قسوة الرعد «قيد التعديل»

الفصل الثامن..

نكمل روايتنا(قسوة الرعد)بقلم سلسبيل كوبك..
الفصل الثامن..
اخر حاجة وقفنا عندها في الفصل السابع..
_في الليل..
نبض كانت بتتمشي في الجنينة لوحدها فجأة لقت حد كتم بوقها بأيده و شدها لورا القصر..
نبض كانت بتقاوم بس معرفتش بسبب ان نفسها مكتوم و ضغطها بدأ يوطي..
نبض لقت الشخص اللي وراها حاطط سكينة علي رقبتها..
نبض فتحت عينيها علي اخرهم..
نبض(بخضة):استغفر الله العظيم...
نبض قامت من نومها عرقانة و مخضوضة و كانت حاطة ايديها علي رقبتها..
نبض(بتنهج):ايه الحلم ده؟!
نبض بصت حواليها لقت الدنيا قربت علي الليل و الباب خبط..
نبض:ادخل..
ثريا:نبض ا..
ثريا(بقلق):مالك يا حبيبتي؟!
ثريا قربت من نبض و مسكت وشها بين ايديها..
نبض:مفيش حاجة شوية ارهاق..
نبض:كنتي عايزة ايه؟!
ثريا:قومي البسي فستان شيك كدة من بتوعك يا حبيبتي علشان الستات جاية تبارك ليكي...
نبض:ستات مين؟!
ثريا:ستات البلد..
نبض:ليه هو في ايه؟!
ثريا:مش انتي اتجوزتي امبارح؟!
نبض:بتقولوا..
ثريا:يا بت اتعدلي بقي..
نبض:يا ثريا سيبيني انام الله..
ثريا:يا بت قومي بقي من امتي و انتي بتنامي كتير؟!
نبض:من ساعة ما جوزتوني و انا معرفش..قومي بقي متقلبيش عليا المواجع يا ثريا..
ثريا:ربنا يشفي..
نبض:طب وسعي من علي السرير بقي عايزة انام..
ثريا:طب قوليلي اتكلمتي مع رعد؟!
نبض:هه مين دي؟!انا!!!و حياتك ابدا..
ثريا:ليه برضو مش المفروض تطمني عليه..
نبض قامت و سابت ثريا و دخلت الحمام خدت دوش بسيط و خرجت..
ثريا:طب اعرفي راجع امتي و جهزي نفسك..
نبض:ثريا اطلعي من دماغي..
نبض دخلت اوضة التغير و اختارت فستان شيك..
"نبض لبست فستان باللون الاسود بكم محددها و مفتوح فتحة بسيطة من الجمب و رفعت شعرها علي شكل كحكة عالية و نزلت خصلتين من شعرها..و لبست جذمة سوداء بكعب و حطت روچ احمر غامق و كحل حدد عينيها"..
نبض خرجت لقت ثريا قاعدة و حاطة ايديها علي خدها..
نبض:اممممم؟!
ثريا:انا عملت حاجة؟!
نبض:هرمونات النكد هتبدأ تظهر اهي..
نبض سابت ثريا و خرجت بره اوضتها خبطت في ادهم..
ادهم:انتي كويسة؟!
نبض:اه..
ادهم:احب اقولك حاجة..
نبض:ايه؟!
ادهم:انتي جميلة..
نبض:مع اني عارفة بس شكرا..
نبض سابت ادهم و ادهم فتح بوقه من كتر الصدمة بسبب ثقتها الزايدة..
هدي:تعالي يا حبيبتي تعالي..
نبض:نعم يا طنط..
زهرة:ما تعدلي بوجك(بوقك)..
نبض:دي طريقة كلامي و اللي مش عاجبه يروح في داهية تأخده..
هدي:ده انتي مصيبة يا نبض...ثريا شكلها قالتلك..
نبض:مش عارفة هو انا بضاعة هيجوا يشوفوها..
هدي:معلش يا حبيبتي دي العادات عندينا(عندنا)..
نبض:طيب..مطلوب مني ايه؟!
ورد:و لا اي حاجة الستات هتيجي تسلم عليكي و بس..
نبض:طيب شغلانة سهلة اهو..
