Call me teacher. Completed

14. Чин сэтгэл

Хот унтаж сар зүүрмэглэнэ. Харин бид шөнийн хотын сайхныг шагшин гайхацгааж байх аж. Сөүл хотын хамгийн өндөр цэг зүгээр л энгийн нэгэн гудманд байгаад баярлаж байлаа.

Гадаа цас орсон болоод ч тэр үү жиндүүхэн байх агаад тэр намайг араас зөөлхөн тэвэрч өмссөн том хүрмэндээ намайг өлгийдөх мэт ороох нь өөртөө бүрэн уусгах шиг болно. Түүний минь эрэгтэйлэг хэдий ч анхилам үнэр хамрыг минь цоргион үнэртэх үед би шунаглан гүнзгий амьсгаа авлаа.

Цаг орой болсон учир яалтчгүй гэртээ харих ёстой болсон нь миний хувьд хамгийн гунигтай үйл явдал байв. Хэрвээ цаг хугацааг зогсоож болдогсон бол яг энэ мөчид биднийг үүрд гацааж хайрлаач.

Төмөр хүлгийн урд суудалд суун гэрийн зүг давхих үед түүнд хорогдох мэдрэмж минь улам л нэмэгдэх аж.  Гэрийн бараа ойртох тусам суудалдаа шигдэх намайг тэр хараад инээд алдан

"Гэртээ ормооргүй байна уу? Ий Хэсон" гэж хэлэн үсийг минь илэн арзайлгах бол би түүнд эрхлэх мэт хошуугаа унжуулаад "Цаг зогсоогоод өг. Та хүсэл биелүүлнэ гэж хэлсэн" миний хэлсэн үгэнд тэр инээмсэглэн машинаа зогсоох үед аль хэдийн гэрийн гадаа ирснээ мэдлээ.

Би уртаар санаа алдаад "Маргааш эрт ирж хичээлээ заагаарай" гэж хэлэн буутал тэр ч бас намайг дагаад буугаад ирэх нь тэр.

"Яасан?" гайхшран түүнээс асуухад тэр машинаа тойрон урд минь хүрч ирэн тэврээд "одооноос чиний хүссэн найз залуу байх гэж хичээх болноо. Гэхдээ ээжид чинь мэдэгдэхийг хүсэхгүй байна. Сайхан амраарай" түүний хэлсэн үгэнд зүгээр л инээмсэглээд гэрлүүгээ орлоо.

__________________

Хүн багатай кафед Усон Жунин хоёр өөд өөдөөсөө хараад сууж байлаа. Тэдний голд байсан эвгүй байдал аль хэдийн арилж яг л төрсөн ах дүүс шиг дотно байгаа харагдана.

"Тэгэхээр өнөөдөр багшдаа дотроо буглаад байгаа нууцаа ярьж болно. Бидний нууц бидний дунд үлдэх учраас санаа зовохгүй яриарай. Тэр нь хамаагүй дээр байх. Чамайг харахад их зовиуртай байдаг. Цаанаа нэг зүйл нуугаад л. Тэрийгээ хуваалцах хүн хайдаг гэмээр." Жунины хэлсэн үг үнэн. Усон цаг үргэлж санаа алдаж харилцаа тогтоосон хүнээсээ ямар нэг зүйл горьддог. Өнгөрсөнд ч одоо байгаа цаг хугацаандаа ч тэр.

"Үнэхээр энэ тухай ярихыг хүсдэггүй ч гэлээ яагаад ч юм сонсох хүн хайдаг байсан. Энэ бүхэн эхэлсэн цэг гэвэл гурван жилийн өмнөх зуны бороотой өдөр байх. Хамгийн их итгэж хайрладаг байсан хүн минь зүгээр л надаар тоглосон өдөр. Бүх зовлон над дээр ирсэн мэт. Ээж минь хүртэл намайг орхиод хорвоогоос хальсан юм.

