قسوة الرعد «قيد التعديل»

الفصل الثاني و الاربعون..

نكمل روايتنا(قسوة الرعد)بقلم سلسبيل كوبك..
الفصل ال42..
اخر حاجة وقفنا عندها في الفصل ال41..
نبض قامت وقفت جمب رعد و رعد كان بيحاول يهدئ نفسه و فجأة حصل ضرب نار عليهم..
رعد حضن نبض و نبض استخبت في حضنه..
رعد:متخافيش ده تهديد بس..
نبض:احم بص يا حبيبي ممكن تهدئ شوية ارجوك..
رعد:نبض اطلعي و سيبيني لوحدي معلش علشان خاطري..
نبض:طب يا رعد علشان خاطري خليني جمبك و مش هتكلم..
رعد(بزهق):نبض انا عايز ابقي لوحدي و مش عايز اسيبك في البيت ده لوحدك ارجوكي ابعدي ارجوكي..
نبض(بدموع):حاضر...
نبض سابت رعد و طلعت علي اوضتها هي و رعد,رعد قعد بتعب علي الكنبة و فضل شارد بيراجع ذكرياته لغاية ما بدأ يعيط و حاول كتير يكتم صوت عياطه...
_عند نبض..
نبض طلعت و كانت خايفة و قلقانة علي رعد و قعدت تروح و تيجي في الاوضة و بدأت بطنها توجعها قعدت علي السرير و حاولت كتير تتحمل الوجع مقدرتش..
نبض بدأت تتلوي علي السرير من كتر الوجع و بدأت تعيط لغاية ما الوجع خف..
نبض قامت و نزلت ل تحت لقت رعد نايم علي الكنبة و عرقان و حرارته مرتفعة شوية..
نبض(بقلق):رعد رعد..
رعد فتح عيونه بتعب و ارهاق و بص ل نبض..
رعد:مش قولتلك عايز ابقي لوحدي..
نبض:خلاص يا رعد و النبي متحسسنيش ان انا اللي غلطانة..قوم معايا نام فوق علشان خاطري..
نبض سندت رعد و طلعت الدور التاني كانت لسة هتخش اوضتهم رعد فتح باب اوضة تانية و دخل رمي نفسه علي السرير...
نبض:رعد مش دي اوضتنا...
رعد:عارف..روحي و سيبيني انام هنا يلا..
رعد:اقفلي الباب و اسمعي الكلام..
نبض قفلت الباب و راحت علي اوضتها قعدت تعيط كتير...
_في الصباح الباكر...
رعد كان بيتقلب في نومه لقي حد ماسكه جامد عرف انها نبض فتح عيونه و حط ايده علي خدها باس رأسها..
نبض(شبه نايمة):انت كويس؟!
رعد هز رأسه بمعني اه نبض حضنته اكتر..
نبض:صباح الخير..
رعد:صباح النور...قومي يلا..
نبض:فعلا يلا قوم وراك شغل و قبل الشغل هنروح مشوار و انا هروح الشغل و...
رعد:استني شغل ايه اللي انتي هتروحيه و مشوار ايه اللي هنروحه انتي مش هتتحركي من هنا..
نبض:لا انا كويسة اهو يا رعد و كمان يلا قوم بقي اسمع الكلام..
نبض قامت و شدت رعد وراها دخلته الحمام..
نبض:خد دوش عقبال ما اطلع هدوم و اعمل اكل..
نبض:يلا..
نبض قفلت باب الحمام و رعد دخل خد دوش طويل,نبض طلعت ليه هدوم و نزلت بدأت تحضر فطار خفيف و طلعت تاني لقته بيلبس هدومه راحت ساعدته...
نبض(بقلق):ايه اللي في ضهرك ده يا رعد؟!
رعد:متشغليش بالك..
نبض:لا ازاي يعني؟!ايه ده؟!
رعد:سلسلة حديد اضربت بيها علي ضهري يا نبض و علمت بس..
نبض:طب وجعاك؟!
رعد:لا.
نبض:طب انزل هتلاقي الفطار تحت افطر و انا هلبس و انزلك..
نبض دخلت اوضة الملابس بدأت تغير هدومها...
"نبض لبست بنطلون جينز و فوقه تي شيرت صوف باللون الرصاصي بكم و لبست كوتشي ابيض عالي..سيبت شعرها علي ضهرها"..
نبض نزلت ل تحت لقت رعد بيأكل بس شارد..
نبض(بابتسامة):خلصت يا حبيبي؟!
رعد:اه..بس مشوار ايه اللي هنروحه؟!
نبض مسكت ايد رعد و خرجت من البيت و راحت ناحية العربية و مدت ايديها ل رعد..
رعد(برفعة حاجب):كمان!!!
نبض:ايوه..
رعد طلع مفاتيحه و وداهم ل نبض و ركب و نبض لفت ركبت مكان السواق و بدأت تسوق..
رعد:نبض هتودينا فين من الاخر؟!
نبض:انت متضايق؟!
رعد:مبحبش اروح مكان مش عارفه..
نبض:بس انت معايا اكيد الموضوع مختلف..
بعد فترة رعد لقي نبض وقفت قدام الكورنيش..
نبض:مجربنهاش بالنهار..يلا انزل..
نبض نزلت لقت حد بيبع درة راحت اشترت ليها هي و رعد و ودته...
نبض:متكسفنيش بقي خده..
رعد خد منها الدرة و بدأ هو و نبض يتمشوا علي الكورنيش بس رعد مش بيتكلم نبض بس اللي بتتكلم..
نبض(بابتسامة):شكلك حلو كدة..
رعد:مش يلا نمشي؟!
نبض:تمام..
نبض و رعد راحوا للعربية رعد هو اللي ساق و بعد فترة وصل للمستشفي..
نبض:احم طيب هنزل انا..