نبض لقت عادل ماشي رايح اوضة مكتبه..
نبض:عادل بيه..
نبض قامت و راحت ل عادل و وقفت قدامه..
نبض:بالنسبة للمستشفي انا عايزة ابدأ فيها من النهاردة مش هستني انا..
عادل:مسعد و ادم هيبجوا(هيبقوا)معاكي..
نبض:ماشي مش مشكلة..
عادل:طيب بعد المباركة ابجي(ابقي)تعالي في اوضتي..
نبض:ماشي شكرا..
نبض سابت عادل و مشيت بتفكر..
نبض(لنفسها):هو ممكن يقول لاخوه..
نبض(لنفسها):ايه ده ايه ده من امتي انا خايفة انا مش بعمل حاجة حرام و لا غلط..
نبض(لنفسها):يقول و لا ميقولش مش بيهمني حد..
شربات:يا دكتورة..
نبض:ايه يا مدام شربات..حضرتك كويسة؟!
شربات:حاسة بوجع في بطني شديد..
نبض:طبيعي لان حضرتك في الشهر الرابع و الجنين بيبدأ يتحرك..
شربات:طب أخد ايه يا دكتورة يخفف الوجع ده؟!
نبض:و لا اي حاجة اطلعي استريحي كدة و بس..
نبض سندت شربات و طلعتها اوضتها و نيمتها علي السرير..
نبض:بس كدة..اهم حاجة كلتي؟!
شربات:اه..
نبض:الحمدلله..ارتاحي بقي و نامي..
شربات:شكرا يا حضرة الدكتورة..
نبض:و لا يهمك..
نبض خرجت بره الاوضة لقت بلال طالع..
بلال:مفيش مساء الخير يا عمي..
نبض(ببرود):هو مفيش مساء الخير يا بنت اخويا..
نبض سابت بلال و نزلت و هي متضايقة..
جلال:مالك يا حبيبتي؟!
نبض:مفيش يا بابا..
جلال:مفيش ازاي؟!تعالي جمبي..
نبض:نعم..
جلال:اميرتي زعلانة ليه؟!
نبض:يا بابا انا مش عايزة الحياة دي يا بابا...مش عجباني الحياة دي حاسة اني متقيدة حاسة ان في حاجة خنقاني...
نبض:حاسة بالخوف و انا عمري ما حسيت بالخوف يا بابا...طول عمري حاسة بالامان طول عمري مبسوطة..
نبض:يا بابا عايزة ارجع بلدي..
جلال:هتكلم معاكي للمرة الاخيرة يا نبض..
جلال:انتي ست متجوزة و المتجوزة دي بيبقي عليها مسئوليات و مسئولية جوزها و بيتها واجب عليها..
جلال:المفروض تنسي كل الفترة بتاعت زمان ايام اللعب دي يا نبض..ركزي في بيتك..
جلال:اتعلمي ازاي تعملي ل بيتك جدار صعب حد يخترقه..
نبض:هو فين بيتي ده و لا فين جوزي؟!بيتي اللي هو عبارة عن اوضة في قصر و لا جوزي اللي سابني ليلة فرحي من غير ما يقول كلمة تجبر بخاطري..
نبض:احب اقولك اختارت زوج غلط يا بابا..و دي غلطة مش هسامحك عليها..
نبض سابت جلال و خرجت بره القصر راحت للجنينة و راحت للاسطبل..
نبض:لو سمحت اخرج بره..
موظف:حاضر يا هانم..
نبض قربت من قدر و مسكت فيها و قعدت تعيط كتير...قدر زي كأنها كانت بتواسيها..
نبض(بعياط):تعبت تعبت من الحياة دي..مش عايزاها..
نبض(بعياط):لو ده الجواز فمش عايزة..
نبض(بعياط):انا محتاجة حضن ماما اوي..
مسعد:تؤ تؤ تؤ..
نبض مسحت دموعها و رفعت رأسها ل مسعد..
مسعد:تعرفي رعد غلط اوي انه ساب ملكة زيك كدة في ليلة فرحكوا..
مسعد:طلع حمار و غشيم..
نبض(بحدة):بره الاسطبل..
