قسوة الرعد «قيد التعديل»

الفصل الثالث و العشرون..

نكمل روايتنا(قسوة الرعد)بقلم سلسبيل كوبك..
الفصل ال23..
اخر حاجة وقفنا عندها في الفصل ال22..
قدر بدأت تمشي زي ما نبض وجهتها...
بعد فترة بسيطة..
رعد سمع صوت صريخ عالي اوي مشي ناحية ما نبض مشيت لقي نبض في الارض و بتعيط..نزل بسرعة من علي خيله و راح ناحيتها..
نبض(بعياط):قدر معرفش حصلها ايه فجأة رمتني من علي ضهرها..
-رعد قرب من قدر لقها بترفص اي حد قدامها حاول يسيطر عليها و قرب من رجليها شال حصي كان موجود في رجليها..
رعد:خلاص قومي من عندك..
نبض قامت من علي الارض و هي بتمسح بايديها دموعها...
نبض(بصريخ):عيوني..
رعد(بحدة):هو حد بيمسح عينه و ايده مليانة تراب..
رعد قرب من نبض و شال التراب اللي علي وشها و بدأ ينفخ في عينيها...
نبض:شكرا..
رعد حاوط خصر نبض بايده و باس عينيها..
رعد:الشكر مش كدة..
نبض حاوطت وش رعد بين ايديها و قربت منه و (لخيالكوا)...
نبض كانت هتبعد عن رعد بس رعد شدها ليه اكتر...
نبض(بخجل):يلا نروح..
نبض طلعت علي الخيل بتاعها و رعد طلع علي الخيل بتاعه..و مشيوا مع بعض هما الاتنين...
نبض:اوف هتفضل باصص ليا كتير..
رعد(برفعة حاجب):و انتي مالك؟!
نبض:اوف بتوترني انا..
رعد:تمام..
نبض:يا رخم..
رعد:انا برضو!!
نبض:قصدك ايه؟!
رعد:مفيش..
وصلوا للقصر و دخلوا الخيول للاسطبل...
نبض:بس انا لما ركزت دلوقتي يا رعد اكتشفت انك كنت بتضحك عليا..
رعد:بمعني؟!
نبض:الذئاب مش بتحب اللون الابيض انت كنت قاصد تخوفني و خلاص..
رعد:جنابك هبلة و بتصدقي اي حاجة..
نبض:مسمحلكش..
رعد:طب نزلي صباعك علشان مكسرهوش..
رعد و نبض طلعوا لاوضتهم نبض لسة هتنام..
رعد:قومي مفيش نوم ورانا سفر..
نبض(بصدمة):افندم!!!!بالسرعة دي؟!
رعد:ايوه في حفلة مهمة لازم احضرها يلا قومي..
نبض:اوف طيب..
نبض دخلت لمت هدوم ليها و رعد دخل يجهز نفسه..
بعد فترة..
نبض(بحزن):مش هنودعهم؟!
رعد:نبقي نيجي تاني..يلا هاتي الشنط..
رعد خد الشنط من نبض و نزل ل تحت و نبض وراه..
نبض(لنفسها):كان نفسي اعرف ايه حكاية يوسف؟!
نبض(لنفسها):مفسد اللحظة يا رعد..
رعد(بصوت عالي):نبض..
نبض:ايه في ايه؟!ايه الصوت ده؟!
رعد:ما لو جنابك معايا و سمعاني من البداية مكنش ده حصل...يلا اركبي..
نبض:طيب..
نبض و رعد ركبوا العربية و رعد بدأ يسوق..
نبض:ده صوت قطر صح؟!
رعد:ايوه..
نبض:ما تيجي نركبه نفسب اجربه اوي...
رعد:لا و منصحكيش..
نبض:ليه بس؟!بليز بليز..
رعد(بحدة):قولت لا بقيتي رغاية اوي..
نبض:انت رخم كدة ليه ده ايه القرف ده..
نبض بصت للشباك لغاية ما غصب عنها نامت...رعد وقف في استراحة لانه تعب..
نبض(شبه نايمة):وصلنا؟!
رعد:لا كملي نوم..
