تدخل مديحه الشقه تنظر علي الارض وعلي كل مكان و تصرخ
الحقوني ياناس اتسرقنا يخرجو الجيران علي صوت مديحه
تخرج ماجده من البلكونه علي صوتها ولا اتسرقتي ولا حاجه ياختي دي الحكومه هي اللي بهدلتلك الشقه
مديحه .الحكومه ليه
ماجده .شوفو الوليه عامله نفسه متعرفش
مديحه.اعرف منين ياشيخه حرام عليكي انا لسه راجعه لو عارفه حاجه اتكلمي علي طول لتسكتي احسن
ماجده .ليه ياختي متعرفيش ان جوزك خدوه لما لاقو عنده مخدرات في البيت
مديحه .مخدرات
ماجده .اه يا ختي مخدرات والناس اللي هنا كلهم عارفين كده
تخرج احسان من البيت تعالي معايا يا مديحه
تتطبطب احسان علي مديحه
احسان .احمدى ربنا يا مديحه ان ربنا خلصك من حافظ ومن الظلم اللي عشتي فيه
مديحه.بدموع الفرحه الحمد لله يارب احمدك يارب واشكر فضلك انا كان نفسي في كده من زمان كان نفسي يبعد عن حياتي خالص ده انا كان نفسي يموت مش يتسجن و بس
احسان .الحمد لله ياحبيبتي ان ربنا خلصك منه
...........
يدخل ايمن غرفة حمزه
ايمن .انا عملت اللي انت طلبته نام واستريح وبكره كمان هكمل باقي اللي طلبته مني
حمزه .بهدوء شكراً يا ايمن تعبتك معايا
ايمن .أوعى تقول كده انت تؤمرنى باي حاجه هي لو تعرف بس انت عملت علشانها ايه
حمزه .اوعي يا ايمن تقول حاجه
ايمن .هو انت هتفضل كده لحد أمتي
حمزه .انا هكون كويس مع الوقت اكيد إن شاء الله
ايمن .طب اتكلمت مع ماريا
حمزه .مابقاش في كلام يربطنا تاني خلاص
ايمن .يعني انت هتتجوز نيفين فعلا
حمزه .بهدوء عمرى ما هتجوز نيفين يا ايمن
..........
ماجده .يعني رجعتي تاني
نسمه .ايوه جيت علشان هقعد مع حضرتك اول اسبوع
ماجده .والله فيكي الخير مش كنتي هتقعدي عند امك
نسمه.ما ماما قالتلي ابات مع حضرتك الاول
ماجده .اكيد امك زهقت منك من اولها
نسمه .انا امي عمرها ما تزهق مني
ماجده .خلاص ياختي انتي هتفتحيلي في الكلام خشي غير هدومك في اوضه جوزك
تدخل نسمه غرفت عمر وتقفل الباب
سلوي .مين اللي جه دلوقتي
ماجده .مرات اخوكي ياختي قال ايه امها قالتلها تقعد عندنا احنا الاول شغل ستات
سلوى. وهي غارت فين بقه
ماجده .دخلتها اوضه عمر روحي انتي كمان الأوضه بتاعتك ونامي
سلوي .ماشي تصبحي علي خير
........
