قسوة الرعد «قيد التعديل»

الفصل السادس..

نكمل روايتنا(قسوة الرعد)بقلم سلسبيل كوبك..
الفصل السادس..
اخر حاجة وقفنا عندها في الفصل الخامس..
_في الصباح الباكر...
شربات(بصريخ):الحقوووووووووووووووني...
الكل صحي علي اثر الصوت ده و قاموا مفزوعين..
عادل(بحدة):في ايه يا مرة(امراة)؟!
شربات(بوجع و صوت عالي):الحقني يا حاج مش قادرة..
بلال(بقلق):مالك يا شربات؟!
الكل لاحظ ان شربات بدأت تنزل دم و هيغمي عليها..
نبض(بنوم):في ايه؟!
نبض لقت شربات مرمية في الارض و الكل حواليها جريت عليهم..
نبض(بالتركية):وسعوا وسعوا..
نبض بدأت تشوف نبض شربات..
نبض(بالتركية):جهاز ضغط...هي حامل؟!
الكل بصلها بعدم فهم..
ثريا:عايزة جهاز ضغط...و بتسأل هي حامل..
هدي:ايوه ايوه اما جهاز ضغط لا..
ثريا(بالتركية):حامل يا نبض..
نبض(بالتركية):لازم ننقلها المستشفي..
ثريا:عايزين ننقلها المستشفي..
عادل:جهزوا العربيات..
-نقلوا شربات في العربيات و راحوا للمستشفي كل الرجالة و نبض و ثريا..باقي الستات قعدت في البيت..
نبض(بالتركية):جهزوا اوضة العمليات فورا..
ثريا:جهزوا اوضة عمليات..
نبض بصت علي المستشفي لقتها مزبلة مش مستشفي..
نبض(بعصبية):ازاي المستشفي بالقذارة دي؟!
الكل بصوا ليها بسبب طريقة كلامها..
ثريا:نبض احنا مش في تركيا..
نبض(بحدة):جهزوا اوضة العمليات..
رعد(بحدة):هي مش وكالة يا هانم انتي مين علشان تتدخلي كدة؟!
نبض:انا دكتورة و الاولي علي دفعتي و كمان بشتغل في مستشفي من اكبر المستشفيات...و انجزوا مفيش وقت كبير علي انقاذها..
بلال(بعصبية):ما توافج(توافق)يا ابوي(بابا)ولدي(ابني)هيروح مني..
عادل:اعملوا اللي تطلبه..
دكتورة:بس يا عادل بيه هنا مفيش اوضة عمليات..
نبض(بصدمة):بتهزري!!!!!
دكتورة:لا يا فندم..طلبت الموضوع كذا مرة بس محدش عمل حاجة..
دكتورة:و دي المستشفي الوحيدة اللي هنا..
نبض(بعصبية):طب جهزي اوضة الاشاعة لازم اخد صورة ليها و للجنين..
دكتورة:مفيش حاجة من دي يا فندم..
نبض(بصدمة):ايه اللي حصل ده؟!!!!!!
-لقوا النقالة عجلة منها وقعت و النقالة كلها وقعت في الارض بشربات و الدم بدأ يزيد..
نبض(بعصبية):جهزيلي اوضة علي الاقل اقدر اتصرف فيها..
دكتورة:سعاد شوفي اكتر اوضة فاضية يلا..
سعاد:حاضر يا حضرة الحكيمة..
سعاد جريت و لقت اوضة و شالوا شربات و دخلوها الاوضة..
نبض:ثريا تعالي معايا..
نبض:عايزة 5 ملم من(*******)..
دكتورة:لحظة..
نبض:فين الجوانتي و المعقم فين اوضة التعقيم؟!
سعاد:اهو الجوانتي..
نبض:هدوم العمليات فين؟!
سعاد:مفيش اوضة عمليات يبقي مفيش هدوم..
نبض بصتلهم بغضب و بدأت تحاول قدر امكانها تعالج شربات..
_عند الستات..
هدي:الطف بينا يا رب..
علا:هتبجي(هتبقي)بخير يا اما(امي)..
هدي:ان شاء الله يا بتي..
زهرة:دي تلاجيها(تلاقيها)كانت بتدلع..
ملك:لا يا زهرة...لو كانت بتدلع زي ما بتجولي(بتقولي)مكنتش نزلت دم و اغمي عليها..
ورد:اسكتي منك ليها و يلا كل واحدة علي اوضتها..
زهرة:يا اما(امي)..
