قسوة الرعد «قيد التعديل»

الفصل السابع..

نكمل روايتنا(قسوة الرعد)بقلم سلسبيل كوبك..
الفصل السابع..
اخر حاجة وقفنا عندها في الفصل السادس..
_عند رعد..
قعدوا شوية لغاية ما بدأت الناس تمشي...
عادل:اطلع لعروستك يا ولدي(ابني)..
رعد اول ما قام و دخل القصر حصل ضرب نار كبير و بعدها باقي الناس بدأت تمشي..
-رعد طلع اوضته و فتح الباب و دخل و قفل الباب وراه..
-رعد بص ل نبض اللي طرحتها مغطية وشها قرب منها و قعد علي السرير..نبض اتخضت نوعا ما..
رعد شال من علي نبض طرحتها و نبض فتحت عينيها ببطء و بصت ل رعد..
رعد فضل يتأمل نبض و عيونها و جمالها و فستانها..
"نبض كانت لابسة فستان بسيط ب ¾ كم ضيق محدد جسمها و مبين جزء من الضهر و فيه تطريز بسيط و كانت حاطة روچ باللون الهادئ و كحل حدد عينيها,و طرحة علي رأسها قصيرة"..
رعد(بسخرية):اومال فين ام لسان و اللي مش بتعرف تسكت لحظة؟!
نبض:لازم تراعي اني محرجة و لا انت معندكش قلب..
رعد:لا معنديش قلب..
نبض بتلقائية حطت ايديها علي قلب رعد..
نبض:طول ما ده بينبض طول ما انت عندك قلب...
رعد مسك ايد نبض و شالها بعنف و قام دخل الحمام...
نبض(بتريقة):لا معنديش قلب..
نبض:اوف ربنا ينكد عليك زي ما نكدت عليا..
نبض قامت وقفت و دخلت اوضة الملابس لقت هدوم كلها قصيرة.....
نبض(بصدمة):دول لو قاصدين يخلوني انتحر مش هيعملوا كدة..
رعد:انجزي غيري..
نبض:ما براحة بس بكتشف المكان..
رعد:طب انجزي ورايا سفر...
نبض(بصدمة):سفر ايه؟!انت هتسبني و هتمشي؟!!!!
رعد:ليه نغة(طفلة) صغيرة؟!
نبض:لا بس علي الاقل النهاردة افضل معايا..انت عايز الناس تتكلم عليا..
رعد:بت بت مش فايق..ابعدي كدة من وشي..
نبض:طب و الله لو نزلت لاكون قاتلة نفسي..
رعد:احسن هرتاح منك محسساني اني متجوزك حب..
نبض:لا انا مش هخلي وشي وحش قدام حد..
رعد:بصي كل اللي عندك ليا هو اني ابقي جوزك بس غير كدة معنديش..
رعد:لما اكون عايز اقربلك ابقي اقربلك بمزاجي فابعدي عن وشي لاني لما بشوفك بتفكريني بواحد صاحبي بكرهه اوي و مش بطيقه..
نبض:هو انت كارهني اوي كدة ليه؟
رعد:لانك زي غيرك عايزة ضرب الجذم..يلا بره..
نبض خرجت بره اوضة الملابس و قعدت علي الكنبة..
رعد غير هدومه"لبس بنطلون اسود و تي شيرت اسود و كوتشي جملي و حط البرفيوم بتاعه و لبس ساعته"..
رعد جهز شنطة صغيرة و حط فيها هدومه و خرج...
رعد:قومي اقفي..
نبض قعدت تصفر ببرود تام..رعد مسكها جامد من دراعها و قومها غصب..
نبض:ايه بقي وسع؟!.
رعد لف نبض و فتح ليها الفستان و نبض شهقت و مسكت الفستان قبل ما يقع..
رعد:نخلص بدل فقرة الكسوف بتاعتك لو سمحت افتحلي السوستة و مش عارف ايه...انجزي ورايا شغل خشي غيري هدومك..
نبض:ما اغير هدومي براحتك يا اخي انت مالك..
رعد:طيب لو عايزاني اتكلم معاكي و انتي بالشكل ده ماشي..
رعد قرب من نبض و نبض رجعت لورا اتكعبلت في الفستان و رعد مسكها من خصرها..
رعد:متخافيش مش ولهان( بمعني عايز اوي او حابب)اوي اني اقربلك..
رعد:لو عايزانا نتكلم بالشكل ده معنديش مانع..هقول كلمتين و اخلص..
