تتجمع الناس
ياساتر يارب يسحبو ياسين خارج العربيه
ومن جه آخره يسحبو حمزه هو وماريا
ياسين .بصوت ضعيف انا كويس المهم هما شوفوهم
ـ كويس ايه بس يابني ده انت جسمك كلها بينزف
ياسين .بصوت ضعيف ارجوكم شفوهم هما
..............
مديحه.مها هي ماريا جنبك يابنتى
مها .لا والله يا طنط انا روحت وسبتها هي كمان كانت ماشيه وهتبات في الفيلا
مديحه .ماشيه هي كانت فين
مها .هو حضرتك معرفتيش أن استاذ سالم جاتله جالطه ودخل المستشفى
مديحه .يالهوي والله يابنتي مكنش قصدي ان يحصل كده
مها .حضرتك ملكيش ذنب في حاجه
مديحه .انا خايفه اروح تاني يابنتي
مها.مافيش داعي حضرتك تروحي أنا هبقه اطمن حضرتك
مديحه .لما تشوفي ماريا قوللها يابنتي إن انا مكنش قصدي اعمل فيها كده قوللها إن كان غصب عني
مها .بكره كل حاجه تتصلح يا طنط أن شاء الله
مديحه .يارب يابنتي يارب انا مليش غيرها دلوقتي انا اللي ربتها دي بنتي
مها .عارفه والله بس الصدمه كانت صعبه عليها فا اعذريها
مديحه .عذراها يابنتي ومقدره اللي هي فيه بس كان غصب عني كان لازم اقولها انا مكنتش مطمنه أن اعيش ليها تاني كنت خايفه لما اموت يموت معايا سري وتفضل فاكره ان هي ملهاش أهل تتسند عليهم مها .انا فاهمه كل ده ومقدره اللي حضرتك بتقوليه وان شاء الله خير
............
يمسك ايمن التليفون يتصل بحمزه ولكن لما يجد رد
ايمن داخل نفسه ايه كل ده يا حمزه
يعاود الاتصال اكتر من مره ولكن لما يجد رد ايه ده هو في ايه يتصل بياسين وبرضه لما يجد رد
الو مها
مها .الو
ايمن .انا اسف عارف ان الوقت متاخر اوي بس كنت عايز أسألك انتي متعرفيش ياسين فين
مها .مش عارفه هو وصلني وقال هيروح يشوف استاذ حمزه ويمشي معاه
ايمن .هو قالك كده
مها .ايوه
ايمن .مها اتصلي دلوقتي بماريا وشوفي فين حمزه عقبال ما انا اكلم نيفين
مها .حاضر
يقفل ايمن ويتصل بنيفين
ايمن . نيفين
نيفين .ايوه يا ايمن
ايمن.فين حمزه يا نيفين
نيفين .هو حمزه لسه موصلش عندك انا سبته مع ماريا قدام المستشفى ومشيت
ايمن.حمزه مش بيرد علي التليفون ولا ياسين
نيفين .استرها يارب اقفل يا ايمن انا دقيقة وهكون قدامك ونشوف الموضوع ده
يقفل ايمن وتتصل مها
مها.ماريا التليفون بتاعها مقفول
ايمن.مقفول ازاي
تدخل نيفين وعفاف المستشفى
نيفين .عرفتي عنهم حاجه يا ايمن
ايمن .لسه
ولكن يتصدم ايمن ويقع منه التليفون وينظر خلف نيفين حمزه
ايمن .بانفعال هو في ايه حمزه ماله ياسين رد عليا
الدكتور .بعد اذنك المريض في حاله خطر جدا
تتصدم نيفين وتصرخ عند رؤية ماريا
عفاف . ياسين ايه اللي عمل فيك كده ياسين
الدكتور. لو سمحتم مينفعش كده الدكتور بغضب بسرعه حضرو اوضه العمليات
ايمن .عمليات ليه رد عليا
الدكتور .المريض ده في حاله خطر ادعوله
ينظر ايمن لياسين بغضب حصل ايه رد عليا حمزه لو حصله حاجه انا مش هخليك تعيش انت كمان ياسين والله لهخليك تندم ندم عمرك
تبكي عفاف استني يا ايمن انت مش شايف هو كمان حالته ايه وشكل عامل ازاي
ينظر ايمن لها بغضب شديد للدرجه دي مش همك حمزه انتي ازاي كده ابنك مهما كان في ايه بس واقف قدامك يا عفاف هانم لكن حمزه بيموت وانا واثق أن انتى السبب في اللي وصل ليه حمزه ده
يرجع ياسين للخلف ويقعد علي الكرسي ويضع يديه فوق رأسه
الممرضه تعالى معايا حضرتك هنعمل ليك شويه فحوصات
ينظر لها ياسين وتنزل الدموع من عنيه مش مهم انا المهم هما
...............