ورد(بحدة):يلا منك ليها..
زهرك و ملك كل واحدة طلعت علي اوضتها..
_في المستشفي...
"هي مش مستشفي هي زي وحدة صحية كدة,علي قد حالها لان في بعض الاماكن في الصعيد اللي مبيبقاش فيها حالات خطيرة و عمليات اوي"..
بلال:اتأخروا جوي(اوي)..
جلال:متقلقش يا بلال هتبقي بخير..
ادم:هتبقي بخير يا عمي..
عادل:واثق في بتك(بنتك)يا جلال؟!
جلال:ايوه يا بابا..
رعد كان قاعد بكل برود علي الكرسي اللي موجود..مسعد كل شوية يبصله..
نبض خرجت و كانت بتقلع الجوانتي و كانت بتدور علي سلة زبالة..
نبض(بالتركية):حتي مفيش سلة زبالة هنا..
عادل:اتكلمي عاد ايه اللي حوصل(قولي ايه اللي حصل)..
نبض:محاولة اجهاض بس الحمدلله انقذنا الام و الجنين..
بلال:الحمد لله...الحمد لله..
نبض:المفروض رعاية لمدة اربعة عشرين ساعة..
نبض بصت علي المستشفي..
نبض:المكان اللي انتوا فيه ميعتبرش راحة ليها لذلك البيت احسن..
الدكتور:دكتورة نبض..
نبض:نعم..
الدكتورة:شكرا انك كنتي موجودة..
نبض:المهم توصلوا بلاغ لوزير الصحة او للمحافظ او لاي جهة تيجي تعاين المستشفي و يجددوها..
الدكتورة:احنا قولنا لعادل بيه...
نبض:اعتقد انه مش الوزير يعني و لا المحافظ..
عادل:احنا هنا الحكومة..
عادل:و يلا مفيش ستات تجعد(تقعد) بره البيت يلا وصلها يا ادم..
عادل دقق في ملامح ادم لقاه متعور في وشه..
عادل:ايه اللي حوصل في وشك(ايه اللي حصل في وشك)؟!
ادم:اتخبطت يا جدي..
عمر:وصل نبض البيت يا ادم يلا..
نبض:لا مش هروح معاه..
الكل بصوا ليها و رعد بصلها بنظرة تحدي..
جلال:ليه يا نبض؟!
نبض(بغيظ):لاني عايزة الف شوية في البلد اتفرج عليها يا بابا..
نبض كانت بتبص ل رعد بغيظ و غضب..
عمر:بعد الفرح لو رعد فاضي يأخدك تلفي..
نبض:فرح ايه؟!
جلال:يلا يا نبض تعالي معايا انا هوصلك..
نبض:طب هتنقلوا شربات؟!
بلال:ايوه هننقلها..
-نقلوا شربات و ركبوها العربية و كان مغمي عليها..و الكل رجع تاني القصر...شالوا شربات و طلعوا علي اوضتها..
هدي:حوصل ايه يا بنتي؟!(حصل ايه يا بنتي)..
نبض:حاجة بسيطة يا طنط هدي..هي بس محتاجة رعاية و متتحركش كتير..
علا:هدخل اعملها حاجة دافية تهدئ بطنها..
نبض:تمام..
ورد:طب الواد؟!
نبض:الحمد لله انقذناه...عن اذنكوا..
نبض طلعت علي اوضتها و خدت دوش و عقمت نفسها و خرجت تغير هدومها..
"نبض لبست فستان طويل باللون الاصفر ب ¾ كم و عليه تطريز باللون الاسود و واسع شوية و لبست صندل بكعب باللون الاسود و رفعت شعرها ديل حصان"..
نبض كانت ماشية في ممر الاوض لقت اوضة يوسف الباب بتاعها مفتوح نوعا ما فتحته و دخلت..
يوسف(بخضة و تقطع):ب ببب تتت ععم لل ي اا ييه(بتعملي ايه)؟!.
نبض قفلت الباب و دخلت لاوضة يوسف...
نبض:طب ده حلو تقدم حلو بتتعلم الانجليزي..
نبض:بس اللي انا مش فاهماه ليه مش عايز تقول ليهم انك بتتكلم..
نبض:و ايه اللي بيحصل اساسا؟!او ليه بتعمل كدة؟!فهمني؟!
يوسف(بتقطع):ممم يي نف فف ععع ش تتت كك كو نيي مم ععا اااااي اا ففف ي نن فف س االلاووض ةة(مينفعش تبقي معايا في نفس الاوضة)..