رعد:مبدأيا كلام مع رجالة غير اللي في البيت ممنوع,لو فكرتي بس تهربي قسما بربي لاكون فاصل رقبتك عن جسمك,خروج بره البيت ممنوع الا بأذني سجلتلك رقمي علي تليفونك و متسأليش فتحته ازاي,لو قربتي من اي خيل تحت هعرف لو عرفت انك لبستي ضيق و قصير و ربي اجيبك من شعرك و امسح بيكي بلاط الارض,مسعد ده اياكي اياكي تتكلمي معاه اياكي,يوسف اياكي تقعدي معاه في اوضة واحدة و الباب مقفول,تحترمي قوانين البيت ده و تحترمي كلام جوزك..
رعد:و يا ويلك لو خالفتي حاجة من دول و ربي لاخليكي تندمي علي اليوم اللي اتولدتي فيه..
رعد:اتمني يكون كلامي مفهوم..
رعد زق نبض و سندت علي الحيطة...رعد مسك شنطة الهدوم و حطها علي كتفه و نزل لتحت كان الكل نام و خرج ركب عربيته و رجع القاهرة..
_عند نبض..
نبض كانت واقفة مدهوشة من كل الاوامر و من طريقة كلامه و من افعاله و اكتر حاجة ضايقتها انها هتبقي بكرة تسلية ل زهرة..
نبض دخلت اوضة الملابس غيرت هدومها..
"نبض لبست طقم قصير لغاية قبل الركبة بحمالة رفيعة علي الكتف مبين الضهر باللون الاسود..سيبت شعرها علي ضهرها"..
نبض طلعت علي السرير شمت ريحة رعد في المخدة..
نبض:اوف حتي و انت مش موجود مضايقني..
-نبض قامت و نامت علي الكنبة و كانت منكمشة علي نفسها...
*********************************
-في مكان تاني..
_في اوضة ملك..
ملك كانت قاعدة بتعيط اوي لان رعد اتجوز نبض..
ملك(بعياط):حرام عليكوا...انا اعرفه قبلها..
ملك(بعياط):اشمعنا هي؟!
ملك(بعياط):طب و ربي لاكون مسودة ايامها...
ملك حطت رأسها علي المخدة و قعدت تعيط لغاية ما راحت في نوم عميق...
_في الصباح الباكر..
هدي:يلا يا ست منك ليها جهزوا الفطار..
ورد:فطار العرايس جاهز يا اما(امي)..
شربات(بتعب):صباح الخير..
الكل:صباح النور..
هدي:ايه اللي خرجك بره اوضتك يا شربات؟!
شربات:حسيت بملل يا حاجة..
هدي:طيب اجعدي(اقعدي)..
شربات:شكرا..
علا:اطلع الاكل..
ثريا:نبض هتلاقيها مصحيتش لما بتتعب بتنام لفترة طويلة..
نبض(شبه نايمة):صباح الخير..
الكل بص ل نبض..
"نبض كانت لابسة بنطلون اسود و تي شيرت زيتي ب ¾ كم و كوتشي ابيض و رفعت شعرها ديل حصان"..
ورد:حد يلبس غامق يوم صباحيته؟!
نبض:بصوا انا مش فايقة ل حد..
هدي:فين رعد يا بتي(بنتي)؟!
نبض:انا اعرف اهو راح في اي داهية..
ثريا قربت من نبض و قعدتها علي الكرسي..
ثريا(بهمس):حصل ايه يا نبض؟!
نبض:انا اعرف ليكي..
نبض:اهو غار سافر و لا اتزفت بصي هو اختفي..
علا(بصدمة):رعد سابك ليلة فرحكوا؟!!!!!
نبض:فرح مين بس مين جاب سيرة الفرح؟!!!
زهرة:بتتحدي(بتتكلمي)و لا كأنه هامك حاجة كيف(و لا زي كأن في حاجة هماكي)..
نبض:اساسا ميهمنيش...فليذهب الي الجحيم..
ثريا:طب تعالي معايا نبض..
نبض و ثريا طلعوا اوضة نبض و رعد..
ثريا:حصل ايه يا نبض احكيلي؟!
نبض حكت كل اللي حصل ل ثريا..
ثريا:امممم هتلاقيه فعلا عنده شغل..
ثريا:اصل نسيت اقولك هو بيشتغل ايه؟!
نبض:الباشا بيشتغل ايه؟!