رعد رجع كرسيه ل ورا فترة و غمض عيونه بدأ يفكر في حاجات كتير لغاية ما فتح عينه و كانت نظرته مليانة غضب و كره..
رعد قام و ساق العربية و راح للبرج نزل شال نبض و دخل بيها ل جوا..
رعد:حد يجيب الشنط..
رعد طلع للشقة بتاعته و حط نبض علي السرير و نزل خد الشنط من الموظف و قفل الباب..
رعد طلع غير هدومه و نزل اوضة الرياضة بدأ يلعب رياضة كتير اوي بدون توقف لغاية ما التي شيرت بتاعه كله بقي ماية اترمي في الارض و فرد ايديه الاتنين و كان بيتنفس بصعوبة...
***********************************
-في مكان تاني...
_في الصعيد...عند ملك..
ملك صحيت ملقتش مالك جمبها قامت و دخلت الحمام غسلت وشها و خرجت تغير هدومها..
"ملك لبست عباية بيتي باللون الاحمر واسعة و بكم و لبست طرحة باللون الابيض شفافة نوعا ما"..
ملك نزلت ل تحت لقت ام مالك في المطبخ..
ملك:اساعدك في حاجة؟!
ام مالك:لا يا حبيبتي انتي لسة عروسة..
ملك:لا يا اما(امي)..قوليلي بس اعمل ايه؟!
ام مالك:طالما مُصرة يا حبيبتي..تعالي حضري الفطار ليهم معلش..
ملك:حاضر..
ملك بدأت تحضر الفطار و طلعته حطته علي السفرة..
ملك:هو فين مالك يا اما(امي)؟!
ام مالك:في شغله يا بتي(بنتي)هيرجع دلوجت(دلوقتي)..
ملك:تمام هطلع انادي عمي..
ام مالك:طيب..
مالك:السلام عليكم..
ام مالك و ملك:و عليكم السلام و رحمة الله و بركاته..
مالك:ايه ده ايه ده انا شامم رائحة فول و طعميه و حاجات حلوة كدة..
ام مالك:اطلع غير خلجاتك(هدومك) و انزل افطر..
مالك:هواء يا حاجة..
مالك:صباح الخير يا ملوكة..
مالك قرب من ملك و باس رأسها و طلع علي الاوضة فوق غير هدومه و نزل قعد علي السفرة بدأ يأكل..
ملك:اصبر يا مالك عمي و اخوك و سعاد نازلين..
مالك:مش قادر جعان اوي..
ام مالك:استني بجي(بقي)..
مالك:عيوني يا ست الناس..
مالك:بس مين اللي عامل ده كله؟!اكيد مش الكسولية اللي جمبي دي..
ملك(بصدمة):انا كسولية!!!!!!
مالك:لا يا روحي انتي كسولية و فاشلة و كل حاجة..
ملك كانت مصدومة و باصة بصدمة ل مالك..
مالك:ايه قولت حاجة غلط؟!
ام مالك ضربته علي رأسه..
ام مالك:الوكل(الاكل) اللي انت بتاكل منه جنابك هي اللي عاملاه..
مالك:واو عنجد!!!(بجد).
مالك(بغمزة):ايه ملكيش في التركي و لا ايه مراد و عمر و ميران..
ملك(بصدمة):مين ده يا اما(امي)..
ام مالك:ابني..
ام مالك:عجبك كدة اهدي البت اكتشفت اننا ضحكنا عليها من اول يوم ليها..
ملك:ضحكتوا عليا في ايه؟!
ام مالك:انه علطول كدة مفرفش و طفولي جدا...ده لغاية دلوقتي بيتفرج علي كرتون يا بنتي..
مالك:لا بس راجل اوي و اعجبكوا..
عبدالخالق:صباح الخير..
ملك حطت الطرحة بسرعة علي رأسها و قعدت جمب مالك...
مالك:صباح الخير يا حاج و الله ليك وحشة...
عبدالخالق:ابتدينا رزالة علي الصبح..
مالك:متستغربيش يا قلبي انا عودت لسانهم علي المصري خلاص..ناقص انتي بس..
فاتح:انت ابتديت يا ابني ارحم مراتك هتموت من كتر الصدمة..
