قسوة الرعد «قيد التعديل»

الفصل الثامن عشر...

نكمل روايتنا(قسوة الرعد)بقلم سلسبيل كوبك..
الفصل ال18..
اخر حاجة وقفنا عندها في الفصل ال17..
رعد ساب نبض و طلع اوضته فوق,نبض قامت وقفت و بدأت تتسند و متضغطش جامد علي رجليها و طلعت لاوضتها..
نبض(بصدمة):ايه ده!!!!!!!!!
نبض:انت بتأجر في السلاح؟!!
رعد(ببرود):لا و ملكيش دعوة...
رعد قفل الدولاب اللي قدامه بعد ما خد اللي هو عايزه..
رعد:غمضي عيونك..
نبض:اشمعنا؟!هتهرب اكيد..
رعد(بحدة):غمضي عيونك..
نبض غمضت عينيها و رعد قفل الدولاب بالرقم السري بتاعه و راح ناحيه السرير و رجعه مكانه..
"كان في دولاب صغير نوعا ما برقم سري فيه اسلحة و تحت سرير رعد كان في اسلحة"..
نبض:و انا انام ازاي بقي؟!
رعد:من يومين كنتي بتنامي عليه..
نبض:ايوه بس مكنتش اعرف انه فيه سلاح..
رعد:انسي انك شوفتي السلاح اصلا..
نبض(بعصبية):هو انت ليه بارد كدة؟!
رعد(ببرود):علشان انا بارد..
رعد ساب نبض و ابتسم لما سمع صوتها العالي..
نبض(بعصبية و صوت عالي):ما انت فعلا بارد يا بارد الله يحرق دمك زي ما حرقتلي دمي...
نبض(بصوت عالي):سامع يا بارد...
نبض(بعصبية):الحيوان اوف..
نبض راحت اوضة الملابس اختارت هدوم ليها و غيرت هدومها بسرعة و راحت علي السرير تنام بعمق..
"نبض لبست تي شيرت لغاية الركبة باللون الاسود و عليه قلوب باللون الذهبي..سيبت شعرها علي ضهرها"..
نبض حطت رأسها علي المخدة و نامت نوم عميق..
_عند رعد..
رعد نزل لاخر دور في البرج لقي سعد مستنيه..
سعد:كدة تتأخر علينا؟!
رعد:خد و وريني هتخرج بيه ازاي؟!
سعد:اومال انت وظيفتك ايه يا معلم؟!.
رعد:قدامي...
رعد و سعد مشيوا من جمب الامن و محدش فتشهم لانهم عارفين رعد..
رعد:غور و مشوفش وشك...
سعد:ده بدل ما تضايفني كوباية عصير من ايد مراتك الحلوة..
رعد ضم ايده بغضب و بص ل سعد..
رعد(بغضب):غور من وشي يا سعد...غور..
سعد:طيب يا عم..
سعد مشي من قدام رعد و ركب عربيته و رجع ل بيته,رعد دخل تاني و طلع ل شقته..
رعد دخل الحمام بس بعد فترة خرج مخضوض من الحمام لما سمع صوت نبض العالي...
رعد قرب علي نبض لقاها منكمشة علي نفسها و بتعيط و بتصرخ و هي نايمة..
رعد:نبض نبض يا نبض..
رعد:نبض فوقي ده كابوس..
رعد بدأ يفوق نبض لغاية ما نبض فاقت مخضوضة..
نبض حضنت رعد و قعدت تعيط..
رعد:اهدي ده كابوس...
رعد:هششش اهدي..
نبض فضلت حاضنة رعد و هي بترتعش و بتعيط و رعد محاوطها بايده الاتنين..
رعد:خلاص اهدي حصل خير..
رعد:ده مش حقيقي ده كابوس..
نبض بدأت تهدأ و هي في حضن رعد و غمضت عينيها و بدأت تنام...رعد حس بتقل جسم نبض بص ليها لقاها نامت..
رعد حط رأس نبض علي المخدة و شال شعرها من علي وشها..رعد كان هيقوم بس لقي رجل نبض باينة كلها غطي نبض بالبطانية و قام غير هدومه..
