يبتعد حمزه خطوات للخلف
ماريا بارتباك اتفضل
ياسين .حمزه انت لسه هنا
حمزه .اه الباب اتقفل من الهواء وكنت نازل دلوقتي
ياسين.اصل نيفين تحت مش مبطله سوال عليك
حمزه .انا نازلها
ياسين .ماشي
حمزه .هو انت مش جاي معايا
ياسين .اطمن علي ماريا واقولها حاجه وهنزل
حمزه .يكتم غضبه ماشي عن اذنكم
يخرج حمزه بغضب من الغرفه
..... ......
نسمه .عمر انا اسفه انا مش عايزه اشوفك كده
عمر. انا اللي اسف حقك عليا
نسمه .هو انا ليه بشوفك حزين كده يا عمر خلاص معلش بكره سلوي ربنا يعوضها
عمر .ان شاء الله
تقرب نسمه من عمر فيك ايه بس فك شويه
عمر .مش قادر يا نسمه حاسس ان ربنا بينتقم مني علشان اللي عملتو قبل كده
نسمه .وانت عملت ايه يخليك حاسس بذنب اوي كده
عمر .بتردد انا
نسمه .قول متخافش كل ده فات وانا مش هزعل بس اهم حاجه خرج من جواك
عمر .انا ظلمت ماريا
نسمه .نعم ازاي
عمر .امي عملت حوار عليها علشان اخد الدهب وافسخ الخطوبه وانا مش خسران مش هنكر إن انا مكنتش عايزها بس مكنتش عايز أفسخ الخطوبه كده
نسمه .يعني امك عملت ايه علشان تفسخ الخطوبه
عمر .بتردد قالتي اقولها ان هي عزماها علي الغداء وقبل ما تيجي دخلت عندكم تقعد معاكم وفي الوقت ده جت ماريا فتحت الباب ودخلت اقعدت معايا ولما سالت عليها قولتلها ان هي مش هنا قامت وقبل ما تمشي دخلت امي وقالت لها انتي ايه اللي جابك هنا يتكلم بحزن قالتلها اقلعي الدهب علشان معملش ليكي فضيحه وقول إن انا دخلت لقيتك معاه لوحدكم
نسمه . بصدمه وبغضب ايه ذنب البنت الغلبانه اللي عمرنا مشوفنا منها حاجه وحشه ان هي تطعن في سمعتها انتو ايه يعني انتو ممكن تعملوا معايا حاجه زي كده
عمر . اهدي يا نسمه انتي مستحيل حد يعمل معاكي كده علشان انا بحبك وامي كمان بتحبك هي وسلوي بيحبوكي اوي ده حتى امي كلمتني وقالتلي نروح عندها بكره عزمانا علي الغداء وقالتلي إن انتي وحشاها اوي ثم انا قولتلك ان انا مكنتش موافق علي تصرف امي ده خالص
ثم امي ماقلتش لحد عليها حاجه وحشه غير ل
حافظ
نسمه .هو حافظ ده شويه ده واحد كان بيعذبها ليل ونهار حرام والله ده ظلم
..............
ياسين . اهو سبت الباب مفتوح كنت عايز أسألك علي حاجه
ماريا .اتفضل
ياسين .هو انتي مالك كنتي زعلانه من حاجه
ماريا .لا ابدا مش زعلانه من حاجه انا بس مكنش ليا نفس اتغدا مش اكتر
ياسين .طب انا مرضتش اتغدا ممكن نتغدا مع بعض
ماريا .صدقني مش قادره اكل حاجه شكرا يا ياسين
يرن تليفون ماريا
ماريا .معلش ممكن ثواني
ياسين.اتفضلي
...........
