MI KU BO

Amor Ta Supera Tudu?

💞Mi ku Bo 💞

Capítulo 12
Género:Romance/Drama
Autor :Théo Gael ✍️

BONDIA N ta spera ma Spetativa ku es romance sta ser korespondidu.

Dia kalmu, noti serenu,tristi y melankoliku, sin es e novu vida di B, sen amor di si vida (Ângela).

OJI fazes un anu y sinku mês djuntu, Ângela teni si movel na mo, ta djobi si ka sta entra nun mensaji di Benício. Benício ta konta tudu:
Kantu mês ki djes ten djuntu y kantu mês ke djes tem siparadu.

Ângela ta trabadja na un kafe pertu di si kaza y tudu ora a ke atxa un tenpinhu é ta mirgudja na si lagua, Benício senpri faze-l xinti spesial y e ka kre perdê-l. Amor di ses forma y di un forma lindu y Xeiu inkantu.

Oji e sis dia y Benício inda ka manda-l nun mensaji e dor di mas ten ki sipara di amor di si vida pmd distansia y e sufrimentu di mas ten ki termina y perdi tudu sis sonhu kes planeja djuntu. Ama realmenti tanbe ta due.

Di otu ladu osianu Benício sta detadu na si kama ta odja fotu di el ku Ângela na movel, sis felisidadi era kontajianti y amor di ses era inkrivelmenti surprendenti. Benício lagua sta sufokal, mas omi ka ta txora!

Ângela dexa orgulhu di ladu y manda Benício mensaji:

- parabéns nha pateta! Di nos é eternu! N ka kre ningen ke ka bo!!!

Benício 360 minotu inda ka rispondi. Ângela inbura y komesa txora diskontroladu ki tudu algen na si trabadju preokupa y pergunta-l kuze ki sa pasa.

Ângela ka sta konsigui fala ku ningen, e dor di mas xinti amadu dipos perdi es amor pmd distansia.

Un ora dipos, Ângela dja arma kalma y entra un mensaji:

- Oi nha Anja, diskulpa-m, N staba na trabadju y dia sta un lokura. Parabéns pá nos dia. N ta agradesi pmd bu sta insisti na nos. Realmenti N ka perdi speransa na nos, só N gosta di drama bu sabel ma bu B e mimadu y odja-u ku bus amigus felis na fotu faze-m intendi ma talves N debi dexa-u livri po ser felis. Mas N ta ama-u y senpri N rispeta-u 6 6] A, sy nos amor.
] y]]

Oji bu faze-m intendi ma amor inda izisti!!!

Sta sen bo tudu és dia, foi nha maior idiotisi, y foi dolorozu di mas, N ka kre perdeu nha anja, abo e nha lus , sen bo nha vida e tristi!!!

N ta ama-u y un dia Deus ta abensuanu pa nu vivi nos amor djuntu y felis.

Dia di Ângela volta a brilha y si korason xinti pas ke sta mesteba.

- nha siumentu, mi tanbe N ta ama-u y nunka N dúvida di nos amor.

Nha sonhu e bo y senpri n ta rispeta-u
Y nos amor!!
Bo e nha felisidadi y bu ta trazi kalmaria pa nha alma!

Ângela y Benício, volta a inkantu kunpanheru ku sis amor y és vivel inda mas intensu, mas forti y és valoriza mas kunpanheru.

3 mês dipos Ângela konsigui djunta dinheru sufisienti pé luga un kaza ku tudu dukumentu na si nomi.

Ângela dja podia kaza ku Benício. Benício kunpra aliansa y manda Ângela pa kureiu, és konsigui kaza y menis dipos Benício dja txomadu pa bai trata papeladas na sentru komun di vistu.