قسوة الرعد «قيد التعديل»

الفصل الثلاثون..

نكمل روايتنا(قسوة الرعد)بقلم سلسبيل كوبك..
الفصل ال30..
اخر حاجة وقفنا عندها في الفصل ال29..
نبض مشيت هي و ميرڤت و لوسي وقفت قدامها..
نبض:في حاجة؟!.
لوسي:هتسمحي بده يحصل؟!
نبض:ايه هو؟!.
لوسي:جوزك هيكتب كتابه علي واحدة غيرك جوا..
نبض:ربنا يهني سعيد بسعيدة..يلا يا ميرڤت..
نبض و ميرڤت مشيوا و لوسي بصت باستغراب ل نبض...
لوسي:هتأخده منك يا غبية..
لوسي:انا ليه حاسة ان في حاجة ناقصة انا معرفهاش..
ميرڤت(بدموع):مكنتش عارفة اجبهالك ازاي؟!
نبض:هي ايه؟!
ميرڤت(بدموع):انه انه..
نبض:ميرڤت انتي ايه دخلك في الموضوع ده يا حبيبتي مفيش حاجة...و كدة كدة انا و هو هنتطلق و هو شاف مصلحته من دلوقتي ماشي معنديش مانع..
ميرڤت:انتي مش زعلانة؟!
نبض:لا..
نبض:يلا اوصلك يلا..
نبض و ميرڤت ركبوا تاكسي و ميرڤت وصلت ل بيتها الاول..
نبض:يلا باي..
نبض:اطلع علي(*******)..
_عند رعد...
نحور:انا مبسوطة اوي يا حبيبي اننا بقينا ل بعض و كتبنا الكتاب..
اللواء:شكرا يا رعد و اسف يا ابني..
رعد لا رد..
نحور:اسف علي ايه يا بابي؟!
اللواء:هو عارف يا نحور..
مهند(بضيق):العربية جاهزة يا عرسان..
رعد قام وقف و مشي بس مش مشيته المعتادة و نحور متعلقة في ايده..
نحور:تعرف يا حبيبي هخليك تنسي كل همومك و احزانك بس لما نروح..انا بحبك اوي..
سعد(ببرود):هو كمان بيكرهك اوي..
عز(بهمس):وطوا صوتكوا...
مهند(بضيق):هتسوق انت يا رعد؟!
رعد:لا يا مهند..
رعد و نحور ركبوا العربية و قدام عز و مهند..
نحور:انت رايح فين؟!
سعد:انا و رعد اتولدنا مع بعض منقدرش نتفرق وسعي بقي كدة..
سعد قعد بين رعد و نحور و حضن رعد..
رعد(بصدمة):انت اتجننت ياض..
سعد:حبيبي يا رعودة..
نحور:وسع كدة ده جوزي..
مهند و عز قدام كانوا بيحاولوا يكتموا ضحكهم..
سعد:و ده حبيبي..
نحور:يا حيوان ده جوزي اتكلم يا رعد..
رعد لا رد..
سعد:حبيبي تحب العبلك في شعرك؟!
رعد بص للشباك و ضحك من غير صوت..
رعد(بهمس):لم الدور...
بعد فترة وصلوا للبرج و رعد و نحور نزلوا..
سعد:متبصوش ليا اعمل ايه تاني؟!
عز:دي حية البت دي مش سهلة..
مهند:و الله هو اللي وافق يستحمل..
سعد:اوف يا رب..
عز:حاجة تخنق هنخلص امتي من اللي احنا فيه؟!
مهند:احب اقولكوا اننا مش هنخلص ابدا..
_فوق..
رعد و نحور طلعوا الشقة و نحور لقت الشقة زي ما هي متبهدلة مش متروقة..
نحور:ايه ده يا حبيبي انت مبعتش حد يجي ينضفها؟!
رعد:لا يلا عن اذنك طالع انام..
نحور:تنام!!!ايه تنام دي؟!
رعد(برفعة حاجب):هو ايه اللي ايه تنام دي؟!هو النوم حرام..
نحور:لا يا حبيبي بس يعني احم..
رعد:ايه ده انتي وش كسوف اوي..
نحور:يا رعد..
رعد:نحور انا متجوزك علشان خاطر ابوكي حلي عني بقي..
نحور:رعد انا بحبك..
رعد:و انا مش بحبك..شوفتي بقي..