ينزل حمزه من علي سلم الفيلا والغيره تاكل في قلبه
نيفين .كل ده يا حمزه
حمزه .ها
نيفين .في ايه مالك بقولك كل ده انت مش عارف ان انا تحت مستنياك
حمزه .عايزه حاجه يا نيفين بتسالي عليا ليه ثم هو فين ايمن وبابا
نيفين .بدلال تقرب من حمزه جوه في الصالون بيشربو الشاي ومعاهم عمتو
حمزه .يبتعد خطوه للخلف طب وانتي مش معاهم جوه ليه
نيفين .تقرب من حمزه اكتر مستنياك
حمزه .اقفي مكانك يا نيفين
نيفين . بغضب هو انت ليا مش حاسس بيا انا تعبت انا بقرب ليك وبستحمل كل حاجه بتقولها ليا وعمري ما فكرت ازعل منك انا فيا ايه مش عجبك انت ليه بتعمل معايا كده
حمزه . علشان مش حاسس اتجاهك بأي حاجه افهمى يانيفين انا مش شايف غير ان انتي بنت خالي بس كده مش اكتر
نيفين .وانا مش عارفه اشوفك غير ان انت الإنسان الوحيد اللي حبيته
حمزه.ودى مش مشكلتي يا نيفين انا قولتها ليكي كتير انا عيني مش عارفه تشوفك قلبي مش قادر يحس بيكي
نيفين .ليه بس حاول يا حمزه ارجوك
حمزه .ابعدي يانيفين عني ارجوكي انا الطريق ليا صعب
نيفين .وانا مش هيأس هفضل وراك لحد ما خليك تحس بيا
حمزه .عن اذنك يا نيفين
نيفين . بغضب انت طالع فوق ليه تاني
حمزه .بنفاذ صبر هشوف ياسين
نيفين .انا جايه معاك
حمزه .بلاش يانيفين انا هشوف ياسين وهنزل بسرعه
.............
ماريا .الو
مها.عامله ايه
ماريا .مال صوتك انتي تعبانه ولا ايه
مها. لا ابدا بس مخنوقه شويه
ماريا .ليه كده حصل حاجه
مها.سبت الشغل
ماريا .بجد ليه كده
مها.مش قادره استحمل الرزاله بتاعته تعبت منه اوي ماريا .طب هتعملي ايه دلوقتي
مها .مش عارفه مش مهم انا دلوقتي المهم انتي عامله ايه وحشاني اوي
ماريا .الحمد لله انتي وحشاني اكتر والله
مها .انا قولت اطمن عليكي
ماريا .انا بخير الحمد لله ممكن اكلمك شويه كده
مها.خلاص ماشي هستنى منك تليفون
ماريا .ماشي سلام
ياسين .هي دي صحبتك اللي انا خبطها
ماريا .اه هي
ياسين .طب انتي مالك زعلتي ليه كده قالتلك حاجه تزعلك
ماريا . اه سابت الشغل بتاعها
ياسين .طب وده يزعلك اوي كده
ماريا .ايوه ما هي ولدتها تعبانه اوي وهي بتصرف عليها
ياسين .طب هي معاها شهاده ايه
ماريا .هي اكبر مني بسنه ومعاها بكالوريوس تجاره
ياسين .طب ده كويس اوي احنا عايزين في الشركه ناس تشتغل
ماريا .بفرحه بجد
ياسين .اه والله بجد
ماريا .شكر اوي يا ياسين
يمسك ياسين يد ماريا انا هنزل اقول لبابا واخلي حد يحط الاكل في الجنينه وننزلك نتغدا مع بعض وبلاش تقولي لا علشان خاطري ثم انا هحاول اعمل اي حاجه تخليكي مبسوطه اوي كده
تتصدم ماريا من ياسين
يدخل حمزه في هذه اللحظه ويسمع اخر كلام ل ياسين
.............
حافظ .فوقي بقه زهقتيني
مديحه .تفوق بصعوبة
يرميها حافظ علي الارض بزهق
مديحه .بصوت ضعيف طلقني يا حافظ انا كرهت العيشه معاك
حافظ .وانا موافق اني اطلقك بس بشرط.
مديحه. ايه هو علشان عايزه اخلص من العذاب اللي انا في ده
حافظ .تقولى للبت ماريا تيجي هنا وانا اوعدك اني اطلقك
مديحه. بصوت ضعيف حرام عليك عايزه منها ايه تاني بس
حافظ .ملكيش دعوه اللي بقولو ليكي ده قصاد انك تخلصي من العيشه اللي مش عجباكي دي
....................
عمر .نسمه افتحي الباب
نسمه .تفتح الباب وتقعد علي السرير.
عمر .يعني انا غلطان اني اتكلمت معاكي يعني يوم ما اتكلم معاكي الاقى منك التصرف ده
نسمه .اعذرني يا عمر اتخنقت لما عرفت ان حصل كده مع ماريا
عمر . عذرك يا حبيبتي بس المفروض لما اتكلم معاكي الاقيكي بتوسيني علي غلطه عملتها لكن. مش تبعدي عني اوي كده
نسمه .تحضن عمر حقك عليا يا عمر انا اسفه
عمر .انا اللي اسف علشان زعلتك الايام اللي فاتت دي معلش حقك عليا وكمان انا اول ما هشوفها هعتذرلها علي اللى حصل مني
نسمه .ياريت يا عمر تعمل كده
عمر .اكيد هعمل كده وحضري نفسك بقه علشان بكره هنروح لماما
نسمه .حاضر
..............