ثريا:ظابط يا نبض..
نبض:طيب الف مبروك..
ثريا:بصي يا نبض ممكن تبقي كسرة نفس ليكي بس لازم تقدري..
ثريا:ماشي يا حبيبتي؟!
نبض:بصي و لا فارق معايا اي حاجة..
نبض:يلا ننزل..
نبض و ثريا نزلوا و قعدوا علي السفرة..
عادل:فينه جوزك؟!
نبض:سافر..
عادل:كيف عاد؟!(ازاي)..
نبض:اتصل بيه اسأله..
عمر:متأكدة يا بتي(بنتي)؟!
نبض:هكدب يعني هو انا هصاحبه..
جلال(بغضب):ازاي ده يا حصل يا عمر؟!ازاي يسيب مراته ليلة الفرح و يمشي؟!
عمر:اهدي يا خوي(اخويا)..
نبض:في ايه يا جماعة عادي يعني ما تسيبوه..مكبرين الموضوع اوي..
الكل بص باندهاش ل برودة اعصاب نبض..
نبض:عادل بيه عايزة حضرتك في موضوع بعد الاكل..
هدي:كُلي يا بتي كُلي(بنتي)..
نبض:تسلمي يا طنط..
ملك:تأكل كيف(ازاي) و عريسها سايبها ليلة فرحة لاتكون معيوبة...
الكل بص ل ملك و نبض و نبض سابت الاكل من ايديها..
نبض:شغل التحفيل اللي هتعمليه ده يتلم علشان معلمش عليكي...
نبض قامت و سابتهم طلعت للجنينة و ادهم قام وراها...
ادهم:احم احم..
نبض:خير؟!
ادهم:اسف لو هزعجك بس متضايقيش..
ادهم:بس للاسف رعد اهم حاجة في حياته شغله..
نبض:مين قال اني مضايقة؟!عادي جدا اساسا مش متجوزين عن حب علشان ازعل و بعدين هو مين اصلا علشان افكر فيه..
ادهم:في ايه يا بنتي انتي قاسية اوي كدة ليه؟!
نبض:فين القسوة في ده؟!بس عموما عايزة اسألك سؤال..
ادهم:اتفضلي..
نبض:انت مختلف و لا زي اخواتك..
ادهم:طول عمري فريد من نوعي...
نبض ابتسمت لادهم...عادل جه و وقف جمب نبض..
عادل:ادخل يا ادهم..
ادهم:عن اذنكوا..
عادل:اتحددي(اتكلمي)..
نبض:كنت هنزل اشتغل في المستشفي اللي هنا..عايزة مساعدة..
عادل:مرتب يعني كيف الباجي(زي الباقي)..
نبض:لا انا هشتغل مجاني لغاية ما ارجع المستشفي بتاعتي في تركيا...
نبض:اقصد عايزة المستشفي تبقي مستشفي نضيفة مش مزبلة كدة يحصل فيها تجديد و انا هشرف عليه بنفسي..
نبض:و كمان بدل القعدة دي..مش عارفة اعمل ايه...
عادل:اتعلمي وكلتين(اكلتين)ل جوزك و عيالك..
نبض:خلينا متفقين ان الجواز ده جواز مصلحة...
عادل:و لو؟!
نبض:مفيش و لو...و كمان انت لسة متعرفنيش لما يكون في دماغي حاجة بنفذها و لو هيحصل ايه..
نبض:عنيدة بقي معلش..
نبض:و كمان انا مش بعاند في حاجة غلط و حرام..
نبض:الشغل مش حرام و لا غلط و كمان انا بشتغل شغل شريف..
نبض:و كمان انت مش جوزي علشان توافق او ترفض..رعد عارف و وافق..
عادل(بصدمة):رعد وافج(وافق)؟!
نبض(بخبث):ايوه..
عادل:طيب شوفي عايزة ايه و اعمليه؟!
نبض:شكرا..
-نبض عرفت ان عادل و رعد علاقتهم متوترة فاستغلت ده,و قالت ان رعد عارف لانها عارفة ان عادل مش هيكلمه-..
نبض:اه عايزة خيل او مهرة..
عادل:بتعرفي تركبي؟!
نبض:عيب عليك..
عادل بص ليها من تحت ل فوق نبض بصتله برفعة حاجب...
عادل:ادم يا ادم..
ادم:نعم يا جدو؟!
عادل:روح مع بت عمك خليها تختار مهرة..
ادم:حاضر يا جدو...قدامي..
