ينظر حمزه لسالم
حمزه. حاضر بس انا مش هقعد هنا تاني
سالم .لا اوعى تقول كده
حمزه . بغضب ارجوك كفايه كفايه ضغط عليا اكتر من كده
سالم . اهدا خلاص لو هتسافر ممكن تأجل قرارك دلوقتي وانا هحاول مع ياسين يمكن يتنزل عن قراره لكن من هنا لحد ما يتنزل عايزك توعدني إن انت متقربش اكتر من كده من ماريا
ينظر حمزه لسالم بحزن ويخرج خارج المكتب
ويصعد لغرفته يدخل الغرفه ولكن يتفاجاه بوجود ماريا تقعد علي سرير حمزه
حمزه .انتي
..........
نسمه .خلي بالك من نفسك
عمر .كفايه بقه دموعك دي انا كمان 3شهور هبعتلك تقعدي معايا هناك
نسمه. انا مش هقدر استنى 3شهور علشان اشوفك
عمرو ولا انا ياحبيبتي هقدر استحمل بعدك عني بس اعمل ايه
ماجده .ما كفايه بقه يا حبيبتي وسبيه بقه علشان يلحق معاد الطائره
تنظر نسمه لماجده بغضب
سلوي .مع السلامه انت يا عمر احسن انت لو فضلت كده مش هتسافر ابدا
لم ينظر عمر غير لنسمة وينزل علي أذنها عارفه انا مش شايف حد غيرك بيسلم عليا بحب ولهفه يارب تفضلي علي طول حنينه عليا
تنزل دموع نسمه اكتر واكتر
عمر .خلي بالكم من نفسكم
................
ماريا .ايوه انا ولا انت كنت عايزه حد غيري يكون مستنيك
حمزه .قصدك ايه
ماريا .قصدي نيفين في ايه بينك وبينها عايزه اعرف اللي انا سمعته تحت ده ايه رد عليا
حمزه .ينظر لها بحزن سمعتي ايه
ماريا .انا بسالك دلوقتي رد علي سوالي الله يخليك متسبنيش كده انت فعلا هتتجوز نيفين
حمزه .يبتعد عيونه عن ماريا انا يتكلم بتردد ايوه هتجوز نيفين
تقترب ماريا وتنزل دموعها وتنظر لعيون حمزه بصلي قولها في وشي قول ان انت بتكدب عليا قول ان لما شوفتها في حضنك إن ده غلط قول انت مش هتقدر تعمل كده فيا ياحمزه اكيد الكلام ده غلط قول وانا هصدقك علي طول ارجوك يا حمزه انا بموت وهموت اكتر لو بعدت عني
ينظر حمزه لماريا بجمود عكس ما بداخله
خلصتي كلامك اتفضلي بقه
لا مخلصتش كلامي تمسك ماريا حمزه من يديها
ينظر حمزه علي يد ماريا
ماريا بصوت مخنوق ايه كل الجمود اللي في عيونك ده قلبك ده ايه انا سعات بحس ان انا اسعد وحده في الدنيا لما بشوف في عيونك حبك ليا وساعت بتنزلني لسابع ارض من نظرتك دي انت ايه ياشيخ
حمزه .اسكتي بقه كفايه كلامك.ده بيوجعني
ماريا .لا مش كفايه انت اللي زيك مش بيتوجع زينا عارف انت ايه يا حمزه انت اوحش انسان شوفته في حياتي كنت فاكره ان انا مشوفتش قسوه غير من واحد بس في حياتي وطلعت انت اسوء منه انت اسوء شخص عرفته وشوفته
انا ندمانه إن عرفتك ندمانه إن انت دخلت في حياتي انا كنت بحاول ابعد بس مكنتش قادره ابعد عنك لكن أنا دلوقتي مش هبعد وبس انا مش هفتكرك اصلا انا بكرهك يا حمزه بكره اليوم اللي شوفتك في انا بقات اكره ايدي دي علشان لمستك
.............
