تصجي بدري بكرا علشان نخرج و نبدأ اليوم من أوله
زينب : حاضر احنا هنروح فين اصلا
ندى : انتي ناسية ي زينب لما قولتلك اني اول ما أتعلم السواقة نخرج كلنا بعربيتي الجديدة
زينب : استر يرب .. لا اعفيني انا من الموضوع ده أما مش مستغنية عن حياتي
ندى : هتيجي يعني هتيجي ...
زينب : مش قادرة تستغني عني عايزاني معاكي علطول
ندى : اه ي بت انا ماهيته ف دباديبك
زينب : 😂😂😂😂😂 طبعا
طماطم : فضونا من جو الأشعار ده يلا نمشي انا نموت و أنام