مسعد قرب من خيل و حط ايده علي كتفه..
مسعد:جاي ل مرزوق..
نبض:حتي اسم رخم زيك..
نبض سابت مسعد و خرجت بره الاسطبل..
نبض دخلت القصر لقت مجموعة ستات جت..
هدي:تعالي يا بتي(بنتي)..
نبض راحت قعدت جمب هدي و هي شاردة..
هدي:يا نبض نبض..
نبض:ها؟!نعم يا طنط..
هدي:دي ام محمود بتبيع قماش و بتجولك(بتقولك) لو حابة ممكن تجيلك في يوم..
نبض:براحتك يا طنط..
هدي:دي ام محمد مرت(مرات) الحاج احمد الشرقاوي...
ام محمد:نورتي البلد يا حضرة الحكيمة..مش حكيمة برضو؟!
نبض:دكتورة..انا دكتورة مش حكيمة..
ورد:خدي الشربات..
نبض:شكرا مش عايزة..
-و بدأت الستات تيجي و يتعرفوا علي نبض و في بنات مكنتش طايقة تكلمها و نبض كانت قاعدة بكل برود بترد كويس للي بيعاملها كويس و اللي بيضايقها بتضايقه....
علا:الوكل (الاكل) جاهز يا حاجة..
هدي:ابداي حطي يا علا..
علا:حاضر..
علا و ملك و زهرة و ورد بدأوا يحطوا الاكل..نبض قامت تساعدهم و الستات الكبيرة عجبهم تصرف نبض..
هدي:تعي(تعالي)يا بتي(بنتي)كلي..
نبض:لا شكرا يا طنط تعبت شوية هطلع ارتاح..
هدي:طيب يا حبيبتي..
نبض:عن اذنكوا..
نبض طلعت اوضتها رمت نفسها علي السرير بالعرض..
_تحت..
ست1:لا فعلا جمال و ادب..
هدي:تسلمي..
ست2:بجد ربنا يحفظها ليكوا..
ملك(بغيظ):شايفة يا خيتي(اختي) شايفة..
زهرة:اهدي يا ملك...انتي شوفتي رعد عمل معاها ايه..
زهرة:هملها(سابها) ليلة الفرح و مشي..و كمان لما يرجع نقدر نوجع (نوقع ما بينهم اهدي انتي و بس)..
ملك:بس انا لازم اجتلها(اقتلها)و ارتاح منها او ارجعها بلدها بنت بلاد بره دي..
زهرة:اهدي يا خيتي هنخلصوا منيها(اهدي يا اختي هنخلصها منها)..
و بعدها قدموا الاكل و كل الستات كلت و بدأوا يمشوا..
_بليل..
عمر:راحة فين؟!
نبض:المستشفي..
عمر:اتصلتي بجوزك؟!
نبض:عارف..
نبض كانت هتخرج بره بس لقت ادم قدامها..
ادم:اصبري ممنوع تخرجي لوحدك في  وقت زي ده..
نبض:الساعة لسة 8:30..
ادم:كدة متأخر...قدامي..
نبض مشيت قدام ادم و ادم وراها و وراهم غفر..
ادم:امشي يمين..
نبض:انا عايزة المستشفي تخلص في تلت اربع ايام بالكتير..
ادم:هشوف..
بعد فترة وصلوا المستشفي و نبض بدأت تشوفها..
نبض:تمام هطلب شحنة من القاهرة علشان النقالة و سراير المرضي..و في معدات و اجهزة..
نبض:يعتبر كل حاجة هتيجي من بره البلد...هو بس ننضف المستشفي و نجدد الالوان نخليها زاهية كدة..
ادم:طيب..اكتبيلي كل اللي انتي عايزاه و انا هبعت ناس مخصوص تختاره..
نبض(بسخرية):خايفة اعتمد عليك بنت في الطريق توقعك..
ادم بصلها بغضب و سابها و مشي..
نبض كانت هتخرج بس سمعت صوت حد بيعيط قعدت تدور علي مصدر الصوت لغاية ما دخلت اوضة و لقت بنت مرمية في الارض و حواليها دم و وشها كله كدمات..
نبض(بصوت عالي):حد يجي بسرعة..