نبض بصت باستحقار لادم و بعدها مشيت ناحية الاسطبل و ادم وراها..
ادم(بعصبية):مش خدامك انا..
نبض(بغضب):انت تطول يا حيوان انت..
ادم(بغضب):لا ده انتي ناقصة تربية بقي...
نبض:اه هتعمل ايه يعني؟!
ادم قرب من نبض و كان رافع ايده علشان يضربها نبض ضربته بركبتها في بطنه..
نبض مسكت ادم من التي شيرت بتاعه..
نبض(بغضب):قسما بربي ايدك الحلوة دي لو لمست شعرة مني لاكون كسرهالك و مش هكتفي بكدة و بس..
ادم(بغضب):شيلي ايدك انتي اتجننتي و لا ايه؟!
ادم زق نبض بعيد عنه بغضب..
نبض:و المفروض اخاف منك...و يلا مش محتاجة منك حاجة غور في داهية..
ادم:ما انتي لو كان عندك ام ربتك كان زمانك محترمة نفسك..
نبض رفعت عيونها لادم بغضب..
نبض:امي ربتني احسن تربية الدور و الباقي عليك..واضح من تربيتك اوي ان امك عرفت تربيك كويس..
ادم مسك رقبة نبض بغضب..نبض بصتله بتحدي..
ملك:بتعملوا ايه اهني(هنا)؟!
نبض و ادم بصوا ل بعض و بعدها بصوا لملك..نبض حطت ايديها علي كتف ادم..
نبض:كنا بنشوف طول بعض..مين اطول من التاني؟!
ملك بصتلهم باستغراب و ادم اندهش من فعل نبض..
ملك:ادم عمي عمر عايزك..
ادم:تمام..
ملك سابتهم و مشيت...ادم بص باستغراب ل نبض..نبض شالت ايديها و قربت من الخيول و بدأت تتفحصهم..
نبض لقت المهرة اللي هي ركبتها في الاول..
نبض:اسمها ايه؟!
ادم:ملهاش اسم..
نبض(بابتسامة كبيرة):يبقي انا اللي هسمي القمر دي..
نبض:قدر..
نبض:اسمها حلو اوي..
نبض باست قدر و حضنتها..
نبض:تقدر تمشي مستني ايه؟!
ادم بص ل نبض و سابها و مشي...نبض فضلت تتكلم مع قدر..
نبض:يا اختي كميلة عليكي امتي..
نبض ضحكت و بدأت تأكل قدر و بعد فترة سابتها و مشيت..
_في القصر..
نبض:اومال فين الباقي؟!
علا:كل الرجالة راحت تشوف مشاغلها..
نبض:تمام...اخبارك يا مدام شربات؟!
شربات:بخير يا حضرة الحكيمة..
نبض:دكتورة بعد اذنك..
شربات:ماشي..
نبض:اه صح هو فين يوسف؟!
زهرة:عايزة ايه من يوسف؟!
نبض:هتكلم معاه...
زهرة:لا معندناش الكلام ده..
نبض(برفعة حاجب):ليه بقي؟!
زهرة:لازم الكل يحترم نفسه و يحترم المكان اللي هو عايش فيه..
زهرة:و الكل يمشي بالتقاليد و الاصول..
نبض(ببرود):اذا جيبلنا قرد صغير زي جوزك كدة..
نبض قامت و سابتهم و زهرة فتحت عينيها علي اخرهم...
هدي(لنفسها):هي طالعة جبارة اكدي(كدة)ل مين؟!
ورد:بتقولي حاجة يا اما(امي)؟!
هدي:ها؟!لا..
هدي:يلا همي منك ليها..
ملك(بغضب):هي جاية و فاردة جِناحتها اكدي(كدة)ليه؟!
هدي:عيب يا ملك دي بت عمك(بنت عمك)..
ملك:المفروض تعرفو الاصول يا جدة(تعرف الاصول)..
علا:اهدي يا ملك اهدي..
_عند نبض..
نبض طلعت لاوضة يوسف و خبطت الباب و دخلت..
نبض:هاي..
نبض:جيت اتكلم معاك شوية..
يوسف(بتقطع):ااا نننت يي تتا اان نني(انتي تاني؟!)..
يوسف(بتقطع):ممم شش الننه هها ارر ددة صصب با ااح يي تتتك(مش النهاردة صباحيتك)..
نبض قعدت علي سرير يوسف و ربعت..
