ينظر حمزه لرد فعل ماريا ينظر وينتظر وقلبه يتمزق
ماريا .تنظر في عيون حمزه وتنزل دموعها بحرقه انا موافقه يا ياسين ومش اخر الشهر اخر الاسبوع وانا بعتذر انا مش عايز ه اشتغل في الشركه انا هكون مشغوله في تحضير الفرح تسحب شنطتها وتخرج خارج الشركه يخرج وراها ياسين
ينظر سالم لحمزه بحزن شديد
سالم .انا كان نفسي اسعدك يابني بس انا المره دي شوفت في عيون ياسين حب حقيقي مش انانيه شكل الانانيه اتحولت لحب يابني
حمزه .بقهر كل اللي انا في انت السبب في لو سمحت سبني لوحدي مش عايز اتكلم انا عملت اللي انت طلبته مني
سالم .بحزن سافر يا حمزه سافر يابني
؟......
ايمن .دكتور بسرعه
يدخل قسم الاستقبال يجري بيها ويدخل اوضه الكشف بسرعه اقوم شوفها بسرعه رافضه تفوق
الدكتور .طب لو سمحت أخرج بره وانا هطمنكم
يخرج ايمن وإحسان ومديحه
احسان .انا مش عارفه اشكرك ازاي يابني
ايمن .مافيش شكرا ولا حاجه المهم تطمني عليه
...........
ايه ده بص الحق شوف مين دي
اسامه .دي نيفين
اه ياعم نيفين بص اتغيرت اوي انا مش مصدق
يقف اسامه ويتجه ل نفين
ياعم انت رايح فين بس
اسامه .ملكش دعوه نيفين نيفين .
نيفين .نعم يا اسامه
اسامه .ايه التغير ده
نيفين .ده مش تغير ده هدايه ربنا
اسامه .بس انتي حلوه اوي كده احسن من الاول بكتير.نيفين اكيد احلي يا اسامه علشان في طاعه الله
اسامه .انا فخور بيكي اوي
نيفين .شكرا بس انا عايزاك تسامحني علي اللي صدر مني تجاهك اخر مره انا اسفه
اسامه .انا النهارده نسيت كل حاجه عملتيها معايا انا حاسس ان انا اعرفك من النهارده بس كل اللي فات انتها
نيفين .وده عشمي فيك ربنا يهديك زي ما هداني
اسامه .يعني لو ربنا هداني ممكن تفكرى فيا وتفكرى في عرضي ليكي للجواز
نيفين .مش هقدر اوعدك بحاجه احنا قلبنا ملناش عليها وسيط
اسامه .بس انا مش هياس وابعد عندك انا هفضل جنبك ومعاكي
نيفين .مش هينفع يا أسامه قلبي مستحيل يفتح لحد
اسامه .حتى لو مش هيفتح ليا هيفضل عندي امل
............
الدكتور . هي كويسه وفافت بس رافضه الكلام والحركه عندها حاله نفسيه شكلها اتعرضت لضغط أو حاله نفسيه هو اللي وصلها لكده
احسان .يعني قصدك ايه بنتي خلاص ضاعت مني
الدكتور . متخافيش حضرتك ده انهيار عصبي وهيروح
ايمن .ياريت تتابع الحاله بتاعتها وانا متكفل بكل المصاريف
.............
ماجده .تعالي اقعد يابني هنا ربنا ينتقم منها
عمر .انا مش مصدق ان اتضحك عليا من بت زي دي
ماجده.احمد ربنا ان ظهر ليك حقيقتها
عمر .سيبوني لوحدي أخرجو بره وسيبوني
ماجده .تعالي نخرج ونسيب اخوكي لوحده
تخرج سلوي ولم تنطق بأى كلام
ماجده. مالك يابت عامله زي الإنسان الالي كده ليه
سلوي .مافيش
ماجده .لا فيكي حاجه ردي في ايه
سلوي .مافيش حاجه وسبيني في حالي
ماجده. بكره تيجي لحد عندي وتقوليلي مالك فيكي ايه
..........
