#عوالم_مختلفه 🌸
#الحلقه6
" انتي الوحيده يلي قادره طلعي لوتي من الحوش "
الكلمات هذينا قالتهن ميليسا لمريم عشان تزرع في راسها فكره انها طلع لوتي من الحوش ، بس مش كل الناس تمتلى مش كل الناس تستخدم غضبها بعدم انسانيه ، رغم غضب مريم و حتى انها من كثر ماحطت ذنب ع لوتي كرهتها لكن الانسانيه ماممتش في قلبها عشان اطلع يتيمه لعالم وحوش خصوصا هيا عارفه ان لوتي شابه و سمحه و حيستخدموها للبيع و الشراء ، هيا ماترضهاش في آيلا كيف حترضاها في لوتس
شافتلها مريم .. صح انا حاقده ع لوتس لكن مش معناتا نحط اللوم عليها كلها هيا لا بلعكس اللوم الكبير عليك لانك ماخليتش السنين هذينا كلهن عيسى يحبك فيهن انتي يلي ضيعتيه من يدك و حاولي تكسبيه من جديد مش ديري يلي يغضبه منك و شيرت ع وجها ، مزال اثر اصابعه ع وجك عشان قربتي من لوتس لذلك بعدي ع طريقه هذي يكون احسن لك
صبت مريم و خلت الانسانه يلي وراها مشتعله من حقدها و كرها تجااه الكل و اولهم لوتس ، تنهدت بقوه وهيا مزالت تفكر من حتكسب ف الحوش ضد لوتي
______________________________
فتحت عيونها بشويه وهيا مبتسمه وتشوف لكتلت الجمال يلي قدامها ، رايفت ع انها ترقد هكي في حضنه و رايفت ع انها تحس بالامان هذا معاه ، كان عيسى لاف يديه ع خسرها بتملك و كان خايفها تريح منه ، ابتسمت وهيا دقق في كل تفاصيله شعره القهوي يلي مختلط بخصلات ذهبيه و نازل ع وجه بطريقه تجنن حواجبه الحادات مع عيونه و كثافه رموشه ونزلت بعيونها ع لحيته الكثيفه يلي زايدته هيبه ، قربت راسها منه بشويه و غمضت عيونها وهيا تستنشق في عطره
شهقت بقوه لما سمعت صوته
عيسى.. ب ابتسامه وصوت مبحوح ، لدرجه هذي تحبيني
لوتس.. عضت ع فمها بقوه ، وقعدت مغمضه عيونها بقوه وماتبيش تشوفله
عيسى.. ضحك عليها بصوت عالي ، ورفع يده وقعد يرفع في وجها
لوتس.. غطت وجها وبصوت واطي ، عيسى خلااص
عيسى.. ضحك ، باهي خلاص رديت رقدت تأملي فيا كيف ماتبي و شمي حتى بنتي
لوتس.. نفخت بقوه ، اووف انت كييف تعرف بس وانت راقد
عيسى.. ابتسم وبصوت هادي ، هوا انا نقدر نرقد وانتي بين يديا
طلعت عيونها بس و قعدت مغطيه نص وجها وتشوفله مع الورغان ، ومبتسمه آثر كلامه
عيسى.. أبتليـتُ بحب جميل ، لهَ عينانَ فاتنتانَ وسَلاماً عَلى قلبيَ ..
لوتس.. ضحكت بعيونها ع كلامه ، وساكته
عيسى.. قرب باس عيونها ، هيا صبي وتي روحك للمدرسه
لوتس.. ضربت ع جبهتها ، اووف كنت ناسيتها بكل
عيسى.. قمعز و اتكى ع السرير ، هيا صبي
__________________________
خش يزن للحوش وجت آيار تجري حضناته ، بدالها الحضن و ابتسم
آيار.. بعدت و حطت يديها ع وجه ، حبيبي وين كنت من امس و كنك مرهق هكي
يزن.. باس يديها يلي ع وجه ، كان عندي شغل للصبح ماقدرتش انروح
آيار.. تنهد بحزن ، يعني مش عشان عيسى
يزن.. عقد حواجبه ، نحن مادخلنش
آيار.. بس هيا اختي كيف يدير فيها حتى ان مخلي لوتي..
يزن.. قاطع عليها بحده ، آيياار
آيار.. نزلت يديها وبعدت منه ، ليش آيار انا نحكي ف الحق لو اختك كنت حترضاها فيها اكيد لا بس الموضوع لما يقعد عندي نسكت
يزن.. تنهد و حط يده ع عيونه و يحرك فيها و ساكت يحاول مايزيدش معاها لان هوا بروحه مرهق
آيار.. تمام عارفه ان ميليسا مش عاجبه حد فيكم و تصرفاته انا بروحي مش عاجبتني بس مش درجه يدير فيها هكي كان حيقتلها
يزن.. شافلها ، كملتي
آيار.. الي في قلبي ماكملش لكن معش عندي ما انتناقش
يزن.. قرب عليها وعاقد حواجبه ، الي في قلبك قلتيه ليا لكن لو نسمع كلمه وحده بس طالعه منك ف الموضوع هذا مش حتلومي الا نفسك و مشى من جنبها
آيار.. التفت عليه وعيونها دموع ، ايووه رد بالك تسمعني سكتنيي بسس