رعد راح طفي الانور و نام جمب نبض..
************************************
-في الصباح الباكر....
_في الصعيد...
يوسف صحي من النوم قبل الكل و نزل للاسطبل خد خيله و ركبه و بدأ يتمشي بيه..
بعد فترة..
يوسف كان ماشي و لقي قدامه بنت..الخيل عمل صوت قوي و رفع رجله لفوق و البنت اتخضت و وقعت في الارض..
يوسف نزل بسرعة من علي الخيل بتاعه و قرب من البنت..
يوسف بدأ يشوف جرحها...حاول يفوقها بس مفاقتش..
-يوسف شال البنت دي و ركبها علي الخيل و ركب هو كمان و رجع للقصر تاني رجع الاسطبل و شال البنت بسرعة و طلع علي اوضته حطها علي السرير بتاعه..
يوسف وقف بيفكر يعمل ايه بعد كدة و بص علي الساعة..
يوسف(لنفسه):كلها خمس دقايق و تيتة تصحي..
يوسف بص للبنت بصة اخيرة و خرج وقف قدام الباب و فعلا بعد خمس دقايق هدي بدأت تصحي..
هدي خرجت بره اوضتها و لسة هتنزل لقت يوسف قاعد قدام اوضته..
هدي:مالك يا حبيبي؟!
يوسف مسك ايد هدي و دخلها اوضته..
هدي(بصدمة):مين دي يا يوسف؟!
يوسف شاور ليها بمعني انه"ميعرفش"..
يوسف شاور ل هدي"انا ركبت خيل و لقيتها قدامي"..
هدي قربت من البنت اللي قدامها و شافت جرحها..
هدي:انزل جيب بن يا يوسف..
يوسف نزل للمطبخ جاب بن و طلع لهدي تاني..
هدي كتمت الجرح اللي في رأس البنت بالبن..
هدي:ناولني الشاش و القطن..
يوسف راح جاب شاش و قطن و لازق طبي و وداهم ل هدي..
هدي بدأت تعمل جرح البنت اللي قدامها..هدي شالت شعر البنت من علي وشها علشان تشوفها..
هدي:دي بت عمك الخضرواي..
هدي:لازم اجول(اقول) لامها..
يوسف شاور ليها"اصبري لما تفوق"..
هدي:لا علشان ميجلجوش عليها(لا علشان ميقلقوش عليها"..
هدي:اخرج يا ولدي(ابني)..
يوسف خرج مع هدي و قعد معاها..هدي بعتت خبر لمامت البنت دي...
ماما البنت:شكرا يا ست الناس..
هدي:لا و لا يهمك يا ام عطر..
مامت عطر:تسلمي..
هدي:بس لما تفوج (تفوق)تعالي خديها..
مامت عطر:و مينفعش دلوجت(دلوقتي)؟!
هدي:مش هتجدري(هتقدري)تأخديها مغمن(مغمي)عليها..
مامت عطر:طيب يا ست الناس..مطمنة عليها طول ما هي في بيتك..
مامت عطر مشيت و هدي قعدت مع يوسف..
هدي:معلش يا يوسف لما تمشي تبجي(تبقي) اطلع نام براحتك..
يوسف شاور ليها بمعني"و لا يهمك"..
_النهار بدأ يطلع...
ورد:همي يا خيتي(انجزي يا اختي)..
علا:فاضل عشر دجايج(دقايق)..
ورد:طيب...تعالي يا بت يا زهرة..
زهرة:نعم يا اما(امي)..
ورد:اطلعي صحي خيتك(اختك) و شوفي مرت ابوكي(مرات ابوكي)..
زهرة:حاضر يا اما(امي)..
زهرة كانت طالعة لاوضة شربات بس لقت باب اوضتها مفتوح جريت علي اوضتها بسرعة..
زهرة:مسعد..
زهرة:كنت فين؟!
مسعد:في شغل يا زهرة..
زهرة:من غير ما تجولي(تقولي)..
مسعد:و ده من ميته(و ده من امتي؟!)..
زهرة:جلجت عليك(قلقت عليك)...
مسعد:متجلجيش(متقلقيش)..
