#عوالم_مختلفه 🌸
#الحلقه 9
لا تظن أن دعائك لا يستجاب، الله يسمعك، يدبر أمرك، يكتب لك كل خير، و يصرف عنك الشر برحمته، إطمئن الله لا ينساك.💜✨
___________________________
مسكها من كتوفها بقوه وهوا مصدووم من كلامها ماعرفش شن ينطق و لا شن يقول خاف يسألها آخرى و تقول نفس الكلام ، غمض عيونه بقوه ورد فتحهن و يشوفلها و عيونه حمر ويتنفس بقوه و الدمعه في عيونه ، فقد اخر ذره صبر عنده و بدا يخض فيها بقوه و يعيط
سيف.. مننن ولدييي منننن قوليي ياااسقاااطه منننن
رفع يده و ضربها كفف بقووه لدرجه طاحت تحت ، حطت يدها ع خدها و بدت تبكي كيف العويل لصغار كانت تحت تاثير الدواء و مش عارفه هيا شن تقول ،لان سيف تعمد يعطيها الدواء عشان تحكي بدون وعيها و ماتكذب عليه ، قرب منها سيف و هيا وخرت لاوره و لصقت ف الساس و تشهق من البكاء و كانها عيل صغير
سيف.. طبس عليها و مسكها من شعرها بقوه ، سنونه يطقطق من العصبيه ، مننن قتتلككك
ميليساا.. ببكاء و تشهق ، مم ممراد وحطت يديها ع عيونها
سيب شعرها بقوه و عنف و برم حط يديه ع راسه ، حس بصدااع رهيب ، كان ضايع مش مصدق لحد الان ولده من سنين يلي حلم بيه و يحساب ان ماات طلع عايش و عند من عند اكبر عدو لاه ، الانسان يلي كان بيدمره طلع هوا نفسه يلي اعتنى بولده و مربيه و كان ولده لدرجه الناس يلي برا يحسابوه ولده ، ولا العيل يلي خطفه و كان حيقهر عيسى بيه طلع ولده ولو دار فيه شي كان اول شخص حينحرق قلبه عليه هوا ، و لا ميليسا ليش دارت هكي ليش كذب عليه وقتها هوا ماتخلاش عليها صاح كانت صغيره و تعذبت في حملها بس كان معاها خطوه بخطوه حتى ان قعد معاها ثلاث شهور ف المستشفى و ماسيبهش ليش دارت هكي ، حبها من هيا و صغيره و دار المستحيل عشانها وهيا عشان لفلوس ازوجت ب عيسى يلي كان عدوه زاد حقد عليه اخرى بعد خذاها منه و رغم هكي اول ما علمها انها طلقت من عيسى ردلها و قعدو يتلاقو صاح كان يبي منها مصلحها لكن حبها من قلبه ف نهايه تغدر بيه هكي ؟
حرك يده في شعره بقوه و ينزل يمسح ع وجه يحاول يهدا و يصرف بعقله لكن كيف حيبقى فيه عقل بعد يلي سمعه ، برم عليها وقرب منها بهدوء وهيا تشوفله و عيونها دموع رفع يده و ضربها كف كان اقوى من يلي قبله تردد صوت الكف ف الصاله لدرجه حست وجها حيطير وفمها بدا ينزف
سيف.. وعيونه دموع ويضغط ع سنونه ، ليييش وعيط بصوت عالي ليييشش دسيتي علياااا لييش حرمتيني منه 20سننننه
ميليساا.. وخرت بيديها منه و كانها بتخش ف الساس ،
سيف.. مسكها من دبشها و قعد يخض فيها بقوه ، لييييش ليييش فهمينننيي
ميليساا.. حطت يديها ع راسها و قعدت تبكي بقووه ، رااسي يووجع فيااا
سيف.. وقف يخض فيها و قعد يشوفلها بحقد و عارف ان الدواء صداع راسها من تاثير الدواء ، حاول يهدي روحه عشان ياخذ منها الكلام ، ليش ماقلتيش ان مراد ولدي
ميليسا.. تحول بكاها ل ضحكه و ضحكت ، عشاان نبيكش تحبه اكثر مني
سيف.. عقد حواجبه ،