نبض قربت من رعد باسته علي خده و رعد كان نظره علي الطريق,نبض نزلت من العربية و كانت لسة هتدخل رعد نادي عليها..
رعد نزل و قرب من نبض حضنها و باس رأسها..
رعد:لو في حاجة كلميني..خلي بالك من نفسك..
نبض(بابتسامة):و انت كمان..
نبض مشيت و دخلت المستشفي رعد لبس نضارته و ركب عربيته راح للمبني..
_في المبني..
شخص(بسخرية):ليك عين تيجي تاني..
رعد لا رد..
رعد مشي و دخل علي مكتبه علطول..
مهند:ازيك يا رعد...ايه اللي جابك؟!
رعد(ببرود):مش ورانا شغل..
عز:اه بس والدتك لسة متوفية و..
رعد(ببرود):والدتي ماتت من 16 سنة يا عز انت نسيت...
رعد قعد علي كرسي مكتبه و قدامه مهند و عز...
رعد(ببرود):جالي تهديد النهاردة..
مهند:مين عمل كدة؟!
رعد بص ل مهند و مهند فهم مين هو...
مهند:ناوي تعمل ايه؟!
رعد:القانون..
عز:اجيب الباقي علشان نتفق علي خطة..
رعد:لا..بعد فرح ادم هنبدأ بالتنفيذ و التخطيط..
عز:طيب...المهم انك تبقي كويس..
رعد:انا كويس..و انت يا مهند خلي بالك من مراتك و ابنك الفترة دي..
مهند:تمام..
عز:طب بالنسبة ل..
رعد:سعد هيتصرف..
مهند:طب رعد ممكن تهدي انت..
رعد:هو حصل ايه يعني يا مهند؟!انا هادئ اهو..
عز:طب طالما انت كويس و هادئ مش المفروض تقعد مع مراتك التعبانة طيب...
رعد:نبض في المستشفي و صحتها بقت احسن الحمدلله..
مهند:طيب...المفروض نشتغل علي ايه دلوقتي؟!
رعد:لؤي في مستشفي ايه؟!
_عند نبض..
ياسر:صحتك كويسة دلوقتي؟!
نبض:الحمدلله..شكرا يا دكتور ياسر..
لوسي:احم ممكن تنزلي ايدك من علي كتفه بقي..
نبض(برفعة حاجب):افندم!!!!
لوسي:لولا اني عارفة انك متجوزة و بتحبي جوزك و مش بتلفي علي ياسر كان زماني هزأتك دلوقتي...
ياسر:احم نبض متزعليش هي بس..
لوسي:خطيبته..
ياسر:غصب يا روحي..
لوسي:بس برضو انت خطيبي..
نبض:مش فاهمة حاجة..
ياسر(بضحك):المجنونة من يومين دخلت قالتي انها بتحبني و قالت ان اللي هو المفروض كان امبارح خطوبتنا و الدبل..
ياسر(بضحك):و روحنا اشترينا الدبل و لبسناها لوحدنا كدة..
ياسر(بضحك):بحبها انا كمان بس مكنتش متأكد انها مجنونة اوي يعني..
ياسر حط ايده علي كتف لوسي و خدها في حضنه..
لوسي:بس بقي بتكسف..
نبض(بابتسامة):ربنا يخليكوا ل بعض...
ياسر:و كمان بدل ما انا وحيد و هي وحيدة نوحد وحدتنا بقي..
نبض:بص انا مش فاهمة بس ماشي..
التلاتة ضحكوا مع بعض و نبص حست بوجع في بطنها و سندت علي الحيطة..
ياسر:انتي كويسة؟!
نبض:ايوه بس الضحك الكتير بيوجعلي بطني..
ياسر:مكنش ينفع تنزلي النهاردة اساسا..
نبض:قعدة البيت مملة...يلا باي..
نبض مشيت و دخلت مكتبها و منار دخلت وراها..
منار:حمدلله بالسلامة..
نبض:الله يسلمك..
منار:خدي دول ملفين مريضين كدة خفاف..
نبض:تمام شكرا..
منار:هشوفك في الاستراحة..
نبض مسكت الملف الاول و بدأت تقرأ حالة المريض..نبض قامت و راحت اوضته و دخلت للمريض..
نبض:مساء الخير..
لؤي:هو انتي؟!
نبض:حضرتك تعرفني؟!
نبض:ممكن اكون اعرف حضرتك بس للاسف وش حضرتك متدمر..و هتخضع لعمليات تجميل قريب..
لؤي(بغضب):ما هو بسبب جوزك..
نبض:رعد!!!انت تعرف رعد منين؟!
نبض مسكت الملف و قرأت الاسم..
نبض:معتقدش اني قابلت حد باسم لؤي قبل كدة..
لؤي(بغضب):لو فاكرة اني هسيبك و لا هسيب جوزك في حالة تبقي غلطانة...
نبض مسكت لؤي من هدومه بغضب..
نبض(بحدة):لا اسمعني كدة و فوق رعد خط احمر..و اللي يقرب منه يبقي زي اللي دخل للنار برجليه..
نبض:و احمد ربك انها جت لحد كدة اصلا..
ممرضة:حضرتك بتعملي ايه؟!
نبض(ببرود):مفيش حاجة..
ممرضة:حد من طرف المريض عايز يقابله...
نبض:الزيارة ممنوعة..
لؤي(بحدة):انتي اتجننتي..
نبض(بخبث):للاسف ملفك وقع تحت ايدي و انا دلوقتي الدكتورة بتاعتك و انت لازم تسمع الكلام...
نبض:الزيارة ممنوعة...
الممرضة خرجت الاول نبض بصت ل لؤي و غمزتله باستفزاز و خرجت..
نبض(باستغراب):انت!!!!
رعد(بحدة):انتي بتعملي ايه في اوضة الحيوان ده!؟
نبض:انت ايه اللي جابك؟!
نبض(بحدة):و كمان انت اللي عملت فيه كدة؟!