زهرة:و بتغير خلجاتك ليه؟!(و بتغير هدومك ليه)؟
زهرة:انت هتنزل تاني عاد؟!(انت هتنزل تاني بقي)..
مسعد:نسيتي شغل الارض..
مسعد ساب زهرة و خرج بره البيت..
زهرة(لنفسها):لازم اعرف ايه اللي غيرك يا مسعد..و هعرف..
************************************
-في مكان تاني..
_عند مهند..
مهند صحي من النوم و خرج لقي فاطمة في المطبخ راح باس كتفها..
مهند:صباح الخير يا حبيبتي..
فاطمة:صباح النور يا حبيبي..تحب تفطر دلوقتي و لا بعد القهوة؟!
مهند:لو هتفطري انتي هفطر معاكي..
فاطمة:طيب..
مهند:بقولك هبقي اقول ل رعد و تروحي تقعدي مع نبض شوية..
فاطمة(برفعة حاجب):نبض مين؟!!!!
مهند(بضحكة بسيطة):اهدي اهدي مالك قلبتي ليه؟!
مهند:نبض يا ستي تبقي مرات رعد...
فاطمة(بصدمة):هو رعد صاحبك اتجوز؟!
مهند:ايوه يلا كملي اكل..
فاطمة:تعالي هنا احكيلي هو في بنت اسااسا هترضي تتجوزه..
مهند(و هو بيخرج من المطبخ):جيبي الاكل و اقولك و احنا بنأكل..
فاطمة جهزت الفطار و بسرعة و حطته علي السفرة..
فاطمة:قول..
مهند:فضولية..
مهند:بصي يا ستي هي قصة كبيرة كدة انتهت بجواز رعد و نبض و هما الاتنين ولاد عم..نبض كانت عايشة في تركيا منزلتش مصر خالص بس بسم الله يعني بتتكلم مصري احسن مني و منك..
فاطمة:و دي هتعرف تتأقلم علي العيشة مع رعد؟!اكيد عيشته صعبة..
مهند:علشان كدة عايزك تصاحبيها..
فاطمة:طب هي متكبرة و الكلام ده؟!
مهند:لا متخافيش دي اغلب من الغلب..
فاطمة:طيب اشطا...و هي مشتركة في نادي ايه؟!
مهند:رعد مانعها من كل حاجة يعتبر..
فاطمة:طب ليه كدة؟!
مهند:علشان رزل..ها يا ستي قولتي ايه؟!
فاطمة:هصاحبها يا حبيبي علشان خاطرك...
مهند باس ايد فاطمة و باس خدها..
مهند:ربنا يخليكي ليا يا حبيبتي..
فاطمة:و يخليك ليا يا حبيبي..
فاطمة:قولي بقي حلوة؟!
مهند:حلوة دي حلوة اوي يا فاطمة بس متغيريش انتي عارفة مقدرش ابص لواحدة غيرك..
فاطمة:واثقة فيك يا حبيبي..
مهند:عيونها ملونة و شعرها جميل بس هي من الاخر جميلة..واخدة جمال مامتها التركي..
مهند:و كمان هتنفعك مش كان نفسك تروحي تركيا جبتلك تركيا لغاية عندك..
فاطمة(بضحك):حبيبي...
مهند:خليكي انتي في حياة و مراد..
فاطمة:هخليني و ماله؟!.
مهند:يا بت هضربك...
فاطمة:تقدر؟!
مهند:مقدرش يا قلبي انتي..
مهند:يلا صحي زياد و فطريه و البسي هدوم نروح ليهم..
فاطمة:طيب..
***********************************
-في مكان تاني...
_عند نبض و رعد..
نبض بدأت تفوق و تفتح عينيها لقت نفسها قريبة من رعد بعدت عنه و بصت للسقف..
نبض(بصريخ):آه..
رعد(بخضة):في ايه؟!
نبض(بعصبية):يا غبي ضغطت علي رجلي و انت بتتقلب..
نبض قربت رجليها منها و بدأت تفحصها..
رعد(بضيق):تصدقي انك تافهة..و عيلة فرفورة اوي..
نبض:انا برضو..