يوسف(بتقطع):و للل وو حد دد يين ااا(و لوحدينا)..
نبض:مصيري اعرف...باي..
نبض فتحت الباب لقت مسعد قدامها..
نبض:خير عايز حاجة؟!
مسعد:هو انتي كنتي عند يوسف بتعملي ايه؟!
نبض:بعمل بانيه..
نبض زقت مسعد و كانت هتمشي لقته مسكها من ايديها و شدها ناحيته..
-نبض في اقل من لحظة نزلت من تحت دراعه و لفته حوالين رقبته و ضربته علي ركبته فوقع في الارض..
زهرة(بصدمة):عملتي ايه؟!!!!!!
نبض:كنت بعطيه درس صغير يتعلمه طول حياته..
زهرة:ابعدي عن جوزي يا مجنونة انتي..
زهرة زقت نبض و نبض نفضت ايديها ببرود..
نبض(ببرود):خديه ده شبه خلة السنان..
نبض سابت زهرة و مسعد و نزلت ل تحت..
زهرة:عملتلك ايه بنت المركوب دي؟!
مسعد:معرفاش(معرفش) يا زهرة..
زهرة:انت زين؟!(كويس)..
مسعد:دراعي يا زهرة..
زهرة:ربنا ينتقم منها..تعالي يا حبيبي تعالي..
زهرة خدت مسعد و دخلت اوضتهم قبل ما حد يشوفهم...
_تحت..
نبض مكنتش طايقة رعد و ادم و راحت قعدت جمب جلال..
جلال:عايزة ايه يا حبيبتي؟!
نبض(بهمس):امشي من هنا..
جلال:نبض!!
نبض:خلاص خلاص..
عمر:انتي حكيمة فعلا يا نبض؟!
جلال:قصده دكتورة يا نبض..
نبض:اااااه فهمت..
نبض:اه انا دكتورة..
عمر:تخصص ايه؟!
نبض:عندنا في تركيا بنهتم بكل التخصصات بمعني انه انا عندي معلومات كتيرة لكذا تخصص فبالتالي انا مش تخصص معين..
ادهم:هناك في تركيا في ناس بتتكلم عربي؟!
نبض:اه..
ادهم:انتي الاول مكنتيش بتتكلمي عربي ازاي فجأة بقيتي بتتكلمي؟!
نبض:انا واخدة كورسات في اللغة العربية و كمان انا بتعلم اللغة العربية علشان ماما بتحب كدة و كمان ماما كانت بتعلمني ازاي اتكلم عربي و انا صغيرة..
ادهم:اومال فينها؟!
نبض:ماما متوفية..
الكل بصوا ل بعض و سكتوا...
نبض:بس بابا عوضني عنها بحاجات كتير..
نبض باست خد جلال و حضنته..
تليفون نبض رن...
جلال:مين؟!
نبض:فتون..
الخط اتفتح..
نبض(بالتركية):هاي..
فتون(بالتركية):يا حقيرة!!
نبض(بالتركية):في ايه؟!
فتون(بالتركية):اتفأجي انك سافرتي مصر مش جزر المالديف..
نبض(بالتركية):بعدين هحكيلك..
نبض(بالتركية):اخبار محمد و ميران؟!
فتون(بالتركية):انتي ازاي بتسألي كلنا بخير طبعا..
نبض(بالتركية):لما ايدي تسلم عليكي هنتأكد..
فتون(بالتركية):انتي بتقولي ايه طبعا وحشتينا؟!
نبض(بالتركية):طيب..
نبض(بالتركية):التكلفة كبيرة عليكي هتصل بيكي انا بليل..
فتون(بالتركية):ماشي يا عم الغني..
نبض(بالتركية):باي..
جلال:نبض قومي للستات جوا..
نبض:فين؟!
جلال:امشي علطول علي ايدك الشمال..
نبض:تمام..
نبض قامت و راحت للمطبخ لقت الكل بيشتغل..
نبض:هاي..
ثريا:عايزة حاجة يا حبيبتي؟!
نبض:لا..
ثريا:طب جعانة؟!
نبض:امممم مش اوي..
ثريا:طب استني شوية و هنأكل كلنا سوا..
نبض:حاضر..
هدي:تعالي يا حبيبتي جمبي..
نبض راحت قعدت جمب هدي و ملك و زهرة باصين ل نبض بغضب..
نبض:نعم يا طنط..
هدي:تحبي تأكلي حاجة معينة؟!