نحور:رعد..
نحور قربت من رعد و حاوطت رقبته و لسة هتقرب عليه باب الشقة اتفتح..
نبض:بعتذر احم في حاجة ضروري لازم اخدها من هنا..
نبض:لحظة و ماشية..
نبض سابتهم و طلعت اوضة رعد,رعد زق نحور بعيد عنه..
نحور:هي دي بقي؟!
رعد:اياكي تطلعي ورايا يا نحور اياكي..
رعد طلع ورا نبض لقاها في اوضة الملابس..
رعد:بتعملي ايه؟!
نبض:عيب يا حضرة الظابط تسيب عروستك كدة اتفضل انزل ليها..
رعد:بتأخدي الورق ده ليه؟!
نبض:علشان امشي من البلد دي..
رعد:انتي مجنونة يعني هما مش هيعرفوا يوصلوا ليكي هناك..
نبض:مبدئيا الناس اللي بتتكلم عليهم انت دول اعدائك مش اعدائي..ثانيا متعطلنيش علشان حقيقي مش قادرة اتخانق..
رعد:ملكيش خروج من الشقة دي يا نبض..
نبض:انا اقعد في سجن احسن عندي من اني اقعد في الشقة دي..
نبض:شقة(*****)زي صاحبها..
رعد(بغضب):نبض!!
نبض:ابعد عني..
نبض خدت كل الاوراق اللي ملكها و خدت شوية هدوم ليه و كانت هتمشي رعد وقف قدامها..
رعد:مفيش خروج من هنا الا علي بيت مهند..
نبض:رعد ابعد عن وشي..
رعد:لا يا نبض..
نبض(بصريخ):ابعد بقي ايه يا اخي انت معندكش دم و لا احساس مبتحسش غير بنفسك و بس...انت شخص اناني اوي و مخادع و كداب و خاين و حقير و زبالة...
نبض(بصريخ):كفاية بقي كفاية انت عايز ايه تاني؟!
رعد(بقلق):نبض..
رعد لقي نبض بتتنفس بصعوبة قلع نبض الجاكت اللي هي لابساه و حضنها..
رعد:هششش اهدي اهدي اتنفسي بهدوء اهدي..
رعد و نبض قعدوا في الارض و نبض كانت بتتنفس بصعوبة و حست بخنقة..
رعد:اهدي حصل خير اهدي..
نبض(بدموع):عايزة امشي من هنا مش طايقة المكان..
رعد:تمام..
رعد سند نبض و قاموا وقفوا رعد حس بوجع في رجله بس وطي جاب الجاكت ل نبض و لبسه ليها..
رعد:نبض ممكن تسمعيني دقيقة..
نبض لا رد..
رعد:حفاظًا عليكي و حماية ليكي لازم تبعدي عن الانظار شوية..سافري الصعيد يا نبض..
نبض:هرجع تركيا..
رعد:طيب تمام انا هحجزلك التذكرة بنفسي بس حاليا لازم تكوني في الصعيد..
رعد:ماشي؟!
نبض(بدموع):انا بكرهك..
نبض زقت رعد و نزلت جري علي تحت..
نبض(بخضة):ايه ده؟!
نبض لقت نحور مرمية في الارض و غرقانة في دمها..
رعد:نبض اس..
رعد(بخضة):نحور!!!!
رعد جري علي نحور و نبض كانت بتشوف جرحها..
نبض:اطلب الاسعاف بسرعة..
رعد:مش لسة هنستني..
رعد شال نحور بين ايديه و خرج بره الشقة و نبض سابت كل حاجة و نزلت وراه..
نبض:مين اللي هيكون عمل كدة؟!
رعد:هنعرف هنعرف لانه الموضوع زاد اوي..
رعد حط نحور في العربية و لف ركب و نبض ركبت جمبه..
نبض:روح اقرب مستشفي بتنزف اوي..
بعد فترة بسيطة وصلوا للمستشفي و جابوا نقالة و نقلوا نحور اوضة الطوارئ...
نبض:هتبقي كويسة متقلقش..
رعد:تفتكري انا خايف عليها مثلا؟!
نبض:قصدك ايه؟!
رعد:مفيش حاجة..
نبض:انت مش بتحبها؟!
رعد:لا..
نبض:اومال اتجوزتها ليه؟!