رعد(بعصبية):قصدك ايه؟!
نبض:بس صوتك مزعج..
نبض كانت هتقوم بس لقت رعد مسكها من دراعها..
رعد(بعصبية):نحترم نفسنا بقي..مكنش يوم و اتكلمت معاكي فيه حلو..
نبض:وسع...
نبض زقت رعد و قامت دخلت الحمام و خرجت مشيت علي رجليها و دخلت اوضة الملابس...رعد قام دخل الحمام..
"نبض لبست بنطلون اسود و تي شيرت صوف بكم باللون الكشميري و لغاية الخصر..سيبت شعرها علي ضهرها"..
نبض خرجت كانت هتخبط في رعد بس رعد بعد بسرعة...
رعد:فتحي و انتي ماشية..
رعد دخل و بدأ يغير هدومه...
"رعد لبس بنطلون اسود و تي شيرت اسود و كوتشي ابيض عالي شوية"..
رعد خرج لقي تليفونه بيرن...الخط اتفتح..
رعد:الو يا ياسر..
ياسر:ازيك يا رعد اخبارك؟!
رعد:كويس..
ياسر:و اخبار الدكتورة نبض؟!
رعد:كويسين.. خير في ايه؟!
ياسر:هي مش ناوية تيجي تاني و لا ايه؟!
رعد:هي مريضة اليومين دول..
ياسر:خير ان شاء الله؟!.
رعد:مفيش حاجة يومين و هترجع الشغل تاني..
ياسر:طيب انا قلقت بس عليها..
رعد:لا مفيش حاجة..و متشغلش بالك بيها..
ياسر:طيب اهتم بيها كويس..
رعد(ببرود):انا هعرف اهتم بمراتي كويس..
ياسر:ا..
رعد قفل التليفون في وش ياسر و حطه في جيبه..
نبض:هو ده الدكتور ياسر؟!
رعد(برفعة حاجب):عرفتي منين؟!
نبض:من طريقة كلامك معاه و كمان في البداية خالص قولت الو يا ياسر..
رعد:ايوه عايزة ايه بقي؟!
نبض:لا مش عايزة..
نبض سابت رعد و نزلت لتحت..رعد خد كذا ملف و نزل وراها..
رعد كان بيفتح الباب علشان يخرج لقي مهند لسة هيخبط علي الباب..
رعد:ايه اللي جابك؟!
مهند:جيت ازورك..و مش لوحدي معايا مراتي و ابني..
مهند:دخلني يا ابني في ايه؟!
رعد فتح الباب و مهند و فاطمة دخلوا..
فاطمة:السلام عليكم..
نبض رفعت عينيها و بصت ل رعد و بعدها بصت ل فاطمة...
نبض:و عليكم السلام..
مهند:في ايه يا ابني؟!مش هتعرفنا و مش هنعرفها..
نبض:قصدك ايه؟!
مهند:طبعا حضرتك عارفاني..
نبض:لا..
مهند(باحراج):ايه قصف الجبهة ده..احم..
مهند:انا صاحب رعد مهند اللي جيتلكم لما عملتوا حادثة انتي و هو..
مهند:دي مراتي فاطمة و ده ابني زياد..و دي يا فاطمة نبض مرات رعد...
فاطمة:اهلا و سهلا..
نبض قامت و راحت وقفت قدام فاطمة و مدت ايديها ليها..
نبض:تشرفت بحضرتك..اتفضلوا..
الكل راح قعد في الصالون و هما ساكتين..
مهند:في ايه؟!
رعد:مش المفروض ورانا شغل؟!قدامي يلا..
مهند:طب كوباية عصير طيب..
نبض:لحظة هخش اع..
رعد:لا متعمليش حاجة قدامي..سيبهم مع بعض يلا..
مهند:طب..
رعد(بحدة):مهند..
مهند:طيب طيب..خليكي يا حبيبتي و انا مروح هعدي عليكي..
فاطمة:حاضر..
مهند مشي مع رعد و فاطمة و نبض قعدوا مع بعض..
نبض:اسمك ايه؟!
زياد:زياد..
نبض:الله اسمك حلو اوي يا زياد...و انت جميل اوي..