نبض:لا شكرا يا طنط..
هدي:يا حبيبتي متتكسفيش..
نبض:لا و الله مفيش كسوف..
زهرة:ما تجومي(قومي) ورينا اكلك..
نبض:مش بعرف اعمل اكل...عن اذنكوا عايزة اكلم عادل بيه في موضوع..
نبض قامت و راحت للرجالة تاني..
نبض:عادل بيه لو سمحت عايزة اتكلم مع حضرتك في موضوع..
عادل:قولي..
نبض:بالنسبة للمستشفي اللي احنا روحناها اتمني يبقي في اهتمام بيها...
بلال:انا بجول (بقول)اكدي(كدة)يا ابوي(بابا)..
بلال:المرة دي مرتي و ولدي(مراتي و ابني)..المرة الجاية منعرفوش(منعرفش) مين...
عادل:تمام هفكر و ارد عليكي..
نبض:شكرا..
نبض:هطلع اشوف شربات..
نبض طلعت لاوضة شربات و خبطت الباب..شربات كانت لسة صاحية من شوية و مش قادرة تتحرك..
شربات(بتعب):ادخل..
نبض:مساء الخير...حمدلله بالسلامة يا قمر..
شربات:الله يسلمك..حوصل ايه(حصل ايه)؟!
نبض:محاولة اجهاض بس الحمد لله انقذناكي انتي و الطفل..
شربات:شكرا يا حضرة الحكيمة..
نبض داست علي سنانها بغيظ من كلمة حكيمة دي..
نبض:طيب حاليا التحركات هتبقي بحساب و لازم يبقي معاكي مرافقة..
نبض:عايزة تدخلي الحمام؟!
شربات هزت رأسها بمعني اه باحراج..
نبض:اتفضلي معايا..
نبض سندت شربات و دخلتها الحمام و استنتها لما خرجت..
نبض:بصي هتغيري هدومك و بعدها هأخدك و ننزل نتمشي 5 دقايق و بعدها تتغدي و تطلعي ترتاحي..
شربات:تمام يا حضرة الحكيمة..
نبض ساعدت شربات تغير هدومها و نزلوا علي السلالم بس ببطء شديد..
ورد:تعالي يا خيتي(اختي)..
ورد مسكت شربات بسرعة و شربات اتوجعت..
نبض:لا يا طنط براحة..
نبض:هاتوا كرسي بسرعة..
جابوا كرسي و قعدوا شربات علطول و شربات كانت بتعيط..
نبض(بحدة):حضرتك مكنش ينفع تشديها جامد كدة..
ملك:بتزعقي لامي ليه؟!
نبض:لان الجرح ممكن يتفتح تاني و ساعتها هنفقد الجنين و مش هيبقي في ايدي حاجة علشان انقذه..
بلال(بغضب):ورد..
بلال كان بيرفع ايده علشان يضرب ورد نبض مسكت ايده..
نبض:الراجل هو اللي يطبطب مش يمد ايده زي الستات..
نبض راحت ناحية ورد و خدتها ورا ضهرها و وقفت جمب شريات..
نبض:احسن؟!
شربات:شوية..
الكل اتصدم من جراءة نبض في الكلام مع بلال..
جلال:معلش يا بلال امسحها فيا..
نبض:مقولتش حاجة غلط..
جلال(بحدة):نبض..
نبض:اسندي عليا..
نبض سندت شربات و راحت قعدتها علي كرسي السفرة..
نبض:عملتي مسلوق زي ما قولتلك يا ثريا..
ثريا:اه يا حبيبتي..
ثريا حطت قدام شربات اكل مسلوق..
ثريا:حاجة تاني؟!
نبض:شكرا يا ثريا..
و الكل جه و قعد و بدأ يأكل و كان الكل ساكت..
نبض:فين يوسف؟!
علا:بيأكل في اوضته..
نبض:طيب عن اذنكوا..
نبض سابتهم و طلعت اوضة يوسف خبطت الباب و دخلت..
نبض:مساء الخير..
يوسف(بتقطع):هههت تتف ضض لل يي ت تيج يي كك تت تي رر(هتفضلي تيجي كتير)..
نبض:امشي يعني؟!
يوسف(بتقطع):لل اا مم شش ققص دد يي ااا نا اا خخ اا يي فف عع للي سُ مم ععت كك(لا مش قصدي انا خايف علي سُمعتك)
نبض:مش بنعمل حاجة غلط..
نبض:بس هو انت ليه بتأكل لوحدك؟!