مالك:قوليلي هتموتي امتي علشان اعمل حسابي يعني..
مالك:يرضيكي اعيش ارمل..
ملك(بصدمة):مالك انت جننتني..
مالك:انتي لسة شوفتي جنان..
عبدالخالق:خلاص بجي(بقي) هدوء..
الكل بدأ يأكل و ملك مكنتش مستوعبة اللي بيحصل خالص..
ملك و سعاد بدأوا يشيلوا الاكل و يدخلوه المطبخ..
ام مالك:اغسلي المواعين يا سعاد..
ام مالك:و انتي يا ملك تعالي معاايا..
ملك:نعم..
ام مالك طلعت اوضتها و ملك وراها دخلت وراها..
ام مالك:تعالي اقعدي يا حبيبتي و اقفلي الباب..
ملك:نعم..
ام مالك:بصي يا حبيبتي ممكن تشوفي مالك غريب شوية بس هو طبعه اكدي(كدة)فرفوش و بيحب يضحك دايما..
ام مالك:بس لما تحتاجيه في موضوع او تحطيه جدام(قدام) مسئولية بيبقي جدها(قدها)...و هيجف(هيقف) جمبك في كل اوجاتك(اوقاتك) صعب تلاجي(تلاقي) زيه اليومين دول..
ام مالك:مبجولش اكدي(مبقولش كدة) علشان انا امه..بجول اكدي(بقول كدة)علشان دي الحجيجة(الحقيقة)..
ملك:حاضر يا اما(امي)..و مالك ربنا يخليه و يحفظه ليكي و ليا يا رب..
ام مالك:اللهم امين يا رب..
***********************************
-في مكان تاني....
_عند مهند و فاطمة..
مهند:يلا يا حبيبتي هنتأخر..
فاطمة:هي مرات الواد اللي اسمه يزيد دي جاية؟!
مهند:معرفش..كل اللي اعرفه اننا هنتاخر..
فاطمة:اوف بقي..
مهند:يا حبيبتي مالك ما نبض جاية هي و رعد..
فاطمة(بفرحة):بجد!!!طيب كويس..
مهند:يالهوي هي البت سحرتك و لا ايه ده من لقاء واحد بس..
فاطمة:طيبة كدة مش خبيثة زي مرات صاحبك التاني..
مهند:طب اخرسي بقي و كملي لبس..
فاطمة:حاضر اهو..
بعد فترة بسيطة..
فاطمة:ايه رأيك؟!
مهند:يخرب بيت الجمال و القشطة..
فاطمة:حلو؟!
مهند:حلو بيكي يا قمر..
"فاطمة كانت لابسة فستان ازرق هادئ بكم و واسع و لبست حجاب باللون الابيض و حطت روچ خفيف جدا و لبست صندل ابيض"..
مهند:ملكة و ربي..
مهند قرب من فاطمة و باس رأسها..
مهند:ربنا يخليكي ليا يا روحي..
فاطمة:و يخليك ليا يا حبيبي..
مهند:طيب يلا بينا..
فاطمة:هطمن علي زياد بس الاول..
فاطمة دخلت اوضة زياد باست رأسه..
فاطمة:معلش هتعبك معايا يا طنط..
..:لا يا حبيبتي متقوليش كدة..انتي ياما ساعدتيني كتير...
فاطمة:شكرا يا طنط..
-الست دي تبقي جارتهم و عايشة لوحدها بتقعد مع فاطمة كتير ساعات و مهند في مهماته و في الشغل,و زياد برضو بيحبها..
مهند مسك ايد فاطمة و نزل بيها ل تحت فتح ليها باب العربية..
فاطمة:شكرا..
مهند:عفوا برنسيس..
مهند لف و ركب و بدأ يسوق العربية لغاية ما وصل للبرج...مهند اتصل كتير بس رعد بس مردش..
مهند:انزلي..
فاطمة:في ايه؟!
مهند:مش بيرد..
فاطمة:طب اتصل ب نبض طيب؟!
مهند:جربي كدة..
_عند نبض..
نبض صحيت من فترة بسيطة جدا و غسلت وشها و نزلت ل تحت قعدت علي الكنبة مع كوباية نسكافيه قدام التلفزيون...