زياد:و انتي جميلة اوي زي اللي ماما بتشوفهم في التلفزيون..
نبض:و ماما بتشوف ايه؟!
زياد:تركي..
نبض:و انت تتفرج معاها؟!
زياد:اه...
نبض:فكي الحجاب عادي..
فاطمة:لا مش مشكلة..
نبض:مفيش حد هنا خالص و رعد مش راجع دلوقتي اكيد يعني..فكي الحجاب فكيه احنا زي بعض عادي..
فاطمة:و الله حبيتك لما مهند اتكلم عنك..
نبض:تسلمي يا روحي..
فاطمة بدأت تقلع الطرحة و زياد بدأ يلعب في الشقة...
فاطمة:انتي عندك كام سنة؟!
نبض:يعني داخلة في ال25..
فاطمة(بضحك):اه و مش ناوية تخلفي قرود صغيرة؟!
نبض(بابتسامة بسيطة):لما ربنا يريد ان شاء الله..
فاطمة:عاملة ايه و مصر عاملة ايه؟!
نبض:مصر طول عمرها جميلة اسااسا كانت ماما بتحكيلي عنها كتير..
فاطمة:هي مامتك في تركيا؟!
نبض:لا ماما توفت و من و انا عندي 8 سنين..
فاطمة(بحزن):اسفة جدا مكنتش اعرف..
نبض(بابتسامة):لا عادي و لا يهمك..
فاطمة(بشهقة):الله يخرب بيتك عملت ايه؟!
نبض:اهدي اهدي حاجة بسيطة..
زياد و هو بيلعب و بيجري في الشقة وقع ڤازة وقعت اتكسرت..
فاطمة(بعصبية):كدة يا زياد تعالي هنا..
زياد:طنط نبض..
زياد جري و استخبي في نبض..
فاطمة(بعصبية):تعالي هنا..
نبض:خلاص بقي اهدي و الله حاجة بسيطة..
نبض:متعصبيش نفسك عادي يعني طفل..
نبض:تعالي معايا يا حبيبي..
نبض خدت زياد و دخلت المطبخ و جابت مكنسه و بدأت تلم الازاز اللي في الارض...
فاطمة:طب خليكي....
نبض:لا و الله ارجعي مكانك..
نبض شالت الازاز و عملت عصير و خرجت هي و زياد بيه..
نبض:اتفضلي..
فاطمة:معلش تعبتك معايا..
نبض:لا و الله مفيش حاجة...دي كلها حاجات بسيطة..
نبض:انا بس لو كنت بعرف اعمل اكل كنت عملت و الله بعتذرلك..
فاطمة:لا يا بنتي عادي..
نبض:شكرا..
نبض و فاطمة بدأوا يتكلموا كتير و الاتنين ارتاحوا لبعض...
***********************************
-في مكان تاني....
_في الصعيد..
كل الستات سمعت صوت صريخ جاي من اوضة يوسف..
علا(بخضة):ايه ده؟!
هدي:هتلاقيها عطر..
ورد:عطر مين يا اما(امي)..
هدي:بت الخضراوي..
هدي:جت امبارح و اغمي عليها و بيتها هنا..
الكل طلع لاوضة يوسف و دخلوا لقوا عطر مدمرة كل حاجة في الاوضة و يوسف باصص ليها بصدمة..
عطر(بغضب):متعصبنيش انت مين و ايه اللي جابني اهني(هنا)..
علا:اهدي يا بتي(بنتي)..
هدي:اهدي يا ورد انا ستك هدي..
زهرة:انتي في بيت عائلة السيوفي عارفة يعني ايه بيت عائلة السيوفي...بعني و لا انتي و لا امك تحلموا بيه...
هدي(بحدة):زهرة انزلي تحت..
هدي:و انت يا يوسف انزل ل تحت..
يوسف بص ل عطر و بص للاوضة و سابهم و نزل..
علا:انزلي من عندك يا بتي(بنتي)..
عطر نزلت من علي سرير يوسف..
عطر:يعني انتوا مش خاطفني؟!
هدي:لا يا بنتي و اغمي عليكي و امك عارفة و قالت هتيجي تأخدك الصبح..