ياسين يخبط علي غرفه ماريا
ماريا .ادخل
ياسين. صباح الخير ها جاهزه
ماريا .اه لابسه ومستنياك
ياسين .أما قوليلي ايه القمر ده وشك منور اوي النهارده
ماريا .شكرا يا ياسين
ياسين .دي مش مجامله دي حقيقه
ماريا .طب يلا بينا بقه
يمسك ياسين يد ماريا وفي هذه لحظه يخرج حمزه من الغرفه
ينظر ياسين لحمزه صباح الخير
حمزه. بهدوء اعصاب صباح النور
ينظر ايمن لياسين بغضب شديد
ايمن .يلا بينا يا حمزه علشان عندنا شغل كتير
بعد اذنكم
سالم.صباخ الخير عليكم
صباح النور
سالم .مش هتفطر معانا يا حمزه
حمزه .لا شكرا عندي حاجات مهمه فى الشركه لازم تخلص
سالم .تعالي يابنتي افطرى
ماريا .لاشكرا لحضرتك انا بس عايزه الحق افك الجبس
سالم ماشي يابنتي علي خير يارب
عفاف .تحبي اجي معاكي ياحبيبتي
ماريا .شكرا لحضرتك ياسين هيكون معايا
عفاف. ماشي يا حبيبتي خلي بالك منها ياحبيبي
ينظر سالم لعفاف بغضب
ياسين.ماريا في عنيه يا امي
ينظر حمزه لياسين بغضب ويخرج خارج الفيلا
ياسين .تحبي اشيلك
ماريا .بكسوف لا شكرا انا هتسند علي ايدك
يدخل حمزه العربيه ويضغط علي زر السرعه بغضب شديد
ايمن .براحه ياحمزه
لما يستمع حمزه لكلام ايمن
ايمن حمزه اقف علي جنب اقف ابوس ايدك هدي السرعه بقه هتموتنا يا حمزه
يقف حمزه مره واحده وتصرخ العربيه من الوقفه المفاجاه
ايمن.انزل ياحمزه انزل انا هسوق مكانك
...........
ماجده .هو انتي مش نويه تصحي ولا ايه
نسمه.انا صحية من بدرى
ماجده .طب طالما انت صاحيه من بدرى مش تقومي تشوفي اللي ورانا
نسمه. شوفي حضرتك عايزه ايه وانا هعمله
ماجده .في شوية اطباق في الحوض اعمليهم وبعد كده اعملي الشقه واعملي الاكل
نسمه . حاضر
سلوي .صباح الخير
ماجده .صباح النور يا حبيبتي عملتلك الفطار و الشاي كمان تعالي يلا علشان نفطر مع بعض
سلوي . حاضر هدخل الحمام واجي
تنظر نسمه لماجده بحزن
ماجده .انتي هتفضلي واقفه كده مش يلا بقه تروحي تعملي اللي قولتلك عليه
نسمه.بحزن ماشي
...........
الدكتور .حمد لله على السلامه
ماريا .شكرا لحضرتك يا دكتور
دكتور .ناخد بقه شويه مقويات لجسمك علشان حضرتك ضعيفه جدا
ماريا . متشكر ه يا دكتور
ياسين .حمد لله على سلامتك
ماريا .شكرا يا ياسين
ياسين .انا مبسوط اوي ان انتي بقيتى احسن ممكن بقه بالمناسبه الحلوه ده تيجي نتغدا بره
ماريا .لا مش قادره خلاص
ياسين .انتي مفتطرتيش تعالي نتغداء مع بعض بقه
ماريا .لو سمحت متضغتش عليا مش عايزه اكل حاجه
ياسين.طب متزعليش اوي كده طب ايه رايك نروح الشركه مع بعض شويه وكمان علشان تشوفي مها اكيد وحشتك
ماريا . ياريت فعلا اشوف مها
ياسين .ياه آخيرا وافقتي بحاجه
يمسك ياسين التليفون ويبعت رساله انا هكون في الشركه انا وماريا ياريتك انتي كمان تكوني هناك جنب حمزه
............
ايمن .صباح الخير والنور والفل
مها. صباح الخير يا استاذ ايمن
ايمن.تصدقي بالله ايمن دي خارجه منك عسل اوي
مها .شكرا
ايمن .انتي ليه كده
مها .هو ايه اللي ليه كده
ايمن .قصدي يعني ليه بتكلميني بالعافيه
مها .ولا با العافيه ولا حاجه هو حضرتك محتاج حاجه من هنا
ايمن .ايوه محتاج
مها .ها محتاج ايه استاذ ياسين مش موجود
ايمن.ومين قالك ان انا عايز ياسين انا عايز سكرتيره قمر كده زي سكرتيرة ياسين
مها .استاذ ايمن كفايه بقه انا سكت لحضرتك كتير اوي من ساعة ما شوفتني هنا في الشركه وحضرتك مش مبطل كلامك ده
ايمن .طب انتي زعلانه اوي كده ليه
مها .ايوه زعلانه علشان انا مش بتاعة الكلام ده
ايمن .طب هو مين قال اصلا ان انا شايفك بتاعة الكلام ده
مها .حضرتك طريقتك واسلوبك بيقول إن انت شايفني واحده مش كويسه
ايمن .طب ليه متقوليش انه أعجاب ليه متقوليش ان انا قلبي بيدق اوي لما بشوفك
مها.بغضب تاني حضرتك الكلام ده
ايمن .مها انا عايز ارتبط بيكي
مها.نعم
ايمن .انا مش هلاقي حد زيك محترم اوي كده وانا خلاص كلها شهر وهسافر فممكن يعني نتعرف علي بعض
مها.نتعرف ازاي يعني
ايمن .نتعرف يا مها تعرفينى واعرفك مالك يا ماما نتعرف علشان اخد خطوه ايجابيه معاكي
مها.بس انا مش في دماغي الموضوع ده
ايمن .ولا انا كمان كان في دماغي بس هتصدقيني لو قولتلك ان انا من اول ما شوفتك وانتي شداني اوي.