تليفونها رن...الخط اتفتح..
نبض:الو ازيك يا فاطمة..
فاطمة:ازيك يا حبيبتي عاملة ايه؟!.
نبض:الحمدلله و انتي و زياد عاملين ايه؟!
فاطمة:كويسين الحمدلله..اومال انتوا فين؟!
نبض:في الشقة...
فاطمة:اومال رعد مش بيرد ليه؟!
نبض:معرفش..
فاطمة:ازاي؟!
نبض:انا لسة صاحية من النوم..
فاطمة:طب شوفيه كدة..احنا طالعين ليكوا..
نبض(بقلق):طيب..
نبض:هيكون راح فين ده؟!
نبض بدأت تدور في الشقة كلها و دخلت اوضة الرياضة لقت رعد نايم في الارض..
نبض:اوف يا شيخ..
نبض نزلت لمستوي رعد و بدأت تصحيه..
نبض(بشهقة و خضة):في ايه؟!
رعد شد نبض و رفع ايديها ل فوق و خلاها تحته..
رعد:بتعملي ايه هنا؟!
نبض:كنت بصحيك فاطمة و مهند طالعين و بيقولوا اتصلوا بيك مبتردش..
رعد بعد عن نبض و قام وقف..
رعد:قومي غيري هدومك و البسي فستان علشان رايحين حفلة..
نبض(بفرحة):بجد!!
رعد:ايوه..
نبض طلعت جري علي اوضتها خدت دوش بسيط و خرجت تغير هدومها...
رعد لقي باب الشقة بيخبط راح و فتح الباب..
مهند:قلقتني عليكي..
رعد:ادخل..
مهند و فاطمة دخلوا و رعد قعدهم و طلع لاوضته..
-رعد دخل الحمام خد دوش و خرج و هو بيجفف شعره و نبض كانت خارجة من اوضة الملابس..
رعد وقعت الفوطة منه في الارض و بص ل نبض..
نبض:حلو؟!
رعد(ببرود):اي حاجة بتلبسيها بتبقي زفت اساسا..
نبض(بتريقة):اي حاجة بتلبسيها بتبقي زفت اساسا..
نبض:كدة انت روش يعني..
نبض سابت رعد و نزلت ل تحت..
نبض:هاي..
نبض جريت علي فاطمة حضنتها و فاطمة برضو حضنتها..
نبض:اومال فين زياد؟!
فاطمة:في البيت..
نبض:مجاش ليه؟!
فاطمة:خايفة عليه بقى..
نبض:تمام...اهلا يا مستر مهند..
مهند:اهلا يا مدام نبض..
فاطمة:شكلك حلو اوي اوي بجد..
نبض:انتي احلي شكلك جميل برضو..
"نبض كانت لابسة فستان باللون الاسود ب ¾ كم نازل من عند الاكتاف و واسع من عند الخصر واصل لغاية الركبة..لبست فوقه جاكت اسود بنفس طول الفستان و قفلت الجاكت..سيبت شعرها علي كتفها و ضهرها و حطت روچ احمر غامق و كحل حدد عينيها و لبست صندل بكعب اسود..و حطت اكسسورات بسيطة"..
رعد(ببرود):يلا بينا..
مهند:طيب..
رعد مسك ايد نبض و راح ناحية الباب فتح و خرج هو و نبض و وراهم مهند و فاطمة..
رعد قفل الباب و نزلوا كلهم ل تحت و كل واحد بدأ يركب عربيته و راح ناحية الحفلة..
رعد(ببرود):مش عايزك تتكلمي مع اي مخلوق الا لما اسمحلك..
نبض لا رد..
رعد(ببرود):اظنك سمعاني..
بعد فترة..
وصلوا ل مكان الحفلة...رعد نزل و لف فتح ل نبض الباب..
نبض:واو بنفسك!!!؟
رعد:يلا..
مهند برضو فتح باب العربية بتاع فاطمة و دخلوا هما الاربعة الحفلة..
مهند:باقي الفرقة هناك..
رعد:يلا نروح ليهم..
فاطمة:مش بحب البت اللي واقفة معاهم دي..