رعد(ببرود):ايوه انا..
نبض:و الله و مالك بتقولها بفخر كدة ليه؟!
رعد:مردتيش كنتي بتعملي ايه؟!
نبض:انا الدكتورة بتاعته..
رعد(بغضب):نعم يا اختي؟!
رعد قرب من نبض و نبض رجعت خطوتين ل ورا..
مهند:احم احم..
رعد:امشي بعيد انت و عز..
مهند:طيب..
مهند و عز بعدوا عن نبض و رعد شوية..
رعد:كلمة واحدة تسيبي حالته لاي زفت تاني..
نبض:زفت ده قصدك بيه ايه؟!
رعد ضرب الحيطة اللي ورا نبض بغضب...
رعد:فقرة الاستهبال دي مش عايزها خالص..حالة ال ****** دي توديها لاي دكتور تاني فهمتي..
نبض:انت ازاي تقول الالفاظ دي؟!و كمان لا مش هسيب حالته..
نبض:و اه انا منعت عنه الزيارة ممنوع الدخول..
رعد:تعالي هنا راحة فين..و كمان منعتي الزيارة ليه؟!
نبض:حضرتك مين؟!
رعد(بصدمة):افندم!!!
نبض:ايوه انت مين موجود هنا بصفتك مين؟! لو بصفتك قريب المريض ده انا الدكتورة اللي مشرفة عليه و ممنوع الزيارة..
رعد:و..
نبض:و لو جاي هنا بصفتك زوج نبض السيوفي اللي هي مراتك..بعتذر هنا مفيش مراتي هنا في دكتورة نبض بس ممكن تشابه اسماء..
نبض سابت رعد و راحت علي مكتبها,رعد بصلها بغضب..
رعد:نهايتك علي ايدي يا نبض..
عز:ايه الاخبار؟!
رعد:مفيش..يلا بينا..
مهند:و ايه لازمة اننا جينا بقي..
رعد بصله بصه غضب مهند جري من قدامه..عز مشي مع رعد و رجعوا يشتغلوا تاني...
***********************************
-في مكان تاني...
_في الصعيد..في اوضة هدي و عادل..
عادل:عايزاني في ايه يا هدي؟!
هدي:كنت عايزة اتحدد(اتكلم)معاك في موضوع يا حاج..
عادل:جولي(قولي)..
هدي:يوسف..
عادل:ماله؟!
هدي:طالب يد عطر بنت خضراوي..
عادل:هو اللي طالبها بالاسم؟!
هدي:ايوه...
عادل قعد فترة ساكت بيفكر في الموضوع..
عادل:انتي تعرفي اخلاقها؟!
هدي:و نعمة التربية...
عادل:و انا موافج(موافق)...
هدي:طب و هتعمل فرح ل زهرة؟!
عادل:لو هي عايزة..
هدي:ادم جالنا(قالنا) انه هو اللي هيظبط كل حاجة في فرحه..
عادل:و جرر(قرر)هيعمله فين؟!
هدي:في مصر..
عادل:طيب هو و راحته..
_عند البنات...
تمارا:سمعت ان فرحك الاسبوع الجاي مبروك..
ميران(بخجل):احم شكرا..
زهرة:مالك مكسوفة اكدي(كدة) ليه؟!
ميران(بخجل):بس بقي يا زهرة..
زهرة(بضحكة بسيطة):ليجي حق(ليكي حق)تتكسفي و انتي واخدة زينة الرجال...
تمارا:انا لسة متعاملتش معاهم و معتقدش اني هطول هنا..
ميران:ليه بتقولي كدة؟!انتي لطيفة و الله و اكيد هيقبلوا بيكي..
زهرة:انا عارفة جلب(قلب) عمي مش هيرمي لحمه اكدي(كدة) في الشارع..
تمارا:هقوم ادخل الحمام..
تمارا قامت من الجنينة و دخلت القصر لقت حد حاطط ايده علي بوقها و شالها بقوة و دخل اوضة من الاوض..
تمارا قعدت ترفص رجليها بقوة لغاية ما الشخص ده زقها علي الحيطة و حط ايده علي بوقها..
تمارا فتحت عينيها علي اخرهم لما شافت مراد..
مراد(ببرود):انا عارف ان مشيك كان شمال كله و عارف انك واحدة ******..
مراد(ببرود):و لو جيتي هنا علشان حاجة زبالة زيك ساعتها انا هطلع روحك في ايدي..
مراد(بحدة):فاهمة؟!
تمارا كانت مش قادرة تتنفس بسبب ايد مراد و سمعت صوت حد بره كانت بتحاول تصرخ مراد مسك رقبتها جامد...
مراد(بهمس):اخرسي خالص مش عايز اسمع صوتك..
تمارا كان نفسها بيروح و جسمها بيتقل و كان هيغمي عليها و تقع في الارض مراد لحقها بين ايديه و وقعوا في الارض هما الاتنين..
مراد(بهمس و حدة):انتي يا بت..فتحي عينك..
مراد(بهمس و حدة):انا عارف انك بتستعبطي فتحي عينك...
مراد قرب من تمارا و شاف النبض بتاعها لقاه ضعيف اوي..
مراد طلع تليفونه و اتصل ب نبض...الخط اتفتح..
نبض:الو يا حبيبي..
مراد(بقلق):نبض لو حد كان مكتوم نفسه و اغمي عليه و نبضه دلوقتي قليل اعمل معاه ابه؟!
نبض:مين حصله كدة؟!
مراد(بحدة):مش وقته يا نبض..
نبض:امسك عظمة ودنها و اضغط عليها جامد او ما العظمة اللي بين العينين...او كحول حطه في انفه..
مراد:تمام شكرا..
مراد قفل التليفون في وش نبض و رماه بعيد و قرب من تمارا و بدأ يضغط علي العظمة اللي بين عينيها..
تمارا بدأت تفوق و تحرك رأسها يمين و شمال و فتحت عينيها..
