تفتح الباب سيده تدخل نيفين
نيفين .فين عمتو
سيده .جوه مخرجتش من الأوضه بتاعتها النهارده
نيفين .طب روحي انتي تطلع نيفين وتنظر علي غرفة ماريا تفتح الباب مره واحده
ماريا .انتي
نيفين .ايوه انا
ماريا .هو مش في باب تخبطي عليه
نيفين .لا ياشيخه علي اساس ان احنا قاعدين في بيتك هنا علشان تقوللنا ندخل أزاي
ماريا .حضرتك دي مش اوضة فاضيه علشان تدخلي فيها مره واحده وعلي فكره البيت ده مش بيتك انتي كمان
علشان تتحكم اوي كده
نيفين . تصدقي ان انتي واحده زباله و قليله الادب
ماريا . بهدوء وانا مش هرد عليكي هو انتي شوفتي قبل كده كلب حد بيعملو قيمه
نيفين . تصدقي ان انتي عايزه تتربي
ماريا .لم ترد
يخرج حمزه وأيمن علي صوت نيفين
حمزه .انتي بتعملي ايه هنا
نيفين .بصدمه حمزه انت هنا تجري علي صدر حمزه تعال شوف البنت اللي انتو مخلينها في بيتكم انا دخلت اسال عليها لقيتها بتشتمني وبتقولي انتي ايه اللي دخلك هنا
تبعد ماريا عيونها عن عيون حمزه تنظر لنيفين وهي داخل حضن حمزه تنزل رأسها للأرض وتسقط دموعها
يبعد حمزه نيفين وينظر لماريا
حمزه . بحزن هي نيفين ضيقتك في حاجه
ماريا .لم تنظر لحمزه لا
حمزه. انا مش مصدق كلام نيفين
تنظر نيفين لحمزه بغضب
ماريا . بغضب انا ميهمينش انت تصدق ولا لا انا المهم عندي ان انا مغلطتش في حد
نيفين بصدمه انتي ازاي تكلمي معاه كده
حمزه . بغضب ملكيش دعوه و اخرجي بره لو سمحتي يا نيفين
ايمن .تعالى ننزل تحت احنا
نيفين .بصوت عالي انا مش عارفه البنت دي عمله فيك ايه علشان تخليها تتجراء وتكلمك كده
لدرجه دي بتحب الناس الرخيصه
حمزه. بغضب نيفين ويرفع حمزه أيديه وقبل ما تنزل علي وجه نيفين كانت يد ماريا وعفاف تمسك يد حمزه
..................
عمر ايه اللي انتي عملتي ده
نسمه .عملت ايه
عمر .انا مش مصدق ان انتي خدتي من حاجتك وادتيهم
نسمه .وايه المشكله انت جايب ليا الدنيا كلها انا مش محتاجه حاجه
عمر .انا كل يوم بحس ان انتي كتيره عليا اوي
نسمه .متقولش كده ربنا يخليك لينا يارب
............
تدخل مها الشركه بخوف وتنظر لضخامة الشركه
الامن .هو حضرتك عايزه حاجه
مها.ها اه انا عندي مقابله مع استاذ ياسين
الامن .استني حضرتك في الرسبشن عقبال لما اشوف اسم حضرتك في الاستقبال
مها .ماشي تقعد مها وتنتظر
موظفه الاستقبال استاذ ياسين منتظر حضرتك فوق
اتفضلي معايا
تطلع مها وتنظر في كل مكان برهبه
يخبط الباب
ياسين .اتفضل
الموظفه استاذه مها
يقف ياسين خليها تتفضل تدخل مها مكتب ياسين
ياسين .اهلا وسهلا يرفع يده ويسلم عليها
مها.اهلا بحضرتك
ياسين بضحك شوفت الدنيا صغيره ازاي لا بتسلمي عليا كمان من بعد ما كنتي بتشوفي وشي تتعصبي ولااكنك شوفتي عفريت
مها.بكسوف ما حضرتك كان عليك تصرفات غريبه
ياسين .عارف
المهم دلوقتي ان انتي إن شاء الله من النهارده السكرتير ه بتاعتي
مها.بذهول بجد
ياسين .طبعا بجد لو عايزه تستلمي من النهارده انا تحت امرك جاهزة تبدأى من النهارده
مها.ايوه جاهزه
ياسين .طب اتفضلي علي المكتب بتاعك واستني مني أوامر الشغل
مها.بكسوف حاضر شكرا لحضرتك
.......
سلوي .بت خبيثة
ماجده .قصدك ايه
سلوي .يعني عمر كان جايب الحاجات دي وهي مثلت علشان تبين ان هي قال يعني كويسه
ماجده. لا هو اخوكي اصلا مجابش حاجه وهي جايبه الحاجه من عندها
سلوى .انتي هيخيل عليكي التمثيل ده
ماجده .مش كده بس هو قالي إن هو مش جايب حاجه لينا
سلوي .علي العموم هو كله من جيب اخويا وهي مش جابه علينا بحاجة وخليه هو صارف فلوس كلها عليها كده
... .........