يوسف(بتقطع):ععع لل ششا اان جج دو ممي ززع ققش(علشان جدو ميزعقش)..
نبض:و هو هيزعق ليه؟!
يوسف(بتقطع):ععع لل ششا اان ههم ما مم شش بب يحح بوو نني(علشان هما مش بيحبوني)..
الباب خبط و رعد دخل لقي نبض قاعدة مع يوسف..
رعد:بتعملي ايه هنا؟!
نبض:قاعدة مع يوسف..
رعد:مفيش طلوع هنا تاني..فاهمة؟!
نبض:و انت مين علشان تقولي اطلع و لا مطلعش و كمان ده يبقي ابن عمي..
رعد مسك دراع نبض و وقفها قدامه..
رعد:انا اللي كمان ساعات هكون جوزك قدام كل الناس و قدام ربنا..
نبض:و المفروض اصدقك؟!وسع ايدك عني عيل رزل..
نبض زقت ايد رعد و خرجت بره الاوضة,رعد بص ل يوسف و مشي..
نبض كانت ماشية متعصبة خبطت في ملك..
نبض:اسفة..
ثريا:نبض بتعملي ايه بره اوضتك يلا زمان الفستان جه..
نبض بصت ل ثريا برفعة حاجب و بصت ل رعد اللي واقف علي السلم و حاطط ايده في جيبه و باصص ليها ببرود..
ثريا:هو مش والدك فهمك انه لازم تتجوزي انتي و رعد علشان الطار ده يخلص..
نبض(بهمس و حدة):طب ما الزفتة ملك دي..
نبض و ثريا و رعد لقوا ملك وقعت في الارض مغمي عليها..
نبض:ملحقتش ادعي عليها بتبصيلي ليه؟!
نبض نزلت لمستوي ملك و شافت النبض..
نبض:النبض مرتفع جدا..لازم ننقلها اوض..
نبض قبل ما تكلم كلامها لقت رعد شال ملك بين ايديه و طلع علي اوضتها و نبض و ثريا وراه..
نبض:تقدر تتفضل..
رعد خرج بره الاوضة و راح لادم..
ثريا:ايه يا بنتي؟!
نبض:معرفش مش شايفة سبب للاغماء..
زهرة:بت يا ملك ان...
زهرة(بصدمة):انتوا عملتوا فيها؟!
زهرة(بصريخ):الحقوني..
نبض مسكت كف ايد زهرة و تنته و حطت ايديها علي بوقها و زقتها في الحيطة..
نبض:هشششش اهدي اختك كويسة اهي..فجأة لقيناها مغمي عليها مش مصدقة روحي اسألي ابن عمك رعد..
نبض:يلا يا ثريا..
نبض و ثريا راحوا لاوضة نبض لقوا فستان متعلق في كيس..
نبض:يا ثريا مش عايزة يا ثريا..معرفش هيحصل ايه؟!انا مش بتاعة طار و جواز و عيشة تانية و الكلام ده كله..
ثريا:معلش يا حبيبتي كان حلم مامتك انها تشوفك بالفستان الابيض جمب راجل يقدر يحميكي و يحافظ عليكي..
نبض:و مين قالكوا ان ده هيقدر يحافظ عليا؟!
ثريا:ابوكي واثق فيه و انتي عارفة قد ايه ابوكي بيحبك و مش هيرميكي لاي حد..
نبض:طب..
ثريا:ها يا نبض؟!
نبض:حاضر..
ثريا:في بنات هتطلع تساعدك..
نبض:طيب..
ثريا نزلت ل تحت و بعد فترة في بنات مش صعيدين طلعوا و قعدوا مع نبض..
بنت1:بشرتك مش محتاجة اي حاجة غير ميكب بسيط جدا..
بنت2:فعلا..تقدري تخشي الحمام تأخدي دوش..
نبض كانت مترددة و بتبص للبلكونة..
نبض:طب ممكن تتفضلوا بره شوية؟!
البنات(باستغراب):طبعا..
البنات خرجوا..نبض غيرت هدومها بسرعة..
"نبض لبست بنطلون اسود و تي شيرت ابيض بحمالة رفيعة علي الكتف و فوقه جاكت جينز ب ¾ كم و مربوط من عند الخصر..نبض رفعت شعرها ديل حصان..و لبست كوتشي ابيض عالي نوعا ما"..