تمارا(بخوف):انت عايز مني ايه؟!
مراد(ببرود):قومي..
تمارا قامت ببطء وقفت مراد قام وقف قدامها و حط ايده في جيبه...
مراد(ببرود):امشي..
تمارا استفزها مراد اوي و طريقته..ضربته في صدره بغضب كذا مرة..
تمارا(بغضب):هو انا خدامة عندك يا روح امك؟!
مراد(ببرود):بيني اصلك و معدنك يلا..
تمارا(بغضب):يا سلام ما انت كمان كنت قاتل و حرامي و حاجات وحشة كتير...انت محسسني انك مكنتش بتقوم من علي سجادة الصلاة..
تمارا(بغضب):انا اينعم كنت بروح كباريهات و كنت برقص و ببين جسمي و كنت بعمل حاجات وحشة...بس و مع ذلك لسة محافظة علي شرفي و..
مراد شد شعر تمارا بغضب و قربها منه..
مراد(بغضب):ما انتي لو مكنتيش عملتي كدة كنت قتلتلك و دفنتك بدم بارد..
مراد(بغضب):قسما بربي يا تمارا لو محترمتيش نفسك معايا لاكون قاتلك..
مراد(بغضب):و كمان انا لو رجعت القاهرة هترجعي معايا...
تمارا(بوجع):وسع كدة و كمان انت مين علشان تقول كدة و اسمع كلامك..
مراد(بغضب):اعتبرينا في حكم المتجوزين..
مراد زق تمارا و سابها و مشي..تمارا مكنتش مستوعبة اللي بيحصل و خرجت من الاوضة لقت بلال في وشها...
بلال(بخبث):شايفك مبسوطة اهني(هنا)..
تمارا(بتعب):لو سمحت انا مش حمل كلام..
بلال(بخبث):ليه كونتي(كنتي)بتعملي ايه اهني(هنا)؟!
تمارا(بتعب):بعد اذنك عايزة انام..
تمارا كانت هتمشي بلال مسك دراعها و قربها منه..
بلال:لو فاكرة انك هتكوني واحدة من العائلة دي تبجي(تبقي) غلطانة..
تمارا حاولت تشد ايديها من بلال..بلال ضغط علي دراعها جامد و كان لسة هيتكلم..
مراد شد تمارا في حضنه و مسك ايد بلال..
مراد(بحدة):مش من الادب انك تعمل كدة..
مراد شد تمارا وراه و طلع لحد باب اوضتها..
مراد:يلا ادخلي..
تمارا بصتله و دخلت اوضتها و قفلت الباب بسرعة و قعدت في الارض و هي مضايقة..
_عند الستات...
علا:دوقتي الشُربة يا سوسن؟!
سوسن:اه..
علا:ورد اخبار جواز زهرة ايه؟!
ورد:مش عارفة لسة هنعمل ايه؟!
علا:طب لو في حاجة اساعدك فيها..
ورد:تسلمي يا خيتي(اختي)..
هدي:محدش شاف ادم؟!
سوسن:علي ما اعتقد في الاسطبل...
هدي:ماشي...
هدي راحت للاسطبل لقت ادم واقف هناك..
ادم:عايزة حاجة يا تيتة؟!
هدي:انت اخر كلام الفرح اخر الاسبوع؟!.
ادم:بعد بكرة..
هدي:نعم!!!.
ادم(بغمزة):كل الامور تحت السيطرة يا قمر..
هدي:يا مجنون.
ادم:مستعجل يا هدي مستعجل..
هدي:هدي حاف يا حيوان..
ادم(بضحك):اه..
هدي:ربنا يسعدك يا حبيبي..
ادم:تسلمي يا حبيبتي..
**********************************
-في مكان تاني..
_عند ملك و مالك..
مالك:بتبصيلي كدة ليه؟!
ملك(بغيظ):بتحب الستات انت..
مالك(بتلقائية):ايوه..
ملك(بصدمة):نعم!!!!!
مالك:احم هو مش كدة ده...
ملك(بغضب):طبعا علشان كدة كنت بتبص علي رجل الهانم اللي كانت هنا...
مالك:ابص علي رجل مين يا بت انتي..و كمان يوم ما ابص هبص و انتي معايا..
ملك(بغضب):يعني انت بتبص علي الستات و انا مش معاك..
مالك:يا الله..يخرب بيت اليوم اللي خليتك تيجي معايا فيه المصنع يا ملك..
مالك:انا بقول نروح..
ملك:لا مش هروح..
مالك:يا بنت الناس اسمعي كلامي..
ملك:انت مبقتش تحبني خلاص...
مالك:ايوه انا مبقتش احبك..
ملك(بصدمة):بجد!!!
ملك(بغضب):طلقني..
مالك:حاضر هطلقك..
ملك(بصدمة):انت عايز تطلقني؟!!!!!
مالك:هو مش انتي اللي عايزاني اطلقك حاضر هنفذلك رغبتك..
ملك(بدموع):انت فعلا عايز تطلقني..
مالك حط رأسه بين ايديه بملل من ملك..
مالك:ملك حبيبتي ارسي علي حل...و كمان انتي اللي عايزة كدة مش انا...
مالك:و كمان هطلقك ازاي و انتي حامل في ابني و لا بنتي ان شاء الله..
ملك:ايوه مصلحة يعني..
مالك قام و مسك ملك من كتفها و هزها بحدة..
مالك:ملك فوقي يا ملك انا مستحمل علشان هرمونات الحمل...
ملك(بدموع):لا انت ما هتصدق...
مالك(بنفاذ صبر):يا رب..
مالك:يعني انتي عايزة ايه دلوقتي؟!
بنت(بدلع):مالك اتأخرت عليك؟!
مالك و ملك بصوا ل مصدر الصوت و ملك كانت هتعيط..مالك حاوطها بدراعه و قربها منه..