نبض(بصوت عالي):محتاجة مساعدة هنا..
نبض:هششش اهدي اهدي..
نبض بدأت تشوف جروح البنت دي و لقتها جروح عميقة..
نبض قامت بسرعة و خبطت في ادم و وقعت علي الارض..
ادم:انتي كويسة؟!
نبض:ايوه ايوه بس عايزة ممرضين بسرعة..
ادم:ليه حصل ايه؟؟
نبض:في بنت مصابة في الاوضة دي..
ادم:و انا كنت جاي اشوفك اتأخرتي ليه..
ادم و نبض دخلوا للبنت و ادم اتصدم من منظر البنت..
نبض:روح نادي ناس تساعدني بسرعة..
نبض قامت و قعدت تدور في الاوضة علي قطن و مطهر و حاولت تكتم الدم بايديها..
ممرضة:يالهوي حصل ايه؟!
نبض:مش وقته..لازم ننقلها لاي اوضة و عايزة معدات..
نبض:شيل معايا يا ادم..
نبض و ادم و الممرضة شالوا البنت دي و حطوها علي سرير..
نبض:عايزة جوانتي..
نبض لبست جوانتي و بدأت تتعامل مع الحالة اللي قدامها..
نبض:لازم نعمل محضر..
ادم:محضر ايه اهدي كدة..هكلم جدي و هو هيتصرف و هيجيب حقها..
نبض(ببرود):اشك انه بيجيب حقوق الناس..
نبض حاولت قدر امكانها انها تنقذ البنت دي بس مقدرتش..
نبض(بدموع):مقدرتش..
نبض قلعت الجرانتي و رمته بغضب..
نبض(بزعيق):لو كان في مسئولية كنا نقدر ننقذها لو كان في قانون مكنش حد هيقدر يقرب منها..
نبض بصت علي البنت و هما بيحطوا علي وشها الملاية البيضاء...
نبض وقعت علي ركبتها في الارض و هي بتعيط..
نبض(بعياط):كنت اقدر انقذها بس معرفتش..
ادم:لازم نروح..
ادم سند نبض و خرجوا بره المستشفي..
ادم(بقلق):نبض..
نبض كانت هتقع و الرؤية بقت متشوشة بسبب دموعها..
ادم:انتي اهدي بس الاول...انتي عملتي كل اللي تقدري عليه علشان تنقذيها..
ادم:و اوعدك اني مش هسيب حقها...و هخلي جدي يتصرف و اللي عمل كدة هيتحاسب..
ادم:و انتي حاولتي متلوميش نفسك..
ادم:اهدي كدة..
ادم و نبض رجعوا القصر بعد فترة و نبض كانت ساكتة..
جلال:ها عملتي ايه يا حبيبتي؟!
نبض سابتهم و طلعت علي اوضتها و قفلت الباب و قعدت تعيط...
جلال(بقلق):حصل ايه يا ادم؟!
ادم:كان في حالة مقدرتش تنقذها..
ادم:جدي..
عادل:ايه يا ولدي(ابني)؟!
ادم:لقينا بنت مضروبة في المستشفي و هي دي اللي ماتت عايزين نجيب حقها..
عادل:لما عائلتها تطلبه..
ادم:يا جدي..
عادل(بحدة):قولت كلمتي احنا مش عائلتها..
ادم بصله بغضب و سابهم و طلع علي اوضته...
***********************************
-عدي يومين..
"رعد لسة مرجعش من القاهرة,نبض بتعمل تجديدات في المستشفي و مش بتكلم عادل و لا جلال و بدأت تتقبل وجود ادم,و بتقعد تتكلم مع يوسف اخر الليل"...
نبض:ايوه حطوها هنا يلا..
دكتورة:و الله انتي كيف الجمر(زي القمر)..
نبض:تسلمي يا دكتورة اعتماد...
اعتماد:و الله انتي جيتي انقذتينا يا حضرة الدكتورة..
نبض:ادم بعد اذنك خليهم يدخلوا اجهزة الاشاعة في الاوضة دي..
ادم:تمام..
و بالفعل المستشفي بقت احسن من الاول مليون مرة..
