MI KU BO

NHA PRIMERU AMOR E MI!!!

Capítulo 2

N txoma Ângela, mi é fidju un anju ki kai na luta ku bitxus di umanidadi, apezar di nha sorizu ta parsi e ku jirason, N kaba pa perdi algun esensia pmd N ama algen eradu.

Na komesu é ka parsi algen eradu, mas é isu, kobra ten peli bunitu, mas si pikada podi ser mortal. Mas inda Ben ki N sobrivivi y N sa torna fika forti.

N perdi nha brilhu y nha vontadi vivi perdi pa alguns sigundu.

N sta sakedu na janela nha kaza, ó midjor kaza nhas famílias , mi é un resen separadu, N ta vivi na Lisboa - Portugal. N risolvi Ben fria kabesa li kabu Verdi. Pois Ami e anju ki dja perdi aza.

N sa odja un rapas xintadu na rua ku móvel na mon. Onti nu kontra na mini merkadu e bai kunpra un kaneta y un lapis azul.

Ki merda é keli? Kenha ki ta bai mini merkadu kunpra kadernu y lapis azul?

Pmd ki lápis Ten ki ser azul?

Benício,

Pesoas nunka intendi pmd ki un kabu verdianu ten ki txoma sin, ne, mi munti bes N ka intendi, mas N gosta pmd mi e uniku. Inkrivelmenti inkrivel mi é.

N sta sakedu na paraji ta spera otokaru 6, vida di pobri e si, inda Ben ki mi é ka mizeriadu Fodas!

ku nha skutador na obidu. Nha frenti sta un minina linda, é teni kabelu kurtu, ku un makakon ganga asul y sandalhá na pe, sei lá,ben eleganti .

Él e linda. Si lus é forti, N kria kunpanhal, mas koraji sta falta-m.
Na ta ben di skola, N torna Kontra kol, so ke staba el ku uns amigas ki ka ta parsi me di li. És parsi mes sta Ben animadu. Dan vergonha, y mi é super timidu.

SEGUNDU DIA KI N STA SUNHA KU BO

É kuazi meia noiti y benício sta xintadu na ladu kaza Ângela, ki tanbe sta xinti difikuldadi di durmi.
Ângela sai na varanda y odja benício xintadu na rua. Dal vontadi fala kol, dal kuriozidadi konxi es maluku. Inton é sai e fala ku benício.

- Oi, tudu bon?
-tudu y bo? Sen sonu tanbe?
- sin, un poku! Nha nomi e Ângela.
-yap N sabi, lol. Ami e Benício.
-Nomi stranhu, mas bunitu.
-Lol, é, vida ke bunitu!
Strela, sol, por du sol, arku iris's y bo ke splendidu, nha nomi e só un nomi.

-Bu ta fala bunitu, kkk!!
-Bu sorizu ke bunitu, y bu brilhu e inkrivel!
Bu lus e intensu y bu inkantu e dimas!
-Obrigada Benício, bon dia y durmi dretu N ten ki entra.

-Últimu ki deta ta paga strela!
LOL!!!

Benício t konxi nes dia un kriola inkantadora, Ângela e beleza di natureza y fauna y flora afinal sta protejidu.

Sorizu brilhanti, denti di kristal, fetu ku txeu amor y kuidadu pa sis pais di serteza.

KO DIZISTI DI BUA PMD ALGEN FIRI BU AZA

Ângela krava si unha na kosta di Benício de sertu y és Satanás gosta di odja si korason ta ser atinjidu pá eklipis di amor, ki salta kontinenti pa atilantiku.

Benício é un omi apaixonadu.