نبض:و الله ما شوفت نهار عدل من ساعة ما جيت هنا...
يوسف(بتقطع):لل لي يه(ليه؟!)..
نبض:معرفش ممكن علشان مش متعودة..معرفش..
نبض:عموما طمني عليك عامل ايه؟؟
يوسف(بتقطع):ررر ععد دد ععا اا رررفف(رعد عارف؟!)..
نبض:هأخد اذن الباشا كمان علشان اجي اقعد معاك و كمان انت ابن عمي عادي عادي..
يوسف(بتقطع):ههن ننا ممف ييش شش ععا ااد ددي(هنا مفيش عادي)..
نبض:يوسف..
يوسف(بتقطع):نن ععم مم(نعم)..
نبض:مش هتحكيلي؟!
يوسف(بتقطع):ااحككي ي للك ااا ييه هه(احكيلك ايه)..
نبض:انت عارف كويس يا يوسف..
الباب خبط و علا دخلت..
علا:مساء الخير..
نبض:مساء النور...
علا:نبض حبيبتي..
نبض:نعم يا طنط..
علا:يا حبيبتي انتي دلوجتي(دلوقتي)متجوزة لازم تعملي حساب لجوزك و هو مش موجود قبل ما يبجي(يبقي) موجود..و رعد لو كان اهني(هنا)مكنش هيسمح تجعدي(تقعدي) انتي و يوسف في اوضة لوحديكوا(لوحدكوا)مجفول(مقفول) عليكوا باب واحد..علشان اكدي(كدة) يا حبيبتي معلش متبجيش(متبقيش) تجعدي(تقعدي)انتي و يوسف لوحديكوا(لوحدكوا) في مكان مجفول(مقفول)..
نبض:بس يا طنط انا و يوسف زي الاخوات و انا حبيته جدا غير ادم و ملك و زهرة و انا بحب اتكلم معاه بحسه بيفهمني كدة...
علا:خلاص يا حبيبتي ابجوا (ابقوا)اجعدوا (اقعدوا)قدامنا علشان يا حبيبتي سُمعتك و علشان خاطر جوزك..
نبض:حاضر يا طنط..
نبض:عن اذنك..
نبض خرجت بره اوضة يوسف...علا حضنت يوسف و قعدت تقرأ شوية قرآن لغاية ما نام...
***********************************
-في مكان تاني...
_في القاهرة..عند رعد..
رعد كان في المبني بتاعه هو و فرقته..
عز:كدة يا عم تتجوز و متقولش ليا؟!
رعد(بحدة):مهند..
مهند:نعم يا كبير..
رعد:جيت هنا قولت للكل اني اتجوزت صح؟!
مهند:لا و الله هما الفرقة بس..
رعد(بحدة):طيب الكل يسمعني اي حد هيجيب سيرة اني متجوز لاي مخلوق ميلومش غير نفسه..
مهند(بهمس):احنا هنستعبط ما انت متجوز من سبع سنين..
رعد(بصوت هادئ):علي اوضة التدريبات يا مهند..
مهند:وشي ابوس ايدك انا عايز ارجع سليم لمراتي..
رعد(بهدوء):سمعتني؟!
مهند بص للكل و راح علي اوضة التدريبات و رعد راح وراه..
محرم:هو ليه مش عايز حد يعرف انه متجوز؟!
عز:هتلاقيه جواز تقليدي علشان الصعيد و كدة..
يزيد:ممكن..
_في اوضة التدريبات..
مهند:طب قولي هتضربني فين طب؟!
رعد:ايه يا حضرة الظابط انت نسيت اننا نحاول قدر الامكان توقع مكان الضربة..
-مهند بص ل عيون رعد شك انه هيضربه في الضلع..رعد مد ايده علشان يضرب مهند...مهند رجع ورا ضهر رعد بس رعد بكوعه ضرب ضهر مهند..
مهند(بوجع):ربنا علي المفتري..
رعد:هتقوم و لا اجيلك؟!
مهند سند علي الارض بايده و قام وقف,رعد ضربه بوكس في وشه..
رعد:كفاية عليك كدة..
رعد ساب مهند و راح لمكتبه و مهند عالج جروحه و رجع للباقي..
يزيد:انت كويس؟!
مهند:سأخبر الله بكل شئ..
عز:و انا هأجي معاك..
رعد(بحدة):عز..
عز:و لا اعرفه يا باشا..
كل واحد قعد علي مكتبه و بدأ يشتغل..