مالك(ببرود):مدام روجينا الاجتماع ملغي..
روجينا(بدلع):ليه بس يا مالك؟!
مالك(ببرود):و كمان اسمي استاذ مالك..و لو حضرتك مش هتقدري تقوليها اتفضلي شغلك مرفوض..
مالك(ببرود):و قبل ما تمشي نسيت اعرفك بمراتي..
مالك:و قريب ربنا هيرزقنا بطفل شبهها كدة..و اتمني تحلي عني لاني زهقت منك..
مالك:تقدري تخرجي..
روجينا بصتلهم بغضب و سابتهم و مشيت...
ملك(بدموع):انا عايزة امشي..
مالك خد حاجته و مسك ايد ملك و خرجوا من المصنع ركبها العربية و لف ركب و بدأ يسوق..
مالك:عيني مش شايفة و مش هتشوف غيرك يا ملك..
ملك(بدموع):مش عارفة بقي..
مالك(بضحكة بسيطة):يا هبلة..
ملك(بدموع):انا مش هبلة..
مالك مسك ايد ملك و باسها و بصلها بحب..
مالك:انتي ست البنات كلهم...
ملك شدت ايديها من مالك بخجل و مالك قعد يضحك عليها بصوت عالي..
**********************************
-في مكان تاني..
_عند نبض..
نبض:مش عارفة اعمل معاه ايه يا فاطمة مش عارفة..
فاطمة:كان دايما مهند بيتكلم عنه و فعلا مش اي حاجة بتريحه..
نبض:ماشي بس انا مش هقعد معاه فترة و خلاص لا انا ان شاء الله هكمل معاه حياته و حياتي الباقية..
فاطمة:بس برضو لازم تستحملي انتي اللي اختارتي الحب..
نبض:ده انا مش عارفة كان فين عقلي لما حبيته بس....
فاطمة:هو العقل بيشتغل ساعتها بذمتك..
نبض(بابتسامة):لما بيتفق عقلك و قلبك علي شخص واحد ساعتها عند النقطة دي بتكوني فعلا حبيتي..
فاطمة:يا سيدي يا سيدي..
نبض(بانفعال):بس لا طبعا مش يفضل علطول كدة يهزق و يزعق و انا اقعد ساكتة يعني بيحرق دمي بيحرق دمي و يرفعلي الضغط يا فاطمة..
فاطمة:اهدي يا مرزوق اهدي..
فاطمة(بضحك):ده انتي مسخرة.
نبض(بانفعال):ما هو معصبني يا فاطمة الله..
فاطمة:اومال مهند اللي مبقتش اشوفه ده اعمل فيه ايه؟!
نبض:قدرنا..قدرنا..
فاطمة:بس بذمتك لما بيروح مهمة او كدة مش بتكوني خايفة و مرعوبة...مهند بيفتكرني اوڤر..
نبض:بصي انا لسة مجربتش الاحساس ده بس لو انا مكانك و اكون عارفة ان جوزي ممكن يروح و ميرجعش لا الصراحة قلبي يقع...
فاطمة:طب كويس...
نبض:اوف ده احنا اتأخرنا اوي..
فاطمة:عندك حق يلا نقوم..
فاطمة(بصوت عالي):زياد زياد..
زياد جه جري ل فاطمة و هو مبسوط..
زياد:نعم يا ماما..
فاطمة:يلا يا حبيبي علشان نمشي..
زياد:طيب..
نبض:لو سمحت الحساب؟!
الجرسون:كدة يا فندم 180 جنيه...
فاطمة(بصدمة):نعم!!!هو احنا طلبنا حاجة ده هو كل واحد عصير و واحد قهوة..
نبض:احم اتفضل حضرتك..
نبض خدت فاطمة و زياد و خرجوا من الكافيه..
نبض:ايه يا بنتي الاسعار كدة عادي؟!
فاطمة(بصدمة):يعني ايه؟!هو علشان مهند اللي كان بيحاسب و مكنش بيقولي علشان كدة انا بقيت مغفلة..
نبض:يا بنتي الكافيهات دي بتبقي غالية..كوباية العصير بس 40 جنيه و فنجان القهوة 60...
فاطمة(بزعيق):ليه ده كله!!!!!!!
نبض:امشي يا بت قدامي..
فاطمة:و مهند كان بيدفع زي الغبي..
نبض:امشي يا فاطمة اركبي تاكسي..
نبض:يلا يا حبيبي باي..
زياد:باي يا طنط نبض..
زياد حضن نبض و نبص باسته علي خده و رأسه و وقفت تاكسي ل فاطمة و حاسب الراجل..
فاطمة:لا يا نبض..
نبض:بت اخرسي بقي...كويس انك خرحتيني من المود..
نبض:ابقي كلميني لما توصلي...باي...
فاطمة:باي..
نبض وقفت تاكسي بعد ما فاطمة مشيت وراحت للبيت..
نبض نزلت من التاكسي كان في نفس اللحظة اللي رعد نزل من عربيته فيها...
نبض:احم لحظة..
نبض فتحت شنطتها ملقتش فلوس بصت ل رعد اللي مبصش ليها و كمل في طريقه ناحية البيت...
نبض:لحظة هجيب فلوس حاضر..
نبض وقفت قدام رعد الي بصلها ببرود تام..
نبض:هات 250 جنيه..
رعد:افندم حضرتك تعرفيني؟!
نبض(بغيظ مكتوم):رعد هات فلوس متخليش شكلي وحش..
رعد:ما انا بقولك انتي تعرفيني علشان تاخدي فلوس مني..
نبض(بغيظ مكتوم):ايوه اعرفك...ادفع يا رعد عقبال ما ندخل و نتكلم..
رعد(ببرود):لو حضرتك تعرفيني انا معرفكيش..
رعد مشي من قدام نبض و نبض ضربت برجليها الارض بغضب....
