خُلِقَت لتتفادى الألم

الفصل الثامن

هي السحرُ وإلا ان للسّحرِ رُقِيَةً.!
~~~~~~~~~~~~~~~~~~~~~~~~~~~~~~~~~~
ها هو يقف امام مرأته يهندم نفسه استعداداً للحفلة وهو غير مصدق للأمر حتى الان..ستصببح على اسمه ..ستبقى في حياته وتحت عينيه..لن ياخذها احد منه ..هي له ..له فقط... فهي حب الطفولة ...
تذكر عندما عرض عليها الزواج..توترها و خجلها المهلكين سيطرو عليها حينها...وافقت بسعادة حتى حلّ مكان الابتسامة عبوس ...

فلاش باااك
اسر بضحكة عاشقة: هنخطب ونتجوز وتبقي في البيت ليا لوحدي ...وتجيبيلي عيال كتير ونربيهم سوا كدة و نكبر سوا وو..

قاطعته قائلة: ثواني ثواني هو انا هبطل من الشغل؟

اسر بهدوء: اومال هنجيب الولاد ونديهم لسيف يربيهم يعني؟

ندى بنرفزة: انا لما وافقت كان عشان بحبك بس انك تنهي مستقبلي واسكت لا يا اسر يبقى نفضها سيرة

اسر وهو ممسك بيديها: ندى انا بحبك ومش عايزك تسيبي ايدي في يوم من الايام..واكيد طبعا لما نخلف هتقعدي بالبيت عشا...

ندى وهي تنفض يديه عنها: انا لما هخلف هبقى اعرف اتعامل مع اولادي و اوازن بين البيت والشغل..

اسر بنرفزة: لا.. مش هتعرفي..كلهم بيقولو كدة بالاول وبعدين بيتطلقو...وانا مش عاوز نوصل لكدة

ندى وهي تهم بالذهاب: يبقى خلي حد يدورلك على وحدة تقبل تكون خدامة

امسكها بحدة اوجعتها: الكلام دا لو اتعاد تاني هت..

ندى بصراخ: هيتعاد لو ماوفقتش على ان يكون ليا كيان بالبيت زي زيك..
ذهبت تاركة خلفها بركان غضب ثائر؛؛ شاهدهم من بعيد فقرر التدخل خاصة بعد سماعه لكلام اخته الاخير

مراد بهدوء: ندى مش عاوزة تهدم كل اللي كانت بتبنيه السنين دي وانت عارف دا..عشان كدة حاول معاها بالراحةة..وبالعقل وهتفهمك...بس لو قولتها هتعملي يعني هتعملي كدة يبقى انت بتتكلم مع جاموسة ومش هيحصل حاجة..يا ابني هما الستات ايه ..دول بكلمة صغيرة بيفرحو وينسو كل حاجة و ب حنان زايد حبيتين بيعملو كل اللي انت عاوزة..بس لازم تفهمهم..وما تخافش هتعمل اللي انت عاوزه بس اادخلها من الطريق الصح يا صاحبي..

اسر وهو ينظر اليه بقوة: عاوز اتجوزها قبل ما نسافر

فلاش بااااك
قطع سلسلة ذكرياته دخول سيف مع اياس بحماس ومراد من خلفهم . ..

سيف بحماس: يلا يا ابني دا احنا هنولعها تحت ..

اياس بحماس اكبر: اه اه دا في واد تحت بيعمل الدودة بشكل رهيب

سيف باستغراب: دودة ايه؟ هما حطو في البوفيه دود؟انت عاوز تقتلنا في يوم خطوبتك يا اسر؟

اياس شارحاً بيديه: يا ابني الحركة اسمها دودة..بص دي بتتعمل كدة

كان يقلد حركة الدودة التي راها قبل قليل فانبهر سيف بها؛ اما اسر فقط ينظر وينتظر من مراد التدخل لكن كيف وهو في قمة البرود منذ دخوله الغرفة..