رعد:هاتلي صورة الواد المشتبه..
محرم:اتفضل يا باشا..
رعد قعد يبص علي الملف و الصورة..
رعد:خرجوه بره القضية..
يزيد:مش هو؟!
رعد:لا..
يزيد:تمام في واحد تاني..
رعد:وريني..
يزيد:اتفضل..
رعد كمل شغل شوية و بعدها رجع ضهره للكرسي..
رعد:القضية خلصت..
عز:بجد ازاي؟!!!!!!
رعد:تعالي..
رعد بدأ يحكي كل اللي هو اتوصل ليه..
***********************************
-في مكان تاني...
_في تركيا...في المستشفي..
محمد(بالتركية):ميران مشوفتيش فتون؟!
ميران(بالتركية):علي ما اعتقد في اوضة التبديل..
محمد(بالتركية):شكرا..
محمد راح لاوضة تبديل الملابس دخل لقي فتون بتلبس القميص بتاعها و مودية ضهرها للباب..
محمد قرب من فتون و حضنها من ضهرها..
محمد(بالتركية):وحشتيني..
فتون(بالتركية):كذاب..
محمد(بالتركية):مقدرش اكذب عليكي يا قمري..
محمد(بالتركية):حقيقي وحشتيني..
فتون(بالتركية):و انت يا حبيبي..
محمد باس رقبة فتون و شدها ليه اكتر..
_عند ميران..
اشين(بالتركية):دكتورة ميران في حالة مستعجلة..
ميران راحت للاسعاف و لقت حالة غريبة قدامها..
ميران(بالتركية):ايه اللي حصل؟!
ازاد(بالتركية):شاكين بانها حامل..
ميران(بالتركية,بصدمة):طفلة و حامل!!!!
ميران(بالتركية):جيب السونار..
ازاد(بالتركية):لحظة..
ميران(بالتركية):لقيتوها فين؟!
اشين(بالتركية):في شخص و هو ماشي لقاها واقعة في الارض و بتصرخ..
ميران(بالتركية):استعجلي ازاد..
اشين(بالتركية):حاضر..
بعد فترة جه جهاز السونار و ميران بدأت تفحص بطن الطفلة..
ميران(بالتركية):نادي الدكتور محمد...
اشين(بالتركية):حاضر..
اشين قعدت تدور علي محمد لغاية ما راحت اوضة التبديل..
اشين(بالتركية):دكتور م...
اشين لفت وشها بسرعة و محمد بعد عن فتون..
محمد(بالتركية):خير يا اشين؟!
اشين(بالتركية):دكتورة ميران كانت عايزة حضرتك في الاسعاف..
محمد(بالتركية):حاضر جاي..
محمد بص بضيق و مشي ورا اشين و راح لميران..
ميران(بالتركية):خير؟!
محمد(بالتركية,عصبية):مش عارف اقعد مع فتون و لا في البيت و لا حتي في المستشفي ده ايه الذل ده متجوزها انا ليه بقي؟!..
ميران(بالتركية):مش وقته بعدين تعالي كدة..
محمد(بالتركية):ايه؟!
محمد راح و شاف اللي ميران بتشاور عليه..
محمد(بالتركية):هيأخد وقت كبير..
ميران(بالتركية):او ممكن نجري عملية..
محمد(بالتركية):حجم كبير زي ده نتقلصه يا ميران؟!
ميران(بالتركية):الحل الوحيد علشان نقدر ننقذ الطفلة..
محمد(بالتركية):المسئولية!!
ميران(بالتركية):عليا..
محمد(بالتركية):طيب موافق..
ميران(بالتركية):جول جهزي اوضة العمليات..
جول(بالتركية):حاضر..
و بدأوا يجهزوا نفسهم للعملية..
***********************************
-في مكان تاني...
_في الصعيد..
_في الليل..
نبض كانت بتتمشي في الجنينة لوحدها فجأة لقت حد كتم بوقها بأيده و شدها لورا القصر..
نبض كانت بتقاوم بس معرفتش بسبب ان نفسها مكتوم و ضغطها بدأ يوطي..
نبض لقت الشخص اللي وراها حاطط سكينة علي رقبتها..
نبض فتحت عينيها علي اخرهم و...

_السؤال:يا تري هيحصل ايه؟!خمنوا🌚💜..
**********************************
يتبع:::💜..
بحبكوا💜..
يا رب الرواية تنال اعجابكم💜..
رأيكوا يهمني💜..