تفوق سلوي من البنج
سلوي .ماما
ماجده .بصوت مخنوق من كتر الدموع نعم يا سلوي
سلوي .هو في ايه انا مش شايفاكي ليه
ماجده .بتردد اصل العمليه اللي انتي عاملتيها بيكون أثرها كبيره يومين وهتكوني احسن
سلوي .بغضب ازاي انا بقولك مش شايفه خالص مش عنيه مزغللة انا شايفه الدنيا سوده هو في ايه ردي عليا
تسكت ماجده ولم ترد
سلوي .حد يرد عليا ردي قوليلي انا فيا ايه
ماجده .اهدي يا بنتي مينفعش كده انتي لسه عامله العمليه
تصرخ سلوي انا عميت عميت خلاص يعني مش هشوف تاني ردي عليا مش هشوف
ماجده. دكتور لو سمحت الحقني
الدكتور .اهدي خالص اهدي حقنه مهدأة بسرعه
تجري الممرضه
عمر .اهدي يا سلوي اهدي
سلوي .عقابك كبير اوي عليا يارب اه
يمسك الدكتور الحقنه اهدي يمسكها عمر
تنظر سلوي لعمر سامحني يا عمر تقع يديها وتنام
الدكتور .انا إتدتها الحقنه تهدي أعصابها وفيها منيم فسبوها تستريح شويه
................
تدخل مها المستشفي وتنظر علي شكل ياسين
تجري عليه مها ايه ده انت حصلك ايه
دكتور هنا بسرعه
ينظر ايمن لمها
الممرضه .حضرتك هو مش عايز يتحرك علشان نفحصه
مها .ليه مش عايز تقوم انت مش شايف شكلك عامل ازاي والدم نازل من كل حتة في جسمك
تنظر حولها ولكن لم تجد حمزه وماريا
هو فين استاذ حمزه لو كان موجود مكنش خليك تقعد كده
يرتفع صوت بكاء ياسين
مها .هو في ايه هما فين تجري مها علي ايمن هي فين ماريا
ينظر لها ايمن ماريا وحمزه في اوضه العمليات
مها .ليه
ايمن .حادثه
تصرخ مها باسم ماريا وتبكي وتقعد علي الارض من كتر الانهيار
يخرج الدكتور بعد ساعات من العمليه
ايمن .ايه
الدكتور .احنا عملنا اللي علينا ادعولهم
المريض اللي جوه دعوتكم ليه احنا عملنا كل اللي نقدر عليه معاه بس هو حالته خطر و المريضه اللي معاه حالتها افضل بكتير منه لكن هو اللي حالته خطر
يخرج حمزه من اوضه العمليات تجري نيفين وياسين
يمسك ايمن يد حمزه وينهار اجمد ياحمزه انا مش يهمني الدكتور قال ايه انا واثق أن ربنا مش هيوجعنى فيك يا صاحب عمري لو حصل حاجه يا حمزه انا هتمنى من ربنا ان اموت
يمسك ياسين يد حمزه ولكن كانت يد ايمن مانعه ليه
ايدك متتحطش عليه
الدكتور .كل ده غلط لازم المريض يتحط دلوقتي علي الجهاز
وتخرج ماريا خلف حمزه
تنظر نيفين لها وتنهار من البكاء
تبكي مها ماريا انتي سامعاني
ماريا .بصوت ضعيف ولما تستطيع تفتح عيونها حمزه فين
نيفين.حمزه كويس متخافيش يا ماريا وهيكون احسن لما يشوفك قايمه بالسلامه
..............