ماجده .اقفلي يلا بقه الشقه دي وتعالي عيشي معانا
نسمه .اقفل الشقه ازاي يعني
ماجده .ايوه ما انتي عايزه تقعدي هنا لوحدك
نسمه .انا مقولتش كده لكن حضرتك معاكي سلوي تونسك في بيتك لكن أنا متفقه مع عمر ان انا هجيب ماما تقعد معايا أو هروح اقعد مع امي وابقه اجي لحضرتك
ماجده .نعم يا حبيبتي لا طبعا بيت ابني هيتقفل ولا انتي ولا امك هتيجي تقعدي هنا ده ازاي يعني
سلوى .هو ايه اللي ازاي انتي اللي ازاي وحده زيك تقعد لوحدها
نسمه .انا بقول ان انا مش هقعد لوحدي
ماجده .وانا بقولك مش هينفع انتي هتقعدي معايا
نسمه .وانا كمان بقول لحضرتك إن انا هقعد مع امي حتى لو مش عايزاني اقعد هنا انا هقعد عندها في شقتها
.........
سالم .كنت فين كل ده
عفاف . كنت في النادي
سالم .كل ده في النادي
عفاف. مالك ياسالم فيك حاجه
سالم .في ان انتي لازم تتكلمي مع ابنك
عفاف .انهي واحد فيهم
سالم .لم اقول ابنك يبقى ياسين لأن حمزه عمره ما كان ابنك يا عفاف
عفاف .طب ليه بتقول كده انت عارف ان انا عمري ما فرقت بنهم
سالم .انتي عمرك ما فرقتي انتي كنتي زمان عايزه كل حاجه لياسين ابنك انتي السبب في اللي بيحصل ده
عفاف. انا السبب في ايه
سالم .طول عمرك وانتي مخليا يا سين اناني
عفاف .وانت طول عمرك بتفضل حمزه علي ياسين .
سالم .لا الاتنين اولادي انا عمري ما فرقت بنهم لكن لما كنت بشوفك بتفضلي ياسين علي حمزه خلتيني اعوض ابني عن غياب أمه انتي السبب يا عفاف.
الله يسامحك
عفاف .خلاص ياسالم اللي فات مات وانت شوفت ان انا اتغيرت من زمان اوي وعاملت حمزه زي ياسين بالظبط
سالم .لو قولتلك وريني هتعملي ايه لما اقولك ان حمزه وياسين عايزين يتجوزو نفس البنت
عفاف .بصدمه قصدك ايه
سالم .قصدي ان حمزه بيحب ماريا وابنك عارف ان هو بيحبها وبالرغم من كده قاله ان هو عايز يتجوزها ومهدد حمزه بأن لو اتجوز ماريا هيموت نفسه
عفاف .بصدمه انت بتقول ايه يا سالم انا مش مصدقه
سالم .بقول اللي انتي سمعاه ده اتكلمي انتي مع ابنك يا عفاف علشان انا مش عايز اتدخل علشان مفضلش في عين ابنك ان انا الاب الغبي اللي بيحب حمزه و بس
عفاف .ما انا نفسي شايفه كده دلوقتي
سالم .بذهول قصدك ايه
عفاف .قصدي ان انا شايفك دلوقتي بتفضل حمزه علي ياسين
سالم.حمزه بيحب البنت من زمان اوي ياعفاف
عفاف .مافيش فرق بيحبها من أمتي في فرق بين انسان عاقل زي حمزه وواحد مجنون زي ياسين
سالم .يعني انتي قصدك ايه انتي موافقه علي الكلام
ده
عفاف .ايوه موافقه إن ياسين هو اللي يتجوز ماريا وحمزه ينساها ولا انت عايز ابنك يعمل في نفسه حاجه
سالم .ياسين علشان هو ابنك انتي قولتي كده شوفتي حكمتي با ايه
عفاف. لا مش كده
سالم .اسكتي اسكتي خالص ياعفاف انتي عمرك ما هتتغيري هيفضل قلبك مايل لياسين اكتر من حمزه حمزه اللي شوفت في عيونه كسره عمري ماشوفتها في حياتي حتى لما أمه ماتت محاولتش اقوله ان انت كان ليك ام وماتت علشان ميحسش ان هو يتيم لكن إنا النهارده حسيت إن ابني يتيم شوفتها في عينه وحستها في كلامك لكن أنا كنت هسكت وكنت هسيبك انتي تتكلمي لكن أنا دلوقتي اللي هتكلم مع ابنك يا عفاف
............
