#عوالم_مختلفه 🌸
#الحلقه 14
فتحله الباب عشان ينزل ، نزل بكل هيبه و ملامح وجه يلي عليهن الجمود و في جنبه يزن و الحراس وراهم ، شاف للمكان و كميه الصحافه و المصورين يلي جايين ببرود و هز راسه ل حراسه عشان يوسعوله الطريق ، قدمو و قعدو يبعدو ف صحفين عشان يخشو ، خشو جوا و شير عيسى للحراس عشان يقعدو برا ، شافله يزن يصدمه
عيسى.. ببرود ، مالهمش داعي يخشو عند جوا
يزن.. واقسم بالله كان جا يوم و فهمتك بنقى مش نا
عيسى.. ضحك ع الجنب ، معناتا خليك انت طول عمرك
هز راسه يزن ببرود و خش مع عيسى لجوا و قعد يشوف للمكان بقرف و اشمئزاز ،
يزن.. كرهت روحي لاني كنت نجي نتسلى في اماكن هكي ، حمدلله ع نعمه الإسلام
عيسى.. هز راسه ، الحمدلله بنكمل الشغل و نطلع ع طول
يزن.. معش فهمت عرض ازياء و لا ملهى
عيسى.. الحفله لواحد *** شن بتطلع يعني
تقدم بخطوات ثابته و خش لقاعه كبيره كانت كلها مليانه بناس كبار اصحاب شركات و معارض ازياء لكن الاغلبيه كانو عرب لان ال () عربي بس كانو دايرين العار ، سكتو كل يلي ف القاعه و هما يشوفو لعيسى و بعدين بدو يتهامسو في يلي يتهامس عشان دخل الاسلام و في يلي يتهامس كره و في يلي يتهامس اعجااب ، و عيسى معطش اي اهميه لحد ، قمعز ع الكرسي و قمعز جنبه يزن ،
عيسى.. ببرود ، من اول ثواني مليت
يزن.. ضحك ب مكر ، ماتخافش حتجي يلي تسليك
عيسى.. ببرود ، مافيش وحده ماليه عيني غير الغبيه يلي عندي
يزن.. ضحك ، شن درت معاها
عيسى.. سقم قمعزيته و ساح جاكته ، كنت اليوم بنسامحها لكن طلعتلي بموضوع جديد
يزن.. ماتلومش عليها انت عارف كيف مايعطوش في بعضهم
عيسى.. شافله بجنب ، حتى مراتك معاهم وهذا يلي قاهرني يصرفو بغباء و كان مزالو صغار لامتى بنعلمهم
يزن.. آيار خليها بروحها حسابها عندي ، والباقي تعرف تصرف معاهم
هز راسه و سكت ، ولع دخانه و بدا يدخن ببرود بدون مايشوف للعرض ف هوا مش همه العرض غرضه ان يدير امور و يمشي ، لحد ماسمع صوت من وراه
آدم.. اهلا اهلا ، الامبراطور هنا
صبى يزن من مكانه و شاف لادم يلي ع وجه ملامح الشر و الحقد ، وقرب منه
يزن.. الاحسن لكي تعدي من هنا
آدم.. شافله و ب استفزاز ، ليش خايف عليه مني
يزن.. ضحك ع جنب و حك لحيته ، لا العكس خايف عليك منه
كان آدم يحكي و يشوف ل عيسى عشان يستفزه لكن عيسى مكانش معطيه اهتمام ، واول ما قاله يزن هكي شحب وجه من اهانات يزن و شاف ليزن بحقد
آدم.. الاحسن لكي انتي ماتخلينش ناخذك عدو ليا
يزن.. شافله ببرود و رفع كتوفه بدون اهتمام ، آدم عيسى مالهش دخل بموت اختك عاملها ك صديقه لاه و لا أكثر اذا في لوم ف حيكون ع مشاعر اختك ، لذلك الاحسن اختصر الموضوع ع روحك بدون ماتضرر
كان باين عليه مش مهتم لكن يشوف بتركيز للي حوله ف هوا مش غبي عشان ماياخذش احتياطاته من واحد غدار كيف آدم ، طفى دخانه ببرود و صبى بيمشي وقفه صوت ادم
آدم.. ليش تهرب خايف مني