فلاش باك
عفاف .انا مش مصدقه يا محمود ان انت تعمل كده في سعاد
محمود .اخرجي بره وملكيش دعوه باي حاجه
عفاف .ازي تنتقم كده ازاي تعمل كده في سعاد
محمود .انتي السبب انتي حطيتي راسي في الأرض
عفاف .انا اتجوزت يا محمود انتي عمرك ما كنت فايق ليا انا كنت بضيع وكنت فعلا هحط راسك في الأرض لكن سالم جه وانقذني من الضياع ثم انا اتجوزت علي سنه الله ورسوله يا محمود
لكن انت مش كسرت سالم انت كسرت سعاد سعاد حامل يا محمود
محمود .حامل
عفاف. ايوه حامل انت مش عارف لو سالم عرف هيحصل ايه هيعمل فيك ايه اتجوزها يا محمود اتجوزها واستر عليها
محمود .لا مش هتجوزها وخليها تنزل اللي في بطنها
عفاف .ازاي يعني دي بنت خالتك ليه كده
محمود .قولت مش هتجوزها وخليها تنزل اللي في بطنها واخرجي بره من هنا
عوده
تنزل دموع محمود ويتكلم داخل نفسه سامحيني يا سعاد انا عارف ان اسفي جه متاخر بس سامحيني ياريت تكوني حاسه بيا انا كنت شاب طايش مش عارف انا عملت كده ازاي فيكي انتي كان شيطاني عميني بعد موتك اتغيرت خالص انكسرت يا سعاد انكسرت ياريتك كنتي جنبي ومعايا دلوقتي ياريتك موجوده معايا كنت صلحت حاجات كتير سامحيني
...............
مديحه.عامله ايه يا حبيبتي
ماريا.الحمد الله
مديحه .مال صوتك
ماريا .مافيش حاجه انتي فين انا عايزه اشوفك
مديحه .انا مشغوله اوي يا بنتي نسمه بنت احسان تعبانه وانا معاها في المستشفى بعدين احكيلك
ماريا .انا كنت عايزه اجي اقعد معاكي
مديحه .بجد ياريت يا حبيبتي ياريت بس استني اروح البيت الجديد بدل ما ترجعي تعيشي معايا في الحاره الزفت دي
ماريا .انا هاجي اقعد معاكي موقت قبل ما اتجوز
مديحه. هتتجوزي بجد يا ماريا
ينتبه ايمن ل كلام مديحه
أمتي وهتتجوزي مين
ماريا .هتجوز ياسين ابن الناس اللي عايشه معاهم
وهتجوز يوم الخميس اللي جاي
مديحه .يعني هتتجوزي اخر الاسبوع
ماريا .ايوه بعدين احكيلك بس ياريت لما تروحي البيت الجديد قوليلي علشان اجي اقعد معاكي انا محتجالك اوي
مديحه .حاضر يا حبيبتي حاضر من عنيه انا كمان محتاجه ليكي اوي و نفسي اشوفك اوي خلي بالك من نفسك يا حبيبتي
ماريا .حاضر سلام
............
عفاف. بجد ياسين بجد وافقت تتجوزو اخر الاسبوع
ياسين .ايوه انا فرحان اوي
عفاف .ربنا يسعدك يارب
ياسين . حبيبتي تسلميلي يارب
عفاف. انا هجهز كل حاجه متقلقش من اي حاجه
هي فين ماريا عايزه ابارك لها
ياسين .سبتها في الجنينه وقولت ادخل افرحك
عفاف .طب روح شوف انت التجهيزات بتاعتك وسبلي انا ماريا والتجهيزات بتاعة الفرح
...........
تدخل نيفين الشركه وتطلع لمكتب حمزه تفتح الباب وتنصدم من شكل الغرفه
نيفين.ايه ده
يرفع حمزه نظره لها
نيفين .ايه اللي عمل في المكتب بتاعك كده
حمزه .اخرجي بره لو سمحتي يا نيفين
نيفين .أخرج بره ليه يا حمزه هو انا قولت حاجه انا بس مستغربه من منظر مكتبك وكمان يعني انت مش شايف اي حاجه متغيره فيا
حمزه .مبروك يا نيفين ربنا يهديكي
نيفين. الله يبارك فيك يعني عجبك التغير اللي انا في
حمزه .ياريت يكون تغير بره وجوه كمان مش بره بس
نيفين.صدقيني يا حمزه من جوه قبل بره كمان انا اتغيرت خالص
حمزه .كويس
نيفين. مالك يا حمزه انا عارفه ايه اللي مغيرك عارفه ايه اللي مخليك زعلان كده انساها يا حمزه انا عارفه ان ياسين متعلق بيها اوي فكر في حياتك وسبها تعيش حياتها انت طول عمرك ما بتعرفش تكون أناني فاعلشان كده انساها
حمزه.ممكن لو سمحتي تسبيني لوحدي
نيفين.حاضر ربنا يسعدك ويكتبلك الخير إنا بتمنى ليك إن انت تكون سعيد
.................