عطر:طيب..
عطر(باحراج):اسفة علي اللي عملته في الاوضة..
ورد:انزلي يلا قدامنا..
عطر:حاضر..
نزلوا تاني و بعد فترة مامت عطر خدت عطر و مشيت..
علا:خلاص الاوضة هتتروق يا حبيبي دلوجت(دلوقتي)..
هدي:معلش يا يوسف...
هدي:فين ادهم؟!.
شربات:جالي(قالي) انه عنده ماتش كورة مع صحابه..
هدي:طيب..جهزوا الوكل(الاكل) علشان الرجالة زمانها حاية؟!
هدي:فين بتك(بنتك)يا ورد؟!
ورد:حابسة نفسيها(نفسها)..
هدي:ليه اكدي(ليه كدة)..
ورد:علشان اللي ابوها جالها عليه(قالها عليه)..
علا:عنديها حج(عندها حق)..
ورد:لا المفروض تتجوز خلاص هتعنس جمبينا اهني(لا المفروض تتجوز خلاص هتعنس جمبنا هنا)...
شربات:لسة سنها صغير يا خيتي(اختي)..
ورد:ابوها ادري بمصلحتها..
هدي:خلاص اهدوا..
عادل:هدي..
هدي:نعم يا حاج..
عادل:كتب كتاب ابن الشيخ عبد الخالق علي ملك الاسبوع الجاي..
هدي:تمام يا حاج..
عادل سابهم و طلع علي اوضته و هدي وراه..
_عند ملك..
ملك كانت بتعيط اوي و الباب خبط..
زهرة:افتحي يا خيتي(اختي)..
ملك فتحت ل زهرة و زهرة دخلت و قفلت وراها الباب..
زهرة:الاسبوع الجاي كتب كتابك يا خيتي(اختي)..
ملك فتحت عينيها من الصدمة و قعدت تعيط اكتر..
ملك(بعياط):مش هتجوز غير رعد يا زهرة..
زهرة:طب اهدي يا ملك..
ملك(بعياط):مفيش في جلبي(قلبي)غير رعد..
زهرة:مفيش مفر يا ملك للاسف هتتجوزي..
زهرة:و كمان متحرجيش جلبك اكدي علي واحد مبيحبكيش و مش شايفك كومان(و كمان متحرقيش قلبك كدة علي واحد مش بيحبك و مش شايفك كمان)..
ملك(بعياط):بحبه يا خيتي(اختي) بحبه...
ملك(بعياط):انا بحبه جبليها(قلبلها)..
ملك(بعياط):انا اللي اعرفه جبلها كومان(انا اللي اعرفه قبلها كمان)...
زهرة:متعيطيش يا خيتي(اختي)..
الباب خبط..
زهرة:ادخل..
جلال دخل و قعد قدام ملك و زهرة..
جلال:اسف يا بنتي علي دخولي كدة..
جلال:احم عارف انك مغصوبة علي جوازك من ابن الشيخ عبد الخالق..
جلال:بس انا بأكدلك انه محترم جدا جدا و هيحافط عليكي و يصونك..
جلال:انا مكنتش موافق بس لما سألت عنه قولت ان ده هو اللي هيشيلك في عينيه..
جلال:ابن ناس و محترم و الله و يستاهل ادبله فرصة..
جلال:متزعليش نصيبك اللي مكتوبلك هتعشيه..
جلال:متضايقيش نفسك..
جلال:كمان اسبوع فرحك لارم تفرحي زي اي عروسة..
جلال قام و باس رأس ملك و طبطب علي كتفها..
جلال:ربنا يسعدك يا بنتي..
جلال ساب ملك و زهرة و خرج راح لاوضته..
ملك قعدت تعيط كتير و زهرة قامت و سابتها..
**********************************
-في مكان تاني...
_عند نبض..
عدت فترة كبيرة اوي علي نبض و فاطمة و كان الجو بليل خالص..
فاطمة(بقلق):هو اتأخر كدة ليه؟!.
نبض:متخافيش هتلاقيهم كويسين..
فاطمة:ان شاء الله..