رعد:لانها انتحرت قبل كدة بسببي و لان والدها جه و اترجاني مش علشان عيونها يعني..
نبض:تمام..همشي انا..
نبض كانت هتمشي بس رعد شدها و قعدها جمبه..
نبض:ايوه ايه بقي؟!
رعد:متمشيش خليكي..
نبض:رعد انت اناني اوي انت انت مش متخيل انا حاسة بايه بسببك و لا..
نبض(بتنهيدة):رعد ابعد عني ارجوك من ساعة ما دخلت حياتي و انت خليتها جحيم..
نبض:طلقني و كل واحد يشوف حياته و طريقه..
الدكتور:للاسف فقدنا المريضة..
نبض(بصدمة):ايه!!!!!
نبض:دي دي بس مجرد ضربة علي رأسها اقصد انه ممكن نزيف داخلي او غيبوبة لكن مش موت..
الدكتور:خدت جرعة سامة مع الضربة و ده اللي اكتشفناه مؤخرا اثناء العملية ملحقناش نتصرف فقدناها..
الدكتور:البقاء لله..
نبض:هو في ايه بقي؟!
نبض:اتكلم قول حاجة..
رعد:هقول الحمدلله يا نبض..الحمدلله..
نبض:انت معندكش دم البنت ماتت و هي في ليلة فرحها و بفستانها الابيض..
رعد:عندي هي تموت افضل يا نبض..
نبض:قصدك ايه؟!
رعد:قصدي ان اللي جه كان جاي يقتل مرات الرعد..
نبض:قصدك انه انا اللي المفروض ابقي مكانها؟!
رعد:بالظبط..
نبض(بدموع):بعني انا السبب في موتها؟!
رعد:لا..
نبض:انا مش فاهمة حاجة..
رعد:نبض اهدي قومي معايا..
نبض:فين؟!
رعد:تعالي معايا و انتي ساكتة..
رعد مسك ايد نبض و ركب العربية و ركبها و بدأ يسوق..
بعد فترة نبض لقت رعد واقف قدام فندق..
نبض:جبتنا هنا ليه؟!
رعد:علشان تريحي اعصابك..يلا..
رعد نزل و فتح الباب ل نبض و دخلوا الفندق رعد حجز اوضة ليه هو نبض و طلعوا..
نبض:انا عايزة اوضة لوحدي..
رعد:ان شاء الله..
نبض:و ايه ده بقي؟!.
رعد(بتعب):نبض انتي بذمتك فيكي حيل تتخانقي احنا تعبانين اهدي بقي و خشي ارتاحي بكرة الصبح اعملي اللي انتي عايزاه..
نبض و رعد دخلوا الاوضة و رعد قفل الباب,رعد قلع جاكت البدلة بتاعه و قلع القميص و رماهم علي الكنبة,نبض حضنت نفسها بايديها..
رعد:مش هتقلعي؟!
نبض(بصدمة):اقلع ايه؟!
رعد:هيكون ايه اقلعي الجاكت يا بنتي هتنامي بيه يعني..
نبض:احم اه هنام بيه ملكش دعوة..
رعد:تمام براحتك..
رعد راح علي السرير و فرد جسمه عليه,نبض قلعت الصندل بتاعها و حطت شنطتها علي الكنبة و قعدت علي الكنبة..
رعد:مش هتيجي؟!.
نبض:ها؟!لا خليني هنا..
رعد:انتي محسساني اننا مش متجوزين و نمنا جمب بعض قبل كدة ليه؟!
نبض بصت ل رعد بخوف و انكمشت علي نفسها اكتر,رعد كان مستغرب بس فهم ساعتها انها خايفة منه..
رعد:احم انتي تعبانة تعالي نامي متخافيش..
نبض:لا هنام هنا انا مرتاحة هنا..
رعد:نبض انا هادئ اهو تعالي بالذوق نامي هنا..دي ليلة واحدة و بكرة الصبح هنقوم نمشي..
رعد:اتفقنا؟!
نبض لا رد..
نبض كانت بتفكر في يوم ما هو سابها و اللي حصل و كانت خايفة..
نبض(لنفسها):اهدي يا نبض..
نبض:تمام عادي يعني..
نبض قامت و قلعت الجاكت بتاعها,رعد رجع نام تاني علي السرير و نبض قربت جمبه علي السرير و نامت علي حرف السرير خالص..