نبض:عايزة البنات اللي تخصص تمريض و اللي مش لاقين شغل..عايزة يبقي في نظام في المستشفي..
اعتماد:اكيد اكيد يا دكتورة نبض..
نبض:تسلمي..
نبض راحت لادم و مدت ايديها ليه..
نبض:عادةً مش لازم نحكم علي الناس من اول موقف و انا حكمت عليك بسرعة و مودتكش فرصة بس اثبتلي في اليومين دول اني غلطت نوعا ما..
ادم سلم عليها و ابتسم..
ادم:شرف ليا انك تعترفي انك غلطتي..
نبض:امممممم هعديها..
نبض:يلا نروح جعانة اوي..
ادم:يلا..
نبض:هو عادل بيه مش هيجيب حق البت برضو؟!
ادم:للاسف البنت دي يا نبض ملهاش عائلة و كانت خدامة منعرفش بقي ايه اللي جابها المستشفي و مين اللي عمل فيها كدة..
نبض:طيب..
رجعوا القصر و لقوا الاكل اتحط علي السفرة..
هدي:حمدلله بالسلامة..
ادم و نبض:الله يسلمك..
عادل:اخبار المستشفي ايه يا نبض؟!
نبض لا رد..
جلال(بحدة):نبض..
نبض لا رد..
عادل(بغضب):بت جليلة الرباية صحيح(بنت قليلة الادب)..
عادل(بغضب):لما اكلمك تردي علي(عليا)..
عادل قام بغضب و قرب من نبض و كان هيضربها قلم بس نبض بعدت عنه..
نبض(بهدوء):احمد ربك انك راجل كبير لاما كانت ايدك هترجعلك مكسورة..
نبض سابتهم و طلعت اوضتها و كل اللي قاعدين اتصدموا من جرائتها..
تليفون نبض رن...الخط اتفتح..
نبض(بالتركية):وحشتوووووني..
محمد(بالتركية):مسألتيش قولنا نسأل احنا..
نبض(بالتركية):بعتذر جدا كنت مشغولة..كان عليا اهتم بمستشفي هنا..
محمد(بالتركية):يا بنتي ارحمي نفسك نازلة شغل شغل..
نبض(بالتركية):افضل من اني اقعد كدة معملش حاجة..
محمد(بالتركية):ليه يا بنتي هو مش انتي مش بتلفي مصر و لا ايه؟!
نبض(بالتركية,بسخرية):ايوه طبعا طبعا..
فتون(بالتركية):في حاجة؟!
نبض(بالتركية):لا..
فتون(بالتركية):وحشتينا اوي و المستشفي وحشة اوي..
نبض(بالتركية):انا واثقة فيكوا..
نبض(بالتركية):فين ميران؟!
فتون(بالتركية):جمبنا اهي..
نبض(بالتركية):هاي ميران..
ميران(بالتركية):هاي...اخبار مصر ايه؟!
نبض(بالتركية):جميلة..
ميران(بالتركية):انتي اللي جميلة..
نبض(بالتركية):شكرا.
محمد(بالتركية):نبض هقفل علشان خاطر في حالة..
نبض(بالتركية):طيب و لو احتاجتوا حاجة كلموني..
فتون(بالتركية):باي..
نبض:باي..
-نبض قامت تأخد دوش وبتفكر في اللي بيحصل في حياتها و انها مش راضية خالص علي اللي بيحصل..
"نبض لبست جيبة طويلة سوداء و ضيقة مفتوحة من الجمب و فوقها جاكت جينز ب ¾ كم مربط من عند الخصر و لبست كوتشي ابيض عالي نوعا ما و رفعت شعرها علي شكل كحكة"..
نبض نزلت راحت للاسطبل و راحت ل قدر قعدت تمسد علي شعرها..
نبض:وحشتيني..عاملة ايه؟!
نبض:اممم انا مش كويسة اوي يعني..
نبض:ناس عقليتها وحشة...
نبض:عنيدين..
نبض:اممم عارفة اني عنيدة بس في الصح بس..
لقت الخيل الاسود عمل صوت,نبض افتكرت انه اعتراض علي كلامها..
نبض:احم مش اوي يعني..
نبض:و كمان مين انت علشان تتدخل في قرارتي؟!.
