#نصيبي❤️ حلقة 2
محمد : من اولها هكي
اني قمت راسي نلقى شاب طويل وعريض ومداير جو لروحه عرفت انه محمد
اني وقفت وقربت بنسلم اعليه
رن تلفونه حطه ع وذنه : لحظة بس
هادي وحدة من حركاته الي نحكيلكم اعليها 😡
كيف جيت بتمشي
محمد : تعالي كملت
اني رجعتله ومديتله يدي فوق خاطري 😒 : الحمد لله ع سلامتك
محمد سلم : خيرها بلا نية
اني بصوت واطي : كية😒
محمد : ومعاها حوش ع دورين
اني : قعد دمك ثقيل
محمد : مش عارف اوزنيه
اني : المهم حالك باهي
محمد : شن ماتجيش تسلمي من بكري ياقردة نعطيك طريحة توا
اني : لا وين ياولد عمي هداك زمان توا انت تضرب واني نضرب💪😌
محمد : اووو ههههه ماعرفتكش ياصاحبي
بعدها سكتنا شوية
اني : هي نتلاقو مالا تصبح ع خير
محمد قعد يضحك وبعدها خش
.
خشيت لقيت الباب مردود وضي الصاله مطفي
درت دورة في الكوجينة خديت طرف شكلاطة جايبها محمد وطلعت للدار
كوثر : خيرك عطلتي
اني : لقيت محمد واني راقية سلمت اعليه
كوثر : شفتي كيف بدي
اني : شن فايدة الجمال مدام الدم اثقل من راسك
كوثر : عاجبك راسك ياكلبة
اني تغطيت واتكيت: تعرفي 10 سنين ماشفتاش وقعد يتبرد مافيش جديات بكل
كوثر : هذا طبعه شن بنديروله
رغد خشت قعمزت ع السرير
كوثر : نوضي طفي الضيء شن مسدرة
رغد غاطسة في التلفون وتبتسم ناضت طفاته وقعمزت وهيا ساكتة
اني 👋 : في من تكلمي
رغد شافتلنا : مراد يعلقلي ع الفيس حشمني
كوثر : وعلاش تتبسمي
رغد : لا ماضحكتش
كنا شاكين في رغد معجبة بي مراد بس مش متأكدين هيا ماتبيش تعترف
رغد : زعما نكتبله ع الخاص ولا نفوته
اني : علاش بتكتبيله وشن بتكتبي
رغد : خلاص فوتي تو يقول ماصدقت
كوثر : ارقدوا ارقدوا ورانا نوضان بكري
.
.
.
نضنا من ساعه 8 نحبوا نكرهوا وحوش جدي تعبى مدايرين غذاء اليوم وشواء وهكي
اني : اه ياراسي بيتفجر
امي : عاد مش واخدة ع النوضان بكري تستاهلي
اني : حراام والله حرام
امي : سكري فمك وانزلي قدامي
اني : به وين كوثر و رغد
امي : تو يلحقوا
اني : خليني نلحق معاهم🌚
امي عطتني نظرة : لا باهي بش نلقاك ع فلونة يامتع العار
اني : 😭
طلعنا من حوشنا لقينا محمد ومنذر كيف طالعين من حوشهم
محمد : صباح الخير
امي : صباح النور وليدي
قعدنا نضموا في الحوش ومرت عمي وامي حطوا الغذاء ع النار
محمد خش : ملااك ياملاك
اني كيف طالعه لاقيته
محمد قعد يشوفلي ويضحك
اني : شن يضحك فيك 😒
محمد : غير وين ملاك
اني : قتلك شن يضحك فيك يامصيبة 😑
محمد : عيب اكبر منك
اني : تي قووول
محمد : واااك ع اللصقة
اني : استغفر الله
محمد : نبي خيط شحن
اني : تبي نجيبلك يعني😍
محمد : ياريت اديري فيا معروف
اني : والله ماني جايبتلك 🌚
ومشيت وخليته
اني نتكلم بروحي : تو نوريك الضحك كيف شكله انت مش ناوي خير اني عارفة عارفة
عمتي نجاح خشت فيا : تي خيرك هبلتي 😠
اني : اسفة ماشفتكش 😇
عمتي نجاح : الحقيني في المطبخ
رغد ركبت مع الدروج بتجيب سفرة لاقاها مراد نازل
مراد : خير
رغد : اهلين
مراد : شن الجو
رغد : تمام ماشية
مراد يضحك : شن تمسحي في التعليقات أمس
رغد تشبك في يديها : باهي به حشمتني
مراد : هادي عزارتك شني نكذب
رغد : اي لكن مش تقولهالي قدام الناس
مراد : قصدك ماتبيهاش
رغد : والله نكتبلك فزاعة ونشاركهالك
مراد مات من ضحك : صار هكي يارغودة
رغد : اي😶
مراد : انتي إلي بديتي الحرب(wink)😉 .. ومشي خلاهاا
رغد مسحت ع وجهة ويديها يرعشوا وتبتسم : الصبر ياربي
المهم تغذينا وطلعوا بعد العصر يشووا لين أذن المغرب
الولاد والرجالة كلهم مشوا يصلوا في جامع قريب منا وانساوين خشوا يطيبوا
مودة ( بنت عمتي ) : حلو سروالك يافرخة
اني : عيونك الحلوة
مودة : هذا الي قعدتي 9 سنين تجمعي في حقه😂
اني : ههههه ايوه هو هذا
رغد : مالا عمرك كله تجمعي
لين هرب الضيء
اني : وووووه العمر لاحرف
جداي : سكري فمك يامتع الفقر
اني : 😶 اسفين
كوثر : والله إلا تستاهلي
اني : بنولع المولد
كوثر جبدتني : تي قعمزي يامسترجلة بلا عار
مودة : تو يجو الرجالة يولعوه
اني : نعرف نولعه خيرك
ونضت درت فلاش ومشيتله
عمتي تضحك : اوينه جمانة تولع فيه
امي : ههههه ياحليلي منها وخلاص
المهم فاتت ساعه ممكن وحطينا لعشاء لين جو الرجالة
محمد قعمز حدا جداي : كيف حالك توا
جداي : باهي ياوليدي .. هرب الضيء حتى غادي
محمد : مالا شني غير مولعين مولد
جداي : اي حتى هالمسترجلة ولعاته
محمد ضحك : من هيا
جداي : بنت عمك
محمد قعمز : أما وحدة فيهم
جداي : جمانة
محمد ضحك بصوت : والله إلا عرفتها
