تعالي يابنتي فيكي ايه مالك قاعده كده ليه
نسمه .بدموع مافيش مشكله صغيره بس مع جوزي ممكن لو سمحتي اخد.عبايه من عند حضرتك علشان مش هعرف امشي بلبس البيت
تعالي خشي يابنتي ازي تمشي في الوقت ده
نسمه .لا شكرا لحضرتك
متخافيش والله يابنتي انا قاعده لوحدي تعالي اقعدي معايا لحد حتى النهار ما يطلع
نسمه .بانكسار وحزن حاضر
الله يسامح جوزك يابنتي ده انتي باين عليكي طيبه وبنت ناس و محترمه ازي يعمل فيكي كده
نسمه.بانهيار نصيبي كده
..............
يفتح ايمن نور الغرفه انت قاعد.كده ليه
حمزه .أطفى النور
ايمن . مينفعش تعمل في نفسك كده هو انت عرفت بمفاجاه ياسين
حمزه .بهدوء بس يا ايمن مش عايز اسمع اي كلمه في الموضوع ده بكره مديحه تروح الشقه اللي قولتلك عليه و دي اول حاجه تعملها الصبح بدرى قبل ما تروح الشركه
ايمن .والله ياعم من غير ما تقول كنت هعمل كده انت بتعمل ايه انت هتنام يا حمزه
حمزه.سبني لو سمحت لوحدي
ايمن .حاضر
........
تنزل نيفين من علي سلم الفيلا
ليلي .تعالي الفطار جاهز ايه ده هو انتي هتنزلي كده
نيفين.ياريت متتكلمش في الموضوع ده تاني لو سمحتي يا ماما
ليلي .عجبك اللي بنتك فيه ده محمود محمود رد عليا بكلمك انت روحت فين يسرح محمود في شكل نيفين بالطرحه ويفتكر سعاد
يقوم محمود بغضب من علي كرسي السفره ويدخل غرفه المكتب
يرمي نفسه علي كرسي المكتب ويغمض عنيه بعنف
فلاش باك
سعاد .انت تعمل فيا كده الله ينتقم منك يا محمود عملتلك انا ايه لكل ده
محمود .اخوكي هو اللي خلاني اعمل كده اتجوز اختي غصب عني فقولت اكسره بيكي علشان ارد ليه القلم ويلا امشي اخرجي بره من هنا
سعاد .حرام عليك انا ذنبي ايه انا لو قولته انت عملت فيا ايه مش هيسيبك يامحمود
محمود .انتي مش هتقدرى تقولي لسالم حاجه
عارفه ليه علشان ان انتي بتحبيني وبتحبي اخوكي وهتخافي عليه لما يعرف ان انا عملت فيكي كده
سعاد .حرام عليك
محمود . امشي اخرجي بره يلا يسحب سعاد من يديها بره امشي متورنيش وشك هنا تاني
عوده
يفتح درج المكتب ياخد صورة سعاد
سامحيني يا سعاد انتي مش عارفه انا بتقطع ازي كل ما افتكر انا عملت فيكي ايه فراقك مأثر فيا اوي شطاني كان عميني لو تعرفي ان فراقك كان السبب في تغييري ياسعاد يارتك كنتي موجوده في حياتي ياريتني ما كنت عملت كده ارحمني يارب
تدخل نيفين غرفه المكتب با با ممكن لو سمحت اتكلم معاك
محمود .بحزن تعالي اقعدي
نيفين.هو انت زعلان مني
محمود .لا مش زعلان منك ولا حاجه انا تعبت شويه وقولت اجي اقعد هنا
نيفين .انا مش عايزه حضرتك تزعل مني انا بحاول اتقرب من ربنا
محمود .عارف وده اللي مخليني مبسوط وبتاكد ان ربنا مش هيعاقبك علشان انتي بنتي
نيفين.قصد حضرتك ايه
محمود.ها لا مش قصدي حاجه يابنتي يلا انزلي شوفي انتي رايحه فين
نيفين.انا هروح النادي
...........
ياسين.صباح الخير
ماريا.صباح النور
سالم .تعالي اركبي معايا
ياسين .متتعبش نفسك انت يا بابا وانا هاخدها معايا
سالم .انا قولت ماريا هتركب معايا اركب انت عربيتك
يركب ياسين العربيه بغضب شديد
اركبي يابنتي يلا
ماريا .حاضر هو انا ممكن اسال حضرتك انا هشتغل ايه
سالم .بهدوء هتشتغلي سكرتيره
ماريا .سكرتيره لحضرتك
سالم .لا لحمزه
ماريا .بصدمه دكتور حمزه
سالم.ايوه هو محتاج سكرتيره كويسة وانا مش شايف حد كويس غيرك
ماريا . مينفعش اشتغل حاجه تانيه
سالم .لا مش هينفع هو ده احسن مكان ليكي صدقيني
............