-نبض شافت ارتفاع اوضتها بالبلكونة لقته عالي..جابت ملايات قعدت تربطهم كتير و نزلت بسرعة و جريت ورا القصر و لسة هتنط سمعت صوت خيول راحت ناحية الخيول و عجبتها مهرة باللون الابيض جميلة جدا خدتها و ركبتها و لقت بوابة صغيرة في الاسطبل و خرجت منها و طلعت تجري بيها..
"نبض متعودة علي ركوب الخيول"..
_في القصر..
ورد:ايه اللي موقفكوا هنا؟!.
بنت1:العروسة خرجتنا بره..
ورد خبطت علي باب نبض ملقتش رد فتحت الباب لقت البلكونة مفتوحة..
ورد(بصدمة):يا نهار اسود!!!!!!!!
علا:ايه يا ورد مالك؟!
ورد:البت هربت..
ورد و علا بصوا ل بعض بصدمة و ورد قعدت علي السرير من كتر الصدمة..
هدي:بتعملي ايه منك ليها؟!
بنت2:العروسة هربت..
هدي(بصدمة):ايه الكلام الماسخ(الوحش)ده..
ورد:هنجول(هنقول)ل رعد و لا لعمي ايه؟!
رعد(بجمود):هتقولوا ليا ايه؟!
هدي:ابوس ايدك يا رعد متأذيهاش دي لسة متفهمش حاجة ابوس ايدك يا ابني علشان خاطر ستك..
رعد(بجمود):حصل ايه؟!
هدي:نبض هربت..
رعد تحولت نظرته للغضب الشديد و ضغط علي ايده بغضب..
-رعد دخل اوضة نبض لقاها مدلدلة ملايات كتير نط بسهولة للبلكونة اللي تحته و بعدها علي الجنينة..
-رعد افتكر ان نبض مشيت امبارح من السور راح ورا القصر و راح للاسطبل علشان يأخد الخيل بتاعه لقي في مهرة مفقودة..
رعد:انتي اللي جبتيه ل نفسك يا بنت السيوفي..
رعد ركب الخيل بتاعه " كان باللون الاسود و تعتبر شخصيته زي شخصيه رعد"..
رعد خرج بره القصر و لقي اثار المهرة مشي وراها و كان مسرع اوي لغاية ما لمح نبض و راح ناحيتها و كانوا بعدوا عن القصر بكتير..
-رعد وقف قدام نبض و المهرة ب خيلهُ..
نبض اتصدمت و بصت وراها و بعدها بصت ل رعد..
نبض:ا..
رعد نزل من الخيل بتاعه و قرب من نبض شالها بكل سهولة من علي المهرة..
نبض(بوجع):آه انت ماسك حمارة..
رعد(بغضب):علي الاقل الحمارة بتفهم اكتر منك..
نبض(بغضب):انا مسمحلكش احترم نفسك..
رعد رفع مع ايده و كان هيضرب نبض بس افتكر كلام هدي..
_
هدي:ابوس ايدك يا رعد متأذيهاش دي لسة متفهمش حاجة ابوس ايدك يا ابني علشان خاطر ستك..
_
نبض(بغضب):اضرب مستني ايه و كمان انا هستني ايه من واحد جاهل زيك..
رعد مسك دراع نبض و تناه ورا ضهرها و قربها منه..
رعد(بغضب):هترجعي معايا غصب عنك..و كمان انا واقعك الاسود اللي مش هتقدري تهربي منه و لو هربتي الف مرة هجيبك يا نبض...انتي شايلة اسمي و انا مستحيل اخليكي تخلي اسمي في الارض..
نبض(بغضب):انت مش هتأمرني انا مش عايزاك هو الجواز بالعافية..
رعد:ايوه بالعافية و لسة قايلك يا نبض انا واقعك الاسود..
رعد(بغضب):قدامي..
-رعد ركب نبض علي حصانه الاسود و طبطب علي ضهره و الحصان رجع علي القصر زي كأنه عارف البيت و رعد ركب علي المهرة و راح وراهم..
رعد(بغضب):انزلي..
نبض نزلت من علي الخيل و بصت ل رعد بغضب و كانت هتمشي لقت رعد سندها علي الحيطة..
رعد:اعملي اي حاجة هبلة زيك و ساعتها انتي بس اللي هتندمي و تعيطي..
رعد مسك دراع نبض و دخل بيها القصر..
عمر:رعد انت ازاي ماسكها اكدي(كدة)..
رعد(ببرود):مراتي..
رعد ساب ابوه و طلع علي اوضة نبض رماها علي السرير في حضن هدي..