نبض:عنيدة و افتخر هه بس كدة..
نبض:قدر بتحبيني؟!
نبض:اكيد طبعا انا اتحب..
نبض:يالهوي علي جمالك يا قمر...
ممرضة:الحقي يا ست نبض الحقي..
ممرضة(بتنهج):دورت عليكي كتير..
نبض:في ايه؟!.
ممرضة:في مشكلة في المستشفي..
نبض راحت مع الممرضة و راحت للمستشفي لقت مسلحين..
نبض(بحدة):ايه اللي بيحصل هنا؟!دي مستشفي..
نبض(بحدة):كله يطلع بره..
راجل:هتتحدي كيف اكدي يا مرة(بتتكلمي ازاي كدة يا ست)..
نبض:زي ما انت بتتكلم يلا بره..
نبض:مفيش دخول مسلحين هنا..
راجل2:انقذيه يا بتي(بنتي)..
نبض:اكيد ان شاء الله..
راجل1:و الله اجتلك بمسدسي(اقتلك بسلاحي)..
نبض:و انت مين انت؟!يلا بره...
نبض بدأت تشوف الحالة لقت ناس كتير موجهة ناحيتها اسلحة كتير..
نبض بعدت عن المصاب و لقت علي يمينها ناس مسلحة و شمالها ناس مسلحة و في النص المريض و هي..
نبض(بحدة):يلا كل واحد بره المستشفي دي مفيش سلاح يدخل المستشفي..
نبض(بحدة):و كمان امشوا بدل ما اجيب ليكوا البوليس..
راجل(بسخرية):شكلك اكدي جديدة اهني(شكلك كدة جديدة هنا)...
نبض(بحدة):و حتي لو جديدة ده ميمنعش ان في مبادئ مش بتتغير..
نبض:و هنقذ الراجل ده غصب عن اي حد رافض الموضوع..
راجل:ورينا اكدي كيف(ورينا كدة ازاي)..
راجل3:قسما بربي ما حد واخد الراجل ده من اهني(هنا)..
نبض(بعصبية):انت مجنون ده هيموت..
راجل3:سيبيه يموت ده طار و لازمن(لازم) نأخد حجنا(حقنا)..
نبض(بعصبية):في قانون لو كل حاجة بالقتل و الطار مكنش حد غلب..
راجل2:ارجوكي يا بنتي انقذيه..
راجل4:قسما بربي لو مات لاكون جاتلك(قاتلك)..
راجل3:طب هنسيبه يموت اكدي كيف ما جتلتوا ولدي(هنسيبه يموت كدة زي ما قتلتوا ابني)..
راجل4:و انتوا جتلتوا حمزة ولد ولدي(و انتوا قتلتوا حمز ابن ابني)..
نبض(بعصبية):حلوا مشاكلوا في وقت تاني احنا بنخسر المريض...
-نبض قربت من المريض لقت العائلة موجهة اسلحتها كلها عليها..
-نبض بعدت لقت العائلة التانية موجهة كل اسلحتها عليها..
نبض(بغضب):إيه شغل العيال ده؟!انتوا ناس كبيرة و المفروض ناس عندها عقل..
نبض(بغضب):بدل ما تقتلوا حلوا...بدل ما تفكروا ازاي تقتلوا بعض فكروا ازاي تساعدوا بعض و تخلصوا المشكلة..
نبض(بغضب):الشخص ده انا هنقذه و اي حد عن اعتراض يعمل اعلي ما عنده..
نبض(بغضب):مبخافش من حد..
نبض(بغضب):و انا لو هساعد الشخص ده و انقذه مش خوف منكوا بس علشان ده واجبي كدكتورة اني اساعد الناس..
نبض(بغضب):و اعملوا اللي انتوا عايزينه مش بخاف..
-نبض لسة بتقرب من المريض حصل ضرب نار و الكل سمع صوت طلقة في المكان...
نبض فتحت عينيها علي اخرهم و....

_السؤال:يا تري هيحصل ايه؟!خمنوا🌚💜...
**********************************
يتبع::::💜..
بحبكوا💜..
يا رب الرواية تنال اعجابكم💜..
رأيكوا يهمني💜..