#عوالم_مختلفه🌸
#الحلقه 19
قمعزت ماريا بتعب وهيا تشوف في لوتي مصبيه قدامها وعيونها دموع حركت راسها بتعب ف هيا مزالت مريضه و فتحت يديها للوتي ، قدمت لوتي منها وقمعزت ع السرير و حضنتها وحطت راسها ع صدرها وهيا دموعها ينزلن بعد ماطلعت من عند عيسى مكسوره ، فضلت ماريا السكوت وهيا تمسح ع شعرها بحنيه ، مالقتش ماتحكي قدام بنتها وهيا ماعندهش حتى القوه انها تاخذها وطلعها من هنا و من جهه ثانيه حب عيسى للوتي و نظرات التملك الي في عيونه مستحيل تقدر تبعدها عليها ، مسحت دموعها بيديها الي يرعشن و بصوت واطي
لوتي.. ممكن تحكيلي ع بابا كيف كان
استغربت ماريا سؤال لوتي وااجد وماتوقعتش ابدا ، تنهدت وهيا تذكر كيف كان وماتبيش تحكيلها عشان ماتعطيهاش فكره سيئه عليه ، ضمتها لصدرها اكثر و بصوت هادي
ماريا.. ماما انتي تريح....
قاطعت عليها لوتي و هيا تقاوم في عبرتها و ببكاء
لوتي.. ارجووك
سكتت ماريا لثواني و بعدين مسكت يده لوتي و تمسح بيدها لخرى ع يد لوتي ، و بصوت مخنوق
ماريا...
كان مسلم لكن كانن افعاله مايمدنش للإسلام ب أي صله ، كان يجي للبار عندنا و يشرب للصبح لحد مايفقد الوعي و يطلبوله سياره للفندق ، كان كل يوم مع بنت شكل وكل يوم مشكله شكل في نااس واجد ياماما يطلعو من دولتهم ويجو للأجانب و يديرو العار ، يديرو الي ماداروهش الاجانب و المشكله الاكبر انهم يكونو مسلمين ، كل الي يحسابوه ان هنا محد يشوف فيهم و ان هنا بلد الحريه و ناسين ان الله يشوف فيهم ، باتك كان واحد من الناس هذوما ، انا ماكنتش من الناس الصالحين او تقدري تقولي اني ماكنتش نفرق عن باتك بس انااا انجبرت اني ندير هكي انما هوا اختار يدير هكي ، تعرفنا ع بعضنا من البار و وقتها وعدني ان يطلعني من يلي انا فيه يوم عن يوم كان يثبتلي في كلامه وحبه لياا و فعلا طلعني من غادي و انتقلنا ع حوشنا ، لحد ماحملت بيك وقتها كنت فرحااانه وجيت حكيتله ، نزلو دموع مارياا دموع غدر و حزن ، ردني وقتها قالي جمله مستحيل ننساها قالي ان انااا مثلت عليك بس عشان ناخذ الاقامه عليك لاني كنت نحمل الجنسيه الامريكيه ، وقتها انهرت كل حلم حلمته معاه حطمه ليا و حطملي شعور الامومه الي كان في داخلي ، نزلت راسها و دموعها ينزلن ، باتك كان شيطان في هيئه انسان
رفعت لوتي راسها و تحجرن لدموع في عيونها وهيا مش قادره تبكي اكثر بعد الي بكااته كل مالها تسمع عن حياتها شي اسوء من الي قبله و بصوت مخنوق
لوتي.. و وقتها كرهتيني اناا و دفعتيني ثمن حقدك لاه
ماريا.. رفعت راسها ودموعها ينزلن بغزاره ، طلب من نزلك ونقتلك بس اناا ماقدرتش انفرط فيك
رفعت صوتها ، صوت الطفله المظلومه الي في داخلها ، وببكاء
لوتي.. انتيي فرطتيي فيااا لما جبتيني فرطتي فياا لما خليتي بسس عشان تنتقمي منه فرطتي فيااا لما عطيتيني للعصابه هذكي وخليتيني نجيي هناا ، فرطتيي فيااا و واااجد اخرى
