عوالم مختلفه

الحلقه 1

#عوالم_مختلفه🌸
#الحلقه 1

انتهت الحصه الرابعه و طلعن من الفصل و قمعزن ف الحديقه ، سقمت وشاحها وهيا تشوف للطلاب كيف يشوفلها بنظره غريبه عشان متحجبه و مسلمه تنهدت وقعدت تشوف قدامها بشرود و تفكر في كلامه امبدري

أيلا .. سكرت جاكتها وارتعدت من الصقع ، هيا احكيلي
لوتس .. ابتسمت و شافتلها ع شنو
أيلا.. يادي الاستعبااط شن قالك عيسى امبدري

حركت يديها في بعضهن عشان الصقع و ابتسمت ع فضول صاحبتها ، بدت تذكر فالي صار و تحكيلها

لوتس..

" عيسى.. لوتي انتي عارفه انك السنه هذي حتخشي لل18 سنه و تقدري تاخذي قراراتك بروحك ف نبي نحكي معاك و انتي لكي القرار تقرري

شافتله بعيون خايفه من يلي حيقوله و مش صعب عليه يفهم نظرتها ، أبتسم و حط ايده الثانيه فوق يدها ومسك يدها بين يديه

عيسى.. غبيه انتي و تفكيرك
لوتس .. شافتله و هيا مدهوشه كيف عرف هيا شن تفكر
عيسى .. تغيرن ملامحه للجديه ، لوتي لو تبي نجيبلك هلك لعندك انا مستحيل نخليك تطلعي من هنا و انتي عارفه انك منه و فينا بس اذا بتعرفي با..

قاطعت عليه وهيا تشوف للارض وتحرك في كراعها بتوتر ،
لوتس .. عندي عيله وحده نعرفها هيا انتم و حنكون سعيده لو كملت عمري معاكم مش محتاجه لاي حد غيركم
عيسى.. أبتسم عليها في داخله و شافلها عدي البسي عشان يوصلوكن للمدرسه "

أيلا.. أبتسمت و مسكت يدها ، أنتي نصي الثاني قبل ماتكوني أختي و مستحيل نفترقو
لوتس.. أبتسمت وشدت ع يدها ، حبيبي أنتي
أيلا .. حتى انا عندي حاجه بنحكيها لكي
لوتس .. شافتلها ب أهتمام شنو

عدلت قمعيزتها و حطت خصله شعرها ورا وذنها وبدت تحكي بجديه
أيلا .. شوفي تصرفات ميليسا شاكه انها تخوف خويا
لوتس .. جت بتحكي
ايلا .. اسمعي كلامي للاخر بس ، شوفي لما يكون عيسى مش موجود هيا تطلع و ع طول المده يلي يغيب فيها عيسى هيا تبقى مش قاعده و تروح قبل مايجي عيسى بيوم و حتى انها تطلع بدبش فااضح بكل
لوتس .. تنهدت من كلام صاحبتها ، حرام تقذفيها بكلام كيف هذا الله حيعاقبك عليه مدام انتي ماشفتيش عليها شي ماتتهميهش وحتى لو شفتي عليها استريها ف نهايه نحن بنات نفسها نفسنا
ايلا.. نفخت في ماليتها كش برا و بعيد لا مانفسها انا
لوتس.. ضحكت قولي انك تكرهيها
ايلا .. اكيد نكرها حد النخاع ماتشوفيش فيها كيف تشوفلنا بتكبر و غرور عكس اختها آيار لو كنت مكان خويا مانزوج من لفعى نفسها

سرحت في خيالها في كلمه " زوجه خويا " حست ان في شي لامسها و تسارعن نبضات قلبها و توترت حتى انها خافت يبان عليها بس بسرعه مانفت الشعور هذا من داخلها ، تنهدت و هزت براسها

لوتس .. ع كيفها هيا حره ، لو في حد حيحاسبها ف هوا خوك نحن شن دخلنا
أيلا .. ياريت يتعصب منها و يقتلها مره وحده لاكن شي بروود و كان الموضوع نحن يقتلنا
لوتس .. ضحكت نشك ان خوك يخوف لما ينقلب يقعد وحش رسمي
أيلا .. ضحكت وجت بترد عليها سمعت صوت الجرس نفخت بملل ، اللعنه ع المدرسها كلها