انا مش عايز اسمع منك اي حاجه دلوقتي لكن اوعديني تفكري في الموضوع ثم انا والله قمر وابن ناس وكل البنات بتلف حواليه بس المشكله النفس
بقه يغمز ايمن لمها ويسبها ويخرج
تقعد مها وتنزل دموعها دموع حزن كما تمنت تسمع هذا الكلام من ياسين ولكن ليس كل ما يتمناه الإنسان يحصل عليه
.........
ماجده .خلصتي
نسمه .ايوه خلصت كل حاجه
ماجده .انتي رايحه فين كده
نسمه .هغير هدومي
ماجده .هو في حد ياختي يعمل حاجات الشقه با الهدوم دي
نسمه .ام انتي حضرتك عايزانى اعمل بانهي هدوم
ماجده .هدومك القديمه بتاعتك اللي كنتي بتلبسيها عند امك ولا انتي علشان مش واخده علي النظافه ياختي فاتلبسي اي حاجه وتعملي بيها حاجات البيت
سلوى.اه والنبي امي عندها حق مش دي الهدوم اللي جايبها ليكي عمر
تنظر نسمه لسلوي بحزن ايوه هي
سلوي .طب حافظي علي الهدوم الغاليه دي يا حبيبتي مش تبهدليها كده
ماجده .اه ياختي هو انتي غرمانه حاجه ماهو ابني اللي بيجيب
تدخل نسمه غرفت عمر وتبكي بحرقه تنظر علي التليفون
نسمه .بسرعه الو
عمر .كنتي فين كل ده
نسمه .مسمعتش التليفون انا اسفه انت وحشتني اوي يا عمر
عمر..انا لحقت اوحشك
نسمه .انت وحشتني من اول ما خرجت من البيت
عمر.انتي اللي وحشتني اوي ياحبيبتي هو انتي مالك يا نسمه صوتك في حاجه
نسمه .بحزن لا ابدا مافيش حاجه انا بس تعبانه شويه
عمر .تعبانه مالك فيكي ايه
نسمه . متقلقش عليا المهم انت عامل ايه
عمر .انا الحمد لله المهم انتي اوعي تقعدي لوحدك خلي مامتك علي طول معاكي
نسمه .انا هنا عندكم يا عمر
عمر .نعم انتي ازاي تخرجي ومتقوليش ان انتي خارجه
نسمه .انا جيت امبارح مع سلوى ومامتك هنا
عمر .ليه احنا مش متفقين إن انتي هتقعدي في بيتك أو مع امك
نسمه .مامتك هي اللي قالتلي اجي اقعد معاهم هنا وانا قولت اسبوع هنا واسبوع عند ماما
عمر .هو انتي مرتاحه كده
نسمه .لا الصراحه يا عمر نفسي ارجع بيتي
عمر .طب قومي دلوقتي اطلعي علي بيتنا
نسمه .انا خايفه مامتك تزعل
عمر .محدش ليه حاجه عندك أنا جوزك واللي بقولك عليه اعملي انتي فاهمه
...........