احسان . الدكتور كتبلها علي خروج في قسم الحسابات
ـ حساب حضرتك مدفوع كامل
احسان . مدفوع
ـ ايوه مدفوع بالكامل
تسكت احسان وتفتكر كلام ايمن
احسان .يبقه هو اللي دفع
نسمه .مين ده اللي دفع الفلوس
احسان .الشاب اللي جابك هنا يابنتي انا لازم ارد ليه الفلوس مديحه عارفها هبقا اسالها هو مين وروح اشكره ده مسك الزفت عمر انا مش عايزه أفكرك بيه بس مسكوه ضربوه وجابك هنا انتي كمان يا بنتي لما تشوفيه اشكريه
............
ما تقعد يا عمي مالك كده رايح جاي
ــ سبني في حالي ياما نفسي اعرف مين الكلب اللي جابني هنا
ياعم محدش جابك هنا ولا حاجه هي الحكومه اللي كانت شده حالها اليومين اللى فاتو
ـ لا انا واثق أن هي بتدبير حد وحتى كمان الوليه ما صدقت ولا حتى جت تسال عليا ولا لحظه
ما كمان زيك يا خويا اهو
ـ والله ما هسيبك يا مديحه
..................
مديحه .احسان تعالي يا حبيبتي اتفضلي
احسان. انا جايه بس اقعد معاكي يومين زي ما انتي كنت عايزه
مديحه .انا يا احسان مليش حد يقعد معايا في المكان ده وأنا بتمنى أن احنا نقعد كلنا مع بعض هنا وماتمشيش تاني وكمان علشان نسمه نفسيتها تكون كويسه تعالي يا نسمه في حضني عوضيني يابنتي عن زعل ماريا مني
تحضن نسمه مديحه وتبكي مديحه بحرقه
احسان .في ايه بس يا مديحه اهدي كده يا حبيبتي واحكي حصل ايه
تقعد مديحه وتحكي ماصدر منها اتجاه ماريا
احسان . ياحبيبتي يابنتي يعني ماريا طلع ليها أهل
بس انتي الصراحه غلطانه يامديحه دي شافت العذاب كله علي قيد حافظ
مديحه .كان غصب عني يا احسان
احسان .طب كلميها اطمني عليها
مديحه .كلمت مها صاحبتها وقالتلي إن سالم تعبان قولت أن دي فرصه ليا علشان اكلمها بس تليفونها مقفول
احسان .طب اتصلي تاني بمها اطمني
مديحه. ما انا كنت لسه هعمل كده
ترفع مديحه التليفون الو يا مها عامله ايه معلش يابنتي انا كل شويه اكلمك اعذروني انا كنت عايزه اسالك علي ماريا تسكت مها سكوت طويل
مديحه .مها انتي معايا يابنتي
مها بصوت مخنوق من آثار البكاء ماريا عملت حادثة وهي في المستشفى
تصرخ مديحه بسم ماريا وتجري وتخرج خلفها احسان ونسمه
........
ايمن .هي حالته ايه يا دكتور صارحني الله يخليك
الدكتور .ينظر للأرض انا مش هكدب عليك احنا حطينه في العنايه مؤقتا لكن هو علميا فى لحظاته الأخيرة لكن ارجع واقولك الاعمار في ايد ربنا
يصرخ ايمن باسم حمزه ويبكي لا مستحيل حمزه لا ترجع نفين لي الخلف وتنهار لما تتوقع أنه ستكون هذه هي النهايه
............