يخرج ايمن هو فين ياسين
نيفين .فوق
ايمن .طب انتي وقفه هنا ليه
نيفين .مستنيا حمزه
ايمن .هو حمزه كمان فوق
نيفين .اه لسه فوق انا هطلع اشوفو
ايمن داخل نفسه نهار اسود لا
نيفين .هو ايه اللي لا
ايمن .قصدي يعني انا نفسي اتمشي مع حد واتكلم معاه ممكن نتمشى مع بعض
نيفين .لا مش ممكن
ايمن .معلش لو سمحتي انا عارف اني رخم شويه بس أنا سألت علي احسن نادي ممكن اشترك فيه راح عمي سالم قالي احسن وحده تقولك هي نيفين وانا عندي عشم بردو نشرب انا وانتي حاجه في الجنينه ونتكلم مع بعض لحد ما ياسين وحمزه ينزلو ممكن اكيد هتقولي ممكن ودي حاجه تسعدني اوي
نيفين .دمك تقيل اوي
ايمن .عارف ممكن تقولي لحد يعملنا قهوه بقه
نيفين .لا مش هقول لحد حاجه
ايمن . مش مشكله نروح انا وانتي نقولهم
نيفين .انت سمج اوي
ايمن. شكرا جدا
.................
ماجده .بكره اخوكي جاي يتغدا معانا
سلوى .ماشي يعني اعمل ايه ما يجي
ماجده .يعني تتعملي كويس معاه ومع مراته علشان اخوكي
سلوي .ان شاء الله
ماجده .ما انا عارفه ان هو ان شاء الله اللي بقولك عليه اسمعيه عايزين نعاملها حلو لحد ما اخوكي حتى يسافر
سلوي .ليه يعني نعاملها حلو دي بت سوسه وحربايه
ماجده . ماشي الكلام ده نقولو انا وانتي مع بعض لكن قدام اخوكي المعامله الحلوه علشان لو ضيقتنا في حاجه نضايقها احنا كمان علشان لو قالتلو دول عملو معايا حاجه ميصدقش علشان احنا كويسين معاها
سلوي .ايوه صح عندك حق
........
ياسين .عن اذنك انا هنزل اعمل زي ما قولتلك
وهطلع اخدك
ينظر حمزه لماريا ويمشي
ماريا .بصوت ضعيف حمزه استنى
يقف حمزه بغضب نعم
ماريا .مالك
حمزه .مافيش حاجه
ماريا تمسك حمزه انا اتصدمت من تصرف ياسين والله
حمزه . بحزن عارف
ماريا .طب طالما انت عارف زعلان من ايه بقه
حمزه .مافيش حاجه يا ماريا سبيني دلوقتي
ماريا . تمسك ماريا حمزه تاني الأسلوب ده ارحمني انا عايزه اعرف في ايه
حمزه .عن اذنك
تسند ماريا علي الكرسي تقوم تقف وتمشي علي رجل وحده وتقفل الباب بالمفتاح
حمزه .ماريا افتحي الباب ياسين ممكن يطلع
ماريا.انا ميهمنيش اي حد دلوقتي انا عايزه اعرف في ايه انا بشوف في عيونك حب ليا اكيد مش هكدب احساسي
يسكت حمزه ولم يرد
تقترب ماريا من حمزه انت ايه هو انت في لحظه تقرب وفي لحظه تبعد انا مش فاهمه حاجه اتكلم رد عليا قولتلهم ليه ان انت متعرفنيش بتزعل ليه لما تشوف ياسين قاعد معايا
انت ساكت ليه رد عليا ارحمني بقه انا تعبت ومش فاهمه انت بتعمل معايا كده ليه
يقرب حمزه منها طب اهدي وانا هقولك كل حاجه
ماريا .مش عايزه اهدا قولي في ايه يخليك كده
يقرب حمزه منها علشان خاطري اهدي دلوقتي وانا هبقه اقولك لكن مش هينفع دلوقتي نتكلم
ماريا .ليه مش هينفع
حمزه بحزن علشان ياسين ممكن يجي في أي وقت
ماريا .طب انا فين عندك انا مش قادره استحمل دماغي وجعتني من التفكير مش عارفه انت بتعمل معايا كده ليه
يقرب حمزه منها ويمسح دموعها بس خلاص وحياتي عندك انا انهارده هقولك كل حاجه
ماريا .بجد
