တောအုပ်ရဲ့ ဆောင်းဦးဟာ တော်တော်တန်တန် အေးစိမ့်စိမ့်ရှိလှတယ် ! လူနေအိမ်ခြေ ပတ်ဝန်းကျင်ထက် ပိုမှိုင်းဝေတဲ့ တောအုပ်ရဲ့ မနက်စောစောဟာ အရပ်ရှစ်မျက်နှာလုံး မြူတို့ဆိုင်းလို့ မှိုင်းပျပျရှိနေတယ် !
"ဒါတွေက ဒီနေ့အတွက် ဆုတောင်းစာတွေပါ Kokonoe sama !"
ဆုတောင်းစာတပွေ့တပိုက်နဲ့ ခန်းမဆောင်ထဲ ဝင်လာတဲ့ Tenriရဲ့ ခရမ်းရောင်ဝတ်ရုံမှာ မြူနှင်းတချို့ စိုလက်လို့ ...
"အင်း စားပွဲပေါ်တင်ထားလိုက် Tenri!"
Kokonoe က ပြတင်းတံခါးဝကနေ အပြင်ကို ငေးရင်း ပြန်ဖြေတယ် ! သူ့အတွေးထဲ မြူခိုးတွေလို တစုံတရာဟာ မှိုင်းပျရီဝေနေသလိုပဲ !
"Tenri !"
"ဟုတ်ကဲ့ Kokonoe sama !"
"ဒီဇင်ဘာ ! လူသားတွေ သတ်မှတ်ကျတဲ့ လအခေါ်အဝေါ်အရ ဒီဇင်ဘာဆိုတာ အခုလ မဟုတ်လား?"
"ဟုတ်ပါတယ် Kokonoe sama !"
"ဒါဆို ဒီဇင်ဘာ ၄ ရက်နေ့ဆိုတာ ဒီနေ့ပေါ့ ?"
"ဟုတ်ပါတယ် ! ဟို ... ဘာကိစ္စများရှိလို့လဲဟင် Kokonoe sama ? ဒီဇင်ဘာလေးရက်နေ့မှာ ဘာလုပ်စရာရှိလို့လည်း?"
အပြင်ကိုငေးနေဆဲ Kokonoe မျက်မှောင်တွေကုတ်သွားတယ် ! ပြီးတော့ သူ့ခေါင်းကို တချက်ခါလိုက်ပြီး အရေးမကြီးသလိုအမူအရာနဲ့....
" ဘာမှ ရေးကြီးခွင်ကျယ်မဟုတ်ပါဘူး! ဆုတောင်းစာထဲ ပါတဲ့ ရက်တရက် အမှတ်ရမိလို့ မေးကြည့့်တာ!"
"သြော်.. ဟုတ်!"
"အဲ ... Kokonoe sama ဘယ်သွားမလို့လဲ ?"
ရုတ်တရက် ဘာမပြောညာမပြော ခန်းမဆောင်ထဲက ထွက်သွားတဲ့ Kokonoe ကြောင့် Tenri ပိုက်ထားမိဆဲ ဆုတောင်းစာလိပ်တွေကို စားပွဲပေါ် အမြန်ချပြီး ကပြာကယာမေးလိုက်တယ် !
" ဘယ်မှမသွားပါဘူး ! ငါလုပ်စရာလေးရှိလို့"
"ဟို Kokonoe sama ဆုတောင်းစာတွေ မဖတ်ရသေး...."