رعد طفي النور و كل واحد غمض عيونه..
_بعد فترة بسيطة..
رعد قرب علي نبض بس لقي نبض سحبت سكينة من تحت رأسها و حطتها علي رقبته..
رعد(بصدمة):ايه ده يا نبض؟!
نبض:مش واثقة فيك...ابعد..
رعد(بصدمة):للدرجة دي يا نبض؟!
نبض:ايوه للدرجة دي و انت اللي وصلت الامور ل كدة متستغربش..
رعد مسك السكينة من نبض و رماها بغضب..
رعد(بغضب):مش دي اللي هتمنعني عنك يا نبض و انا لو عايز اعمل حاجة كنت عملتها مش محتاج اعمل فيلم عليكي...و نامي بقي..
رعد لف ضهره ل نبض و نبض حضنت المخدة بتاعتها و نامت...
***********************************
-في مكان تاني...
_في تركيا..
ادم(بغضب):يعني ايه مش موجودة؟!ردوا..
كريس:اهدي يا ادم بيه..جبنا تسجيلات المستشفي و اتضح انها ركبت العربية بارادتها..
ادم(بغضب):ميران مش هتعمل كدة اكيد هددوها..
ادم(بغضب):تقلبوا البلد كلها عليها...فاهمين؟!
كريس:حاضر يا بيه بس انت اهدي بس..
ادم(بغضب):شايفني بشد في شعري يلا بره..
ادم(بغضب):و ميران لو مبقتش قدامي خلال ساعات هتكون ميت..
كريس:حاضر حاضر..
ادم رمي كل حاجة علي المكتب بغضب و قعد علي الكرسي..
تليفون ادم رن...الخط اتفتح..
جلال(بقلق):الو يا ادم..
ادم:الو يا عمي ازيك..
جلال(بقلق):مش وقته...ميران اتخطفت..
ادم:احم يا عمي اوعدك هرجعها..
جلال:اتصلوا بيا يا ادم..
ادم:و قالوا عايزين ايه؟!
جلال:عايزين ملف مهم عندي هيوديهم في داهية..كل اللي انا عايزه منك تروح للقصر و تدخل اوضتي و افتح الدولاب هتلاقي خزنة الباسورد بتاعها H,M,N....هتلاقي ملف اول ما تفتحه هتلاقي صور اشخاص كتير كدة خده يا ادم..
جلال:لما تأخده و يبقي في ايديك هتصل بيك و ساعتها هكمل كلام..
ادم:يا عمي..
جلال قفل الخط و ادم خد حاجته و خرج بسرعة من الشركة و راح للقصر و طلع لاوضة جلال زي ما قاله و فتح الخزنة و بالفعل مسك الملف و فتحه..
ادم(بصدمة):ده كله!!!!
تليفون ادم رن...الخط اتفتح..
ادم:الو يا عمي..
جلال:ها لقيته؟!
ادم:ايوه يا عمي بس دول لازم يدخلوا السجن..
جلال:عارف بس ميران اهم..
ادم:ميران فين دلوقتي؟!
جلال:هبعتلك مكانها حاليا هتسلم الملف هتستلم ميران و اهم حاجة ميران يا ادم..
ادم:حاضر يا عمي...
ادم:باي..
ادم دخل اوضة المكتب و ظبط ورقه و خد مسدسه و حطه ورا ضهره و خرج...
حارس(بالتركية):نيجي معاك يا باشا؟!
ادم(بالتركية):لا..
ادم ركب العربية و فتح الموقع و بعد فترة راح للمكان اللي جلال بعته..
ادم نزل و وقف قدام العربية و هو بيبص يمين و شمال...
لقي عربيتين قدامه و شخص نزل منهم و قرب من ادم و مد ايده ليه..
ادم(ببرود,بالتركية):ميران فين؟!
شخص(بالتركية):انا مندهش انك بتتكلم تركي..لو كنت اعرف كنت سهلت علينا الموضوع...
ادم(بالتركية):ميران فين؟!
شخص(بالتركية):الورق الاول...
ادم طلع الورق من ورا ضهره و مد ايده بيه و بعدها شاله..
ادم(بالتركية):الورق اهو ميران فين؟!
الشخص شاور للباقي انهم يجيبوا ميران,شدوا ميران من العربية و كانت بتعيط..
ادم اتصدم لما شاف منظرها و الدم اللي علي وشها..