عفاف .الف مبروك يا حبيبتي
ماريا .الله يبارك في حضرتك
عفاف .من هنا لحد اخر الاسبوع هننزل كل يوم مع بعض نجيب كل حاجه انتي محتاجها
ماريا .انا مش محتاجه حاجه شكرا لحضرتك انا همشي وهبقى اجي علي معاد الفرح إن شاء الله
عفاف .تمشي تروحي فين تاني الكلام ده يا ماريا ما خلاص خلصنا انتي فرحك اخر الاسبوع عارفه يعني ايه يعني فاضل كام يوم بس وانا وانتي هتنزل كل يوم نجيب ليكي حاجات ونحضر مع بعض تجهيزات الفرح فمن هنا لحد اخر الاسبوع ياريت بلاش تفتحي موضوع ان انتي تمشي اعتبري نفسك لسه تعبانه واعتبريني انا واحده من أهلك ممكن بقه تسمعي كلامي وتخليكي معايا الاسبوع ده
ماريا .بس حضرتك مينفعش
عفاف.مافيش حاجه اسمها مينفعش لا ينفع ويلا حضري نفسك بقه علشان ننزل نشوف الفستان بتاعك
................
يمر أسبوع في تجهيز ماريا لحفل زفافه
طول فترة تحضير الفرح كان حمزه خارج الفيلا
وأيمن يعتني بنسمه كل يوم
عمر حالته النفسية تسوء اكتر واكتر
اما مها لما تستطيع السيطره علي مشاعرها وعلي حزنها علي ياسين ولما تستطيع التفكير في ايمن ولم تنتبه لكل محاولات ايمن فى التقرب منها
ويأتي معاد الفرح وتتمتلأ اصوات الاغاني في كل مكان
تلبس ماريا فستان الفرح وتكون بجنبها مها
يفتح ياسين باب الغرفه
ياسين.القمر جاهز
مها .تنظر لياسين لما تستطيع اخفاء مشاعرها تنزل دموعها من الحزن
ماريا.اه جاهزه
ياسين .انتي حلوه اوي يقترب منها وينزل ببوسه خفيفه علي رأسها
تنظر مها لما يفعله ياسين وقلبها يتمزق
عفاف .ربنا يسعدكم يارب يا حبيبي يلا خد عروستك وانزلها بيها في الجنينه انا جهزت ليك كل حاجه
يمسك ياسين يد ماريا شكرا يا امي ربنا يخليكي لينا يارب
عفاف .ويخليكم ليا يارب
ينزل ياسين من علي درج الفيلا تنظر ماريا بعيونها في كل مكان يتشوق قلبه لنظر لحمزه حتى لو لحظه واحده لكنها ستكون اللحظه الاخيره
ولكن لم تعلم بمن ينظر عليها من بعيد وتنزل دموعه بحرقه لم يستطيع الثبات اكتر من ذلك يدخل غرفه المكتب ويرمي كل شي داخل الغرفه و تنزل دموعه
ايمن .اهدا يا حمزه مش كده
تدخل نيفين وتبكي حزن علي ما وصله له حمزه
يمسك ايمن حمزه من الخلف اهدا يا حمزه مش كده
حمزه .ياريتني كنت موت يبكي بحرقه وتنزل دموعه قلبي وجعني اوي سبوني لوحدي أخرجو بره
ايمن .مش هينفع اسيبك كده
يخرج حمزه خارج الغرفه ويصعد لغرفه ماريا يقف علي باب الغرفه ويبكي يدخل ببطئ شديد ويقعد.علي السرير ويمسك المخده يشم عطرها وتسقط دموعه ويرتفع صوت بكاءه اكتر
ايمن .مش كده يا حمزه متعملش في نفسك كده ارجوك كل شي نصيب
حمزه .مش قادر اتخيل ان هي خلاص هتكون مرات اخويا مش قادر مش قادر اتخيل حاجه زي كده
ايمن . انا حاسس بكل حاجه جواك بس انساها يا حمزه وفكر في حياتك ومستقبلك و يلا بينا علشان تلحق معاد الطيارة انا حضرت ليك كل حاجه ونزلتها العربيه انت هتسافر وانا شهر وهكون معاك اعذرني ان انا مش هكون جنبك ومعاك الفتره دي بس انا هكون مطمن علشان هجيلك في اقرب وقت يلاعلشان تلحق معاد الطيارة بتاعتك
يقف حمزه ويمشي مع ايمن
وتخرج سيارة حمزه من الفيلا وتدخل سيارة محمود ومن خلفه مديحة
......................
بعتذر عن عدم النشر يوم الخميس والجمعة اعذروني كان عندي ظروف
❤️❤️❤️❤️❤️