عفاف .بدون كلام تسحب نيفين لغرفتها
ايمن .انا هستناك تحت
تنظر ماريا لحمزه بغضب اتفضل انت كمان بره
حمزه. انا مش هخلي بعد كده نيفين تضايقك خالص
ماريا .انت ملكش اي حق تدافع عني أو تتكلم معايا
حمزه. بحزن ماريا انا منمتش من امبارح انا نفسيتي تعبانه اوي انا اول مره معرفش اتصرف
ماريا .وانا مالي بكلامك ده انا مليش اي دعوه بحضرتك انت كنت الدكتور بتاعي في الجامعه وبس مش اكتر من كده وانا هنا ضيفه عندكم واكيد مليش علاقه بكلامك ده وبعد كده لو سمحت ياريت ميكونش في كلام بيني وبينك تاني
يخرج حمزه ولم يرد علي كلام ماريا
...............
عفاف .اللي عملتي ده غلط
نيفين .عملت ايه يا عمتو انتي المفروض تقولي الكلام ده لحمزه مش ليا انا
عفاف . نيفين انا عارفه ان انتي اللي دخلتي علي ماريا وقولتلها كلام زي الزفت
نيفين .وانتي بدفعي عنها اوي كده ليه يا عمتو هي عندك افضل مني اوي كده
عفاف. انتو الاتنين عندي غلاوة واحده
نيفين .نعم هي لحقت تكون غاليه عليكي وانتي يا عمتو تحطيني معاها في نفس الغلاوه ده اللي هو ازاي ده
عفاف. مش قصدي يعني قصدي ان هي كويسه وبلاش تضغطي عليها كفايه إن هي تعبانه
نيفين .سيبك منها هي بقه كده وقوليلي شوفتي تصرفات حمزه عامله معايا ايه
عفاف .معلش يا نيفين حمزه الايام دي تعبان شويه
فامعلش استحمليه
..............
مها .الو
ماريا .عامله ايه
مها .الحمد انتي عامله ايه
ماريا .الحمد لله
مها .انا فرحانه اوي ربنا عوضني الحمد لله الشركه هنا حلوه اوي يا ماريا مش مصدقه إن انا ممكن اشتغل هنا بجد مش عارفه اشكرك ازاي
ماريا . متشكرنيش ولا حاجه الموضوع جه صدفه والحمد لله ان انتي مبسوطه
مها. مبسوطه دي كلمه قليله
ماريا .انا طالبه منك حاجه ممكن تكلمي ماما مديحه علشان نفسي اطمن عليها اوي ومش عارفه اكلمها علشان كلمتها قبل وحافظ رد عليا
مها .حاضر يا حبيبتي هكلمها واطمنك عليها
ماريا .ماشي اسيبك انا تكملي شغل
..........
ياسين .الو ايه يابني فينك
اسامه .في الدنيا
ياسين .مالك في ايه
اسامه .مافيش حاجه
ياسين .ماتخلص بقه قول في ايه
اسامه .مكنتش اتوقع منك كده ابدا انت تعمل فيا كده تخليني اروح اكلم بنت خالك وقولها ان انا عايز ارتبط بيها لقيتها بتضحك وتقولي اتجوزك انت مع ان انت قولتلي ان انت هتكلمها اروح اكلمها علي اساس ان انت كلمتها لقيتها بترفضني بطريقه زباله وكمان عرفت ان هي بتحب اخوك حمزه ولما كلمتك مقولتليش حاجه زي كده
ياسين .انا مكنتش اعرف ان انت هتروح تكلمها ونيفين بتحب حمزه زي اخوها
اسامه .بانفعال لا يا سين نيفين بتحب حمزه مش زي اخوها وانت عارف كده كويس بجد مش عارف اقولك ايه يا صاحبي كل اللي اقدر اقولهولك انا مش عايز اعرفك تاني
ياسين .بحزن اسامه استنى انا كنت عايزك بس
اسامه .مش هسمع منك ولا كلمه سلام
..........
ويمر الوقت في بعد ماريا عن أي مجلس يجلس في حمزه
ياسين يحاول بشتي الطرق التقرب من ماريا باي طريقه
ويبداء ايمن شغل في الشركه مع حمزه وأيمن
ومها تنقل اخبار مديحه لماريا
وحافظ لما يهداء ويستمر بالضغط علي مديحه لمعرفت مكان ماريا
وعمر ونسمه يعيشان في سعاده
لكن هل تستمر السعاده في وجود سلوي
..........
ما ساتفعله سلوي مع نسمه حدثه با الفعل ودخلتها في الروايه علشان تكون من واقع الحياه
عارفه ان البارت مش طويل بس كان لازم انشر بارت انهارده زي ما وعدتكم علشان النهارده عيد ميلادي 😘❤️❤️
١١/٢