احسان .نسمه ايه ده مالك يابنتي فيكي ايه
نسمه .ترمي نفسها في حضن امها انا تعبانه اوي يا ماما انا أطلقت
احسان .ايه اطلقتي يانهار اسود ليه حصل ايه
تفتح ماجده الباب .انا اقولك ياختي حصل ايه في ان انتي معرفتيش تربي بنتك تعالو يا ناس اتفرجه علي السفله الزباله اللي استنت ابني يسافر وخانته
احسان .اخرسي انا بنتي متربيه احسن تربيه
ماجده . بنتك المتربيه دي كانت بتبعت صورها لسيد طليق سلوى بنتي تعالو ياناس شوف البت اللي عملناها ست وابني كان مكفيها من كل حاجه ابني اكتشفها وهي بتخونه
نسمه لم تستطع إن تصمد اكتر من هذا تقع نسمه علي الارض وتصرخ احسان علي بنتها
...........
ايمن .اذيك يا ست مديحه عامله ايه
مديحه .الحمد لله يابني انت عامل ايه
ايمن .بخير الحمد الله جاهزه نمشي
مديحه. ممكن يابني ثواني بس اكمل بقيت الحاجه بتاعتي
ايمن .طبعا هستناكي في العربيه
مديحه .ماشي يابني
..........
عمر .انت تعمل فيا انا كده يا ابن ............
سيد .انا مقدر اللي انت في تعال نخش
يضرب عمر سيد اكتر من ضربه
سيد. بس بقه بس أنا مكنتش اعرف ان هي نسمه
عمر .مكنتش تعرف ازاي يا حيوان
سيد.والله مكنت اعرف هي فضلت تكلم فيا وفي الاخر بعتتلي صورها حتى شوف انا قولتلها ايه لما عرفت ان هي نسمه هي اللي زباله يا عمر هي متستهلكش
عمر .انا دي تعمل فيا انا كده والله لأخرجها من الحاره
.............
سالم .اقعدي هنا يا ماريا لو حمزه طلب اي حاجه خوشي وعرفيه ان انتي السكرتيرة بتاعته الجديده
ماريا .هو حضرتك مقولتلوش
سالم .مجاش الوقت المناسب ان اقوله
ماريا .طب انا كنت عايزه اسال حضرتك سوال
سالم. من غير سؤال دلوقتي يا ماريا خليكي دلوقتي في الشغل بتاعك
ماريا .حاضر
يرفع حمزه السماعه
ترفع ماريا السماعه بتردد
عايز كوبايه قهوه دلوقتي علي مكتبي
...........
مديحه .ايه الصوت ده استرها يارب تجري مديحه خترج منزلها
ايمن .خلصتي
مديحه .استنى يابني معلش اشوف في ايه
ايمن.طب تحبي اجي معاكي
تجري مديحه علي بيت احسان
مديحه .في ايه مالك يا احسان
احسان .بنتي يا مديحه الحقيني ساعديني
تمسك مديحه نسمه تعالي ننزل بيها علي اي دكتور
تعال يابني ساعدني والنبي
يدخل ايمن بحذر شديد خير يا ست مديحه
ساعدني نوديها اي دكتور
عمر. ياه ده انتي زباين بنتك كتير اوي وشكلهم اغنيه
احسان .اخرس يا زباله يا قليل الادب انا كنت غلطانه يوم مجوزتك بنتي الله ينتقم منك يا عمر ربنا يورينى فيك يوم
عمر .اخرسى لولا ان انتي ست كبيرة كنت كسرت رقبتك
ايمن.احتراطم نفسك
عمر .ايه زعلان اوي عليهم شكلك واحد من زباين المدام
ايمن.هو الشخص ده تباعكم
احسان .ده واحد كلب دخل حياتنا
طب طالما مش تبعكم وكلب يبقى يحترم نفسه ينهال ايمن علي عمر بالضرب لما يستطيع عمر المقاومه أمام ايمن
تصرخ ماجده باعلي صوت الحقوني يا ناس ابني هيموت
مديحه .كفايه كده يابني ويلا نلحق البت الغلبانه اللي رايحه فيها ومش عايزه تفوق
ينظر ايمن علي نسمه ويرفعها ويدخل بيها العربيه
.............