حمزه .بجد بس لازم أخرج دلوقتي ممكن المفتاح
ماريا . بضعف المفتاح في الباب انت مش واخد بالك
حمزه .بضعف هتصدقني لو قولتلك ان انا مش شايف اي حاجه غيرك عن اذنك
يفتح حمزه الباب وينزل علي سلم الفيلا
سالم .انت فين يا حمزه كل ده
حمزه .ها كنت في الأوضه بتاعتي
سالم .طب ايمن سايبو هنا وقاعد فوق
حمزه .ايمن مش غريب يا بابا
سالم .انا عارف يابني بس ممكن يتكسف يتحرك براحته علشان في بنت هنا في البيت
حمزه .هو فين دلوقتي
سالم .شوفته بره في الجنينه مع نيفين
حمزه .طب انا رايح اشوفو
سالم ماشي يا حبيبي
ياسين .ها يا بابا ايه رايك
سالم .انا قولتلك يا حبيبي الشركه شركتك انت واخوك اعمل اللي انت عاوزه وطلما البنت كويسه ليه لا بس انا عندي وجهة نظر
ياسين .اتفضل حضرتك
سالم .ايه رايك تخليها سكرتيره ليك
ياسين .بس انا مش عايز سكرتيره
سالم .لا انت ليك مكتب فا اكيد هيكون ليك سكرتيره وده احسن ليك
ياسين .ماشي اللي حضرتك تشوفو
طب انا هطلع اجيب ماريا علشان تنزل تتعشا بقه علشان متغدتش معانا
سالم .سيبها انت سيده هتطلع تديها الاكل لحد.عندها
ياسين .يابابا انا وعدتها
سالم .اسمع كلامي يا سين لو سمحت
...............
Rofaidaبقلم
حمزه .ايه يا ايمن مش هتغير هدومك
ايمن .اه ياريت بس الكلام خدني مع الانسه نيفين
نيفين .انت كل ده بتشوف ياسين
حمزه .لا كنت في الأوضه بتاعتي
نيفين .بتعمل ايه كل ده
حمزه .يعني واحد في الأوضه بتاعتو هيكون بيعمل
نيفين .بيستريح شويه صح
حمزه .طب اديكي قولتي
نيفين .بتستريح بهدومك وكمان في ناس في بيتك ازاي يعني تسيبهم وتطلع تستريح شويه
حمزه .هو تحقيق يا نيفين
ايمن .خلاص يا جماعه اهدو شويه كمان الوقت ابتداء يتأخر ممكن اوصلك لو تحبي
حمزه .اه طبعا تحب توصلها وتعالى تاني علشان عايزك
نيفين .لا انا همشي لوحدي وبكره الصبح هكون هنا
حمزه .ليه
نيفين .هو ايه اللي ليه هاجي اشوف عمتو ممكن لو سمحت
حمزه .بهدوء اه طبعا ممكن بس ياريت فعلا تكوني عايزه تشوفي عمتو بس
نيفين .بغضب سلام يا حمزه
ينظر ايمن.لحمزه
ايمن . عنيف اوي انت حمزه انا بكلمك مالك فيك ايه
حمزه .ماريا يا ايمن
ايمن .مالها بصراحه يا حمزه البنت تتحب حلوه اااااااااااااااوي ومحترمه لا بجد حلوه من في كل حاجه
حمزه . بغضب ايمن لو سمحت بلاش الكلام ده
ايمن . خلاص ياعم حقك عليا طب مالها ماريا في ايه
حمزه .عايزاني اقولها بتعامل معاها كده ليه
ايمن .وانا سيبك كل ده وفي الاخر مقولتلهاش حاجه
حمزه . مش عارف اقولها عايز اتكلم معاها ومش عارف
ايمن.قولها يا حمزه البنت علي فكره بتحبك وده باين اوي من نظرتها ليك انا مش عارف الطور اللي فوق ده ازاي مش واخد باله انا راي انك تقولها ان انت كمان بتحبها
ويلا من دلوقتي روح اتكلم معاها وانا هطلع انام احسن انا تعبان اوي ومش قادر انا هروح انام مع ياسين
حمزه .ليه يعني ما انت طول عمرك بتنام معايا ايه التغيير ده
ايمن . يا دكتور حمزه انا هعمل كده علشان مخليش استاذ ياسين يشوفك وانت عند ماريا
...........
