MI KU BO

Será Ki Nu Ta Aguenta

♥️MI ku BO♥️

📙Capítulo 9
📙Género:Romance/Drama
📙 Autor:Théo Gael ✍️

Benício sta rivoltadu ku distinu ki kre distansial di si amor. Dja e ka sabi kuze ke ta fazi. Ângela divia fla-l mas sedu pé prepara si kurason pa sofrensia. Distinu e kruel mo, na ora ku sta felis e ta puxa-u tapeti.

Falta ki 5h pá Ângela bai, Benício sta martela si kabesa di perguntas ke ka sabi risposta.

Benício resolvi sai pé bai xinta na prasa, kantu e txiga lá e atxa Ângela xintidu. Korason bati-l y sukudil na petu na velosidadi di un ferari.
ES fika imóvel pá un tenpu y Ângela risolvi fala:

- B Ko ten dúvida ki N ta ama-u, y bo bu foi algen ki mostra-m ma amor inda izisti. Nha vida fazi sentidu kantu N staba na bu ladu y nha korason konpleta ku bus tok y bus karinhu, N ka ten dúvida ma bo e tudu pa mi.

- pmd bu ka fla-m ma bu ta bai oji? Pmd ki bu dexa so na ora ki bu ta bai pa bu fla-m?

- N tenta fla-u txeu bes, mas nha korason ka aguenta, Pmd N sta ton apaixonadu pá bo ki kaba ku nos felisidadi é dor di mas pa nha korason, N tenta pá nu aproveita kada mumentu, mesmu ki nha alma gosi  fika en kakus! Ângela sta txora inkonsolavel.

Benício fika ketu un poku ta pensa, verdadi e Ki Ângela fazi si noti spesial, és pasa momentus felisis y sis amor foi real, és kria un ligason ke ka sabi mo ke ta disligal. Benício ta ama Ângela sima sol ta ama dia, senpri es amor ta izisti na algun lugar.

Benício aprosima pá Ângela e xinta na si ladu, e linpa si lagua, e korel mo na kabelu, és kaba pa beja intensu, un senariu melankoliku y bunitu.
Realmenti amor e algu bon, y e sta vivu.

- Abo e nha lus, N ka kre perdeu, distansia ka podi ser ton duru ku nos
Nos amor e bunitu, e real, y verdadeiru. N ka kre aseita ma tudu ten ki kaba. Benício sta sigura lagua.

- mi N ta fazi di tudu pa bo, N ta sperau B, abo e algen ki N skodji y N kre di nha ladu. Ko termina ku mi, akridita na nos amor ki nu ta vensi.

Dipos di txeu jura di amor, Benício deta na ragas di Ângela y es fika ta relembra mumentus majiku kes pasa djuntu. És prometi ka termina y mês ta luta pés fika djuntu.

2h Benício bai prepara y leba Ângela auroportu, és bai di non dadu pegadu Ben forti, olhar era tristi ku un poku di sorizu na rostu, Ângela fazi tudu kuzas ke presizaba pa viajen. Na ora dispidi era un txoru ki ka ta kaba, Ângela pa di sel y Benício pa kelotu, és fika ta parsi 2 mininu. Angela bai pa sala di enbarki y Benício ka podia bai. Benício spera ti ki avion bai e kunsa sai di auroportu, lagua ta skori.

Distansia é mesmu maldita, mas keli ka podi ser fin.