#عوالم_مختلفه 🌸
#الحلقه_ماقبل_الاخيره21
" لم تخلق عوالمنا مختلفه عبثااا ، إذا شاء الله سيجمعنا لنكون سببا في تغيير اقدار غيرنا فقط ثِق برب الكون "
_________________________
خش لغرفه الجلوس و شاف لباته كيف ساكت مسى عليه و جا بيرقى لكن وقفه صوت باته الي باين ان مافيهش خير ، برم ع باته و ملامح الجمود ع وجه و شافله ، موسى شاف لعيسى و الغضب في عيونه
موسى.. كنت ديما نعطيك حق التصرف في كلل شي في كل شيي و مانعارضش في قراراتك و سلمتك مسؤوليه كل شي من لما كنت صغير لكن لهناا و بس يااعيسى لهنا و بس ، بتحكيلي السبب الي خلاك دير هكي في عمااد
مسح عيسى ع وجه بتعب و ردت بيه الذاكره
كان في طريقه للمكان الي قاله عليه رامي ، حط راسه بين يديه وهوا يشوف تحت و يتوعد بظلام عيونه و هدوئه كان غريب يسبق ماقبل العاصفه ياكد ان حيحرق كل شي بغضبه مش عيسى يسيب حثاله يديرو فيه هكي كل شي لاه وقته ، وقفت السياره و التفت سليم ع عيسى
سليم.. سيدي وصلنا
رفع عيسى عيونه في سليم و كانن خاليات من أي مشاعر و ملامح وجه عباره جمود قاسي لدرجه خاف سليم وهوا يشوف عيسى بالحاله هذ خصوصا لما يكون بالحاله هذ ف هوا تجااوز حدود صبره تنفس براحه لما نزل عيسى من السياره ، رفع عيسى عيونه للسماء المزينه بالنجوم وتنهد من كل اعماق قلبه و كان يقول ان وصل صبره في كل شي ، تقدم بخطوات ثابته بعد مارد الجمود لملامحه و خش للمستودع لقى اصاحبه غادي لكن ماتوقعش عماد الي معاهم ماتكلمش وهوا يشوفلهم ببرود لكن بيفهم شن جاب عماد و منظر عماد كان كيف المريض النفسي ، صبى رامي من مكانه و ببرود
رامي.. أستلم انا خلاص مهمتي تمت جبتله لكي و انت تصرف و نفضل انك تقتله
ضرب قيص يده ع جبهته مستحيل يتغير حيبقى بالقسوه هذ و بعصبيه
قيص.. يقتل ولد عمته و فوقتا بيحط ع روحه ذنب مادرهاش قبل مايخش الاسلام بيديرها توا
تجاهله رامي و شاف لعيسى الي ماتحركش وقعد مصبي ونظراته ع عماد بعمق و كان عماد يشوف للارض بهدوء و يهز واخيرا تكلم بجديه و رزانه
عيسى.. شن قاعد يصير و ليش هوا هنا
شافله قيص و بهدوء .. قمعز قبل
عيسى.. بجمود ، قيص احكي شن في و خلي يكمل اليوم ع خير ورد شاف لرامي و مانسيتش الي قلته بموضوع السااقطه هذكي و حنرده لك
رامي.. بنفس البرود ، وانا عند كلمتى تزوجها انسى ان عندك صاحب كيفي
أمير.. كني منك مانفوتش الفرصه هذي نزوج من وحده كيف ياراا و نفتك من وجه واحد كيف هذ ثنين في وااحد
شافوله الثلاثه بنفس النظره ، حط أمير يده ع فمه و سكت 🤦♀️
تنهد قيص و قرب من عيسى لان عارف مهما اختلفو و يوصل الامر بينهم للضرب احيانا لكن مايتخلوش عن بعضهم ، شاف لرامي وتنهد رامي و شير ع عماد
