MI KU BO

E Amor Ki Ta Kura Y Inkanta

♥️MI ku BO♥️

📙Capítulo 3
📙Género:Romance/Drama
📙 Autor:Théo Gael ✍️

Benício konxi un algen inkantadora, di sorizu spadjadu, kel dia e durmi felis y é sa xinti apaixonadu.

Vida é fetu di inkantu y amor sta na pikenus detalis.

É sete ora, Benício dja sta labantadu felis da vida, denti skovadu, rostu labadu y banhu tomadu.

-OJI ningen ka ta kaba ku nha umor!

Benício sta kontenti, dje bisti si bokiser ke ta bisti so na tenpu festa, y é sta bazofu sima algen ki sta bai algun kau inportanti.
Dje toma si bon kafe y e sta na rua ta spera Ângela sai pá notal.

Ângela tanbe xinti algu pá Benício, pois, el é un rapas meigu, Xeiu lus y ku un aura inkrivel. É ka sima kes rapas ke dje sta akustumadu ta odja.

Benício é sinplis y si jeitu e amor, si peli e pretu y si voz e suavi, kalmu y dilikadu. Ângela xinti atraída, mas é ka fla nada, pmd omi ki ten ki ta mostra interesi primeru.

Dja sta 10h, Ângela sta prepara pa sai, mas é kre odja Benício, ki sta na ladu di fora ku móvel na Mon. É sai pé da-l "oi".

-Oi, é Benício ne?
-Sin é Benício! bon dia, bu durmi dretu Ângela?
-yap N durmi fx y bo?
- Tanbe.
-Enton kuze bu sta nel?
-N sta na lê N livru li.
-Livru? Kkk!! Inda izisti livru? Algen inda sta lê? E ten título propi?

Ângela fika ta bonbordia Benício di pergunta.

-LOL, ne mi N gosta. Título é :amor também dói.
-E sobri un rapas ROMANTIKU ki apaixona pa un minina ki kaba pa magual.

-Ki tristi, parsi nha storia. Mas é vida.
-ne, vida nen senpri ta ser sima nu kre.
Mas lokura é dexa di amor pmd un idiota ka saubi valoriza-u.

-yap go, bu ta fala di un jeitu ki N ta akridita ma amor izisti inda.

-klaru ki izisti, só bu ten ki apaixona pa pesoas y non pa u kes ta aparenta.

- Benício, bo e ton fofu. Undi bu staba propi?
-Provavelmenti li ne! Lol

-Bon, nu bai da un volta!

Benício y Ângela sai, es bai pasia, es anda  tudu txada, és bai krus di papa, és fala sóbri tudu, y kantu kuza fala falta, Benício pergunta-l se gosta di aroz.

LOL, foi intensu sis konversa y komesa kel olhar timidu, dipos pasa pa sorizu, até ki Ângela kaba pa korda Benício ku un beju forti y pegajozu. Folgu falta, mas Benício sta nada na es marizia di amor, na es lokura ke amor y felisidadi ka sta kebel na petu.

Ângela xinti Benício ta korispondi kada movimentu di si labiu, y és sta na mesmu ritmu. Benício é rapas ki dja kaba pa konkista si korason. Deus sabi ma si korason staba un bakunsa y trazi algu lebi y bon pa si alma.

BUA A KI BU AZA STA KURADU, KO XINTI MEDU