تدخل ماريا الشركه وتنظر بانبهار
ياسين .ايه رايك في شركتنا
ماريا.جميله جدا حلوه اوي ماشاء الله
ياسين.تعالي معايا بقه افرجك علي كل حته فيها
ماريا .بحزن لا مش عايزه اشوف حاجه انا بس عايزه اقعد مع مها شويه وامشي
ياسين .ماانا هخليكى تقعدي مع مها فعلا بس الاول افرجك علي الشركه طب لو قولتلك كمان بابا هيكون مبسوط اوي لما يشوفك كويسه
تمشي ماريا مع ياسين بتردد
.........
يقعد حمزه علي الكرسي ويضع رأسه علي المكتب
تتدخل نيفين وتقترب من حمزه وتضع صوابع يديها في راسيه انت وحشتني اوي
يرفع حمزه رأسه انتي ازي دخلتي هنا
نيفين.انت زعلان اوي كده علشان دخلت هنا
يرفع حمزه سماعة التليفون تقفل تمسك نيفين السماعه وتتكلم بدلال انت هتعمل ايه
يبتعد حمزه خطوه للخلف هشوف ازاي دخلتي هنا
تقترب نيفين من حمزه وتميل عليه وتتكلم بصوت ضعيف عارف انا بحبك اوي يا حمزه
حمزه .بجمود نيفين اللي انتي بتعملي ده غلط ابعدي احسلك
نيفين .بضعف اكتر مش قادره ابعد عنك حتى لو خطوه واحده ياحمزه
يفتح ياسين في هذه اللحظه الباب تنظر ماريا لحمزه بغضب
ياسين .انا اسف حقك عليا مكنتش عارف ان نيفين معاك محدش قالي بره واسف ان انا فتحت الباب ودخلت مره واحده
ينظر حمزه لياسين بغضب شديد
حمزه .كنت عايز حاجه من هنا علشان تيجي المكتب بتاعي
ياسين .ها لا ابدا ده انا قولت تشوف ماريا علشان بقت احسن
حمزه .اكيد لو كان ده اللي كنت عايزه فعلا كنت خبطت قبل ما تدخل
ياسين .انا قولت افتح مره واحده واعملهالك مفاجاه
حمزه .اكيد مش مفاجاه عليا علشان انا عارف ان هي هتفك الجبس وانا اللي حاجز ليها عند الدكتور علي العموم حمد لله على السلامه
ماريا .بغضب شكرا
حمزه .بعد كده مكتبي متدخلهوش مره واحده كده تاني
ياسين .حاضر
حمزه .خد الباب وراك وأخرج بقه
ماريا .ايوه فعلا لازم نخرج علشان شكلنا قطعنا كلام مهم اوي ببنكم
يستمر حمزه بنظر لياسين بغضب ولم ينظر لماريا
تخرج ماريا وياسين
ينظر حمزه لنيفين بطلي الحركات بتاعتك الرخيصة اوي دي يا نيفين وروحي قولي اللي خلاكي تيجي هنا يبطل الحركات الزباله دي
نيفين .حمزه انت فاهم غلط
حمزه .يكتم غضبه اللي عندي قولتهولك ويلا اخرجي بره ومتجيش الشركه هنا تاني وصدقيني يانيفين هتشوفي مني وش تاني عمرك ما شوفتيه لو حصل منك تاني اللي عملتيه دلوقتي
........
ياسين .مالك
ماريا . مافيش حاجه
ياسين.ماريا انا مش عايز اشوف وشك زعلان كده
ماريا .تتكلم عكس ما بداخلها انا مش زعلانه ولا حاجه هزعل ليه ومن ايه
ياسين .طب تعالي ادخلك مكتب مها علشان تقعدي معاها شويه زي ما انتي عايزه
ماريا .لا خلاص مش قادره اتكلم ولا اقعد مع حده حاسه ان انا تعبانه اوي
ياسين .طب تعالي نرجع البيت مع ان كنت عايز اتكلم معاكي في موضوع كده بس خلاص بعدين علشان انتي شايفك فعلا تعبانه
ماريا .لا قول دلوقتي في حاجه
ياسين .لا مافيش بس كنت عايز اعترفلك بحاجه انا بحبك يا ماريا واتمنى ان انتي توافقي وتقبلي اني اتجوزك
ماريا .بدون تفكير انا موافقه
................
💔💔💔