احسان .تعالي ياحبيبتي
تدخل نسمه تبكي في حضن امها
احسان .ايه اللي حصل مالك يابنتي
نسمه .انا شكلي هتعب اوي يا ماما من بعد ما عمر سافر وسبني
احسان .ليه بتقولي كده تعالي احكيلي
نسمه .تحكي نسمه ما حدث لها بعد سفر عمر
احسان .اهدي بس وانا هتكلم معاها
نسمه .لا يا ماما اوعي تعملي كده انا مش عايزاها تقول إن انا كل حاجه بقولها ليكي
احسان. طب اسمعي مني اللي هقولك عليها
نسمه .حاضر
احسان .قومي دلوقتي خبطي عليهم وادخلي باتي معاهم
نسمه .ايه اللي انتي بتقول ده بس
احسان .اسمعي كلامي يابنتي واعملي اللي بقولك عليها ادخلي باتي معاهم وخليهم هما اول اسبوع ده باتي معاهم هما وانا تاني اسبوع خليهم هما الاول في كل حاجه وانا عمرى ما هزعل انا امك وحطه ليكي مليون عذر يابنتي فقومي يلا روحي اقعدي معاهم
.............
سالم. بصوت عالي ياسين ياسين
ياسين .نعم يابابا
سالم .تعالى ورايه واقفل الباب واقعد هنا
ياسين .نعم
سالم .نعم ايه اللي حصل بينك وبين حمزه
ياسين .محصلش حاجه
سالم .امال ايه الكلام اللي حضرتك قولتو ليه ده
ياسين .انا قولت اللي هعمله
سالم .يعني كلام حمزه صح ان انت هتموت نفسك لو حمزه اتجوز ماريا ليه يابني تقول كده وليه تعمل كده في اخوك وليه عايز تعمل كده في نفسك
ياسين . وليه انت متوقفش جنبي انا حتى لو لمره واحده في حياتك ليه مش عايز تكون الاب الحنين
سالم .انا ياسين انا مش حنين عليك
ياسين .ايوه كل حاجه حمزه حمزه فضلته عليا في كل حاجه عمرك ما قسيت عليه لكن أنا كنت بتقسى عليا اكتر واكتر
سالم .يابني افهم انا عمري ما فرقت بنكم انا بس كنت بكون جامد معاك علشان انت طايش ومتهور وكنت بخاف عليك لكن مش قسوه مني
ياسين .لا قسوه عمرى ما شوفتها خوف عليا
سالم .طب علشان خاطري يابني أنسى اللي في دماغك ده وفكر في واحده تانيه
ياسين .لا مش هفكر في واحده تانيه انا مش هتجوز غير ماريا
سالم .حتى لو قولتلك ان هي مش بتحبك وبتحب حمزه
ياسين .حتى لو قولتلي كده انا هخليها تحبني
سالم .بغضب هو بالعافيه يابني
ياسين .ايوه بالعافيه زي ماحضرتك عايزني أسبها بالعافيه انا مش هتنازل عن ماريا يا بابا
سالم .حرام عليك يا ياسين هتكسر قلب اخوك
ياسين .يعني حرام كسرة قلب حمزه ومش حرام كسرة قلبي انا
........
ايه كمية الرسايل دي كلها
انتي كنتي فين كل ده
معلش كنت مشغوله شويه
مشغوله في ايه يعني
قولتلك مشغوله
وانا بقولك مشغوله في ايه انا بعت ليكي مليون رساله لحد دلوقتي فردي عليا
كنت مشغوله مع ماما خلاص استريحت بقه دلوقتي
طب ليه مقولتيش كده من الاول ليه اللف ده
لف ايه بس ده انا مبسوطه علشان لما بعدت عنك شوفت خوفك عليا
انا كنت قلقان عليكي اوي انتي عرفتي تعلقليني بيكي لدرجه ان انا مقدرتش ابعد عنك حتى لو يوم واحد
..............
لم يستطع حمزه اكتر من هذه يسحب ماريا داخل حضنها قبل ان تخرج ويشدها علي صدره بحب ويحضنها
تحاول ماريا ان تبعد عن حمزه ولكن حمزه كان يجذبها اكتر واكتر
ماريا .اوعي كده سبني انا بكرهك
تنزل دموع حمزه بانهيار ويتكلم داخل نفسه انا عارف ان انتي هتكرهيني وهتكرهيني اكتر لكن أنا عمري ماهكرك وعمري ماهنساكي هتفضلي في قلبي يا ماريا
ماريا .قولتلك اوعي بقه
يرفع حمزه يديه من علي ماريا ويبتعد عنها
تنظر ماريا لحمزه بقسوه والله لهخليك تندم علي اللي عملته ده وهخليك تندم اكتر علي كسرة قلبي اللي كسرتهاللي ياحمزه
تخرج ماريا من غرفته وينهار حمزه انا انكسرت خلاص انكسرت لما وافقت ابعد عنك يا ماريا
........