تخبط ماريا بتردد علي الباب
حمزه ينظر علي الاوراق سبيها هنا واخرجي
تقترب ماريا ببطئ من المكتب يملأ رائحه عطرها اركان المكتب يرفع حمزه عيونه من علي الاوراق انتي
ماريا. بحزن القهوه
حمزه .هو انتي السكرتيرة الجديده
ماريا. ايوه تضع ماريا القهوه
حمزه .خدى القهوه معاكي تاني مش عايزها
ماريا .لو مش حابب ان اشتغل معاك انت ممكن تقول لاستاذ سالم ويجبلك واحده غيرى خليه يجبلك نيفين
حمزه .فعلا انا هتكلم معاه علشان مش عايزك السكرتيره بتاعتي
ماريا .ايوه ما انا بقولك اكيد عايز نيفين سكرتيره ليك
حمزه.اظن إن ده ميخصكيش
ماريا .هو ايه اللي ميخصنيش عارف حتى لو رفضت ان اكون السكرتيره بتاعتك انا هصمم ان اشتغل معاك
حمزه .انتي عايزه ايه مني
تقترب ماريا من حمزه وانا هعوز ايه منك أنت انا هنا بشتغل عندك مش اكتر من كده عن اذنك
حمزه.مش عايز اشوفك تاني في المكتب بره
ماريا.بصدمه لدرجه دي
حمزه .ايوه لدرجه دي ابعدي عن حياتي خالص
تقترب ماريا عارف انت كل مره بتخليني اكرهك كل يوم اكتر انا اللي همشي من هنا خالص مش هخرج من المكتب بس انا هخرج من حياتك خالص مش هخليك حتى تشوفني لحظه
حمزه .استني هنا يمسك حمزه يد ماريا هتخرجي ازي من حياتي وانتي هتكونى مرات اخويا
ماريا .انا ولا هكون مرات اخوك ولا زفت انا اصلا مش عايزه اشوفك حتى صدفه في حياتي
حمزه .طالما مش عايزه تشوفيني اوي كده وافقتي ليه علي طلب ياسين
ماريا .كنت عايزه اوجعك زي ما وجعتني كان نفسى اكسر قلبك زي ما كسرتني بس انا دلوقتي اتاكدت ان انا مش في قلبك اصلا ولا حتى في خيالك انت لعبت بيا اوي يا حمزه لعبت بمشاعري واحساسي خلتني ادوب من كلمه تقولها ليا خلتني احس معاك احساس حلو اوي لكن طلعت انسان معندكش قلب ولا احساس
حمزه.يا سهل اوي عليكي تلعبي بمشاعر انسان علشان اوهام في دماغك اظن ان انتي مينفعش تبعدي علشان وعدتي ياسين بالجواز
ماريا.وانت وعدتني بحبك قولتلي بحبك سمعتها من قلبك قبل شفايفك ما تقولها انا مش مصدقه انت ايه يا اخي انت ازاي كده انت مش ممكن تكون انسان قلبك ده ايه انا بكرهك بكرهك اوي ملكش دعوه بيا خالص ومش هتجوز ياسين ياحمزه ابعد عني
تفتح ماريا باب المكتب تتفاجاه بياسين
ياسين.ماريا انتي هنا
ماريا .ايوه عن اذنك ياسين
ياسين .رايحه فين
ماريا .همشي
ياسين .هتمشي تروحي فين
ماريا .لو سمحت سبني يا ياسين
ياسين .لا مش هسيبك مش هسيبك تبعدي عني ارجوكي يا ماريا انا مش هقدر اعيش من غيرك
يسمع حمزه كل كلام يقوله ياسين وقلبه يتقطع من الغيره
ماريا .لو سمحت انسى اتفقنا مش هقدر اتجوزك
ياسين .لا اوعي تقولي كده انتي مستحيل تبعدي عني انتي وعدتيني إن احنا هنتجوز اخر الشهر انتي مش عارفه انا مستني الوقت ده بفارغ الصبر
ماريا .بدموع انا اسفه إن وعدتك بحاجه انا مكنتش هقدر عليها
ينظر ياسين لحمزه بغضب قولتلها ايه قولتلها ايه تخليها تبعد عني ماريا ارجوكي انتي ردتي فيا الامل لما وافقتي علي جوازنا
يخرج سالم علي صوت ياسين
وحياتي عندك متسبنيش انتي عمرك ماهتشوفي حد بيحبك قدي انا عمري ما هزعلك ارجوك قولها حاجه يا بابا قولها إن انا بحبها ارجوكي ردي عليا قولي ان انتي بتهزرى معايا
ينظر سالم علي ياسين وحمزه بحزن شديد يقع سالم في حيره
وتقع ماريا في نفس الحيره التي وضعت نفسها فيها
يقع كل كلام ياسين نار علي قلب حمزه هل يبعد حمزه وتبدأ حياه جديده بين ياسين وماريا حياه لم يكن فيها حمزه .ماذا سيحدث
هذه ما سنعرفه في الجزء القادمه ♥️
...........