Тэр үед хажууд минь хэн ч байгаагүй. Яг л дэлхий ертөнц миний эсрэг чичилж буй мэт. Харин тэр үед нэг хүн надад ингэж хэлсэн юм. "Хамгийн том зовлон, гашуун сорилт мэт санагдаж байж болох ч энэ зүгээр л тийм дүрд хувирсан адислал. Чамайг яг одоо хугацаанд зовоож байгаа ч ирээдүйд чамайг чанга хатуу хүн болгоно." түүний энэ үг анх сонсоход утгагүй санагдаж байсан ч хожмын өдөр намайг бага багаар өөртөө итгэлтэй, хатуухан хүн болгож тусалсан юм.  Гэхдээ би тэр хүний үгний утгийг ойлгоогүй юм билээ. Өөрийнхөө тэнэглэлийг өмөөрөх шалтгаан болгож хувиргасан.

Эр хүйстэнд итгэхээ больж тэднийг ч бас ашиглаж доромжилж болно гэдэг бодол толгойд минь шууд л суучихсан байсан. Архи, тамхи миний хэрэглээ байх ёстой мэт бодож байсан. Энэ амьдрал маань ч надад таалагдаж байсан юм. Гэхдээ цээжин дотор минь үргэлж хөндүүрлэж сэтгэлийн шарх минь улам нэмэгдэж байсан юм.

Таниас өмнөх хэд хэдэн багш нар бусдын адил мунхаг хүсэлдээ ороогдож амьдралаа балласан. Тэднийг шангаа хүртэж байгааг харахад надад жаргалтай байдаг байсан.

Тантай уулзах хүртлээ би бараг хүний сүг байсан гэдгээ ойлгосон. Таныг анх хараад сүрдэж байсан ч гэрэл унтрахад бүгд адилхан гэдэг үгээр миний доторх дур хүслийн араатан хооллогдож байсан. Гэхдээ амьдрал минь ингээд орвонгоороо өөрчлөгдөх гэж" тэр инээвхийлснээ нүдэндээ цийлэгнэсэн нулимсаа урсчих вий гэсэн шиг дээш харан нулимсаа тогтоох гэж үзэв. Тэгээд нулимс нь ширгэсэн бололтой Жунин руу хараад "Таньд баярлалаа." гэж дулаахан инэээмсэглэл тодруулан хэлэв. Энэ инээмсэглэл юугаар ч солих боломжгүй хүүхдийн гэгээн цагаахан сэтгэлээс гарсан инээмсэглэл байсан юм.

Тэд хэн хэн нь дуугаа хураан хэсэг суусны эцэст Жунин хоолойгоо засаад "Одооноос өөрийгөө хайрла. Чи хамгийн сайхан бүхнийг хүртэх эрхтэй. Сэтгэлийн шарх тээж түүндээ автах нь чиний насанд хүнддэх зүйл" гэж хэлээд тэдний яриа дууссан юм.

__________

A/N: энэ хэсгээрээ бидний дунд хамгийн их үзэн ядагддаг, үл тоогддог аль эсвэл энгийн ч бай бүгд цаанаа өөрийн гэсэн нууцтай байдаг юм шүү. Бүх зүйлийг олон талаас нь харж байгаарай. Чиний хамгийн дургүй хүн чинь хамгийн хэцүү амьдралыг туулсан байж болзошгүй учир хэлж ярихаа сайн бодож байгаарай. Бас томчуудаас ирэх үгс ядаргаатай санагддаг байж магадгүй ч чамайг алдахвий гэсэн байдлаас хандаж хэлдэг юм шүү. Томчуудын үгэнд орж байгаарай.

Бас зөв хүндээ итгээрэй. Согтууруулах ундаа, мансууруулах бодис хэзээ ч зөв зүйл дагуулахгүй гэдгийг ойлгож аваасай гэж маш их хүссэндээ...

Үерхэж нөхөрлөж байгаа хүнээ сайн таньж бэлгийн харилцааг өөрийгөө бэлэн болсон цагт хийгээсэй. Бусдын хүслээр бүү амьдраарай гэсэн үүднээс бичлээ.

Буруу үлгэр дуурайлал болохыг хүсдэггүй болохоор ийм их зүйл биччихлээ. Энэ хүртэл уншсанд баярлалаа. Бас яршигтай байсан бол уучлаарай.

Хайрт Keiko чинь🍃