سمعوا صوت فتحة الباب فاطمة حطت الحجاب بسرعة علي شعرها,نبض لفت تشوف مين...
نبض:احم حمدلله بالسلامة...
رعد لا رد..
رعد:ادخل يا مهند...
مهند:البيت بيتي عارف..
مهند راح باس رأس فاطمة و باس زياد اللي كان نايم علي الكنبة..
مهند:اكيد زهقتي من رغي فاطمة؟!
نبض:لا لا طبعا..
مهند:مكسوفة تقولي و لا ايه؟!اذا كنت انا بزهق منها..
فاطمة:و الله...سيبك منه يا بنتي ده رخم..
فاطمة:انا كيوت و الله..
مهند:بالستر..
فاطمة:بس بقي..
نبض(بضحك):لا و الله هي قمر..
مهند:طيب نستأذن احنا..
رعد:طيب..
مهند شال زياد و فاطمة حضنت نبض...
فاطمة:ابقي كلميني..
نبض:اكيد..
رعد و نبض وصلوا مهند و فاطمة لغاية باب البيت..
نبض(ربعت ايديها و بصت ل رعد):جعانة..
رعد(برفعة حاجب):افندم؟!
نبض:ايه مسمعتش بقولك جعانة..
رعد:اتصرفي انا مالي..
نبض:انا عايزة اكل بيتزا..
رعد:اعملي بيتزا...
نبض:لا اتصل و اشتري بيتزا ليا..
رعد:مش معايا فلوس..
نبض:انت رخم علفكرة...
رعد(ببرود):لمي لسانك علشان مقصهوش ليكي..
رعد ساب نبض و طلع يغير هدومه و نبض بصت بغضب لضهره..
نبض(بغيظ):رخم..
نبض راحت للازاز اللي مغطي كل الحيطة و قفت و بدأت تتفرج علي منظر النيل و مصر من فوق..
بعد فترة بسيطة..
نبض لقت رعد حاوط خصرها بايده نبض رفعت رأسها ليه...
رعد قرب من نبض و (لخيالكوا)..
نبض:انت بتعمل ايه؟!.
رعد(ببرود):متنسيش اني قولت وقت ما اكون عايز اقربلك هيبقي بمزاجي...
رعد سند جسم نبض علي الازاز و لسة هيقرب منها..
نبض مسكت كف ايد رعد و تنته و رعد بصلها بصدمة,نبض لفت دراع رعد التاني حوالين رقبته..
نبض(بغضب مكتوم):بس انا مش جذمة لما تكون عايز تلبسها تلبسها و لما تكون عايز ترميها ترميها..
نبض(بغضب مكتوم):انا عندي طاقة و احذر مني لو خلصت..
نبض زقت رعد و سابته و طلعت الاوضة فوق..
رعد كان مذهول من حركاتها و اتضايق انه معرفش يتصرف و يعمل ردة فعل سريعة..
رعد طلع ورا نبض لقاها بتحط مخدات علي السرير..
رعد:بتعملي ايه؟!
نبض:بعمل حدود..
رعد:ليه؟!
نبض:لان مفيش غير سرير واحد و انت مش هيبقي عندك دم و تنام في اي حتة تانية و انا مش هنام الا علي السرير...ف هنحط حدود و محدش يقرب من التاني..
نبض:بس كدة..
نبض نامت في الجزء بتاعها و رعد راح نام في مكانه و كل واحد بدأ ينام...
نبض:رجلك ابعدها عني..
رعد:انا لمستك؟!
نبض:عيل رزل..
رعد:انا عملت حاجة؟!
نبض:اهو انا كيفي اشتمك ها عندك مانع؟!.
رعد:حيوانة..
نبض:احترم نفسك..
رعد:احترميها انتي الاول..
نبض:بس بقي عايزة انام..
نبض غمضت عينيها و بدأت تدخل في نوم عميق,رعد بصلها بغيظ و كمل نومه..

_مفيش تشويق اهو الفصل ده🌚💜..
*********************************
يتبع::::💜..
بحبكوا💜..
يا رب الرواية تنال اعجابكم💜..
رأيكوا يهمني💜..