نبض(بغضب مكتوم):طالما مش قد الجواز و مصاريفه بتتجوزوا ليه؟!
السواق:في حاجة يا فندم؟!ممكن الحساب علشان امشي؟!
نبض قربت من العربية و بصت للسواق باحراج..
نبض(باحراج):بص حضرتك هو انا جوزي..
نبض(باحراج):تستناني اروح اسحب فلوس لاني مش معايا غير ال criedet card...ف..
السواق و نبض لقوا اللي بيمد ايده بالفلوس...
السواق:و مين انت؟!
رعد(ببرود):مع انه مش من دخلك بس انا ابقي جوز المدام...و خد حسابك و غور من وشي..
السواق:استني ليك باقي..
رعد(ببرود):مش عايزه..
رعد ساب نبض و دخل البيت و نبض سابت السواق و دخلت ورا رعد...
رعد كان بيقلع الجاكت بتاعه و بيرميه علي الكنبة و نبض وقفت علي السلم مربعة ايديها..
رعد:وسعي عايز اطلع..
نبض:ممكن افهم ايه النمرة اللي جنابك عملتها بره دي؟!
رعد:و ممكن افهم ايه اللي انتي عملتيه في المستشفي؟!
نبض:انت بتقارن دي ب دي...انا اكون مراتك..
رعد:و مقولتيش ده لما كنا في المستشفي اشمعنا يعني..
نبض:لان ده مكان شغلي و انا مش بخلط بين الشغل و لا الحياة الشخصية..
نبض:انا واحدة مش بحب اخلط بين ده و ده يا رعد و انت لازم تفهم..
رعد(بزعيق):يعني ايه انتي في كل الاوقات مراتي و ملكي انا...
نبض:انا مش حاجة مادية علشان تملكها حضرتك انا بني آدمة و بحس و عندي دم...
رعد:واضح اوي انك عندك دم...
نبض حطت ايديها علي بطنها بوجع و رفعت ايديها لقت دم في ايديها,رعد قرب منها و شالها بين ايديه...
رعد(بعصبية):مش قولتلك متتعبيش نفسك دايما مش بتسمعي الكلام..
نبض(بوجع):بذمتك ده وقته...
رعد طلع نبض و دخلها الحمام خلاها تأخد دوش و خرجها بدأ يغير علي الجرح و غير هدوم نبض..
"نبض لبست بنطلون ابيض و تي شيرت صوف باللون الكحلي بكم قصير لغاية الخصر و عليه رسومات ورد باللون الاسود..رفع شعر نبض علي شكل كحكة"..
نبض:انت رايح فين هتنام في الاوضة التانية صح؟!
رعد:و علي اساس انتي بتسبيني في حالي حتي و انا نايم..
نبض:علفكرة بقي انت طلعت كداب..نيمتني امبارح و انا معيطة و انت وعدتني انك مش هتخليني ازعل منك ابدا...
رعد:انا قايم يا نبض ارتاحي..
رعد ساب نبض و دخل الحمام و خد دوش و خرج و دخل غير هدومه و خرج للاوضة التانية..
نبض مسكت كوباية جمبها و كسرتها..
رعد:بحبك..
نبض:طيب متشكرين للمجاملة..
رعد قعد جمب نبض و خدها في حضنه و نبض زقته جامد..
رعد:فينا من الكلام ده؟!
نبض:ايوه فينا هو حلال ليك بس..
نبض ودت ضهرها ل رعد و رعد حضنها من ورا و باس رقبتها و خدها...
رعد:انتي الجمال كله..
نبض:مش بأكل من ده..
رعد:استنضف يعني...
نبض كانت بتقاوم علشان متضحكش معاه و رعد لاحظ ده..
رعد:تعرفي..
رعد:بحبك و بحب عصبيتك و بحب كلامك و لما تكوني مندمجة و بحب احراجك و خجلك مني..
نبض:ايوه عايز ايه مش فاهمة؟!
رعد:و الله لو مكنتيش تعبانة كان زماني فهمتك بطريقة تانية...
نبض:طيب متشكرين ل كرم اخلاقك..وسع بقي و روح نام في الاوضة التانية..
رعد:طب اعمل ايه طب؟!
نبض:متعملش..
رعد قعد يملس علي شعر نبض باس رأسها و شبك صوابعه في صوابعها و قرب منها حضنها..
نبض:كدة مش هتضعفني يعني علفكرة انا..
رعد:بحبك...
نبض(بخجل):و انا كمان..
رعد(بضحك و غمزة):طب ما انا عارف..
نبض:يا رخم...
**********************************
-عدي يومين و جه ميعاد فرح ادم و ميران...
_في الصباح الباكر..
نبض قامت بسرعة من نومها و نزلت جري ل تحت علشان تعمل فطار بس لقت علا و ورد في المطبخ..
نبض:ليه تعبتوا نفسكوا بس؟!
علا:مش كفاية اننا بايتين عندكم من امبارح..
نبض:هو يوم بس يا طنط و الله نورتونا..
ورد:مش هدومك جصيرة(قصيرة)شوية؟!
نبض(باحراج):احم اه هطلع اغيرها..
نبض طلعت جري علي اوضنها لقت رعد لسة بيصحي من نومه..
نبض:صباح الخير قوم يلا يلا..
رعد:صباح النور...ايه بس يا نبض لسة بدري..
نبض:ده كله صحي...
رعد:نعم يا اختي و نزلتي كدة قدامهم؟!!!!!!
نبض:لا طبعا يا حبيبي مش كله صحي اسفة...
رعد:نبض مبحبش الكدب مين صحي؟!
نبض:طنط علا و طنط ورد..
رعد:و مقولتيش ليه من الاول؟!
نبض:علشان تصحي كدة..
الباب خبط..
رعد:مين؟!
ادم(بمرح):ما يلا يا عم ده انا العريس..
ادهم(بمرح):و انا اخوه..
رعد قام و فتح الباب و بصلهم..