رعد(بغضب):مسئوليتكوا..لو هربت تاني هعاقبكم انتم و بعدها اقطع رقبتها..
نبض(بعصبية و هي في حضن هدي):انت ا..
هدي:بسسسسس اهدي يا نبض...كتر خيرك يا ابني..
هدي:اقفلي الباب يا علا..
رعد مشي و علا قفلت الباب و نبض كانت متعصبة..
نبض(بعصبية):ده جاي يتأمر علي ايه؟!شايف نفسه علي ايه و هو شبه المعزة..
هدي(بضحك):كدة برضو يا نبض..
ورد:لو كان عمي عرف كان جتلك(قتلك) فيها يا بت انتي.. انتي اتجننتي..
نبض:انا معملتش حاجة هو اللي غلطان عايز ضرب الجذمة..
علا:ميصحش ده جوزك..
نبض:اوف برضو هتقولوا ليا جوزك جوزك...ده طاووس مش جوز ده...قولوا اني متجوزة طاووس, غوريلا,جحش مش انسان ابدا..
التلاتة ضحكوا علي نبض...
هدي:يلا يا حبيبتي قومي البسي..
ورد:يلا يا بنات تعالوا...
البنات دخلوا و الستات خرجوا ما عدا علا قعدت معاهم...
نبض دخلت الحمام خدت دوش و خرجت بدأت تحط الميكب و تلبس الفستان...
_عند الباقي..
عادل:كيفه الفرح يا بلال؟!
بلال:زين(كويس)يا ابوي(بابا)..كل حاجة زين(كويسة)..
بلال:و كل الناس عرفت ان الليلة دي ليلة رعد علي بت عمه نبض بت عم جلال السيوفي..
عادل:زين(كويس)..
عادل:و انت يا عمر عملت ايه؟!
عمر:حضرت عائلة الشرقاوي كلاتها يا ابوي(كلها يا بابا..
عادل:عفارم عليك يا عمر(براڤو ليك)..
جلال:مساء الخير..
عادل:مساء النور يا ولدي(ابني)..
جلال:ايه الاخبار؟!
عمر:كله تمام يا جلال..
جلال:كويس..
الرجالة بدأت تيجي الجنينة...
هدي:واد يا ادم ادم..
ادم:نعم يا جدة..
هدي:يلا طلعوا الاكل..
ادم:طيب...تعالي يا ادهم تعالي يا يوسف..
ادم و ادهم و يوسف و الغفر بدأوا يحطوا الاكل للرجالة..
ورد:و هنعمل كل ده تاني بكرة يا اما(امي)..
هدي:ده فرح رعد ابن الغالي و نبض بنت الغالية و الغالي يا ورد..
زهرة:اشمعنا مخلوش الستات تيجي هي كمان؟!
هدي:اكدي يا زهرة تعالي خدي مني..
ملك نزلت بتعب من اوضتها بعد ما عرفت بجواز نبض و رعد..
ورد:مالك يا ملك؟!
ملك:مفيش يا اما(امي)..
ورد:لا فيكي ثريا جالت(قالت)انه اغمي عليكي..
ملك:هتلاقيني مأكلتش زين(كويس)..
ملك راحت جمب زهرة و هي واقفة حزينة...
_عند الرجالة..
رعد اول ما خرج حصل ضرب نار كبير..
ادم:منور يا كبير..
مهند:استغفر الله العظيم يا ابني فك وشك حتي يوم فرحك مكشر..
رعد:بص يا مهند لو مبعدتش من قدام عيني خلال تلت ثواني متعرفش هعمل فيك ايه..
مهند بالفعل مشي بعيد عن رعد و ادهم راح ليه و هو بيضحك..
ادهم(بضحك):مش قادر منظرك يهبل..
مهند:هتوقع ايه من اخو رعد يعني؟!
ادهم(بضحك):خايفة يا بيضة؟!
مهند طلع مسدسه من ورا ضهره و حطه في وش ادهم..
ادهم:و فاكرني هخاف يعني؟!
مهند:الصبر رعد رقم تلاتة..
ادهم(بضحك):خلاص يا عم..
مهند:اخوك ده بيكسف اي حد..
ادهم:طبعا هو في منه اتنين..
مهند:و الله صعبانة عليا اللي هتبقي مراته..
ادهم:اسكت يا مهند حتة صاروخ..
مهند:احلف بس هو في في عائلتكم ناس عدلة اساسا..
ادهم(بعصبية خفيفة):ما تحترم نفسك..