سالم . سيده
سيده .نعم
سالم .حضري عشا وطلعيه فوق في غرفة ماريا
سيده .حاضر
ينظر سالم لعفاف مالك فيكي ايه
عفاف .تعبانه شويه
سالم .تعبانه عندك ايه انتي مش بتتكلمي خالص
عفاف .مش قادره اتكلم يا سالم صدقني تعبانه وعايزه اطلع استريح شويه
سالم .انا اول مره اشوفك كده
عفاف .معلش سامحني عن اذنك هطلع انام
سالم .استني انا جاي معاكي انا كمان تعبت انهارده وعايز استريح وبكره لينا كلام مع بعض
............
يصعد ايمن لغرفت ياسين
ياسين .انت ايه اللي جابك هنا
ايمن .ايه ياعم مالك هو ده الترحيب بتاعك
ياسين .مش قصدي بس انا مستغرب انت لما بتنزل مصر بتقعد مع حمزه ٢٤ساعه فمستغرب ان انت جاي تقعد معايا وسايب حمزه
ايمن .لا انا مش هقعد بس انا هنام
ياسين .نعم انت اكيد بتهزر
ايمن .لا والله ابدا انا تعبت من القاعده مع حمزه قولت اجي اقعد معاك
ياسين . اتفضل اقعد
ايمن .اقعد كده
ياسين.يعني ايه مش فاهم
ايمن .يعني يا بنى ادم انت عايز هدوم ألبسها
ياسين .وفين هدومك ان شاء الله
ايمن .ياعم في الفندق يعني هدخل عليكم الشركه بشنطة هدومي
ياسين .خلاص اهو التيشرت والبنطلون اتفضل خش
غير هدومك
ايمن .لا انا هغير هنا
ياسين .نعم ده اللي هو ازاي
ايمن .ايوه انا هغير هنا وانت ادخل الحمام انا الدكتور قالي متغيرش هدومك في الحمام
ياسين .الدكتور هيقولك كده
ايمن .ايوه انت هتعرف اكتر من الدكتور
ياسين .طب خلص في يومك الزفت ده
ايمن .ماشي حاضر اتفضل انت في الحمام وانا لما هخلص هقولك
ياسين .ماشي حاضر لما نشوف اخرتها معاك
يمسك ايمن التليفون يكتب رساله حمزه في الحمام أخرج روحلها بقه وانجز ابوس ايد امك انا هموت ونام
.............
تخبط سيده علي الباب ماريا بحزن اتفضل
سيده .اتفضلي يا ستي الاكل.
ماريا .مليش نفس
سيده .دي اوامر الاستاذ الكبير إن اطلع لحضرتك الاكل .
ماريا .شكرا
سيده .عن اذن حضرتك
تخرج سيده وبعد ها يدخل حمزه
تنتفض ماريا
حمزه .بهدوء مالك اهدي
ماريا .اتخضيت اكيد جيت علشان نتكلم صح
حمزه .جيت علشان اتكلم معاكي
ماريا . ممكن تساعدني اقوم من علي السرير علشان نعرف نتكلم
حمزه .لا ملوش لزوم تقومي انا هتكلم معاك شويه وهقوم انا عارف ان انا كنت قاسي عليكي لما كنا في المستشفى بس صدقيني كان غصب عني والله انتي عارفه يعني ايه احساسي لما اشوف اخويا بيحب نفس البنت اللي بحبها
ماريا .بصدمه ايه
حمزه .ايوه يا ماريا ياسين بيحبك من ساعة ما خبط صحبتك بالعربيه من ساعتها وهو مش بيفكر غير فيكي
ماريا .بذهول علشان كده كان بيقف يستناني
حمزه .اه كان بيقف علشان يشوفك ويتكلم معاكي يوم ما خبطك بالعربيه لقيتو بيقولي هي ياحمزه قلبي اتكسر لما عرفت ان انتي البنت اللي اخويا بيحبها
تقوم ماريا من علي السرير بضعف
يقترب منها حمزه قولتلك استريحي
ماريا .انا مليش ذنب يا حمزه انا مش بحب ياسين
حمزه .عارف بس كان لازم اعاملك كده كنت عايزك تحددي شعورك انا مكنتش اعرف ان انتي يعني
ماريا .ان انا بحبك
يقترب منها حمزه بضعف وانا كمان بحبك بس مش عارف اعمل ايه
ماريا .قول ل ياسين
حمزه. بحزن مش قادر اقولو حاجه مش هينفع
ماريا .بانفعال يعني ايه مش هينفع
حمزه .افهمي صعب عليا اقول حاجه زي كده
ماريا .يعني ايه هتسبنا كده
حمزه .مش عارف ومش قادر اسيبك ولو لحظه واحده يقترب منها باشتياق يقترب من شفايفها
ماريا .بجمود ابعد عني ياكتور حمزه واخرج بره لو سمحت
.............