رعد:تحب اعلم علي وشك الحلو ده؟!
ادم:حرام عليك يا اخي ده انت مفتري..
يوسف:مش يلا انتوا لسة ملبستوش..
ادم:هو انت العريس و لا انت يا ابني؟!
يوسف:احنا الاتنين واحد يا بيبي..
ادم:ايه ده في ايه؟!تعالي هنا ياض..
ادم نزل يجري ورا يوسف هما بيضحكوا....
رعد:هلبس و انزلكوا..
ادهم(بصوت بنوتي):اساعدك يا بيبي؟!
رعد(بغضب مصطنع):امشي ياض من قدامي..
ادهم:هي نبض مستحملاك ازاي؟!ربنا يقويها..
رعد دخل اوضته لقي نبض بتبص علي لبسها..
رعد:تعالي لبسيني..
نبض:لا لبس نفسك لازم اخد ميران و نروح الفندق..
نبض كانت ماشية رعد شدها و حضنها من ضهرها..
رعد:ميران اهم مني يعني؟!.
نبض لا رد..
رعد:افهم ايه بقي؟!
نبض:تعالي يا ابني بدل ما انت عامل زي فرقع لوز كدة..
_تحت..
جلال:اتهدوا شوية منك ليه..
ادهم:سيبه يا عمي ده هو العريس..
رعد:يلا بينا..
ادم:يلا..
الشباب كلهم خرجوا بره البيت...
عادل:راح فين العريس؟!
جلال:خرج مع الباقي يظبطوا كام حاجة..
عادل:طيب..بس البيت اهني(هنا) جميل ..
جلال:فعلا ده من اختيار رعد باين...لان ذوق نبض مش كدة خالص..
عمر:اشمعنا يعني؟!
جلال:نبض بتحب الغوامق و اللون الاسود..فتلاقي كل حاجة غامقة..
مراد:بس و مع ذلك قلبها ابيض..
ورد:الفطار..
الرجالة و الستات الكبار قعدوا و بدأوا يأكلوا..
_عند البنات..
ميران:ايه يا بنتي هتغطي عليا بقي الليلة دي؟!
نبض:اخرسي يا بت..و انتوا ملبستوش ليه!!
زهرة:انا مش هروح معكم(معاكم)...
نبض:ده انتي الاساس يا ست البنات..
تمارا:و انا برضو فكرت مش هروح..
نبض:طب اخرسوا بقي مش عايزة اضربكم كف..يلا قوموا البسو يلا يلا..
نبض سابتهم و نزلت ل تحت..
نبض:هنروح الفندق كل البيت تحت امركم..
مراد:طبعا يا بنتي..
نبض:اقعد انت املي بطنك و بس..
البنات لبست و خرجوا ركبوا تاكسي و راحوا للفندق اللي حاجزين فيه و بدأوا يجهزوا...
كل الاشخاص اللي معزومة بدأت تلبس و تجهز للفرح..
_عند فاطمة و مهند..
مهند:يلا يا فاطمة هنتأخر..
فاطمة:حاضر اهو...يلا يا زياد..
زياد:حاضر يا ماما..
فاطمة:لبست انت يا مهند؟!
مهند بص ل فاطمة اللي مش بصاله و بص علي نفسه و علي هدومه..
مهند:ابقي فكريني اجبلك نضارة عيمتي يعني حضرتك؟!
فاطمة:اوف خلاص ماشي يلا بينا..
"فاطمة كانت لابسة فستان باللون النبيتي بكم و طويل و واسع و فيه حزام في النص سادة و لبست حجاب باللون الاوفويت و حطت مكياج بسيط و لبست جذمة سوداء"..
التلاتة ركبوا عربية مهند و راحوا للقاعة و كانت كبيرة اوي...
فاطمة:جينا بدري اهو..
مهند:فاطمة احنا صحاب قاعدة مش ضيوف..
فاطمة:اصلي..
_عند مالك و ملك..
مالك:مش عايز حركة كتيرة يا ملك..
ملك:حاضر..
مالك:تسلمي..
مالك:تعالي اقفلي القميص..
ملك:اقفله بنفسك مش طفل صغير..
مالك:ده انتي بقيتي بتقولي لا..
ملك:انا قولت لا؟!!!!و الله ما انا دي اختي مني..
مالك:يا رب صبرك..
مالك:قدامي يا ملك قدامي ربنا يهدي..
ملك:كنت لبست القميص؟!
مالك:ما هو بسببك..ما انتي منسياني كل الدنيا..
ملك:معلش..
مالك خلص لبسه و مسك ايد ملك و نزلوا ل تحت ركب عربيته و راح للقاعة..
"ملك كانت لابسة فستان كشميري باكمام واسعة و طويل ضيق شوية و لبست حجاب باللون الاسود و جذمة بكعب بيضاء و حطت مكياج خفيف"..
ملك:القاعة شكلها حلو اوي..
مالك:انتي احلي..امشي براحة..
دخلوا القاعة ملك جريت علي مامتها اول ما شافتها..
مالك(بحدة):مش قولتلك براحة..
ملك:اسفة..
ورد:مالك يا ولدي(ابني)هي غلطت؟!
مالك:الهانم محافظتش علي نفسها..
شربات:ازاي يعني؟!.
مالك:هي حامل..
ورد(بفرحة):بجد يا حبيبتي؟!
ملك:ايوه يا ماما..
ورد(بفرحة):يا الف مبروك يا حبيبتي..
شربات:مبروك يا ملك..
ملك:شكرا يا مرات عمي..
الكل بارك ل ملك و كان مبسوط و ملك كانت حاضنة مالك..
ملك:خلاص بقي..
مالك:توعدين تخلي بالك..
ملك:حاضر..
_عند الشباب...
رعد:زي ما فهمتك يا ادم..
ادم:حاضر هو انا حمار..
يوسف:لا طبعا انت حاجة اكبر من الحمار..