مهند:خلاص يا عم بدل ما تأكلني..
ادهم:تركية بقي يا عم و مزة و عيون خضرة بس اعتبرها متربية في مصر بقالها سنين..
مهند:ليه حصل ايه؟!
ادهم:ادم كان بيسلم عليها و انت عارف ادم عينه زايغة ضغط علي ايدها و كان بيبص ليها...ضغطت على ايده اكتر و قالتله عينك علشان مشلهمش ليك..
ادهم:بتتكلم عربي بس طريقتها مضحكة و جميلة...
مهند:وقع ابن المحظوظة في حتة بت نفسي اشوفها...بدل ام اربعة و اربعين اللي في البيت دي..
ادهم:مش دي حبيبتي و مراتي و مش عارف ايه؟!
مهند:يا عم دي تركية الجنسية يا عم..
ادهم:تفتكر رعد متجوزها علشان خاطر الجنسية..
مهند:انت لسة عبيط يا ابني هو انت لغاية دلوقتي متعرفش هما متجوزين ليه؟!
ادهم:هو في سبب يعني!!
مهند:مش في طار بين عائلتكم و عائلة الشرقاوي؟!
ادهم:حصل..
مهند:و قالوا علشان يخلصوا الطار يحصل نسب؟!
ادهم:حصل..
مهند:و زهرة متجوزة و ملك كان في ناس متكلمين عليها..اتبقت بنت عمكوا الاخيرة..
مهند:و عمك اللي هو ابو البت دي رفض يجوزها للعائلة التانية..
ادهم:ايوه..
مهند:قالوا خلاص رعد يتجوزها...
مهند:و علشان عدت فترة كبيرة و مشافوهاش و لا جت الصعيد و لا مرة شكوا في الموضوع..
مهند:البت نزلت مصر عملوا الفرح بس..
ادهم:آآه فهمت..
مهند:من امتي و انت بتفهم...ادهم يا ابني انت حمار..
ادهم:ايدك يا عم لاكسرهالك..
ادم:رعد بيقولكوا تحب تسكتوا و لا يجي بنفسه..
مهند:انا ماشي يا عم ده ناقص يقولي متتنفسش..
ادم:انت عندك دم اسااسا..
مهند:طول ما انا مستحمل كتلة البرود اللي هناك دي ابقي عندي دم و مضحي كمان..
ادم:يا واد يا مضحي انت..
مهند:ماشي ماشي اتريق اتريق..
ادم:هتريق يا عم براحتي..
مهند:رعد التاني ها في ايه مفيش واد كدة رابع مخبينهُ جوا..
ادم:طب اسكت..
مهند:سكت..
_عند رعد..
عمر:جلال هتطلع لبنتك و بعدها رعد يطلع..
جلال:طيب يا عمر..
جلال دخل و طلع ل نبض لقاها طالعة من اوضتها بالفستان الابيض..
جلال(بدموع):نبض..
نبض لفت لقت جلال جريت عليه حضنته جامد..
جلال:نور عيني متزعليش مني..
نبض:انا واثقة فيك يا بابا..
جلال:بحبك يا احلي حياة في الدنيا دي..
جلال:ايه الجمال ده كله؟!
نبض:ماما كانت جميلة كدة؟!
جلال:انتي اجمل..
نبض باست خد جلال و حضنته جامد..
هدي:يلا يا نبض..
خدوا نبض و دخلوها اوضة رعد..
علا:اطلعي علي السرير يا بتي(بنتي)..
نبض طلعت علي السرير و قعدت في نصه و بصت حواليها..
هدي نزلت طرحة الفستان علي وش نبض..
هدي:عايزة حاجة يا حبيبتي؟!
نبض:لا..
هدي:كيف(زي) البدر المنور..ربنا يحفظك يا بنتي..
ثريا:يلا يا روحي الف مبروك..
الكل بارك ل نبض و نبض كانت حاسة بانقباض نوعا ما..
_عند رعد..
قعدوا شوية لغاية ما بدأت الناس تمشي...
عادل:اطلع لعروستك يا ولدي(ابني)..
رعد اول ما قام و دخل القصر حصل ضرب نار كبير و بعدها باقي الناس بدأت تمشي..
-رعد طلع اوضته و فتح الباب و...

_السؤال:يا تري هيحصل ايه؟!خمنوا🌚💜..
**********************************
يتبع:::💜..
بحبكوا💜..
يا رب الرواية تنال اعجابكم💜..
رأيكوا يهمني💜..