ميران(بعياط):امشي يا ادم..
ادم قرب من ميران و حاوط وشها بين ايديه..
ميران(بعياط,وجع):امشي..
شخص(بالتركية):الورق..
ادم رمي الورق علي الارض الشخص وطي يجيبه بس ادم ضربه برجله و مسك ايد ميران و بعد عنهم بمسافة بسيطة..
ادم(يغضب):مين فيهم اللي عمل فيكي كدة؟!
ميران لا رد...
ادم(بغضب):ردي يا ميران..
ميران رفعت ايديها و شاورت علي شخصين..
ادم:خشي العربية..
ميران لفت بسرعة و ركبت العربية...و بعدها سمعوا صوت بوليس فارتبكوا كلهم..و لسة هيهربوا..
ادم مسك شخص من اللي ميران شاورت عليه و نزلت فيه ضرب و مسك التاني و ضربه في بطنه و دراعه...
ظابط(بالتركية):ادم بيه خلاص احنا هنتصرف..
ظابط2(بالتركية):شكرا لتعاونك معانا..
ادم سابهم و ركب العربية و بدأ يسوق...
ادم:احم حد عملك حاجة وحشة؟!
ميران(بعياط):هو في اوحش من كدة؟!
ادم:خلاص متعيطيش..
بعد فترة ادم وصل للمستشفي و نزل فتح الباب ل ميران...
ميران(بعياط):عايزة اروح..
ادم:هنروح متخافيش..
ادم شال ميران بين ايديه و دخل المستشفي..
ادم(بالتركية):دكتور..
دخلوا ميران اوضة الطوارئ و بدأوا يطهروا جرحها..
ميران(بعياط):عايزة اروح يا ادم..
ادم:حاضر...
ادم شال ميران و ميران حاوطت رقبة ادم بايديها و غمضت عينيها و نامت...
ادم ركب ميران العربية و لف ساق رجع القصر تليفونه رن...
الخط اتفتح..
ادم:ميران بخير يا عمي..
جلال:طيب الحمدلله..شكرا يا ادم..
ادم:و لا يهمك يا عمي..
جلال:خليني اكلمها..
ادم:هي نايمة دلوقتي..
جلال:خلاص لما ترتاح..
ادم:تمام..
ادم وقف العربية و نزل شال ميران و دخل القصر..
ثريا(بخضة):ايه اللي حصلها؟!
ادم:بعدين لما تفوق..
ادم طلع علي اوضة ميران و حط ميران علي سريرها..
ادم كان هيمشي بس رجع تاني و قرب من ميران..
ادم:لينا كلام كتير جاي...
ادم غطي ميران و خرج لقي ثريا هتدخل..
ادم:انا شايف تسيبيها ترتاح افضل...عن اذنك..
ادم دخل اوضته غير هدومه و نام و هو بيفكر..
************************************
-في مكان تاني...
_عند فاطمة و مهند..
فاطمة:ده البعيد معندوش دم..
مهند:خطة خطة الموضوع ده بالذات خطة..
فاطمة:خطة لايه مش فاهمة؟!
مهند:في خطر حوالين رعد و كنا متأكدين انه في مناسبة زي دي هيحصل حاجة...بس مش عارف اوصل لرعد و خايف ليكون حصله حاجة..
فاطمة:طب طب يعني هو بيحب نبض و لا هيفضل معلقها كدة؟!
مهند:و حياتك ما اعرف يا فاطمة نفسي ادخل دماغه اعرف فيها ايه..
فاطمة:انت اكتر واحد تعرفه يا مهند..ده انت متربي معاه..
مهند(بابتسامة):ايوه فعلا رعد ده كان نسمة مفيش منه اتنين و كانت ابتسامته جميلة جدا و ضحكه بيملئ الدنيا كلها..و كان هو اللي دايما بيضحكنا و يفرحنا و يقول نكت و يهزر..
مهند(بحزن):بس كان لما كبر و شاف الدنيا علي حقيقتها اتغير و اتبدل..بيعاملها بقسوة زي ما هي بتعامله..
فاطمة:بس برضو يا مهند...بص انا محتارة..
مهند:بين ايه و ايه؟!
فاطمة:ساعات بحسه طيب و غلبان و ساعات بحس نفسي عايزة اقتله..
مهند:مالك يا زياد؟!
