My Soulmate.

My Soulmate. [7]

အားချွမ်က ဟိုတောင်သခင်အစုတ်ပလုတ်ကိုခြေရာခံမိပြီဆိုလို့ သူခေါ်ဆောင်ရာ နေရာကိုသွားခဲ့ပေမဲ့ တောင်သခင်နဲ့တူတဲ့ ဆံပင်တစ်မျှင်တောင်မတွေ့ခဲ့ရ...
ခရီးပန်းတာပဲအဖတ်တင်တယ်..
ရောက်ရောက်ချင်း အမောစို့တာက ရှောင်ကျန့်က ပန်းချီပြိုင်ပွဲတွေဘာတွေ ဝင်ပြိုင်ပြီး ဆုရတယ်ဆိုတဲ့အသံလဲကြားမိရော ဒေါသကနှစ်ဆတိုးလို့....
တောင်သခင်နဲ့ အဲ့ကောင်နှစ်ယောက်လုံးကို ဒီလောကကြီးရဲ့ ဘယ်နေရာမှာမှ ပြန်လည်မွေးဖွားမလာနိုင်အောင်လုပ်ချင်တာ သူ့ဆန္ဒပဲ..
အတိတ်ဘဝမှာ ရှောင်ကျန့်ဆိုတဲ့လူသားကြောင့် သူ့အချစ်ရဆုံးညီမလေးရဲ့ အသက်ဆုံးရှုံးခဲ့ရတယ်..
ညီမလေးနောက်ဆုံးထွက်သက်မှာ သူ့ကိုကြည့်သွားတဲ့ အကြည့်တွေကိုလုံးဝမမေ့..
ညီမလေးကို ဒီလိုဖြစ်သွားအောင်လုပ်ခဲ့တဲ့သူတွေကို လက်စားချေပေးပါဆိုပြီး​ တောင်းဆိုတဲ့အနေနဲ့ကြည့်တဲ့အကြည့်လေး....
တရားခံအားလုံးကို လူ့လောကမှာပြန်လည်မမွေးဖွားလာနိုင်တော့အောင် ဝဋ်ညဥ် တွေ တစ်စစီဖြစ်အောင် ခွဲထုတ်ပစ်နိုင်ခဲ့ပေမဲ့..
အပြစ်တွေအားလုံးဖြစ်ပေါ်အောင် ကြိုးကိုင်ခဲ့တဲ့ ရှောင်ကျန့်ကိုတော့ ပပျောက်သွားအောင် သူမလုပ်နိုင်သေးပေ..
အရင်ဘဝကလဲ အောင်မြင်ခါနီးဆဲဆဲမှာ တောင်သခင်က သူ့စွမ်းအင်လုံးကို ရှောင်ကျန့်ကိုယ်ထဲထည့်လို့ အသက်ပေးပြီးကာကွယ်ခဲ့တာ..
တောင်သခင်က သူ့ထက်စွမ်းအားကြီးမြတ်လှတာကြောင့် ဝဋ်ညဥ် အစိတ်အပိုင်းတွေတစ်စစီဖြစ်သွားအောင်တော့မလုပ်ဆောင်နိုင်ခဲ့ပေ..
အဲ့တော့ ရှောင်ကျန့်ကို အပြတ်ရှင်းချင်ရင် တောင်သခင် လန်ဝမ့်ကျီးကို အပြတ်ရှင်းနိုင်မှရမှာ..
လနှစ်စင်းပြည့်တဲ့နေ့မှာ ရှောင်ကျန့်ဆီက စွမ်းအင်လုံးကိုအရယူပြီး နှစ်ယောက်လုံးကိုအပြတ်ရှင်းနိုင်လိမ့်မည်။..
တောင်သခင်ကိုလဲ အလွတ်ပေးလို့မဖြစ်..
ဘာလို့ဆို တောင်သခင် အသက်ရှင်သန်နေသရွေ့ ရှောင်ကျန့်ကို ပြန်လည်မွေးဖွားလာအောင် ဆက်လက်လုပ်ဆောင်နေအုံးမှာမို့...
နှစ်ယောက်လုံးပြတ်စီးသွားဖို့ပဲ ရည်ရွယ်ပါတယ်..

"သခင် ဘာဆက်လုပ်ရမလဲ.."အတိတ်ကအကြောင်းအရာတွေထဲမှာ စီးမျောနေတဲ့ဝမ်ချောင်တစ်ယောက် တပည့်ဖြစ်သူစကားသံကြားမှပဲ လက်ရှိဘဝကိုပြန်လည်လာတော့တယ်..