نبض:اشمعنا مالها؟!.
فاطمة:بتفضل تتلزق في كل واحد مع انها متجوزة..
نبض:فكك منها..
عز(بمرح):رعد باشا ايه الجمال ده؟!
عز:مدام رعد اهلا بيكي نورتي..
نبض(بابتسامة بسيطة):بنورك..
محرم:مش هتعرفنا يا رعد بيه؟!
رعد:دي نبض بنت عمي و دول باقي فرقتي عز و محرم و يزيد..
بنت:نسيتني كدة يا رعد بيه..
رعد(ببرود):و دي احلام مرات يزيد..
نبض:تشرفت بمعرفتكم..
احلام:بس شكلك النهاردة جذاب يا رعد باشا..
رعد(ببرود):ده المعتاد دايما..
مهند:حد عايز يشرب حاجة؟!
محرم:لو تسمحلي يا باشا بكأس واحد..
رعد بصله بمعني ماشي و الشباب و احلام كل واحد خد كأس كحول..
نبض(بهمس):انا عايزة انا كمان..
رعد ضغط علي خصر نبض بغضب و بصلها بغضب..
رعد(بهمس و حدة): العاهرات بس اللي بيشربوا ده عايزة تبقي زيهم..
فاطمة(بهمس):ليه جبت يا مهند؟!.
مهند(بهمس):مرة واحدة يا حياتي معلش..
فاطمة(بهمس):حرام يا مهند عيب كدة..
مهند ساب الكوباية من ايده و حطها علي الترابيزة..
احلام:نخبك يا باشا..
رعد شرب الكأس كله علي مرة واحدة و حطه علي الترابيزة..
رعد(ببرود):مخدتش بالي...
عز:الواد لؤي ده جاي..
مهند:الرخامة كلها جت..
لؤي:رعد باشا منور الحفلة..
رعد:طول عمري..
لؤي:ماشية معاك...مين الهانم؟!
رعد:ملكش دعوة..
لؤي:و انت مراتك دايما حلوة كدة مهند؟!
فاطمة مسكت مهند بسرعة قبل ما يتهور علي لؤي..
مهند(بغضب مكتوم):امشي من قدامي يا لؤي احسنلك..انا محترم سيادة اللواء..
لؤي:طيب يا عم اسف..
لؤي قرب من نبض و وقف جمبها..
لؤي:تسمحيلي نتعرف علي الجمال ده؟!
رعد شد نبض من دراعها و حطها ورا ضهره و ضرب لؤي بوكس في وشه بغضب..
رعد(بحدة):امشي من قدامي يا لؤي..
لؤي مسح الدم من علي وشه و بص ل رعد بغضب و سابهم و مشي...
محرم:حضرتك كويس؟!
رعد:ايوه..
نبض:مين ده؟!
عز:ده واحد كدة رخم ارخم من جوزك..
نبض(برفعة حاجب):مين قال ان جوزي رخم؟!!!!!جوزي مش رخم..
رعد بص ل عز بحدة و بعدها بص ل نبض باستغراب..
مهند:رعد سيادة اللواء جاي علينا...
اللواء:اهلا نورتنا يا رعد..
رعد:بنور حضرتك يا فندم..
اللواء:سمعت عن اخر انجازاتكم..
رعد:اتمني تكون بتسمع كل خير يا فندم..
اللواء:شكرا انك لبيت دعوتي انت و باقي فرقتك..
رعد:انا و فرقتي في الخدمة دايما..
اللواء:مراتك؟!!
رعد:ايوه..
اللواء:تشرفت بحضرتك يا مدام؟!!
رعد:نبض..
اللواء:تشرفت بيكي يا مدام نبض..
نبض سلمت علي اللواء و ابتسمت ليه ابتسامة بسيطة..
نبض:انا اكتر يا سيادة اللواء..
اللواء:نورتي يا فاطمة..
فاطمة:بنور حضرتك..
اللواء:اتمني تستمتعوا..
اللواء:معلش يا رعد عايزك انت و فرقتك..
رعد:تمام يا فندم...
اللواء مشي و دخل قاعة تانية للاجتماعات جمب قاعة الحفلة..