زياد(بتعب):معرفش يا بابا..حاسس ان..
فاطمة(بصريخ):زياد..
زياد وقع في الارض و اغمي عليه...فاطمة و مهند جريوا علي زياد بسرعة..
فاطمة(بعياط):يا روحي فوق...متقلقنيش عليك..
مهند:قومي بسرعة البسي..
فاطمة(بعياط):حاضر..
فاطمة جريت علي اوضتها غيرت هدومها بسرعة و خرجت...مهند شال زياد و نزل و فاطمة وراه..
فاطمة(بعياط):يا حبيبي..
مهند:متقلقيش هيبقي بخير...
بعد فترة وصلوا لاقرب مستشفي و مهند و فاطمة نزلوا بسرعة...مهند شال زياد..
فاطمة(بعياط):دكتور بسرعة..
دخلوا زياد ل دكتور الاطفال..
الدكتور:حصل ايه؟!
مهند:منعرفش كان واقف بيتكلم فجأة اغمي عليه..
الدكتور:تمام انتظروا لحظة..
الدكتور بدأ يفحص زياد و كتب ليه علي اشاعة..
الدكتور:عفاف عفاف..
ممرضة(عفاف):نعم يا دكتور..
الدكتور:خدي المريض و اعملي ليه الاشاعة دي فورا..
ممرضة:حاضر..
فاطمة(بعياط):ابني يا دكتور..
الدكتور:هنعرف بعد الاشاعة اهدوا...
خدوا زياد و عملوا ليه اشاعة و فاطمة و مهند كانوا قاعدين علي اعصابهم..
-بعد فترة..
الدكتور:احم..
مهند:من غير مقدمات يا دكتور اتكلم ابننا فيه ايه؟!
الدكتور:عنده مشكلة في الرئة..و التنفس بتاعه ضعيف..
فاطمة(بعياط):يعني ايه!!
الدكتور:يعني المفروض ابن حضرتك يتحجز في المستشفي تحت جهاز التنفس الصناعي لفترة..
فاطمة قامت وقفت و هي بتبص ل مهند بصدمة..
فاطمة(بعياط):ابني يا مهند ابني..
مهند(بقلق):فاطمة..
فاطمة وقعت بين ايدين مهند و مهند شالها بسرعة..
الدكتور:اتفضل معايا..
نقلوا فاطمة اوضة مرضي عادية مهند باس رأسها..
مهند:و زياد؟!.
الدكتور:امرت بنقله لاوضة مخصصة ليه..
مهند:تمام يا دكتور شكرا..
الدكتور:احم لا عادي...شد حيلك ان شاء الله خير..
مهند:تمام..
الدكتور:عن اذنك..و بعد اذنك املي ال...
مهند(بمقاطعة):تمام يا دكتور..
الدكتور مشي و مهند خرج وقف قدام ازاز اوضة زياد و اوضة فاطمة و كان واقف ضعيف و خايف..
مهند(بدموع):قوموا انا محتاجكوا اوي...
************************************
-في مكان تاني....
_في الصعيد...عند ملك..
ملك:حمدلله بالسلامة يا عمي..
عبدالخالق:الله يسلمك يا بنتي..
ملك:هو مالك مش معاك؟!.
عبدالخالق:مالك المفروض انه رجع من بدري..
ملك:ايه؟!بس هو مرجعش يا عمي..
عبدالخالق:هتلاقيه مع صحابه..
ملك:هو قال هيرجع بدري..
عبدالخالق:شوية و راجع متقلقيش اطلعي نامي انتي...
ملك:بس مش هقدر..
ام مالك:انتي لسة صاحية يا ملك منمتيش؟!.
ملك:مالك اتأخر يا امي...
ام مالك:متخافيش شوية و راجع..
الباب خبط..
ام مالك راحت فتحت..
ام مالك:يا حاج في حد عاوزك..
عبدالخالق:ايوه مين؟!.
غفير:يا شيخنا..
عبدالخالق:ايه؟!
غفير:مالك ولد جنابك اضرب بالنار(مالك ابن حضرتك اتضرب بالنار)..
ملك(بخضة):مالك!!!!!!

_السؤال:يا تري هيحصل ايه؟!خمنوا🌚💜..
************************************
يتبع::::💜..
بحبكوا💜..
يا رب الرواية تنال اعجابكم💜..
رأيكوا يهمني💜..