ادم:انت ناقص تربية تعالي ياض..
ادهم:لا حلوة..
ادم:ده انا هربيكوا بس اصبروا..
رعد جاتله ماسدج علي تليفونه فتحها و قفل تليفونه تاني..
رعد:اتأخرنا يلا بينا..
ادم:الورد ده حلو و لا اجيب غيره..
ادهم:هو في وقت انجز..
ادم:مستعجلين علي ايه؟!
رعد:ده البعيد غبي بقي...هو مش جنابك فرحك النهاردة..
ادم(بتوتر):ايه ده بجد؟!
ادهم(بمرح):مكسوفة يا بيضة..
ادم(بتوتر):بس بقي متعصبنيش..
رعد:اجمد با عم..او يا عروسة..
ادم(بعصبية):لا ده انتوا قاصدين بقي..
يوسف:ايوه كده خليك كدة..
رعد(بضحك):يلا وصلنا..
الاربعة نزلوا من العربية و كانوا وسيمين جدا كل واحد ببدلته..
_عند البنات..
نبض:وصلوا يا ميران..
ميران:انا مكسوفة و مش مكسوفة..
نبض:ده زي انا عايش و مش عايش..
ميران:اوف بقي يا نبض..
نبض:خلاص بقي و انتي زي القمر كدة..
"ميران كانت لابسة فستان ابيض واسع و عليه نقوش بسيطة و حلوة ب ¾ كم و الاكمام شفافة..و الضهر شفاف و سيبت شعرها علي ضهرها و لبست تاج فضي جميل جدا..و حطت مكياج هادئ و بسيط"..
"تمارا لبست فستان قصير لغاية الركبة باللون الكحلي باكتاف عالية شوية و واسع من بعد الخصر و لبست صندل بكعب فضي و سيبت شعرها علي ضهرها و حطت مكياج حلو"..
"زهرة لبست فستان طويل و واسع بكم و باللون الرصاصي و طرحة باللون الاوفويت و لبست جذمة سوداء بكعب بسيط"..
"نبض لبست فستان باللون الاسود بأكمام شفافة و نازل بضيق لغاية قبل الركبة و مفتوح من الضهر علي شكل دائرة..سيبت شعرها علي ضهرها و كتفها و حطت روچ احمر غامق و كحل حدد عينيها..و لبست صدل بكعب باللون الاسود"..
الباب خبط...
واحدة(بغمزة):العرسان وصلوا...
نبض:يلا..
ميرلن طلعت من الاوضة و وقفت علي اعلي سلمة و ادم كان واقف في اخر سلمة مستنيها و اول ما ظهرت ابتسم تلقائي...
ميران فضلت تنزل ببطء لغاية ما وصلت ليه هو باس رأسها..
ادم:يغار الورد من جمال عيناكِ..
ميران(باحراج):شكرا علي الورد..
رعد:مش يلا و لا هنقضيها كلام علي السلم..
نبض:ما تسيبهم يتكلموا مش فاهمة انا انت مالك..
رعد:متعصبنيش...
ادهم:صلوا علي النبي..
الكل:عليه افضل الصلاة و السلام..
ادهم:زيدوا النبي صلاة..
الكل:عليه افضل الصلاة و السلام..
ادهم:وحدوا الله..
الكل:لا اله الا الله..
زهرة:انت جايبنا نتوب اهني(هنا)..
يوسف:قدامي يا اهطل..
الكل مشي و كانت القاعة في نفس الفندق فدخلوا و كل الكاميرات اتصوبت ناحيتهم..
ميران لمحت فتون و هي بتغمز ليها ميران شاورت ليها..نبض لمحت هي كمان فتون جريت قدام الكل و حضنتها جامد...
نبض(بدموع,بالتركية):وحشتيني اوي اوي اوي..
فتون(بدموع,بالتركية):انتي اكتر..
محمد(بالتركية):و بالنسبة ليا؟!
نبض حضنت محمد و محمد باس رأها و حضنها..
محمد(بالتركية):تتجوزي من غير ما اعرف..
نبض(بالتركية):حبيبي و الله..
محمد(بالتركية,بضحك):متخافيش..
رعد(بغيرة):لو خلصتي ضحك مع الاستاذ يلا بينا..
نبض:ده محمد يعتبر اخويا..
محمد(بالتركية):مين ده؟!
رعد(بالتركية):جوزها..و بغير اتمني تبقي بعيد عنها بقي..
نبض:رعد اهدي..
فتون(بالتركية):باين عليه بيحبك اوي يا نبض..
رعد(بالتركية):فوق ما تتصوري..
محمد(بالتركية):و انا مبسوط من ده..
الكل بدأ سلم علي التاني و كانوا مبسوطين اوي...
ادم:عجبك الفرح؟!
ميران:حلو اوي..تسلم يا حبيبي..
ادهم:يلا بينا نرقص..
ادم:انا راشق في اي حاجة يلا..
ادم راح يرقص مع يوسف و مراد و مهند..
ادهم:تعالي بقي يا رعد..
نبض(بسخرية و استفزاز):هو بيعرف يرقص اصلا..
ادهم:اوبا غلطت فيك يا معلم..
رعد:برضو مش هرقص..
نبض:طبعا وقاره هيروح في الارض..
رعد:يا بت هو انتي بتحبي تضربي؟!
نبض:انا راحة اقعد..
رعد:استني..
رعد قلع جاكت البدلة بتاعه و وداه ل نبض و غمز ليها..
رعد راح مع ادهم و بدأ يرقص معاهم بوقار...
و فجأة حصل ضرب نار في القاعة..ادهم وقع بين ايدين رعد و قميص رعد اتغرق دم..
رعد(بصريخ):ادهم!!!!!!!!!!

_السؤال:يا تري هيحصل ايه؟!..
************************
يتبع::::::💜..
بحبكوا💜..
رأيكوا يهمني💜..