رعد:خليكي هنا متتحركيش خالص لغاية ما اجيلك..
نبض:تمام..
رعد مشي هو و فرقته و راح لاوضة الاجتماعات و كان في كذا فرقة تانية و بدأوا يتكلموا حوالين الشغل....
احلام:باين عليكي انك كبيرة عندك كام سنة؟!
نبض:بقولك يا فاطمة ايه رأيك نطلب عصير..
فاطمة:طيب تحبي تشربي عصير ايه؟!
نبض(بضحكة خفيفة):امممممم مش عارفة..
احلام(بغضب):قليلة الادب فعلا..
احلام خدت الكأس بتاعها و سابتهم و مشيت..
نبض:اوف اخيرا مشيت دي كانت قرفاني يا بنتي..كنت ثانية كمان و عملت وشها كله خريطة..
فاطمة:انا مش بطيقها مش عارفة جوزها ازاي مستحملها كدة..
نبض:يا بنتي فكك الشخصيات دي متركزيش معاهم ابدا..
فاطمة:عندك حق..
بعد فترة كبيرة..
رعد و الكل رجع تاني مكانه,رعد حاوط نبض بايده..
مهند:تيجي؟!.
فاطمة:تمام..
مهند خد فاطمة و بدأوا يرقصوا مع بعض..نبض غصب عنها بدأت تتمايل علي الاغنية..
رعد:عن اذنكوا..
رعد خد نبض و راح ل مكان فاضي بعيد عن الانظار و قرب نبض منه و بدأوا يرقصوا...
نبض(بابتسامة):طلعت راقص ماهر...
نبض و هي بترجع رجليها لورا اتكعبلت و كانت هتقع لورا ان رعد مسك بيها بسرعة..
نبض(بخضة):كنت هقع..
رعد:و انا كنت همسكك..
نبض:بس مش هتبقي معاايا في كل وقت تسندني لما اقع..
رعد:تؤ هبقي معاكي في كل وقت..
نبض:دايما؟!
رعد:دايما..
نبض:وعد؟!
رعد:وعد..
رعد عدل نبض و كملوا رقص مع بعض لغاية ما الاغنية خلصت...
رعد حط ايده علي خد نبض و بص في عيونها..
نبض(بخجل):انت كدة بتحرجني..
رعد(بابتسامة):بجد!!
نبض(بخجل):طلعت ضحكتك حلوة يا عم التقيل..
رعد ضحك ضحكة بسيطة و مسك ايد نبض و رجعوا للباقي...
فاطمة(بهمس):اختفيتوا فين؟!
نبض:مش مكان معين..
نبض رفعت رأسها بصت ل رعد و بعدها بصت في الارض تاني..
بعد فترة الحفلة انتهت و كل واحد بدأ يرجع بيته..
_في بيت نبض و رعد...
نبض:هطل...
رعد قرب من نبض و (لخيالكوا)..
نبض(بتوتر):ان..
رعد:هششش..
رعد حط ايده علي بوق نبض و بص في عيونها..
رعد(بتوهان):بتحبيني؟!.
نبض(بدون وعي):ا ا اهه(اه)..
رعد حاوط خصر نبض بايده و لسة هيقرب منها نبض حطت ايديها علي بوق رعد..
نبض(بضعف):بتحبني؟!.
رعد بص في عيون نبض و هز رأسه بمعني اه...
نبض(بضعف):مش هتسبني؟!
رعد هز رأسه بمعني لا و كان لسة هيقرب من نبض نبض رجعت بجسمها لورا..
نبض(بضعف):هنكمل حياتنا مع بعض؟!.
رعد هز رأسه بمعني اه...نبض غمضت عينيها و استسلمت..
رعد شال نبض بين ايديه و طلع علي اوضتهم حط نبض علي السرير و قرب منها و (لخيالكوا)و....
***********************************
-في الصباح الباكر...
_عند نبض..
نبض فاقت من نومها الصبح و هي مبتسمة و...

_السؤال:يا تري هيحصل ايه؟!خمنوا🌚💜...
**********************************
يتبع::::💜..
بحبكوا💜..
يا رب الرواية تنال اعجابكم💜..
رأيكوا يهمني💜..